Fish bone in the throat လည်ချောင်းထဲ ငါးရိုးစူးရင်

၁။ ကျွန်မ အသက် ၃ဝ ပါ။ လွန်ခဲ့တဲ့ ၁ဝ ရက်လောက်က ထမင်းစားရင်း ငါးဖယ်အကောင်သေး အရိုးမြတ်ပါတယ်ဆရာ။ ထုတ်လို့မရပါရှင့်။ ထုတ်မရလို့ မထုတ်ပဲ ထားလိုက်ပါတယ်။ ယခုချိန်ထိလဲ ထုတ်မရပါ။ မြတ်သလိုလို စူးသလို တခါတခါ ခံရခက်ပါတယ်။ အကယ်လို့ မထုတ်ပဲထားလို့ ကြာလျင် အနာဖြစ်နိုင်သည်၊ စိုးရိမ်ရသည်ဟု ပြောကြပါသည်။ မည်သို့ လုပ်ရမလဲ လမ်းညွှန်ပေးပါရှင်. အန္တရာယ်ရှိနိုင်ပါသလား ဆရာရှင့်။

၂။ ဆရာရှင့် ကျမလွန်ခဲ့တဲ့လေးရက်လောက်က ငါးစားရင်းအရိုးမျက်သွားပါတယ်။ တံတွေးမျိုချရင် အနည်းငယ် နာပါတယ်။ ငါးရိုးပြန်မထွက်သေးဘူးလို့ထင်ပါတယ် ရှင့်။ အခု လည်ချောင်းနဲ့ နားထဲမှာအရမ်းယားပြီး နေရခက်လွန်းလို့ပါ ဆရာ။ အရိုးပြန်မထွက်ဘဲ ကြာသွားရင် ကင်ဆာဖြစ်တတ်ပါသလားရှင်။ ကျေးဇူးပြုပြီးဖြေပေးပါအုံး ဆရာ။

၃။ လည်ပင်းတွင် အရိုးစူးတာ မသက်သာတာ အတော်လေးကြာပါပြီ။ ဘယ်လိုများ ကုသသွားရမှာကို လမ်းညွှန်ပေးစေချင်ပါတယ်။ အမည် (့)၊ အသက် ၂၈ နှစ်၊ ကျား၊ တောင်ကြီးမြို့။

လည်ချောင်းထဲ ငါးရိုးစူးရင် နာမယ်၊ အနေရခက်မယ်၊ တံတွေး များလာမယ်။ အမြိုရခက်မယ်။ ကိုယ့်ဖါသာ လက်နဲ့ ထုတ်လေ ပိုဆိုးလေဖြစ်တတ်တယ်။ နား-နှာခေါင်း-လည်ချောင်း ဆေးခန်းတွေမှာ မကြာခဏတွေ့နေရတယ်။ ဖြစ်တဲ့သူကို ရေအရင်သောက်ခိုင်းပါ။ ရေမြိုနိုင်ရင် ပေါင်မုံ့-ထမင်း နဲနဲစား-မြိုကြည့်ပါ။ ရသွားတတ်တယ်။ အရပ်နည်းတွေလဲ ကြားဘူး၊ လုပ်ဘူးကြမှာပါ။ တချို့က ထမင်းပူပူကို အဆုပ်ကလေးလုပ်ပြီး မဝါးဘဲ မျိုစေတယ်။ သူများနိုင်ငံတွေမှာ ပေါင်မုံ့၊ (ခရက်ကာ)၊ Oat (အုတ်) အစားခိုင်းတယ်။ လိမ္မော်ရည်သောက်ခိုင်းတာက Citric acid ပါလို့ အရိုးကို ပျော်စေမယ်။

လူနာကို အထိုင်ခိုင်းပြီး လျှာကိုဖိကြည့်ရတဲ့ ကိရိယာသုံးပြီး ရှာကြည့်ပါ။ အရိုးတွေ့နိုင်တယ်။ ပွန်းပဲ့နေတာ ရှိရင်လဲ မြင်နိုင်မယ်။ ဆရာဝန်ကနေ ခေါင်းတပ်မှန်သုံးပြီး အာခေါင်နေရာကို စစ်ဆေးမယ်။ လျှာရဲ့အခြေ၊ အာသီးတွေနဲ့ Vallecula နေရာကို အသေအခြာ စစ်ဆေးမယ်။ လျှာကို ထုတ်နိုင်သလောက် ပတ္တီးစ (အဝတ်စ) သုံးပြီး ဆွဲထုတ်ရမယ်။ အောက် ရှေ့သွားတွေနဲ့ မထိခိုက်စေနဲ့။ လိုအပ်ရင် အာခေါင်ပြော့ နဲ့ နောက်ပိုင်းနေရာတွေကို (10% Lidocaine spray) ထုံဆေး ပန်းဆေး ပေးပါ။ Xylocaine viscous ထုံဆေးကို ပလုပ်ကျင်းခိုင်းတာလဲ လုပ်ခိုင်းနိုင်တယ်။ သတိထားဘို့က ထုံဆေး သုံးလို့ မနာတော့ပေမဲ့ မရှိတော့တာ ဖြစ်ချင်မှဖြစ်တယ်။

