Different Methods of Contraception ပဋိသန္ဓေတားနည်းများ

(၁) Combined Oral Contraceptive (COC) pill ဆေးနှစ်မျိုးတွဲ စားဆေးများ
(၂) Progestogen-only pill (POP) ဟော်မုန်း တမျိုးထဲပါတားဆေး
(၃) Depo-Provera (ဒီပို) ထိုးဆေး
(၄) Male condom ကျား (ကွန်ဒွမ်) များ၊
(၅) Female condoms အမျိုးသမီးသုံး (ကွန်ဒွမ်)
(၆) Emergency contraception အရေးပေါ် တားဆေး၊
(၇) Contraceptive patch အရေပြား ကပ်ထားရတဲ့ ဆေးကပ်ခွါ၊
(၈) Diaphragms and caps သားအိမ်အဝ အဖုံးများ၊
(၉) Centchroman ဟော်မုန်းမပါတဲ့ စားဆေး၊
(၁ဝ) Contraceptive implant အရေပြားအောက် ထည့်ထားရတဲ့ ဆေးချောင်း၊
(၁၁) Intrauterine Contraceptive Device (IUCD or IUD) သားအိမ်ထဲထည့် ပစ္စည်း၊
(၁၂) Spermicides သုက်ပိုး သတ်ဆေး၊
(၁၃) Vaginal rings သန္ဓေတား သားရေကွင်း
(၁၄) Male and female sterilization ကျား-မ သားကြောဖြတ်ခြင်း၊
(၁၅) Intrauterine system (IUS)သားအိမ်ထဲထည့် တာရှည်ခံဆေး၊
(၁၆) Natural family planning သဘာဝနည်းများ၊
• Calendar method ပြက္ခဒိန်နည်း၊
• Withdrawal method ပြင်ပစွန့်ထုတ်နည်း၊
• Breastfeeding ကလေးနို့တိုက်ခြင်းနည်း၊
(၁၇) Contraceptives Analysis တားဆေး-တားနည်းများ ဆန်းစစ်ချက်များ

(၁) Combined Oral Contraceptive (COC) pill ဆေးနှစ်မျိုးတွဲ စားဆေးများ
လူအများဆုံးသုံး၊ ဝယ်လို့လဲလွယ်၊ ဈေးလဲ မကြီးဘူး။ နာမည်တွေ များတယ်။ မြန်မာပြည်မှာ မြားကပ်၊ လက်ညှိုကပ်ဆိုပြီး ခေါ်ကြတယ်။ (အီစထိုဂျင်) နဲ့ (ပရိုဂျက်စတိုဂျင်) ဟော်မုန်း နှစ်မျိုး ပူးတွဲပါတယ်။ မ-မျိုးဥအိမ်ကနေ လတိုင်း ထွက်ရမဲ့ မ-မျိုးဥ ထွက်မလာအောင် တားဆီးပေးတယ်။ သားအိမ်အဝရှိတဲ့ ချွဲရည်ကို ထူပြစ်စေတာမို့ မ-မျိုးဥ ထွက်စေအုံးတော့ ကျား-သုက်ပိုးနဲ့ တွေ့ဘို့ ခက်ခဲစေပြီး၊ သားအိမ်အတွင်း နံရံကို ပါးစေတာကြောင့်လည်း သန္ဓေဟာ သားအိမ်မှာ လာမကပ်နိုင်ဘူး။

စနစ်တကျသုံးရင် ၉၉% စိတ်ချရတယ်။ လစဉ်ရာသီ စတင်လာတဲ့နေ့ကစ ဆေးသုံးရမယ်။ တကပ်မှာ ၂၈ လုံးပါတယ်။ ၂၁ လုံးက အရောင်တမျိုး၊ ၇ လုံးက အရောင်တမျိုး။ ၂၁ ရက်ကြာ နေ့တိုင်း ၁ ပြား သောက်ပါ။ နောက်ဆုံး သောက်ရမဲ့ အရောင်မတူတဲ့ ဆေးပြား ၇ ပြားဟာ အားဆေးသာ ဖြစ်တယ်။ အဲဒီ ၇ ရက်အတွင်း သွေးပြန်ဆင်းမယ်။ သွေးဆင်းတာ နည်းမယ်။ ရက်လည်းတိုမယ်။ သွေးဆင်းရက် မှန်မယ်။ ရာသီမလာခင် ဖြစ်တတ်တဲ့ လက္ခဏာတွေ နည်းတယ်။ ဝက်ခြံ၊ အလုံး-အကျိတ်၊ ကင်ဆာ ဖြစ်နိုင်ခြေ နည်းနိုင်တယ်။ ကိုယ်ဝန်တားဘို့ မဟုတ်တာအတွက်လဲ သုံးနိုင်တယ်။

ဘေးထွက်-ဆိုးကျိုးတွေ = ခေါင်းကိုက်၊ ပျို့-အန်၊ ကြားရက်သွေးဆင်း၊ ရင်သားတင်း၊ ရှားရှားပါးပါး သွေးဖိအားတက်တာ၊ သွေးခဲတာ၊ သားအိမ်အဝ-ကင်ဆာတို့ ဖြစ်နိုင်တယ်။ ကိုယ်ဝန်ရှိနေရင်၊ အသက် ၃၅ ကျော်ရင်၊ အဝလွန်ရင်၊ သွေးခဲတတ်တဲ့ရောဂါ၊ နှလုံးရောဂါ၊ ရင်သားကင်ဆာ၊ (မိုင်ဂရိန်း) ရောဂါ၊ အသဲ-သဲခြေရောဂါ၊ ဆီးချိုရောဂါ ရှိနေရင် မသုံးသင့်ပါ။

