Cardinal bird ငှက်နီ
မနေ့ကတော့ မောင်ပင်နီတင့်ဆွေကို ငှက်စာကျွေးခိုင်းတယ်။ နေ့တိုင်းတော့ ကိုယ်တိုင်ကျွေးတယ်။ ကျွေးတဲ့သူမှ အခန်းထဲပြန်မရောက်ခင်မှာ အရင်ဆုံးလာစားတဲ့အကောင်က ငှက်နီလေးပဲ။(အင်ဒီယာနာ) ပြည်နယ်ငှက်တဲ့။ Cardinal bird လို့ ခေါ်တယ်။ Northern Cardinal နဲ့ Bright Red Fierce Defender လို့လည်းခေါ်တယ်။ ၈ လက္မအလျားရှိတယ်။ ၄၅ ဂရမ်လေးတယ်။ အစာ ၉ဝ% က အစေ့အဆံတွေ၊ အသီးတွေ၊ ပေါင်းပင်တွေဖြစ်တယ်။ သူ့နယ်ထဲကို တခြားငှက်တွေ ကျူးကျော်လာရင် အထီးတွေက တိုက်ထုတ်တတ်တယ်။
အစာလာစားကြတဲ့ ငှက်တွေကို ဝါညိုညို အမြီးဖါးဖါး ရှဥ့်တကောင်က တွင်ကျယ်တယ်။ ငှက်စာအိမ်ကြိုးကိုက်ဖြတ်ချလို့ သွပ်နန်းကြိုး လဲထားရတယ်။ အစာလာစားကြတဲ့ စာကလေးတွေကို သူက ခြောက်လှန့်သေးတယ်။ ငယ်ငယ်ကကိုင်ခဲ့တဲ့ သားရေဘတ်ဂွကို သတိရမိတယ်။
ဒေါက်တာတင့်ဆွေ
၁၈-၄-၂ဝ၁၆
Comments
Post a Comment