Saturday, April 16, 2016

Ovarian hyperstimulation syndrome (OHSS) မျိုးဥအိမ်ရောဂါတမျိုး

ဆရာ အချိန်ရရင် OHSS အကြောင်းလေးရေးပေးပါဆရာရှင့်။

IVF (in vitro fertilization) ခေါ် သားသမီးမရနိုင်သေးသူကို ကိုယ်ဝန်ရအောင် တမင်တကာလုပ်ပေးနည်းလုပ်ရင် မျိုးဥအိမ်ကို သက်ရောက်စေမယ့် ဟော်မုန်းထိုးဆေးပေးရတယ်။ ဘယ်လူနာမှာ ဟော်မုန်းဘယ်လောက်လိုမယ်ဆိုတာ မှန်းဆရခက်တယ်။ များသွားရင် (OHSS) မျိုးဥအိမ်ရောဂါခေါ်တာဖြစ်လာနိုင်တယ်။ မျိုးဥအိမ်ကကြီးလာလို့ နာမယ်။ အန်မယ်၊ ရင်သားပါနာမယ်။ ကိုယ်အလေးချိန်တိုးမယ်။ အသက်ရှူခက်တာအထိ ဖြစ်နိုင်သေးတယ်။ Clomiphene စားဆေးပေးရာကနေလည်း တချို့မှာဖြစ်နိုင်တယ်။

ဟော်မုန်းထိုးဆေးထိုးတာ (၁ဝ) ရက်အတွင်းခံစားရမယ်။ နည်းနည်းကနေ ခပ်သင့်သင့်ဖြစ်မယ်။ ဗိုက်အောင့်မယ်။ အစာမကျေဖြစ်မယ်။ ပျို့မယ်။ အန်မယ်။ ဝမ်းပျက်မယ်။ ဗိုက်အောက်ပိုင်းနာမယ်။

၁-၂% မှာ ဆိုးဆိုးဝါးဝါးဖြစ်နိုင်တယ်။ ကိုယ်အလေးချိန်အမြန်တိုးလာမယ်။ ဗိုက်အတော်နာမယ်။ ပျို့-အန်နေမယ်။ ဆီးနည်းမယ်။ ဆီးအရောင်ရင့်မယ်။ အသက်ရှူရခက်မယ်။ ဗိုက်တင်းနေမယ်။ ခေါင်းမူးမယ်။

Polycystic ovary syndrome (PCOS) မျိုးဥအိမ်မှာ အကျိတ်ငယ်လေးတွေအများအပြားရှိနေသူမှာပိုဖြစ်နိုင်တယ်။

ဆိုးဆိုးဝါးဝါးဖြစ်ရာကနေ နောက်ဆက်တွဲတွေသတိထားရမယ်။ ဗိုက်ထဲ၊ အဆုပ်ထဲအရည်အောင်းနိုင်တယ်။ ဓါတ်ဆား မျှခြေပျက်မယ်။ သွေးကြောထဲသွေးခဲတာဖြစ်နိုင်တယ်။ ကျောက်ကပ်ထိခိုက်မယ်။ မျိုးဥအိမ် အညှာလိမ်တာ ဖြစ်နိုင်တယ်။ မျိုးဥအိမ်အိတ်ကလေးတွေ ပေါက်ထွက်နိုင်တယ်။ သွေးယိုနိုင်တယ်။ အသက်ရှူခက်တာ ဖြစ်နိုင်တယ်။ ကိုယ်ဝန်ပျက်နိုင်တယ်။

ဖြစ်တာက သိပ်မဆိုးရင် အလိုလိုသက်သာသွားမယ်။ လိုအပ်ရင် အနာသက်သာဆေးနဲ့ အအန်သက်သာဆေးပေးရမယ်။ ရေ-အရည်ပိုသောက်ရမယ်။ ဗိုက်ထဲအရည်အောင်းတာအတွက် လိုရင်ဖေါက်ထုတ်မယ်။ ဆိုးရင် ဆေးရုံတင်ကုသရမယ်။

ဒေါက်တာတင့်ဆွေ
၁၆-၄-၂ဝ၁၆

No comments:

Post a Comment

Note: Only a member of this blog may post a comment.

Celebrity in Green ဆယ်လီ သို့မဟုတ် လီဆယ်

လူမှုရေးစည်းကမ်းအရ လူတဦး ကွယ်လွန်သွားရင် မကောင်းတာ ထုတ်မပြောအပ်ပါ။ နိုင်ငံရေးစည်းကမ်းအရတော့ ပြောချင်တယ်။ ပို့စ်တခု တွေ့တယ်။ ၈၈ ပြီးတော့ ...