(၂) Progestogen-only pill (POP) ဟော်မုန်း တမျိုးထဲပါတားဆေး
Progestogen ခေါ် မ-ဟော်မုန်း တမျိုးတည်းပါတဲ့စားဆေး ဖြစ်တယ်။ Minipill လို့လဲခေါ်တယ်။ အမျိုးအစား အမျိုးမျိုး ရှိတယ်။ သားအိမ်အဝရှိ ချွဲကျိတဲ့အရည်က ပြစ်စေးလာလို့ သုက်ပိုးကို သားအိမ်ထဲ မဝင်စေအောင် တားတယ်။ သားအိမ် အတွင်းသား နံရံကို ပါးလွှာစေလို့ သန္ခေဥ တွယ်ကပ်တာကိုလည်း တားတယ်။ သတိထားသုံးရင် ၉၉% ထိရောက်တယ်။ ရာသီ စဆင်းတဲ့ရက်ကစပြီး တနေ့ ၁ ပြားသောက်ပါ။ နေ့တိုင်း သောက်နေကျအချိန်မှာ အချိန်တူသောက်ပါ။ ဆေးကပ်တခုကုန်ရင် နောက်ကပ်သစ်တခု စသောက်ပါ။ ရာသီက ၂ လမှ တခါသာလာမယ်။ ကိုယ်ဝန်ပျက်-ဖျက်သူတွေလဲ သွေးဆင်းတဲ့ ပဌမရက်နေ့မှာ ဆေးပြားစသောက်ပါ။

ကလေးနို့တိုက်နေချိန်လဲ သောက်နိုင်တယ်။ ဆေးဖြတ်တာနဲ့ ကလေးပြန်ရဘို့ လွယ်တယ်။ ရာသီနဲ့ဆက်စပ်နေမဲ့ Sickle cell disease ရောဂါနဲ့ Dermatitis ရောဂါတွေကို ကုသရာမှာ သုံးနိုင်တယ်။ သွေးဆင်နည်းလို့ သွေးအားနည်းတာ သက်သာမယ်။ ဆေးလိပ်သောက်သူ၊ အသက် ၃၅ နှစ်ကျော်သူတွေလဲ သောက်နိုင်တယ်။ နှလုံးရောဂါရှိသူတွေအတွက် စိတ်ချနိုင်တယ်။ သွေးခဲတာ နည်းတယ်။ PID တင်ပါးဆုံတွင်း အင်္ဂါတွေရောင်တဲ့ ရောဂါကို အဖြစ်နည်းစေ တာတော့ ဟော်မုန်း ၂ မျိုးတွဲတားဆေးနဲ့ အတူတူဘဲ။

ခါတိုင်းဆေးသောက်ချိန်ထက် ၃ နာရီ နောက်ကျသွားရင် ၄၈ နာရီ အတွင်း အတူမနေပါနဲ့။ နေဖြစ်ရင် အရေးပေါ်တားဆေး သောက်ပါ။ တရက်နောက်ကျသွားရင် နောက်ရက်မှာ ဆေး ၂ လုံး သောက်ပါ။ ၄၈ နာရီ အတူမနေပါနဲ့။ ဒါမှမဟုတ် (ကွန်ဒွမ်) သုံးပါ။ ဆေးတကပ် ကုန်တာနဲ့ ရာသီ လာလာ-မလာလာ၊ နောက်ဆေးတကပ် ဆက်သောက်ပါ။ အတူမနေဖြစ်သေးလဲ ဆက်သောက်ပါ။ ၁-၇ ရက်အထိ နောက်ကျရင် (ကွန်ဒွမ်) သုံးပါ။ ဆေးသောက်ပြီး ၂ နာရီအတွင်း အန်ရင် နောက် ၁ လုံးသောက်ပါ။

ဘေးထွက်-ဆိုးကျိုးတွေ = ဆေးစသောက်ကာစ အစောပိုင်းလတွေမှာ ရာသီ တချို့နည်းမယ်၊ တချို့များတယ်။ ရာသီ မလာဘဲနေတာလဲ ဖြစ်နိုင်တယ်။ ဝက်ခြံထွက်မယ်၊ ပျို့ချင်မယ်၊ ခေါင်းကိုက်မယ်၊ ရင်သားတင်း-နာမယ်၊ လူက ဝလာနိုင်တယ်။ ဆီးချိုရှိနေသူတွေ သတိထားပေးရမယ်။ နှလုံးရောဂါ၊ ကျောက်ကပ်ရောဂါ၊ အတက်ရောဂါ၊ (မိုင်ဂရင်း) ရောဂါ၊ သွေးတိုး၊ ပန်းနာရှိသူတွေက သတိထားသောက်ရမယ်။ လိင်စိတ်နည်း၊ စိတ်မူပြောင်း၊ စိတ်ဓါတ်ကျ။

Norethindrone ပါတဲ့ဆေးတွေက Ortho Micronor, Errin, Aygestin, Nor-QD, Camila, Jolivette, Nora-BE ဖြစ်တယ်။ Norgestrel ပါတဲ့ဆေးက Ovrette ဖြစ်တယ်။

(၃) Depo-Provera (ဒီပို) ထိုးဆေး
Progestogen ဟော်မုန်းတမျိုးတည်းပါတဲ့ ထိုးဆေးဖြစ်တယ်။ Depo-Provera 150mg ၃ လခံ၊ Noristerat ၂ လခံ၊ အမျိုးအစားတွေရှိတယ်။ ၃ လခံကိုသာ လူသုံးများတယ်။ ၉၉% ထိရောက်တယ်။ နို့ထွက်မနည်းစေဘူး။ ရာသီမဆင်းခင် ခံစားရတာတွေ သက်သာတယ်။ ကိုယ်ဝန် ရှိနေရင်၊ ဆေးဖြတ်ပြီးနောက် ၁ နှစ်အကြာ ကလေးလိုချင်ရင်၊ သွေးကြောကျဉ်းရောဂါ ရှိရင်၊ ယခု ဒါမှမဟုတ် လွန်ခဲ့တဲ့ ၅ နှစ်က ရင်သား-ကင်ဆာရှိရင်၊ ဆီးချိုရောဂါရှိရင်၊ (မိုင်ဂရင်း) ရောဂါရှိရင် မသုံးသင့်ဘူး။

