Dr. Tint Swe's Writings

ဖရဲသီးနဲ့ ဖယုံသီးဟာ ၂ဝ၁၅ ရွေးကောက်ပွဲမှာ တာစားခဲ့တယ်။ လိမ်လုံး၊ ကြွာလုံး၊ ဖြီးလုံး၊ ဖြန်းလုံးတွေကလည်း အကြီးစား အသီးတွေလောက် ကြီးမားတယ်။ ဖရဲသီး ဘယ်ကပုပ်သလဲ။ ဖရဲသီးပုတ်တဲ့အကြောင်း စိုက်ပျိုးရေးသိပ္ပံနည်းအရပြောရရင် စိုက်ခင်းထဲက ဖရဲသီးဟာ (ကန်တော့) ဖင်ဘက်ကသာ စပုပ်ပါတယ်။ ဟိုအရောင် သည်အရောင်ကို ခွဲပြောမရပါ။ ဖရဲသီးဟာ ရောဂါပိုးမွှားကြောင့် ပုတ်ရတာ မဟုတ်ပါ။ ကယ်လ်စီယမ်ဓါတ် မှန်မှန်ကန်ကန်မရလို့သာဖြစ်ပါတယ်။ ဖရဲသီး ကြီးထွာလာတာမြန်လေလေ ကယ်လ်စီယမ် မှန်မှန်နဲ့ များများ လိုလေ ဖြစ်တယ်။ နည်းနေရင် ရလာတဲ့ဒီဓါတ်ဆားက ဖရဲသီး အဖျားပိုင်းကိုမရောက်နိုင်ပါ။ မရတဲ့နေရာက မည်းလာပြီး ပုပ်ပါတယ်။ ပုပ်နေပြီဆိုမှ မြေသြဇာထဲ ကယ်လ်စီယမ် ထပ်ထည့်လို့လည်း မကယ်နိုင်ပါ။ နောက်တချက်က ရေရရှိမှုဖြစ်ပါတယ်။ ရေက ရလိုက် မရလိုက်ဆိုရင် ကယ်လ်စီယမ်ကို လိုတဲ့ဆီအရောက်မပို့နိုင်ပါ။ ဖရဲသီး ကြီးထွားလာချိန်မှာ ရေ ၁ လက္မကနေ ၁ လက္မခွဲအထိရှိနေစေရမယ်။ များလွန်းတာလည်း မကောင်းပြန်ပါ။ pH ကလည်း ၆့၅ နဲ့ ၆့၇ ကြားရှိနေတာအကောင်းဆုံးဖြစ်တယ်။ ပိုစိတ်ချရအောင် ၂ လက္မနေ ၄ လက္မအရွယ်ရှိတဲ့ Organic mulch ခေါ်တဲ့ ကောက်ရိုး၊ မြက်ခြောက်နဲ့ ကာထားပေးရမယ်။ ဖရဲသီးမကောင်းတာ ဖန်းဂတ်စ်...

အုန်းလက်ကြွေရေပေါလော မျောစုန်လို့လာ

မျော လွင့် နဲ့ မြော လွင့် ဘယ်ဟာ မှန်ပါသလဲ ဆရာ မျော မှန်။ ဒရောမျောပါးလုပ်သည် မျှော၍ မျောပြီ ရက်တွေ မျောနေပြီ မျောကျောက် (မိုးကုတ်ကျောက်တွင်း) မျောခွက် မျောတိုင် မျောဝါး ရွှေရင်ကလျှော၊ နွဲ့နွဲ့ချော၊ နစ်မျောကိုလည်း ပင့်ရမည်။ လူလည်းမမျှော၊ ရေ၌မျှော၊ ငှက်ပျောကိုလည်း ပင့်ရမည်။ ဗေဒါလမ်းကဗျာ ညိုပြာပြာ လတာပြင်ခြေရင်း လှိုင်းတက်ရာ ဗေဒါတက်၊ လှိုင်းသက်ရာဆင်း။ ဆင်းရလဲ မသက်သာ အုန်းလက်ကြွေရေပေါလော၊ မျောစုန်လို့လာ အဆင်းနဲ့အလာ၊ ဗေဒါမ အထွေး အုန်းလက်ကြွေ သူ့နံဘေး၊ ဆောင့်ခဲ့ရသေး။ ဆောင့်ခဲ့လဲ မသက်သာ နောက်တချီ ဒီတလုံးက၊ ဖုံးလိုက်ပြန်ပါ မြုပ်လေပေါ့ ပေါ်မလာ၊ မဗေဒါအလှ တလံကွာ လှိုင်းအကြွ၊ ပေါ်လိုက်ပြန်ရ။ ပေါ်ပြန်လဲ မသက်သာ ချောင်းအဆွယ် မြောင်းငယ်ထဲက၊ ဘဲထွက်လို့လာ ဘဲအုပ်မှာ တရာနှစ်ရာ၊ ဗေဒါက တပင်ထဲ အယက်အကန်ခံလို့ ဗေဒါပျံအံကိုခဲ၊ ပန်းပန်လျက်ဘဲ။ ။ (ဇော်ဂျီ) ဒေါက်တာတင့်ဆွေ ၃၁-၈-၂၀၂၀

ရွှေဖီဦးကို ခူးလှည့်ပါ

အိမ်နောက် အိမ်ရှေ့ အိမ့်နောက် အိမ့်ရှေ့ ဆိုလိုရင်း အဓိပ္ပါယ်တူလားဆရာ။ မတူပါ။ အိမ့်ဆိုတာ အိမ်၏။ ငါ နဲ့ ငါ့ မတူသလို။ အိမ်ရှေ့ပူ အိမ်နောက်မချမ်းသာဆိုတာက တမျိုး။ ချစ်တဲ့သူငယ်လေ၊ သူငယ်ချင်းကောင်း ယောင်းမတို့လေ။ နှမထွေး မယ်တို့အိမ်ကို သိလိုချင်မူ၊ နတ်ခရိုင်နှင့် ဈေးဆိုင်နှင့်။ အိမ့်ရှေ့ကမူ အုတ်ပလ္လင်နှင့် ညောင်ပင်နှင့်။ အိမ့်တောင်ကမူ ကြက်သွန်ခင်းနှင့် ရေတွင်းနှင့်။ အိမ့်မြောက်ကမူ စပါးလင်နှင့် ဒန်းပင်နှင့်။ အိမ့်နောက်ကမူ မိဿလင်နှင့် ချင်းပင်နှင့်။ မိဿလင်နှင့် ချင်းကိုလိုလျှင် ဝါဆိုငယ်မှ ဝါဦး မြေနူးနူးကို တူးပလှည့်ရှင်။ မိဿလင်နှင့် ချင်းကိုမလို နှမထွေးမယ့်ကို လိုလျှင် တပေါင်းငယ်မှတန်ခူး ရွှေဖီဦးကို ခူးပါ့လှည့်ရှင်။ အလို အပျိုဖြူ သူနှင့်ဆုံသည်။ ဂုံချိုကုံးငယ်နှင့် ဆောင်လုံးညီးလေး။ (တောင်တွင်း ရှင်ငြိမ်းမယ်) စာကူးရိုက်တာလွဲရင် ကျွန်တော့်တာဝန်ဖြစ်ပါတယ်။ ဒေါက်တာတင့်ဆွေ ၃၁-၈-၂၀၂၀