လိုအပ်ရင် Soft tissue lateral x ray of the neck ဓါတ်မှန်ရိုက်ရမယ်။ ဒါပေမဲ့ ဓါတ်မှန်မှာ ပေါ်ချင်မှပေါ်တယ်။ ငါးရိုးတို့ Aluminum pop tops အလူမီနီယမ် ပုလင်းပိတ်အစတို့က ဓါတ်မှန်မှာ မပေါ်ဘူး။ ဒါပေမဲ့ နောက်ဆက်တွဲဖြစ်တာမျိုးရှိရင် မြင်နိုင်တယ်။ Retropharyngeal abscess အနာဖြစ်တာ နဲ့ Severe cervical spondylosis လည်ပင်းရိုး ကျီပေါင်းတက်တာတို့ကို ဆိုလိုတယ်။ Lateral soft-tissue x rays ရိုက်တာက အခွဲရခက်တာမျိုးတွေ ရှိနိုင်တယ်။ Ligaments အရွတ်၊ Cartilage အရိုးနုတို့နဲ့ မှားတတ်တယ်။ Plain x ray ရိုးရိုးဓါတ်မှန်မှာ Calcification of Laryngeal and Hyoid cartilages အရိုးနုတွေက ထုံးဓါတ်ပြောင်းလဲတာနဲ့ လွဲတတ်တယ်။

ဓါတ်မှန်ရိုက်ရင် လည်ပင်းရိုး (၇ ရိုး) အားလုံးကို မြင်ရအောင် ရိုက်သင့်တယ်။ Barium swallow-Contrast study ဆေးရည် မျိုချပြီးမှ ရိုက်တဲ့ဓါတ်မှန် လုပ်ရတာလဲ ရှိတယ်။ ငါးအမျိုးအစား မတူရင် ငါးရိုးကို ဓါတ်မှန်မှာ မြင်ရတာ မတူကြဘူး။ ကြက်ရိုးက လူ့လက်ချောင်းနဲ့ ဆင်တယ်။ Trout နဲ့ Mackerel ငါးတွေက သိပ်မြင်သာဘူး။ Salmon ငါးက မြင်သာတယ်။ ငါးရိုးတွေကို ချက်-ကြော်ပေမဲ့ ဓါတ်မှန်မှာမြင်ရတာ ပြောင်းမသွားတတ်ဘူး။ အစိမ်းနဲ့ အတူတူဘဲ မြင်ရတယ်။ ၇၅% ကို မြင်ရတယ်။

Base of the tongue လျှာအောက်ခြေ နဲ့ Hypopharynx နေရာတွေမှာဖြစ်နေရင် Mirror မှန်ဖြစ်ဖြစ် Indirect laryngoscope ကိရိယာကိုဖြစ်ဖြစ် သုံးရတယ်။ Fiber optic nasopharyngoscopy ကိရိယာရှိရင်တော့ အကောင်းဆုံး ဖြစ်မယ်။ Endoscopy လည်ချောင်းထဲ ကိရိယာထည့်ကြည့်တာလဲ လုပ်နိုင်တယ်။ Rigid laryngoscopy, Esophagoscopy နဲ့ Bronchoscopy ဆိုတာတွေကိုတော့ မေ့ဆေးနဲ့လုပ်ရတယ်။

• ငါးရိုးက သိပ်ငယ်ရင် မြင်ရဘို့ ခဲယဉ်းတယ်။
• တွေ့ရရင် Tilley forceps ညှပ်နဲ့ ဆွဲနုတ်ပါ။
• တချို့လူနာတွေကိုသာ Antibiotic ဆေးပေးဘို့လိုတယ်။ ရှာကြည့်တာလဲမမြင်၊ ဓါတ်မှန်မှာလဲ မတွေ့၊ ဒါပေမဲ့ လူနာက ကိုယ်ပူတာ နဲ့ နာတာပါရောဖြစ်နေရင် Broad spectrum antibiotic ဆေးပေးသင့်တယ်။
• ထိခိုက်သွားတဲဒဏ်ကြောင့် နာနေတာမျိုးက တကယ် အရိုးမရှိပေမဲ့လဲ ဖြစ်နိုင်တယ်။ နောက်ရက်ဆို ကောင်းသွားမယ်။ မကောင်းရင်တော့ Endoscopy ထပ်လုပ်ရမယ်။
• ငါးရိုးက ရက်နဲနဲလောက်ကြာရင် Cervical esophagus အစာမျိုပြွန်ကို ဖေါက်သွားနိုင်တယ်။
• Batteries ဓါတ်ခဲတစ်ဆို့နေတာမျိုးကို သတိထားရမယ်။ အထဲက Alkali ကြောင့် Liquefactive necrosis တစ်ရှူးတွေ သေစေနိုင်တယ်။
• Tetracycline ဆေးတောင့်ကိုမျိုရင် တစ်မနေအောင် သတိထားပါ။ Irritating ulcer အနာဖြစ်စေတတ်တယ်။
• ငါးရိုးမဟုတ်ဘဲ တခြားလည်ချောင်းရောဂါရှိနေတာလဲ သတိထားရမယ်။ ၂ဝ% မှာ ငါးရိုးမဟုတ်တာ တွေ့ရတယ်။

Dr. တင့်ဆွေ