Depo Provera ကို ၇ နှစ် ကြာထိုးထားတဲ့ အမျိုးသမီးပေါင်း ၄ဝဝဝ လောက်ကို စမ်းသပ်ခဲ့ပါတယ်။
• ၅% ကျော်ကျော်မှာ ရာသီမမှန် (နည်းသူ + မလာသူ)၊ ဗိုက်နာ၊ ကိုယ်အလေးချိန် ပြောင်းလဲ၊ ခေါင်းမူး၊ စိုးရိမ်၊
• ၁% ကနေ ၅% ဆက်ဆံလိုစိတ်နည်း၊ ဆက်ဆံလိုစိတ်ပို၊ ဗိုက်အောက်ပိုင်းနာ၊ ခါးနာ၊ ရင်သားနာ၊ ခြေထောက်နာ၊ စိတ်ကျ၊ အနီပြင်ထွက်၊ ပျို့၊ အိပ်မပျော်၊ အဖြူဆင်း၊ ခြေထောက်ယောင်၊ ဝက်ခြံထွက်၊
• ၁% ထက်နည်းသူတွေမှာ အသားဝါ၊ ဆီးလမ်း-မွေးလမ်းရောင်၊ တက်၊ အစားပျက်၊ ဝမ်းမမှန်၊ ဝမ်းသွေးပါ၊ ဆက်ဆံချိန်နာ၊ ရင်ပတ်နာ၊ အလာဂျီရ၊ အိပ်ချင်၊ ဖျား၊ ချမ်း၊ အသားအရေခြောက်၊ ပန်းနာ၊ ရင်ခုန်မြန်၊ ချွေးပိုထွက်၊ အာခေါင်ခြောက်၊ လေဖြတ်၊ ရေငတ်၊ အသက်ရှူမဝ၊ ရာသီလာစဉ်နာ၊ ကိုယ်ဝန်ရှိသလို ခံစား၊ မထင်မှတ်ဘဲ ကိုယ်ဝန်ဆောင်၊ ကလေးပြန်မရ၊ သွေးပြန်ကြောရောင်၊ နို့ထွက်နည်း၊ ရင်သားအရွယ်ပြောင်း၊ ရင်သားထိပ်က သွေးထွက်၊ ရင်သားကင်ဆာ။

(၄) Male condom ကျား (ကွန်ဒွမ်) များ၊
ကျား-သုက်ပိုးတွေကို မ-မျိုးဥနဲ့ မတွေ့စေအောင် ကြားခံပေးထားတဲ့ အဆီးအတားမျိုးဖြစ်တယ်။ Latex (Rubber) or Polyurethane (Plastic) ပစ္စည်း တမျိုးမျိုးနဲ့ လုပ်ထားတယ်။ ညွှန်ကြားချက်အတိုင်း သုံးတတ်ရင် ၉၅-၉၈% စိတ်ချရတယ်။ HIV-AIDS အပါအဝင် လိင်ကတဆင့် ကူးစက်ရောဂါတွေကိုပါ ကာကွယ်တယ်။

အင်္ဂါချင်း မထိစပ်မီ၊ မာတင်းလာတဲ့ ကျားရဲ့ အင်္ဂါကို ကျကျနန စွပ်ဖုံးထားပြီး သုံးရမယ်။ အဆုံးသပ်ရင် ကျားအင်္ဂါ လုံးဝ နဂို အနေအထားကို ပြန်မရောက်ခင် ချွတ်ယူရမယ်။ တခုဟာ တခါသုံးသာ ဖြစ်တယ်။

(၅) Female condoms အမျိုးသမီးသုံး (ကွန်ဒွမ်)
အမျိုးသမီးရဲ့ မွေးလမ်းကြောင်း (ဗဂျိုင်းနား) ထဲမှာ သက်တောင့်သက်သာ အဝကိုအပြင်၊ အပိတ်ကိုအတွင်းမှာ အနေအထားနဲ့ ထည့်သွင်းရမယ်။ ဆက်ဆံမှုပြီးဆုံးရင် အပြင်အဝကို စုစည်းပိတ်ပြီး၊ အထဲရှိနေတဲ့ ကျားသုက်တွေ ဖိတ်မကျအောင် ပြန်ထုတ်ပြီး စွန့်ပြစ်ရမယ်။ သုံးနေတုံးမှာ အသံထွက်လို့ တချို့က မကြိုက်ဘူး။ ရောဂါတွေကာကွယ်နိုင်ပြီး ယောက်ျားက (ကွန်ဒွမ်) မသုံးတဲ့ အခါမျိုးအတွက် ကောင်းတယ်။ ဈေးချိုတဲ့ အမျိုးသမီးသုံး (ကွန်ဒွမ်) ကိုလည်း FDA က အသိအမှတ်ပြုလိုက်ပြီ။