မြန်မာစာရေးတာ ဘာကြောင့်မှားကြသနည်း

သတ်ပုံမှားတွေကို တင်ပြတိုင်း ကွန်မင့်တွေ တယောက်တမျိုး ခပ်လွယ်လွယ်လေး ရေးကြတယ်။ စာရေးမှားကြခြင်း အကြောင်းတရားတွေက များတယ်။ မေးခွန်းပေါင်း ထောင်သောင်းကိုဖတ်ပြီး ဆန်းစစ်မှု ခပ်မြမြန်လုပ်ထားတယ်။ ၁။ စာရေးရန်ပျင်းရိသူများကြောင့် မြန်မာစာပျက်စီးရသည်တဲ့။ ပျင်းရိတာကရှားပြီး မသိတာကများတယ်။ အမြန်ရေးလို့ လို့ထင်တာလည်း မှားတယ်။ ခက်ခက်ခဲခဲ ရေးကြတယ်။ မလိုတဲ့ အသတ်တွေ၊ အောက်မြစ်တွေ ထည့်ရေးကြတယ်။ မြန်မာလိုရေးနေစဉ်မှာ ကီးဘုတ်ကို တမင်တကာ အင်္ဂလိပ်လို ပြောင်းပြီး P B တွေနဲ့ ရေးကြတယ်။ ၁-၂-၃ ရှိပါလျက်နဲ့ 1 - 2 - 3 ရေးနေကြတာ စာမလှတော့ပါ။ ၂။ တိုင်းရင်းသားဖြစ်လို့လို့ပြောတာလည်း အပြည့်အဝ မမှန်ပါ။ တိုင်းရင်းသားလူမျိုးစုတွေ မြန်မာစာ အားနည်းကြတာ ယျေဘုယျတော့ မှန်တယ်။ ဒါပေမဲ့ မြန်မာစာကောင်းတဲ့ တိုင်းရင်းသားတချို့ကို ကိုယ်တိုင်သိတယ်။ ကျွန်တော်က ဗမာစစ်စစ်။ တခါတခါ မှားတယ်။ တရုပ်-မြန်မာ၊ အိန္ဒိယ-မြန်မာ၊ ပေါ်တူကီ-မြန်မာ ကပြားတွေထဲမှာ စာရေးမှန်သူတွေ ရှိတယ်။ ၃။ မြန်မာစာကို အလေးမထားလို့ဆိုတာ မဟုတ်ပါ။ မေးခွန်းတခုမှာ သတ်ပုံမှားတာထောက်ပြတော့ သမီးက မြန်မာစာဂုဏ်ထူးရထားတာတဲ့။ စာရေးတော့ ဟထိုး ရရစ် ဝဆွဲ ထည့်သင့်တာေ...

Hyperhidrosis ချွေးထွက် များလွန်းလို့

၁။ ကျနော့်ညီက အခု အသက် ၂၁ နှစ်ရှိပါပြီ။ သူက အရမ်းချွေးထွက်သန်ပါတယ်။ ဆောင်းတွင်းအရမ်းအေးနေချိန်မှာ နောက်ပြီး အဲကွန်းခန်းထဲမှာတောင် ဘာမှမလုပ်ဘဲ ချွေးထွက်နေတတ်ပါတယ်။ အထူးသဖြင့် ခေါင်း၊ မျက်နှ၊ာ ရင်ဘတ်၊ ကျော၊ လက်ဖဝါးတွေမှာ ချွေးအရမ်းထွက်တယ်လို့ပြောပါတယ်။ သူ့မှာ ချွေးအရမ်းထွက်တဲ့အတွက် တော်တော်တန်တန် ဘယ်မှမထွက်ရဲအောင်ဖြစ်ရပါတယ်။ ခြောက်တန်းနှစ်လောက်က စဖြစ်တာလို့ ပြောပါတယ်။ လမ်းညွှန်ပေးပါဦးဆရာ။ ဘာတွေလုပ်ရမလဲဆိုတာ။ ၂။ ဂျိုင်းနံ့ ပျောက်ကင်းစေဖို့ ဘယ်လိုသုံးရင် အဆင်ပြေနိုင်မလဲ။ လူကြားထဲ သွားလာရတဲ့အခါ အားနာမိလို့ပါ။ ချွေးထွက်များမှ သွေးထွက်နည်းမယ်ဆိုတာ စစ်သင်တန်း ဆောင်ပုဒ် တခုပါ။ နေရင်းထိုင်ရင်း ချွေးထွက်များတာ ကျန်းမာရေးမေးခွန်း ဖြစ်တယ်။ နဖူးကချွေး ခြေမ ကျအောင်လုပ်ရပေမဲ့ ဝမ်းမဝသူတွေ အတွက်ကတော့ စီးပွါးရေးပုစ္ဆာ ဖြစ်ပါမယ်။ ချွေးရော သွေးပါ ရင်းရှာနေရဆဲပါ။ ချွေးထွက်တာကို Perspiration, Transpiration, Diaphoresis ခေါ်တယ်။ အရေပြားမှာရှိတဲ့ ချွေးအိတ်တွေကနေ ရေနဲ့ ဓါတ်ဆားတွေ ထွက်စေတာပါ။ ဦးနှောက်ထဲက Hypothalamus ကနေထိန်းပေးတယ်။ ချွေးထွက်တာက ကောင်းစေဘို့ပါ။ ကိုယ်ပူချိန် သမမျှတပေးလို့ ချွေးထွက်ရင် အေးသွားစေတယ်...

