Monywa prison မုံရွာအကျဉ်းထောင်
ကျွန်တော်က ၁၉၇၃-၇၄ ခုနှစ် မုံရွာဆေးရုံမှာ လက်ထောက်ဆရာဝန်တာဝန်ကျစဉ်က မုံရွာထောင်ကို အလှည့်ကျ သွားကြည့်ပေးခဲ့ရဘူးတယ်။
ကျွန်တော်က ၁၉၉ဝ မှာ စင်ပြိုင်အစိုးရဖွဲ့ရေးလုပ်လို့လာဖမ်းတော့ လွတ်မြောက်ပြီး တိုင်းပြည်ကနေထွက်ပြေးတဲ့အတွက် ကျွန်တော့်ဇနီးကို ခိုးမှုပုဒ်မတပ်ပြီး မုံရွာထောင်ထဲမှာတလ ထိန်းသိမ်းစစ်ဆေးခဲ့တယ်။ မေးတော့ ကျွန်တော့်ကို လွတ်မြောက်အောင် ဘယ်သူတွေကကူညီကြသလည်း။ ကူညီသူတွေနဲ့ အမျိုးတွေ စုစုပေါင်း(၇) ယောက်ကိုလည်း မုံရွာထောင်မှာပဲ လတွေနဲ့ချည်ပြီး ထိန်းသိမ်းစစ်ဆေးပါတယ်။ အဲဒီအတွက်နဲ့ပဲ ကျွန်တော့်ညီအရင်းကို မုံရွာထောင်မှာ (ဗကပ) ပုဒ်မတပ်ပြီး ထောင်လေးနှစ်တိတိချပါတယ်။
သူတို့တတွေကတော့ မုံရွာထောင်ကို စိတ်ကူးထဲမှာတောင် မထည့်ချင်ကြလောက်ပါ။ ကျွန်တော်ကတော့ မုံရွာထောင်ထဲသွားပြီး ဆေးကုပေးချင်မိတယ်။ ထောင်ထဲကရောဂါဝေဒနာတွေကို ကျွန်တော် ကောင်းကောင်းသိပါတယ်။
ဒေါက်တာတင့်ဆွေ
၁၇-၄-၂ဝ၁၆
Monywa jail မုံရွာထောင် http://doctortintswe.blogspot.com/2016/01/monywa-jail.html
Comments
Post a Comment