(၆) Emergency contraception အရေးပေါ် တားဆေး၊
မြန်မာနိုင်ငံမှာ Ecee-2 ဆိုပြီးသုံးနေကြတယ်။ အတူနေပြီး မြန်မြန်သုံးလေ စိတ်ချရလေဖြစ်တယ်။ ၂၄ နာရီ အတွင်း သောက်ရင် ၉၅%၊ ၂၄-၄၈ နာရီအတွင်းသောက်ရင် ၈၅%၊ ၄၈-၇၂ နာရီအတွင်းသောက်ရင် ၅၈% စိတ်ချရတယ်။ ၅ ရက် (၁၂ဝ နာရီ) အထိ သုံးနိုင်ပေမဲ့ စိတ်ချရတဲ့ ရာနှုန်း မသိရသေးဘူး။ Progestin (Levonorgestrel) 1.5 mg တလုံး တကြိမ်တည်း၊ ဒါမှမဟုတ် 750 μg နှစ်ခါခွဲ သောက်နိုင်တယ်။ အမေရိကားမှာ Progestin-only pills (POPs), Plan B, Emergency contraception (EC), Emergency contraceptive pills (ECPs), Morning-after pill, Day after pills နာမည် အမျိုးမျိုးနဲ့ ခေါ်တယ်။ မြန်မာ၊ ဗီယက်နမ် နဲ့ အိန္ဒိယမှာ ECee2 နာမည်နဲ့ ရတယ်။

ဘေးထွက်-ဆိုးကျိုးတွေ = ၂ဝ% ခေါင်းကိုက်၊ မူးချင်သလိုဖြစ်၊ ၁၄% ဗိုက်အောက်ပိုင်းနာ၊ ၁၂% ပျို့၊ ရင်သားတင်း၊ ရာသီဆင်းရက် မမှန်တာတွေ ဖြစ်တတ်တယ်။ ပျို့-အန်ခြင်သူတွေက အအန်သက်သာဆေး Vitamin B6, Avomin, Vomistop သောက်နိုင်တယ်။ ခေါင်းကိုက်ရင် အကိုက်အခဲပျောက်ဆေး Diclofenic, Ibuprofen တမျိုးမျိုး သောက်နိုင်တယ်။ ဆက်ပြီး ကာကွယ်လိုရင် အခြားနည်းတွေကို သုံးရမယ်။ RU486, Mifestone, Mifeprex တွေလို သားပျက်စေတဲ့ ဆေးမဟုတ်ဘဲ သန္ဓေ မတည်အောင်သာ လုပ်ပေးတာဖြစ်တယ်။

ဟော်မုန်း ၂ မျိုးတွဲ နေ့စဉ်သောက်ရတဲ့ Marvelon 28 (Desogestrel 0.15 mg and Ethinyl estradiol 0.03 mg) ကိုလဲ အရေးပေါ်အနေနဲ့ သုံးနိုင်တယ်။ ဆက်ဆံပြီးနောက် ၃-၅ ရက် အတွင်း၊ ၄ လုံး ချက်ချင်းသောက်ပါ။ ၁၂ နာရီခြာပြီး၊ နောက်ထပ် ၄ လုံး ထပ်သောက်ပါ။

အရေးပေါ်တားဆေးကို အရေးပေါ်အတွက်သာသုံးသင့်ပါတယ်။ ရာသီပြောင်းသွားမယ်။ ဟော်မုန်းပြောင်းလဲမယ်။ ဘာဖြစ်နိုင်သလဲ သုတေသန မပြည့်စုံပါ။ ဘာလို့လဲဆိုတော့ မြန်မာပြည်လိုနိုင်ငံတွေမျာသာ အဲလို ခဏခဏသောက်တယ်။ သုတေသနလုပ်မရဘူး။ စာတပုဒ်သပ်သပ် ရေးထားပါတယ်။

(၇) Contraceptive patch အရေပြား ကပ်ထားရတဲ့ ဆေးကပ်ခွါ၊
သေးငယ်ပြီး အရေပြားမှာကပ်ရတဲ့ ခပ်ညိုညို ဆေးကပ်ခွါဖြစ်တယ်။ ဟော်မုန်း ၂ မျိုးပါ တားဆေး စားဆေးတွေလို အတူတူဘဲ။ ၉၉% ထိရောက်တယ်။ ရာသီဆင်းပြီးပြီးချင်း ကပ်ပါ။ အများဆုံး (၅) ရက် နောက်ကျနိုင်တယ်။ အနာမရှိ၊ အမွှေးမထူ၊ သန့်ရှင်းတဲ့ (ရင်သားမှအပ) ဘယ်အရေပြားမှာမဆို ကပ်ထားပါ။ လတလမှာ ပဌမ ၃ ပတ်မှာကပ်ပါ၊ နောက်ဆုံး ၁ ပတ်မှာ ကပ်စရာ မလိုပါ။ တပတ်နားထားချိန်မှာ ရာသီဆင်းမယ်။ ရာသီ အဆင်းနည်းမယ်။ ရက်လည်း တိုနိုင်တယ်။ ပျို့-အန်ခြင်းမဖြစ်။ ကင်ဆာနဲ့ အလုံး-အကျိတ်ဖြစ်မှာ နည်းတယ်။ ခေါင်းကိုက်တာ၊ ရင်သားတင်းတာ၊ ကြားရက် သွေးဆင်းတာ ဖြစ်တတ်တယ်။ ဖြစ်နိုင်ခဲတဲ့ ဘေးထွက်-ဆိုးကျိုးတွေ = သွေးဖိအားတက်တာ၊ သွေးခဲတာ ဖြစ်နိုင်တယ်။ ၅ နှစ်ထက် ကြာကြာသုံးရင် သားအိမ်အဝ-ကင်ဆာ ဖြစ်လေမလား သံသယရှိတယ်။