စုတ်ပြဲနေသော သတ်ပုံကျမ်းများ

၁။ ဆရာခင်ဗျား ရှေးယခင်က သတ်ပုံစာအုပ်တွေက ယခုချိန်မှာ အရမ်းကိုရှားပါးပြီး ဈေးလည်းကြီးပါတယ်။ မရှိသလောက်လည်း ရှာပါးနေတာကြောင့်၊ သတ်ပုံစာအုပ်တွေကို ဈေးနူန်းချိုသာစွာနဲ့ ပြန်လည်ထုတ်ဝေပေးနိုင်မည့်သူကို မျှော်လင့်နေပါတယ် ခင်ဗျ။ ၂။ ဆရာရှင့် မြန်မာစာသတ်ပုံမှန်ဖို့ ဘယ်စာအုပ်ဖတ်ရမလဲ လမ်းညွှန်ပေးပါဦးရှင့် မကြာခဏ ဖြေရတယ်။ အဖြေကို လက်ခံနိုင်သူ အတော်ကို နည်းမယ်။ ၁၉၈၀-၉၀ နောက်မှာစာသင်ရသူတွေက ပေါ်လစီသတ်ပုံကိုသာ သိကြတယ်။ ပြန်ထုတ်စာအုပ် ၉၀% က လျှာရှည်သတ်ပုံတွေ။ ဒေါင်းလုဒ်စာအုပ် ၉၀% ကလည်း တမင်တကာ မှားအောင်ပြင်ထားတာတွေ။ လွတ်လပ်ရေးရပြီးနောက်ထုတ်တဲ့ ဟံသာဝတီတိုက်ထုတ်တွေ အားလုံး ကောင်းတယ်။ ၁၉၈၀ မတိုင်မီထုတ် ကျောင်းသုံးစာအုပ်တွေ အကုန်ကောင်းတယ်။ မူရင်း မြန်မာ့စွယ်စုံကျမ်း (၁၅) အုပ် ကောင်းတယ်။ စွယ်စုံကျမ်းအနှစ်ချုပ်တွေ အကြောင်းအရာရော သတ်ပုံပါ တအုပ်တလေမှ မမှန်။ ဆဋ္ဌသံဂါယနာတင် ပါဠိပိဋကတ်တော် မြန်မာပြန် မူရင်းအုပ်ရေ ၃၀ ကျော် အားလုံးမှန်တယ်။ ကောင်းတယ်။ သတ်ပုံကျမ်းအဟောင်းတိုင်းတော့ မလိုပေမဲ့ လိုတဲ့စာအုပ်တွေရှိတယ်။ ၁။ ရှင်ဥက္ကံသမာလာ ပြုစုထားတဲ့ ဝဏ္ဏဗောဓနသတ်အင်း (၁၉၆၁) ဟာ တချိန်က ကျောင်းသုံးမှီငြမ်းစာအုပ်ဖြစ်တယ်။ သိလိ...

ကျင် ကြင် ကြဉ် ကျဉ်

- August 30, 2020

နာကျင် လို့ပဲ သုံးဖူးပါ၏ ရှောင် ကျဉ် မှ ညလေးသတ် ဉ် ကျင်တာ မဟုတ်လား ဆရာ ရှောင်ကြဉ် မှန်။ ကြဉ် ပယ်ကြဉ် ဖယ်ကြဉ် ဖဲကြဉ် ကြဉ်ဖယ် ကြဉ်ရှောင် နောင်ကြဉ် ရှောင်ကြဉ် ကျင် ကျွမ်းကျင် ကျင်ကိုင် ကျင်စွယ် ကျင်တွယ် ကျင်ကြီးကျင်ငယ် ကျင်နာ ကျင်လည် စကျင်ကျောက် ဆံကျင် ဆံထိုး ဆန့်ကျင်ဘက် တံကျင် တံခါးကန့်လန့်ကျင် တက်မကျင် ထက်ဝန်းကျင် ပတ်ကုံးဝန်းကျင် ပတ်ဝန်းကျင် ဖိုကျင်ထိုး ရွက်ကျင် ခြေကျင်လျှောက် ရွှေကျင် ရွှေကျင်ခပ်ပဝါ ကြင် နီကြင်ကြင် ကြင်စဦး ကြင်နာ ကြင်ရာ ကြင်ဖော်ကြင်ဖက် လွန်းကြင်ငှက် လွန်းကြင်လှေ ဝါကြင်ကြင် အကြင်လင်မယား ကျဉ် ကျဉ်ထုံ ကျဉ်နီကျဉ်နက် ကျဉ်ကြော ခါးကျဉ် ခါးသေး ခါးကျဉ် ထုံကျဉ် အကျဉ်အခဲ အထုံအကျဉ် ခြေကျဉ် မြေကျဉ်ပစ် ကြင်နာသနား၊ ငါ့အားမသတ်၊ ယခုလွှတ်လည်း၊ မလွတ်ကြမ္မာ၊ လူတကာတို့၊ ခန္ဓာခိုင်ကျည်၊ အတည်မမြဲ၊ ဖေါက်လွဲတတ်သည်၊ မချွတ်စသာ - သတ္တဝါတည်း။ (အနန္တသူရိယ) ဒေါက်တာတင့်ဆွေ ၃၀-၈-...

ဆောင်ရန် ရှောင်ရန်

- August 30, 2020

သမီး အခြေအနေနဲ့ စောင်ရန် (ဆောင်ရန်) ရှောင်ရန် နဲ့ လုပ်ရမည်လေးတွေကို ပြောကြားပေးပါအုံး (ဦး၊ အုန်း) စောင် ကျမ်းတစောင် စာတစောင် စောင်ချမ်းပင် စောင်ခြုံ စောင်မကြည့်ရှု စောင်ခြမ်းအိုးကွဲ မပူပေါင် နောက်ဆီက ချမ်းရော့ထင့် အဖြူစောင် ခေါက်ထည်ကြမ်းကိုလ လွှမ်းတဲ့လို့ လွှားကာခြုံ ပါးမှာငုံပါတဲ့ နုရွှေကွမ်း။ (အချုပ်တန်းဆရာဖေ) ဆောင် ငဆောင်ချမ်းအရပ် တန်ဆောင်ဆီးမိး တန်ဆောင်မုန်းလ မင်္ဂလာဆောင် လူနာဆောင် သည်ပိုးရွက်ဆောင် အိမ်တဆောင် မီးတပြောင် အဆောင်နေကျောင်းသား ဆောင်ဒါး ဆောင်ပုံတင် ဆောင်ပန်း ဆောင်ပုဒ် ဆောင်ပျံ ဆောင်ကြဉ်း ဆောင်ယူသည် ဆောင်ရန် ရှောင်ရန် ကျွေးမွေးမပျက် ဆောင်ရွက်စီမံ မွေခံထိုက်စေ လှူမျှဝေ၍ စောင့်လေမျိုးနွယ် ဝတ်ငါးသွယ် ကျင့်ဖွယ်သားတို့တာ။ (သိင်္ဂါလသုတ်တော်) ဒေါက်တာတင့်ဆွေ ၃၀-၈-၂၀၂၀

