Tuesday, April 26, 2016

Lupride Injection

ဆရာရှင့်ကျွန်မ အသက် ၂၇ ပါ။ အိမ်ထောင်မရှိပါ။ လွန်ခဲ့တဲ့ ၁ နှစ်ကျော်လောက်က ဗိုက်အရမ်းနာလို့ Ultrasoung ရိုက်ကြည့်တော့ Endometriosis ရောဂါဖြစ်နေပြီ။ 5 cm လောက်ရှိပါတယ်။ ခုဆေးသောက်တာမပျောက်လို့ Lupride ကို တလတစ်လုံး ၄ လဆက်တိုက်ထိုးရမှာပါဆရာ။ ကျွန်မသိချင်တာက Lupride ဆေးအကြောင်းလေးသိချင်လို့ပါ ဆရာ။ ရောဂါသက်သာဖို့ထိုးရတာလားရှင့်။ ဘာအတွက်လုပ်ပေးတဲ့ဆေးလဲသိချင်လို့ပါဆရာရှင့်။ လေးစားစွာဖြင့် အဝေးမှ ဆရာ၏လူနာရှင် တစ်ဦး။

ဆေးနာမည်ရင်းက Leuprolide Acetate ဖြစ်တယ်။ အမျိုးသမီးတွေမှာဖြစ်တဲ့ Endometriosis သားအိမ်ရောဂါတမျိုး အတွက် ထိုးပေးတယ်။ အဲဒီရောဂါဖြစ်ရင် သားအိမ်တစ်ရှူးတွေက မျိုးဥအိမ်၊ သားအိမ်ပြွန်လို သားအိမ်ပြင်ပနေရာတွေ ရောက်နေမယ်။ ဆေးပေးရင် နာတာသက်သာစေမယ်။ တာရှည်မပေးသင့်ပါ။ ဥပမာ တလ တကြိမ် ၆ လအထိသာ။ ဆေးမထိုးရတဲ့လမှာ ရာသီတွေအများကြီးဆင်းမယ်။ ရောဂါတူပေမယ့် လူတိုင်းနဲ့တော့ အဆင်မပြေပါ။

Gonadotropin-releasing hormone (GnRH) agonists အမျိုးအစားအုပ်စုဝင်ဖြစ်တယ်။ အဲဒီဟော်မုန်းက အမျိုးသမီး မျိုဥထွက်စေတဲ့ Gonadotrophin hormones ကိုတားဆီးတယ်။ ယောက်ျားတွေမှာ သုက်ပိုးထုတ်လုပ်ပေးတယ်။ androgen နဲ့ estrogen ဟော်မုန်းတွေကိုလည်း နည်းစေတယ်။ ဆေးကြောင့် အဲတာတွေ ပြောင်းပြန်ဖြစ်မယ်။

ဒီဆေးကို Sex hormone suppressor အမျိုးသမီးလိင်ဟော်မုန်းကိုဖိနှိပ်ပေးတဲ့ဆေးလို့လည်းခေါ်တယ်။ Uterine fibroids သားအိမ်အကျိတ်၊ Premature puberty အပျိုဖြစ်စောလွန်းတာကိုလည်းပေးနိုင်တယ်။ prostate cancer နောက်ပိုင်းရောက်နေတဲ့ ယောက်ျားဆီးကျိတ်ကင်ဆာကိုလည်းပေးတယ်။ Infertility သားသမီးမရနိုင်သူတချို့ကိုလည်း ပေးတယ်။ Breast cancer ရင်သားကင်ဆာတချို့ကိုလည်းပေးတယ်။

ဘေးထွက်ဆိုးကျိုးများ
အားနည်းနေမယ်။ ခေါင်းမူးမယ်။ စိုးရိမ်စိတ်ကဲမယ်။ အရေပြားကအထိမခံဖြစ်မယ်။ ခြေထောက်၊ မျက်နှာရောင်မယ်။ အမူအယာမူမမှန်ဖြစ်မယ်။ တက်စတိုစတီရုန်းဟော်မုန်းများနေမယ်။ အိပ်ရေးခက်မယ်။ စားချင်စိတ်ပြောင်းမယ်။ ကိုယ်အလေးချိန်ပြောင်းမယ်။ လိင်စိတ်ပြောင်းမယ်။ အဆစ်တွေ ကြွက်သားတွေနာမယ်။ ဆေးမတည့်သူ အလာဂျီ ရမယ်။ ဝက်ခြံထွက်မယ်။ စိတ်ဓါတ်ကျမယ်။ မွေးလမ်းကတခုခုဆင်းမယ်။ ရာသီမမှန်ဖြစ်မယ်။ တုပ်ကွေးမိသလိုနေမယ်။

Endometriosis (1) သားအိမ်ရောဂါ (၁) http://doctortintswe.blogspot.com/2014/11/uterine-fibroid.html
Endometriosis (2) သားအိမ်ရောဂါ (၂) http://doctortintswe.blogspot.com/2014/11/endometriosis-2.html
Endometriosis (3) သားအိမ်ရောဂါ (၃) http://doctortintswe.blogspot.com/2015/03/endometriosis-3.html

Dr. တင့်ဆွေ

No comments:

Post a Comment

Note: Only a member of this blog may post a comment.

Celebrity in Green ဆယ်လီ သို့မဟုတ် လီဆယ်

လူမှုရေးစည်းကမ်းအရ လူတဦး ကွယ်လွန်သွားရင် မကောင်းတာ ထုတ်မပြောအပ်ပါ။ နိုင်ငံရေးစည်းကမ်းအရတော့ ပြောချင်တယ်။ ပို့စ်တခု တွေ့တယ်။ ၈၈ ပြီးတော့ ...