ကိုယ်ဝန်ရှိနေပြီဆိုရင် မသုံးရ၊ အသက် ၃၅ ကျော်ရင်၊ အဝလွန်ရင်၊ သွေးခဲတတ်တဲ့ရောဂါ၊ နှလုံးရောဂါ၊ ရင်သားကင်ဆာ၊ (မိုင်ဂရိန်း) ရောဂါ၊ အသဲ-သဲခြေရောဂါ၊ ဆီးချိုရောဂါတွေ ရှိနေရင် မသုံးသင့်။ ရေချိုး-ရေကူးရင်လည်း ကွာမကျတတ်ဘူး။ မတော်တဆ ကွာကျလို့ ၄၈ နာရီအတွင်း သိရင် ပြန်ကပ်နိုင်သည်။ ၄၈ နာရီ ကျော်သွားရင် အသစ်တခုဖြစ်ဖြစ် တခြား နည်းဖြစ်ဖြစ် သုံးပါ။

(၈) Diaphragms and caps သားအိမ်အဝ အဖုံးများ၊
ကျား-သုက်ပိုးတွေကို မ-မျိုးဥနဲ့ မတွေ့အောင် ကြားခံပေးထားတဲ့ အဆီးအတားဖြစ်တယ်။ Latex (Rubber) or Polyurethane (plastic) တမျိုးမျိုးနဲ့ လုပ်ထားတယ်။ အရွယ်အစား အမျိုးမျိုးရှိတယ်။ Diaphragms ဟာ ဆန့်နိုင်-ကြုံ့နိုင်တဲ့ အဖုံးလို ပုံပန်းရှိတယ်။ Caps က ပိုပြီး အရွယ်ငယ်တယ်။ သုက်ပိုးသတ်ဆေး Spermicide နဲ့ တွဲသုံးရင် ပိုထိရောက်တယ်။ ၉၂-၉၆% စိတ်ချရတယ်။ Silicone cap – Femcap က ပိုပြီးထိရောက်တယ်။ မဆက်ဆံမီ သုက်ပိုးသတ်ဆေးကို သားအိမ်ဝအဖုံး Diaphragm ပေါ်သုက်လိမ်းပြီး၊ မွေးလမ်းကြောင်း ဗဂျိုင်းနားထဲ ထည့်သွင်းပါ။ သားအိမ်ဝ Cervix ကို ဖုံးပိတ်စေရမယ်။ ၆ နာရီ ကြာအထိ ပြန်မထုတ်ရပါ။ ကြာကြာထားလည်း ရတယ်။

(၉) Centchroman ဟော်မုန်းမပါတဲ့ စားဆေး၊
Saheli Tablets နာမည်နဲ့ အိန္ဒိယမှာရောင်းတယ်။ ဟော်မုန်း မပါဘူး။ မ-မျိုးဥကိုလဲ အလျင်အမြန်ရင့်စေတယ်။ Fertilized ovum မျိုးစပ်ထားတဲ့ မ-မျိုးဥကို သားအိမ်ထဲကို အလျင်အမြန်သွားစေလို့ သားအိမ် အတွင်းနံရံက အဆင်သင့် အဖြစ်သေးဘူး။ သားအိမ်အတွင်းနံရံကိုလဲ အလုပ်နှေးစေတယ်။ ဆေးတပြားမှာ 30 mg ပါတယ်။ တကပ်မှာ (၈) ပြား ပါတယ်။ ပဌမ (၃) လအတွက် တပတ်မှာ ၂ ပြား၊ နောက်လတွေမှာ ၁ ပတ် ၁ ပြား သောက်ရတယ်။

Ormeloxifene ဆေးကို Dysfunctional uterine bleeding ရာသီဆင်းမမှန်တာ၊ များတာ နဲ့ Advanced breast cancer နောက်ကျနေတဲ့ ရင်သား-ကင်ဆာအတွက်လဲ သုံးတယ်။ Mastalgia ရင်သားနာတာ နဲ့ Fibroadenoma ကင်ဆာမဟုတ်တဲ့ ရင်သား အကျိတ်အတွက်လဲ သုံးတတ်တယ်။

(၁ဝ) Contraceptive implant အရေပြားအောက် ထည့်ထားရတဲ့ ဆေးချောင်း၊
ဆံညှပ်အရွယ်၊ ကွေးနိုင် ဆန့်နိုင်တဲ့ ပြွန်ချောင်းကလေးတခုဖြစ်တယ်။ လက်မောင်းအတွင်းဖက် အရေပြားအောက်မှာ ထုံဆေး-ပိုးသန့်ဆေးသုံးပြီး ထည့်ရတယ်။ Progestogen ဟော်မုန်းကို ၃ နှစ်ကြာ ထုတ်ပေးနေမယ်။ Implanon လို့လဲ ခေါ်တယ်။ ၉၉% မက ထိရောက်တယ်။ ကိုယ်အလေးချိန် များတွေသူတွေလည်း သုံးနိုင်တယ်။ ရာသီလာအပြီး ၅ ရက်မြောက်နေ့က စထည့်ထားရင် ချက်ချင်းထိရောက်တယ်။ နို့ထွက်မနည်းစေဘူး။ ရာသီမလာမီ လက္ခဏာတွေကို သက်သာစေတယ်။ ရာသီ မမှန်ဖြစ်တတ်သည်။ ဝက်ခြံထွက်၊ ရင်သားတင်းတတ်တယ်။ ကိုယ်ဝန် ရှိနေရင်၊ အသဲရောဂါ ရှိနေရင်၊ အခု ဒါမှမဟုတ် လွန်ခဲ့တဲ့ ၅ နှစ်က ရင်သားကင်ဆာရှိရင်၊ သွေးကြောကျဉ်း ရောဂါရှိရင်၊ (မိုင်ဂရင်း) အမူးရောဂါ ရှိရင် မသုံးသင့်။