ဆိမ့် နဲ့ ဆိပ်

အထပ်တစ်ရာနဲ့ ပေါ့ဆိပ် တဲ့။ အမှား ၂ ခုပါတယ်။ ထပ်တရာကို တင်ပြီးပြီ။ ဆမ့် နဲ့ ဆိပ်မှားတာ ထပ်ရေးဦးမယ်။ ဆိမ့် ဆိမ့်သောအရသာ အီဆိမ့် ဆိမ့်အိမ့် ချိုဆိမ့် ဆိပ် လှေဆိပ် လှည်းဆိပ် အဆိပ် ဆိပ်ကမ်း ဆိပ်ခံသမ္ဗန် ဆိပ်ဖလူးပင် ဆိပ်ဖူးပင် ဆိတ် ခပ်မဆိတ်နေသည် ဆိတ်ကွယ်ရာ ဆိတ်ချို ဆိတ်ဆိတ်နေ ဆိတ်တကောင် ဆိတ်ဖွား ဆိတ်ဖလူးပန်း ဆိတ်ဖူးပင် ဆိတ်ဖဲ့သည် ဆိတ်ငြိမ်ရာအရပ် ဆိတ်သို ဆိတ်သုဉ်း ဆိတ်နို့မုန့် ညံဆိတ်ဆိတ် တဆိတ်စာ တဆိတ်တပေါက် တဆိတ်ကျေးဇူးပြုပါ တိတ်ဆိတ်သောည တိတ်တဆိတ် တို့ဆိတ်သည် တဖျောက်ဆိတ်ဆိတ် ထိုးဆိတ် ပရွက်ဆိတ် ပုစွန်ဆိတ် ပုစွန်ဆိတ် (ဗုဇွန်ဆိတ် ယခင်အသုံး) ကြက်ဆိတ်သည် ဗုဇွန်ဆိတ် (ယခင်အသုံး) မုတ်ဆိတ် လက်သည်းဆိတ် လက်ထိပ်နာ လက်နှင့်ဆိတ် လူသံတိတ်ဆိတ် နှုတ်ဆိတ် ဆိပ် ကွန်စိပ်ချ၍ ငါးဖမ်းသည် ကူးတို့ဆိပ် စပါး ခပ်စိပ်စိပ်ကြဲပါ စိပ်ပုတီး တံဆိပ်ခေါင်း ပုတီးစိပ်ပါ ဘွဲ့တံဆိပ် မစိပ်မကျဲ မြစ်ဆိပ် သင်္ဘောဆိပ် အဆိပ်အတောက် အရွက်စိပ်စိပ် ဖျောက်ဆိပ်ကြယ် မြွေဆိပ် ရေချိုးဆိပ် ရေဆိပ် ရွှေတံဆိပ်ဆုရ ဆိတ်ကွယ်ရာရှိ။ မျက်ကွယ်ရာရှိ။ စိတ်ကွယ်ရာမရှိ။ ဝင်းဦး - ရေချိုးဆိပ် https://www.youtube.com/watch?v=0bBOtM2B50c ဒေါက်တာတင့်ဆွေ

အသစ် နဲ့ အဟောင်း

မနေ့က ဟိုခေတ်က ဘတ်စ်ကားပုံတခုနဲ့ ပို့စ်တင်တော့ သူငယ်ချင်းက ခုခေတ်ပုံနဲ့ တွဲတင်ရင်ကောင်းမယ်လို့ အကြံပေးတယ်။ သူရောကျွန်တော်ပါ အဲလိုပုံထဲက ဘတ်စကားမျိုးတွေစီးပြီး ဆေးကျောင်းတက်ခဲ့ရတယ်။ သူငယ်ချင်းရေး အရင်ပုံနဲ့ အခုပုံတွဲယှဉ်တင်မိရင် မဲဆွယ်တယ်ထင်မှာ စိုးတယ်ကွ။ အရင်ကကောင်းခဲ့တာတွေလည်း ရေးပါတယ်။ ဒို့ခေတ်က မြွေဆေးအဆင့်မီကြောင်း စောစောက ရေးလိုက်တယ်။ ဒို့ခေတ်က သတ်ပုံမှန်တာ ရေးမိတော့ ဝိုင်းကလောကြတယ်။ မြန်မာစာဘတ်စ်ကာအိုကြီးက မပြင်အားသေးဘူးတဲ့။ တက်စီးကြသူတွေက ခေါင်မိုးပေါ်အထိ။ ဒေါက်တာတင့်ဆွေ ၂၉-၈-၂၀၂၀

