Monthly contraceptive injection ကိုယ်ဝန်တား တလခံထိုးဆေး

ဆရှာရှင့် ကျွန်မကအသက် ၂၉ နှစ်ပါ။ သားလေးတစ်ယောက်ရှိပါတယ်ရှင့်။ အသက်က ၁၁ လပါ။ အိမ်ထောင်ကျပြီး ၃ နှစ်ပြည့်မှ ကလေးယူတာပါဆရာ။ ကလေးမယူခင် တစ်လခံတားဆေးထိုးပါတယ်ဆရာ။ ကျွန်မနဲ့လည်းတည့်လို့လားမသိ ဝတာလည်းမရှိပါဘူးဆရာ။ ကလေးယူမယ်ဆိုတော့ ဖျက် (ဖြတ်လို့ရေးရပါတယ်။ ဖျက်ဆိုရင် ကိုယ်ဝန်ဖျက်တာနဲ့မှားမယ်) လိုက်တာ တန်းရပါတယ်ရှင့်။ အခု ကလေးမွေးပြီး ၄၅ ရက်ပြည့်တော့ သုံးလခံတားဆေးထိုးလိုက်ပါတယ်။ ရက်ပြည့်တော့ နောက်ပိုင်း တလခံတားဆေးပြန်ထိုးတယ်ဆရာ။ အခုနောက်ပိုင်း ရာသီလာတာလည်း မမှန်တော့ဘူးဆရာ။ သမီးတို့ ရပ်ကွက်မှာ့့ ဆေးခန်းက လက်မောင်းထဲထည့်တဲ့တားဆေး အလကားလာထည့်ပေးတယ်ဆရာ။ သွားထည့်တော့ ကလေးနို့တိုက်တာ တလဆေးမထိုးရဘူးတဲ့။ ဟုတ်ပါသလားဆရာ။ ပြီးတော့ သုံးလဆေးထိုးထားမှ ထည့်လို့ရတယ်တဲ့ မထည့်ရဘဲ ပြန်လာခဲ့ရတယ်ဆရာရှင့်။ အဲ့ဒါ တလဆေးကကလေးနို့တိုက်နေရင်မထိုးရဘူးလားဆရာ။ အပြင်မှာပဲ လက်မောင်းထဲ ထည့်တဲ့ပစ္စည်းသွားထည့်ချင်လို့ သုံးလခံဆေး ဘယ်လိုထိုးရမှာလဲဆိုတာ ဆရာနည်းလမ်းလေး ပြောပြပေးပါဆရာ။

ကိုယ်ဝန်တား တလခံထိုးဆေးကို ၂ဝဝဝ ခုနှစ် မတ်လကပြီးစသုံးလာတဲ့ တားဆေးထိုးဆေးဖြစ်တယ်။ Medroxyprogesterone acetate 25 mg နဲ့ Estradiol cypionate 5 mg ပါတယ်။ အများသုံး ဟော်မုန်း ၂ မျိုးပါ တားဆေးနဲ့ဆင်တူတယ်။

အမျိုးသမီး ၈၉% မှာတွေ့ရတဲ့ ဘေးထွက်ဆိုးကျိုးတွေက ခေါင်းကိုက်တာ၊ ရင်သားနာတာ၊ ဝလတာ၊ ရာသီမမှန်တာ၊ ရာသီရက်ရှည်တာ၊ ဝက်ခြံထွက်တာတွေ တွေ့ရတယ်။ တချို့မှာ ခြေထောက်သွေးကြောထုံးတာ ပိုဖြစ်တယ်။

ထိုးဆေးရပ်ပြီးနောက် ကိုယ်ဝန်ရဘို့ တလမကစောင့်ရတတ်တယ်။ ပျမ်းမျှ ၅ လလောက်ရှိတယ်။ တချို့ ၁၂ လအထိ စောင့်ရတယ်။ နောက်လထိုးဘို့ ၇ ရက်အထိနောက်ကျနေလည်း ကာကွယ်နိုင်တယ်။ အီစထိုဂျင်ဟော်မုန်းပါနေလို့ နို့ထွက်နည်းစေနိုင်တယ်။

ကလေးနို့တိုက်တုံးသုံးနိုင်တဲ့ ကိုယ်ဝန်တားနည်းများ
၁။ Depo-Provera ၃ လခံထိုးဆေးလဲ သုံးနိုင်တယ်။

၂။ Progestin-only pill (POP) တမျိုးထဲပါတဲ့ တားဆေးမျိုးက ပိုအဆင်ပြေတယ်။ ဆေးကိုနေ့တိုင်းမှန်မှန်နဲ့ အချိန်လဲ မှန်မှန်သောက်ဘို့ သတိကြီးရမယ်။ ဆေးနာမည်တွေက Exluton, Micronor, Nor-QD နဲ့ Ovrette တွေဖြစ်တယ်။

၃။ Progestin-only implants အရေပြားအောက်မှာ ထည့်ထားရတဲ့ အချောင်းမျိုးသုံးနိုင်တယ်။ ဥပမာ Norplant and Jadelle (Norplant II), Implanon, Sino-implant (II) (Zarin, Femplant and Trust), Nexplanon တွေကို သုံးနိုင်တယ်။

၎။ Condom (ကွန်ဒွမ်) က ပိုအဆင်ပြေနိုင်တယ်။ Diaphragm (ဒိုင်ယာဖရမ်) နည်းကတော့ ကလေးမွေးပြီးစမှာ အရွယ်အစား ရင်စားပြန်မရသေးလို့ အနေမတော် ဖြစ်နိုင်တယ်။ ထိရောက်မှု % ကတော့ ကျန်နည်းတွေထက်နည်းတယ်။

၅။ Intrauterine system (IUS), IUD with progestogen, IntraUterine Contraceptive (IUC) လို့ ခေါ်တာက သားအိမ်အဝမှာ (ပရိုဂျက်စတင်) တမျိုးထဲသာ ပါလို့ နို့ထွက်တာကို မသက်ရောက်စေဘူး။

၆။ Intrauterine devices (IUD) သားအိမ်ထဲ (ကောပါး-တီ) ထည့်နည်းမှာ ဘာဟော်မုန်းမှ မပါလို့ နို့ထွက်တာကို သက်ရောက်မှု မရှိပါ။

ဒေါက်တာတင့်ဆွေ
၈-၄-၂ဝ၁၆