(၁၁) Intrauterine Contraceptive Device (IUCD or IUD) သားအိမ်ထဲထည့် ပစ္စည်း
သားအိမ်ထဲမှာ Plastic (ပလပ်စတစ်) ဒါမှမဟုတ် Copper (ကောပါး) ကြေးနီ နဲ့ လုပ်ထားတဲ့ ပစ္စည်းငယ်လေးတခု ထည့်ထားပေးခြင်း ဖြစ်တယ်။ ကျားသုက်ပိုးဟာ မ-မျိုးဥနဲ့ ထိတွေ့ခြင်း မဖြစ်အောင် လုပ်ပေးတယ်။ ၉၉% ထိရောက်တယ်။ တာရှည် (၃-၅-၁ဝ နှစ်) ကာကွယ်နည်းလဲ ဖြစ်တယ်။

ကြေးနီဓါတ်ပါတဲ့ (IUD) အသစ်တွေက ပိုပြီး ထိရောက်တယ်။ တတ်ကြွမ်းတဲ့ ဆရာဝန်၊ ဆရာမတွေက ထည့်ပေးရတယ်။ သားအိမ်ထဲကို ပစ္စည်းထည့်လိုက်ပြီး အောက်ခြေ ကြိုးစလေးနှစ်ခုကို တိုအောင်ဖြတ်ပေးမယ်။ (IUD) ရှိနေဆဲ ဖြစ်တာကို စစ်ဆေး ကြည့်နိုင်သည်။ ထည့်ပြီးတာနဲ့ အကျိုးသက်ရောက်တယ်။ ဟော်မုန်းမပါလို့ ဟောမုန်းဘေးထွက်ကျိုး မရှိပါ။ ၃ နှစ်ခံ၊ ၅ နှစ်ခံ၊ ၁ဝ နှစ်ခံ၊ ရှိတယ်။ ParaGard (Copper T), Mirena (LNG-IUS), Multiload CU375 နာမည် အမျိုးမျိုး ရှိတယ်။ ရာသီများတတ်တယ်။ စစ်ဆေးနေသင့်သည်။ ထွက်ကျတာ၊ နေရာပြောင်းတာလည်း တခါတရံ ဖြစ်တတ်တယ်။

(၁၂) Spermicides သုက်ပိုး သတ်ဆေး၊
Nonoxynol-9 ပါတဲ့ဆေးဖြစ်တယ်။ Tablets, Jelly (Gel), Films, Foams အမျိုးမျိုး ရှိတယ်။ 71-82% ထိရောက်တယ်။ နာရီဝက် ကြိုတင်ထည့်ထားရမယ်။ ပျော်ဝင်မသွားတဲ့ အမျိုးအစားဖြစ်ရင် ဆက်ဆံအပြီး ၈ နာရီကြာမှ ထုတ်ရမယ်။ Vaginal Contraceptive Film (VCF) က ၁၅ မိနစ်ဆိုရင် ရတယ်။ Suppositories တွေက ၂ဝ မိနစ် စောင့်ရမယ်။ Sponges တွေက ၈ဝ-၉၁% ထိရောက်တယ်။ ၁၂ နာရီ ကြိုတင် ထည့်ထားနိုင်ပြီး၊ ဆက်ဆံပြီးနောက် ၆-၈ နာရီကြာမှ ဖြုတ်ရမယ်။ တမျိုးတည်း သုံးတာထက် သားအိမ်အဝအဖုံးတွေ၊ သုက်ရည် ပြင်ပစွန့်ထုတ်နည်းတို့နဲ့ တွဲသုံးရင် ပိုထိရောက်တယ်။ အက်စစ်ဓါတ်ပါလို့ နှစ်ယောက်စလုံး ပူစပ်မယ်။

(၁၃) Vaginal rings သန္ဓေတား သားရေကွင်း
V-Rings လို့လဲ အတိုခေါ်တယ်။ အမျိုးသမီး မွေးလမ်းကြောင်း (ဗဂျိုင်းနား) ထဲမှာ ထည့်ပေးထားရတယ်။ ဆေးပါနေတဲ့ Polymeric devices (ပေါ်လီမက်ထရစ်) ပစ္စည်း ဖြစ်တယ်။ အချင်း ၂ လက္မရှိတယ်။ ကိုယ်ဝန်အတွက် မဟုတ်တာတွေလဲ သုံးတာရှိသေးတယ်။ သားရေကွင်းလို ပစ္စည်းကရော (ဗဂျိုင်းနား) အတွင်း နံရံကပါ ဆန့်နိုင်ကြုံ့နိုင်စွမ်းရှိလို့ ထွက်မကျစေအာင် ထိန်းထားနိုင်တယ်။ ရေချိုးတာ၊ လေ့ကျင့်ခန်း လုပ်တာ ကိစ္စမရှိပါ။ ရှိနေတာ သေခြာချင်ရင် လက်ကို ဆေးကြောပြီး ကိုယ့်ဖါသာ စမ်းကြည့်နိုင်တယ်။
• NuvaRing ဆိုတာက Contraceptive vaginal ring ကိုယ်ဝန်တားပစ္စည်း ဖြစ်တယ်။ Poly-ethylene-co-vinyl acetate နဲ့ လုပ်ထားပြီး၊ Etonogestrel (Progesterone) နဲ့ Ethinyl estradiol (Estrogen) ဟော်မုန်းတွေ ထုတ်ပေးနေတယ်။
• Femring ဆိုတာက သွေးဆုံးချိန်မှာ မျက်နှာတွေ နီမြန်းတာ၊ မွေးလမ်းကြောင်း ကြုံလှီတာတွေ သက်သာဘို့ Estradiol-acetate ဟော်မုန်း နဲနဲလေး ထုတ်ပေးနေမဲ့ Silicone elastomer ကနေလုပ်တာ ဖြစ်တယ်။ လင်မယား အတူမနေခင် ခဏထုတ်ထားနိုင်တယ်။