ပြား ၁၀၀ နဲ့ ပြား ၁၀၀

ကျွန်တော်တို့ လက်ရှိကိုးကားနေရတဲ့ မြန်မာစာလုံးပေါင်းသတ်ပုံကျမ်းတွေက မှားနေတာလား ဆရာ။ ဆရာ့ဘက်က ခိုင်မာမှုရှိတယ်ဆိုရင် ဆရာကြီးမောင်ခင်မင် တို့နဲ့ ဆွေးနွေးပြီး ထိထိရောက်ရောက် ဆောင်ရွက်ပေးစေလိုပါတယ်။ နောင်လာနောက်သားတွေအတွက် တောင်းဆိုပါတယ်ခင်ဗျား။ အခါ တထောင်လောက် တင်ပြထားပြီးဖြစ်ပါတယ်။ နိုင်ငံရေး မဟုတ်။ အုပ်ချုပ်ရေး မဟုတ်။ ဘာသာရေး မဟုတ်။ ပညာကို ပညာနဲ့သာ နှိုင်းချိန်ရတယ်။ ဒီဘိတ် မလို။ ကျပန်းစကားပြောပွဲ မလို။ မဲခွဲနည်း မလို။ လျှောက်လွာတင်နည်း မလို။ တရားဝင်တဲ့ အရာတိုင်းလည်း မှန်ချင်မှ မှန်တတ်တယ်။ တကျပ်လို့ရေးတာ ၁၉၇၂ ခု အောက်တိုဘာ ၃၁ ရက်နေ့အထိ မှန်ခဲ့တယ်။ အခု အဲလိုရေးရင် ဘဏ်တွေက ငွေသွင်း ငွေထုတ် လက်မခံ။ ပြား ၁၀၀ နဲ့ ပြား ၁၀၀ မတူတော့ဘူးတဲ့။ တရာကို တရာလို့ရေးရင် ပြား ၁၀၀ လို့မထင်ကြတော့ပါ။ ကုလားထိုင်ရှိတဲ့သူတွေက ပြောတာ မှန်တဲ့ခေတ်မှာ ဖျာပေါ်ကလူတွေက ဖေ့စ်ဘွတ်မှာသာ ရေးလို့ရတယ်။ ဒေါက်တာတင့်ဆွေ ၂၉-၈-၂၀၂၀

ကလို့တော့ မဖြစ်ဘူးထင်တယ်

မြန်မာစာအရေးအသား ပြုပြင်ပေးတဲ့ဆရာ ရန်ကုန်သူရန်ကုန်သားတွေ သုံးနေတဲ့ စကားတခု ပြင်ပေးပါ ဥပမာ တခု မစားရသေးဘူးကို မစားကသေးဘူးလို့ပြောနေကြတာ နားထဲတမျိုးဖြစ်နေပါတယ် အခါ ၂၀ လောက် တင်ပြထားတယ်။ မေးခွန်မှာ ပါတိုင်း နင်ပနယ်။ ကလေးနေမကောင်းသူ ကလေးချော့သီချင်းနဲ့က စသဖြင့်။ က = ကတ္တားဝိဘတ် + ထွက်ခွါရာပြဝိဘတ် + အချိန်ပြဝိဘတ် + နေရာပြဝိဘတ် ၁။ ကျွန်မစကားအမှားပါရင် ခွင့်လွတ်ပေးပါဆရာ ကျွန်မနားက နားပြည်ယိုလိုက် သွေးထွက်လိုက် ဖြစ်ပါတယ် ဆရာဝန်နဲ့ပြတော့ နားစည်ပေါက်တယ် ပြောပါတယ်ဆရာ ကျွန်မအခုနားက အသံတိုးရင် ဘာမှ မကြားရဘူးဆရာ အဲဒါကျွန်မ ဘယ်မှာဆေးကုပြကမလဲဆရာ ဆရာရဲ့ ဆေးခန်းနဲ့ ထိုင်တဲ့အချိန်နဲ့ ဆေးခန်းကို ပြောပြပေးပါလားဆရာ ကျေးဇူးတင်ပါတယ်ဆရာ ၂။ ကျွန်မအသက် ၄၃ နှစ်ပါ နားဖြစ်တာ အပျိုထဲက ဖြစ်နေတာပါဆရာ ကြာလဲကြာနေပြီဆရာ အိမ်ထောင်ရှိပါတယ် ကလေးတယောက်ရှိပါတယ်ဆရာ အခုကျွန်မနားက အသံတိုးရင် မကြားကပါဘူးဆရာ ကျွန်မနားကို ဘယ်လိုလုပ်ကမှန်းမသိလို့ ဆရာရှိရိုသေစွာမေးကြည့်တာပါဆရာ ဆေးခန်းတွေပြတော့ နားစည်ပေါက်နေတယ် ပြောတယ်ဆရာ ကျွန်မနားက နှစ်ဖက်လုံး သိပ်မကြားရဘူးဆရာ ကျွန်မကို ဘယ်လိုလုပ်ကမလဲ ပြောပြပေးပါဆရာ ကျေးဇူးတင်ပါတယ်ရှင် ၃။ ယားလို့...

September စက်တင်္ဘာလ

စက်တင်္ဘာနာမည်ဟာ Septem (Seven) ကနေ ဆင်းသက်လာတာဖြစ်တယ်။ ရောမပြက္ခဒိန်အရ သတ္တမမြောက်လ ဖြစ်လို့ပါ။ အဲသည်ခေတ်က တနှစ်မှာ (၁ဝ) လသာရှိတယ်။ ဇန္နဝါရီနဲ့ ဖေဖေါ်ဝါရီလတွေကမပါသေးပါ။ ၂၀၂၀ ခုနှစ် စက်တင်္ဘာလမှာ မြန်မာပြက္ခဒိန်အရ ၁၃၈၂ ခုနှစ်၊ ဝါခေါင်လဆန်း (၁၄) ရက်ကနေ တော်သလင်းလဆန်း (၁၄) ရက်နေ့အထိ ကျရောက်တယ်။ စက်တင်္ဘာလ အထိမ်းအမှတ်နေ့များ • ပဌမတနင်္ဂနွေနေ့ = Grandparents Day အမေရိက နဲ့ ကနေဒါ အဖိုး-အဖွါးများနေ့ • ပဌမတနင်္လာနေ့ = Labor Day (Labour Day) အမေရိက နဲ့ ကနေဒါ အလုပ်သမားနေ့ • တတိယတနင်္လာနေ့ = ဂျပန် သက်ကြီးရွယ်အိုများနေ့ • ၁ ရက်နေ့ = အူဇဘက်ကစ်စတန် လွတ်လပ်ရေးနေ့ • ၂ ရက် = ဗီယက်နမ် အမျိုးသားနေ့ • ၅ ရက် = Teachers’ Day (အိန္ဒိယ) ဆရာများနေ့ • ၇ ရက် = ဘရာဇီးလ် လွတ်လပ်ရေးနေ့ • ၈ ရက်နေ့ = International Literacy Dayနိုင်ငံတကာစာတတ်မြောက်ရေးနေ့ • ၁၃ ရက် = Positive Thinking Day အပြုသဘောဆောင်စဉ်းစားရေးနေ့ • ၁၅ ရက် = အယ်လ်ဆာဗာဒို လွတ်လပ်ရေးနေ့ • ၁၅ ရက် = အမေရိကန် ဟစ်ပင်းနစ် ရှေးဟောင်းအမွေအနှစ်နေ့ • ၁၅ ရက် = International Day of Democracy နိုင်ငံတကာဒီမိုကရေစီနေ့ • ၁၈ ရက် = National Cheeseburger Day ချိစ်ဘာဂါ နေ့ • ၁၉ ရက် = Pup...

စုံပဝါ ဘယ်ညာချ

၁။ လက်ကိုင်ပဝါ၊ လက်ကိုင်ပုဝါ၊ ဘယ်စာလုံးအမှန်လဲရှင့်ဆရာ။ ၂။ ဆရာ ကျမတို့ငယ်ငယ်ကစာမှာ ပုဝါ၊ သံပုရာသီး စသည်ဖြင့် သင်ခဲ့ရပါတယ်။ ယခုခေတ်ကလေးတွေ သင်ရတာကျတော့ ပဝါ၊ သံပရာသီးတဲ့ ဘယ်ဟာအမှန်လဲပြောပြပေးပါရှင်။ ပဝါနဲ့ ပုဝါ နှစ်မျိုးလုံးရေးပါတယ်။ ပဝါ ပဝါတံဘက် = (မွန်) = တဟမက် မျက်နှာသုတ်ပဝါ စုံပဝါ ဘယ်ညာချ၊ မှုန်နံ့သာခြယ်ကာသ့့ ပဝါရဏာ = ဘိတ်ကြား ပန်ကြားခြင်း ၃။ ပဝါပါး ပုဝါပါး ဘယ်သတ်ပုံက အမှန်ပါလဲဆရာ ၄။ ဆရာ ရေချိုးပြီးသုတ်တဲ့အဝတ်စ တဘက် လို့ ရေးတာ မှန်သလား ရှင့် တံပက်ပုဝါ တံပက်ပဝါ ပဝါတံဘက် မျက်နှာသုတ်ပဝါ စုံပဝါ ဘယ်ညာချ၊ မှုန်နံ့သာခြယ်ကာသ အရင်ထုတ်သတ်ပုံစာအုပ် တအုပ်မှာ ပုဝါ နဲ့ နောက်တအုပ်မှာ ပဝါ။ အခုခေတ် သတ်ပုံစာအုပ်မှာ ပဝါလို့ရေးပါတယ်။ ပဝါပါးကို ကြက်သားထုပ်တော့ စွန်းတတ်တယ်။ တရွာသားကို ရည်းစားလုပ်တော့ လွမ်းရတတ်တယ်။ ဒေါက်တာတင့်ဆွေ

လင်းပြန်လုနော်

ခိုးဆိုးလုယက် စာလုံးထဲက လုဆိုတဲ့ပစ္စည်းလုတဲ့အဓိပ္ပါယ်က Looting က loot ကို မွေးစားထားတာလားဆရာ မဟုတ်ပါ။ မြန်မာစာလုံးအစစ် ဖြစ်ပါတယ်။ လုယူ၊ လုယက်သာမက တခြားအသုံးတွေလည်းရှိတယ်။ ပြီးလုပြီးခင်၊ လုလင်ကျော်မြစ်၊ လုလင်ကျော်ပင်၊ လုလင်ကျော်ရွာ၊ လုလင်ပြန်ချိန်၊ ဗေလုဝရွာ၊ သေလုမတတ်၊ မင်းစေလုလင်၊ လာလုဆဲဆဲ၊ လာလုလုငေး (တင့်တယ်) စိန်ခြူးကြာညောင်၊ လရောင်လင်းပါလို့၊ မှန်ရွှေပြူ ပြတင်း ငယ်က မယ်ခုမျှော်၊ သုံးချက်စည်တော် ရိုက်ဆော် ညှင်းတယ်လေး လင်းပြန်လုနော်။ (လှိုင်ထိပ်ခေါင်တင်) ဒေါက်တာတင့်ဆွေ ၂၈-၈-၂၀၂၀

France ဖရန့်စ်

ဆရာ မြန်မာလို ပြင်သစ်လို့ခေါ်ပြီး နိုင်ငံတကာမှ france လို့ခေါ်တာ သိပါရစေ နိုင်ငံတကာ ကလွဲတာလား မြန်မာနိုင်ငံက လွဲတာလား မသိလို့ ရှင်းပြပေးပါ တနေ့က ရေးလိုက်သေးတယ်။ မြသန်းတင့်က ပါရီကျဆုံးခန်းလို့ရေးတယ်။ ကိုကိုမောင် ခေါ် ဦးချစ်လှိုင်က ပါရီတွင် သောင်တင်ခဲ့စဉ်ကလို့ရေးတယ်။ ကင်းဝန်မင်းကြီးက ပါရစ်လို့ရေးတယ်။ ကျွန်တော်က ပဲရစ်သင်း ချန်ပီယံလိခ် မှာ ရှုံးသွားရ လို့ ရေးပါတယ်။ ပြင်သစ် ခေါ် ဖရင့် အသံထွက်က ခက်တယ်။ France ဖရန့်စ် က နိုင်ငံ။ နာမ်။ French ဖရင့်ခ်ျ က လူမျိုးနဲ့ စာ။ နာမ် + နာမဝိသေသန။ Myanmar မြန်မာမှာတော့ တိုင်းပြည် + လူမျိုး + စာ အားလုံးအတူတူပဲတဲ့။ ကျွန်တော်က မှန်တယ်မထင်။ ကျွန်တော်ပြောတာ လိုက်မရေးစေလိုပါ။ စာမေးပွဲ အမှတ်မရ၊ အလုပ်မရ ဖြစ်နိုင်တယ်။ ကျွန်တော်က နာမ်နဲ့ နာမဝိသသနကို တူတယ်လို့ မထင်ပါ။ ဒေါက်တာတင့်ဆွေ ၂၈-၈-၂၀၂၀