(၁၅) Intrauterine system (IUS) သားအိမ်ထဲထည့် တာရှည်ခံဆေး၊
T ပုံရှိတဲ့ ပလပ်စတစ်နဲ့လုပ်ထားတဲ့ Progestogen ဟော်မုန်းကို တဖြေးဖြေး ထုတ်ပေးနေတဲ့ ဆေးဖြစ်တယ်။ ၅ နှစ် အထိခံတယ်။ Mirena ဟုခေါ်သည်။ ၉၉% ထိရောက်တယ်။ ရာသီစဆင်းတဲ့နေ့က နောက် ၅ ရက်အကြာ ထည့်ရတယ်။ မွေးလမ်းမှာ ကူးစက်ပိုး မရှိမှ ထည့်ရမယ်။ (IUD) တွေကဲ့ကို မွေလမ်းကြောင်းထဲမှာ ကြိုးစလေးနှစ်ခု ရှိနေမည်။

ရာသီဆင်းရက် ပြောင်းသွားနိုင်တယ်။ ဝက်ခြံထွက်၊ ရင်သားနာတတ်တယ်။ ထွက်ကျတာ၊ နေရာ ပြောင်းတာ ဖြစ်တတ်တယ်။ ကိုယ်ဝန်ရှိနေရင် မသုံးရ။ သားအိမ်၊ မျိုးဥအိမ်ကင်ဆာရှိနေရင်၊ ရင်သား ကင်ဆာရှိရင်၊ သွေးကြောကျဉ်းရောဂါ၊ ဆီးချိုရောဂါရှိရင်၊ (မိုင်ဂရင်း) ရောဂါရှိရင် မသုံးသင့်။

(၁၆) Natural family planning သဘာဝနည်းများ၊
(က) Calendar method ပြက္ခဒိန်နည်း၊ Standard Days method ရက်ရှောင်နည်း
လလယ်ရက်ဟာ မ-မျိုးဥထွက်တဲ့နေ့ဖြစ်တယ်။ မ-မျိုးဥနဲ့ ကျား-သုက်ပိုး တွေ့မှသာ ကိုယ်ဝန်နိုင်သည်။ ဒါကြောင့် လလယ်ရက် မတိုင်ခင် ၅ ရက်နဲ့ နောက်ထပ် ၅ ရက်အမှာ အတူမနေသင့်ပါ။

(ခ) Withdrawal method (Pullout method) သုက်ရည် ပြင်ပစွန့်ထုတ်နည်း
ယောက်ျားက ဆန္ဒပြည့်ဝခါနီးမှာ လိင်အင်္ဂါကို အမျိုးသမီးရဲ့ မိန်းမကိုယ်ကနေ ထုတ်ပြီးမှ သုက်ရည်ကို ပြင်ပမှာ ထွက်အောင် လုပ်ရတယ်။ စိတ်ကိုထိန်းထားတုံး သုက်ကောင်တွေ Sperm အနည်းငယ် ထွက်တာဖြစ်တတ်တယ်။ တချို့က ဆန္ဒမပြည့်ဝတာ ဖြစ်တတ်တယ်။ ကျားသုက်ပိုး သတ်ဆေး Spermicide နဲ့ တွဲသုံးရင် ပိုမိုထိရောက်တယ်။

(ဂ) Breastfeeding ကလေး နို့တိုက်ခြင်းနည်း
ကလေးဖွါးပြီး ၆ ပတ်နေရင် နောက်ကိုယ်ဝန်ပြန်ရနိုင်တယ်။ ကလေးနို့တိုက်နေရင် ၃ လကနေ ၆ လအထိ သဘာဝနည်းနဲ့ သားဆက်ခြားနိုင်တယ်။ နို့တိုက်မိခင်ကိုလည်း ဟော်မုန်းလည်ပတ်မှု မှန်စေတယ်။ ရင်သားကင်ဆာဖြစ်မှာကိုလည်း ကာကွယ်တယ်။ ကလေးကို ကိုယ့်နို့တမျိုးတည်းသာတိုက်ရမယ်။ အလုပ်သွားချိန်မှာ နို့ဗူးနဲ့ထားတာဆို စိတ်မချရဘူး။ ၁-၂% သာကိုယ်ဝန်ရစေတယ်။ ၃ လနောက်ပိုင်း ကာကွယ်မှု လျှော့လာတယ်။ တိတိကျကျဆိုရင် ၆ ပါတ်အထိက သေချာတယ်။

(၁၄) Male and female sterilization ကျား-မ သားကြောဖြတ်ခြင်း၊
ရာသက်ပန် ကလေးမနိုင်တော့တဲ့နည်းဖြစ်တယ်။ ယောက်ျားတွေကို ထုံဆေးသုံးပြီး ကျားသုက်ပိုးတွေ ထွက်လာတဲ့ လမ်းကြောင်း တနေရာရာကို ဖြတ်ပြစ်လိုက်တာ ဖြစ်တယ်။ ဘယ်နဲ့ညာ နှစ်ဘက်လုံးကို ဖြတ်ရတယ်။ ဒါးရာ တချက်ထဲနဲ့လဲ ဖြစ်တယ်။ ၂ဝဝဝ မှာ ၁ ယောက်မှာ မအောင်မမြင် ဖြစ်တတ်သည်။ ဖြတ်လိုက်တဲ့ အကြောကို မှန်ဘီလူးနဲ့ ဟုတ်-မဟုတ် စစ်မှ သေခြာတယ်။ လက်နဲ့ စမ်းရတာမှာ ဘေးက သွေးကြော၊ အဆီ၊ အာရုံကြောတွေနဲ့ ခွဲရမလွယ်ဘူး။ ထုံဆေးနဲ့ဆို ပိုမှားနိုင်တယ်။ အတွေ့အကြုံရှိတဲ့ ဆရာဝန်ကိုသာ အားကိုးသင့်တယ်။