အော်ဂဲနစ်

အပိုအဆာ အဆန်းအပြား နိုင်ငံခြား မဟုတ်တာကို ခေါ်ပါတယ်။ မိမွေးတိုင်း ဖမွေးတိုင်း အမျိုးစစ်တာတွေ။ အရောအနှာကင်းတာတွေ။ ဟင်းချက်နည်းစာတွေမှာ ဘာကိုဖြစ်ဖြစ် အသားမှုန့် ဟင်းချိုမှုန့် ထည့်ခိုင်းကြတယ်။ မကောင်းပါ။ အပင်စိုက်တာ ပိုးသတ်ဆေးမသုံး၊ ဓါတ်မြေသြဇာမသုံးတာ ကောင်းတယ်။ အသားတွေမှာ ဟော်မုန်းဆေးမထိုးတာ ကောင်းတယ်။ လူအမည် မောင်ဘဖြစ်ဖြစ် မမြဖြစ်ဖြစ် အမေအဖေပေးထားတာထက် လှတာမရှိ။ နိုင်ငံရေးမှာ ရှစ်လေးလုံး အော်ဂဲနစ် စစ်တယ်။ နောက်မှ မြေသြဇာ အချိုမှုန့် ဟော်မုန်းတွေ ဆိုးဆေးတွေ သုံးတော့ စားမကောင်းပါ။ ရောင်းလို့တော့ ဝယ်သူမရှား။ ကြည့်ကောင်းရင် အရောင်လှရင် ကောင်းတယ် ထင်သူ များတယ်။ ဒေါက်တာတင့်ဆွေ

ဘန်းစကားဟူသည်

အဲ့ခေတ်က ဘန်းစကားဆိုတာကြီး ရှိခဲ့တာပေါ့နော် ဆရာ။ ခေတ်တိုင်းမှာ ဘန်းစကားတွေ ရှိတယ်။ လှသမိန်က စာအုပ်ထုတ်ထားတယ်။ ဥပမာ ညိုမြလုပ်သည်။ မင်းကြီးတာကထွက်သည်။ ဘန်းစကားဆိုတာ ခေတ်စကား။ သတ်ပုံတော့ မှန်ရတယ်။ သတ်ပုံဖျက်ရေးတာကို ဘန်းစကားမခေါ်။ အလန်းကို အလမ်းလို့ရေးရင် နာရီနိုးစက်။ ဘယ်လိုလုပ်ရမလဲကို လုပ်ကမလဲရေးရင် ဇာတ်စင်ပေါ်သာတက်ကပေတော့။ ဘန်းစကားကို အင်္ဂလိပ်လို Slang နဲ့ Jargon ဖြစ်ပါတယ်။ အီဒီယမ်ဝေါဟာရတမျိုးဖြစ်တယ်။ ဘန်းစကားဆိုတာ Colloquial language အရပ်သုံးစကားနဲ့မတူပါ။ ဘန်းစကားဟာ ခေတ်စကားဖြစ်တယ်။ အသစ်ထွင်တာဖြစ်တယ်။ မြန်မာလိုတော့ ဓလေ့သုံးစကား၊ ကာလဒေသအလိုက်သုံးစကား၊ ဒေသိယစကား စသဖြင့် ဘာသာပြန်ပါတယ်။ ဘန်းစကားဆိုတာ ခပ်လွယ်လွယ်၊ ခပ်ပေါ့ပေါ့၊ ပျော်စေပျက်စေ၊ ထိထိမိမိ၊ မတိမကျ၊ ခပ်စောင်းစောင်း၊ ထူးထူးခြားခြား၊ ရွှန်းရွှန်းလဲ့လဲ့၊ ခပ်ရိုင်းရိုင်း၊ မဖွယ်မရာ၊ လူလေလူလွင့်ပြောစကား၊ အချင်းချင်းသာနားလည်တဲ့၊ လူတိုင်းမသိတဲ့၊ အတူလုပ်သူတွေသာသိတဲ့ စကားမျိုးဖြစ်တယ်။ ဘန်းစကားတွေကို ကာလတိုတခုမှာသာသုံးတယ်။ တမင်တကာ တီထွင်ယူတာမျိုးဖြစ်တယ်။ သူခိုးသုံး၊ စစ်သုံး၊ ပုလိပ်သုံး၊ ထောက်လှမ်းရေးသုံး၊ စီးပွါးရေးလောကသုံး၊ ပွဲစားသုံး၊ နိုင...

တလကြာ

- August 27, 2020

ဆိုဗီယက်မှာ တလကြာ နေရင်း ဦးကောဝိဒ ဗုဒ္ဓစာပေဆိုင်ရာစာအုပ်များ ဒေါက်တာတင့််ဆွေ ၂၇-၈-၂၀၂၀

ပြန်

- August 27, 2020

ယိုးယားပြန် အမာစိန် - အက ဆိုဗီယက်ပြန် နွဲ့နွဲ့စန်း - အက ဆိုဗီယက်ပြန် ဒို့စိန်ကုလား - ဆိုင်း ဒိုရာသန်းအေး (ဘိလပ်ပြန်သန်း) - အဆို ပီကင်းပြန် ဝင်းကို (အင်းဝ) - ခြင်းလုံး ကရိုနာဗိုင်းရပ်စ်ဖြစ်တော့ တရုပ်ပြန်၊ နိုင်ငံခြားပြန်တွေပေါ်လာတယ်။ အခုတခါ စစ်တွေပြန်တဲ့။ ကူးစက်ရောဂါ ကင်းစင်ပြီး နေကောင်းကြပါစေ။ ဒေါက်တာတင့််ဆွေ ၂၇-၈-၂၀၂၀

တခွန်း သူ့ကို ပြောလိုက်ပါ

တယောက်သောသူက ပဟေဠိ တပုဒ် ဒေါက်တာတင့်ဆွေ ပုံပို့ပေးသူ ကျေးဇူး။ တဦးကစေတနာ တဦးကမေတ္တာ ဒေါက်တာတင့်ဆွေ ပုံပို့ပေးသူ ကျေးဇူး။ တကွေ့ တကမ္ဘာ ဒေါက်တာတင့်ဆွေ ပုံပို့ပေးသူ ကျေးဇူး။

တပိသာပဲရှိတယ် အမာ

နင် ဒီလ စာသိပ်မဖတ်ဘူးထင်တယ် ဒေါက်တာတင့်ဆွေ ပုံပို့ပေးသူ ကျေးဇူး။ ဟင်းသီးဟင်းရွက် ဈေးကြီးတော့ တခြား အသီးအနှံတွေ စားတာပေါ့ကွာ ဥပမာ ပဒိုင်းသီးကွာ ခွေးလှေးယားသီးကွာ ဒေါက်တာတင့်ဆွေ ပုံပို့ပေးသူ ကျေးဇူး။