အမျိုးသမီးတွေကို သားကြောဖြတ်ရင် မေ့ဆေး၊ ခါးထုံဆေး တမျိုးမျိုးပေးပြီး၊ သားအိမ်ရဲ့ တဖက်တချက်ရှိတဲ့ သားအိမ်ပြွန် နှစ်ခုလုံးကို ဖြတ်ပြစ်ရတယ်။ ၂ဝဝ မှာ ၁ ယောက် မအောင်မမြင် ဖြစ်တတ်တယ်။ ခွဲစိတ်ပြီး ၁ လ အထိ တခြားတားနည်း တခုခု သုံးသင့်တယ်။ ယောက်ျားကို ဖြတ်ရင် သုက်ရည်လဲမှာ သုက်ပိုး ပါ-မပါ စစ်ဆေးရမယ်။ သုတေသန စစ်တမ်းအရ အသက် ၃ဝ အောက် အမျိုးသမီးတွေက ယောက်ျားတွေထက် ဒီနည်းသုံးပြီးနောက် နောင်တရကြတယ်။

(၁၇) တားဆေး-တားနည်းများ ဆန်းစစ်ချက်များ
ထိရောက်မှု အများဆုံး တားဆေး-တားနည်းများ
• Implant အရေပြားအောက် ဆေးချောင်း၊ IUD သားအိမ်ထဲထည့် ပစ္စည်း၊ Vasectomy, Tubal methods သားကြောဖြတ်ခြင်းများ = 99%
• Birth Control shot ထိုးဆေး = 97%
• Birth Comtrol Pill စားဆေး၊ Vaginal Ring (ဗဂျိုင်းနား) ကွင်း = 92-95%
• Condom (ကွန်ဒွမ်)၊ Diaphragm, Cervical Cap သားအိမ်ဝအဖုံး-အပိတ်၊ Sponge ဆေးမြှုပ် = 84-89%
• Abstinence ဝေရာမဏိ = ၁ဝဝ%

ထိရောက်မှု အနည်းဆုံး တားဆေး-တားနည်းများ
• No Birth Control အကာအကွယ် လုံးဝမသုံးခြင်း = 85%
• Spermicide only သုက်ပိုးသတ်ဆေး တမျိုးတည်း = 29%
• Fertility Awareness နေ့ကောင်းရက်သာ ရွေးနည်း = 25%
• Female Condom အမျိုးသမီးသုံး (ကွန်ဒွမ်) = 21%
• Withdrawal သုက်ရည် အပြင်စွန့်ထုတ်နည်း = 18%

WHO Family Planning Handbook for Providers, 2007 တားဆေး-တားနည်းများနှင့် ကိုယ်ဝန်ရနှုန်း တနှစ်တာ ဆန်းစစ်ချက်
• အကာအကွယ် မသုံးသူ = ၈၅% ကိုယ်ဝန်ရမယ်။
• သုက်ပိုးသေဆေးနည်းသုံးသူ = ၁၈-၂၉% ကိုယ်ဝန်ရမယ်။
• သုက်ရည် ပြင်ပစွန့်ထုတ်နည်းသုံးသူ = ၁၅-၂၈% ကိုယ်ဝန်ရမယ်။
• ရက်ရှောင်နည်းသုံးသူ = ၅-၁၂% ကိုယ်ဝန်ရမယ်။
• ကွန်ဒွမ်နည်းသုံးသူ = ၂-၁၅% ကိုယ်ဝန်ရမယ်။
• နေ့စဉ်သောက်ရတဲ့ဆေးသောက်သူ = ဝ့၃-၈% ကိုယ်ဝန်ရမယ်။
• ထိုးဆေးထိုးသူ = ဝ့ဝ၅-၃% ကိုယ်ဝန်ရမယ်။

• တရုတ်နိုင်ငံမှာရနိုင်တဲ့ အရေးပေါ်တားဆေးတွေ = Ai Wu You, An Ting 0.75, An Ting 1.5, Bao Shi Ting (Postinor-2, 0.75 mg), Bao Shi Ting 1.5, Dan Mei (0.75 mg), Dan Mei (1.5 mg), Hui Ting 0.75 mg Hui Ting 1.5 mg, Jin Xiao (0.75 mg), Jin Xiao (1.5 mg), Jin Yu Ting, Ka Rui Ding, Le Ting, Nuo Shuang, Xian Ju, Yi Ting, Yu Ping, Yu Ting,
• တရုတ်နိုင်ငံမှာရနိုင်တဲ့ Mifepristone ကိုယ်ဝန်ဖျက်ဆေးတွေ = Bi Yun (10 mg), Bi Yun (12.5 mg), Fu Nai Er (10 mg), Fu Nai Er (25 mg), Hou Ding Nuo (10 mg), Hou Ding Nuo (25 mg), Hua Dian (10 mg), Hua Dian (25 mg), Si Mi An (10 mg), Si Mi An (25 mg)
• အိန္ဒိယမှာရနိုင်တဲ့ အရေးပေါ်တားဆေးတွေ = E Pills, i-pill, Preventol, ECee2, Pill 72
• မြန်မာနိုင်ငံမှာရနိုင်တဲ့ အရေးပေါ်တားဆေးတွေ = ECee2, Pill 72
• ထိုင်းနိုင်ငံမှာရနိုင်တဲ့ အရေးပေါ်တားဆေးတွေ = Madonna
• စင်္ကာပူမှာရနိုင်တဲ့ အရေးပေါ်တားဆေးတွေ = Postinor-2®, Estinor®, Norlevo®
• စင်္ကာပူမှာရနိုင်တဲ့ ကိုယ်ဝန်တား ကပ်ခွါဆေး = Ortho Evra® (6 mg Norelgestromin and 600 micrograms Ethinyl estradiol transdermal patch)

ဒေါက်တာတင့်ဆွေ