မိုဃ်းကောင်းပါစေသတည်း

မိုးကိုရော ဘာကြောင့် ရှေးခေတ်စာပေတွေထဲကလို မိုဃ်းလို့ မရေးတော့ပါသလဲ ဆရာ အဲဒါမျိုးက ခေတ်သဘောအရ ပြောင်းလဲခြင်းမည်တယ်။ ခက်တာကို လွယ်စေတယ်။ ရှင်းလင်းစေတယ်။ ဆိုလိုချက် မပြောင်းလဲပါ။ မိုဃ်း၊ ၍့၊ ၏့၊ ကျမ္မာ၊ စွဲး၊ စဲး၊ ထဲး၊ ဆြာ၊ မင်းသ္မီး၊ မိုဃ်း၊ မဲးဇာ၊ မှု့၊ ယ္ခင်၊ မြမ္မာ၊ သ္ခင်၊ သဲး၊ ဥူး၊ ဧး၊ ယ္ခု၊ မိမ္မ၊ ဆုမ္မ စသည်။ အဲတာတွေကို မဆင့်တော့ပဲ ခွဲရေးတာဟာ ပိုရှင်းလင်းပြီး အဓိပ္ပါယ်လည်း မပျက်စေလို့ သင့်မှန်တယ်။ ဝစ္စနှစ်လုံးပေါက်တွေနဲ့ အောက်မြစ်တွေ ဖြုတ်ရေးလာတာ ကြာပြီ။ ၁၉၅၃ နဲ့ ၁၉၅၄ ခုနှစ်ထုတ် သတ်ပုံကျမ်းတွေမှာ ပါသေးတယ်။ ၁၉၆၁ ခုနှစ်ထုတ် ဝဏ္ဏဗောဓနသတ်အင်းမှာ မပါတော့ပါ။ ကင်းဝန်မင်းကြီး ရေးသားခဲ့တဲ့ နေမိရကန် တပွဲတလမ်း၊ ထမ်းမည်ရွက်မည်၊ ဆက်ဆပ်မည်တိ၊ ကြံစည်ရှိရင်း၊ နှလုံးသွင်းဟု၊ ပျံ့သင်းကြူထုံ၊ ပဒုမုံနှင့်၊ နေရုဏ် နှိုင်းလျော်၊ အမိန့်တော်လဲ၊ စေ့ဆော်ခန့်သင့်၊ ကြိမ်သဖြင့်၊ ပွင့်တော့မည် ရွှေနားချိုလော့။ ရွှေဘုန်းတော်ရိပ်၊ မြန့်တဆိပ်လည်း၊ အကျိပ်ကယ်ဆယ်ဆူ၊ မင်းထီးမူသမျှကို၊ လွယ်ကူဧကန်၊ ရမည်မှန်သောကြောင့်၊ ရကန်တဆူ၊ အသစ်မူဆဲတွင်၊ လူတလုံးမှတ် နတ်ဆယ်ကိုးလုံး၊ ကူ၍ကုံးသည့်နှယ်၊ မှတ်ကြုံးကျယ်ချဲ့၊ ပြီးလွယ်တဲ့ လွန်းလို့၊ စာဘွဲ့ရင်...

Thyrosit လည်ပင်းကြီးဟော်မုန်းဆေး

၁။ ကျမအသက် ၂၃ ပါ။ အိမ်ထောင်ရှိပါတယ်။ ယ်ငယ်ကတည်းက လည်ပင်းကြီးရောဂါ ရှိပါတယ်။ ကျောင်းမှာ လာစစ်ပေးတဲ့ ကျန်းမာရေးမှူးက ပြောလို့သိရတာပါ။ ၃-၄ တန်းတုန်းကလောက်ပါ။ အဲ့ဒီတုန်းကတော့ အိုင်အိုဒင်းဆား စားရုံကလွဲလို့ ဘာမှ မကာကွယ်ဖြစ်ပါဖူး။ လည်ပင်းအထူးကုနဲ့ ပြတော့ ဆေးပေးပါတယ်။ လည်ပင်းက သိသိသာသာ ကြီးတာတော့ မဟုတ်သေးပါဖူး။ ဆေးနာမည်တော့ မမှတ်မိတော့ပါဖူး။ အဲဒါက လွန်ခဲ့တဲ့ ၂ နှစ်ကပါ။ ဆေး ၁ နှစ်လောက် စားပြီးတော့ ဆေးစားတာ နားခိုင်းလိုက်ပါတယ်။ ကျမလည်း ပျောက်ပြီ ထင်သွားပါတယ်။ ဒါပေမဲ့ ဆေးဖြတ်ပြီး ၂ နှစ်လောက် ရှိတော့မှ လည်ပင်းက အရင်ကထက် နည်းနည်း ပိုကြီးလာတယ် ထင်လို့ ပျောက်-မပျောက် သေချာသွားမေးမယ်ဆိုပြီး ထပ်သွားတော့ အရင်ပြတဲ့ အထူးကုပါပဲ၊ ဆေး ၁ လစာ ထပ်ပေးစားပါတယ်။ ဆေးနာမည်က Thyrosit 100mcg ပါ။ နံနက်အစာ စားပြီး ၁ လုံးသောက်ခိုင်းပါတယ်။ ဆေးစားပြီး မသက်သာရင်တော့ အသားကိုယူ စစ်မယ်ပြောပါတယ်။ သွေးတော့ စစ်ပြီးပါပြီ။ သိချင်တာက ကျမလည်ပင်းက တဖြည်းဖြည်း ကြီးလာမဲ့သဘော ရှိပါသလား။ အသားကို စစ်ရင်ရော ပိုက်ဆံ အရမ်းကုန်မှာလား။ ခွဲရမဲ့အနေအထားရော ရှိနိုင်ပါသလား။ • လည်ပင်းကြီးနဲ့ ဆိုင်တဲ့ရောဂါတွေက အမျိုးမျိုးရှိတယ်။ ငယ်ကတည်းကဆိုရင် နေရာေ...

Covid-19 သတင်း တင်သူ ရေးသူများခင်ဗျား

မိသားစုထဲက ဒါမှမဟုတ် ရင်းနှီးသူတယောက်ယောက် ကူးစက်ခံထားရသလို သဘောထားပြီး ရေးသားတင်ပြကြစေချင်ပါတယ်။ ဒေါက်တာတင့်ဆွေ

ပါးစပ်ပါ ဈေးရောက်

နှာခေါင်းစည်းလို့ ရေးရတယ်။ နှာခေါင်းစည်းကို ပါးစပ်ပါဖုံးရမယ်လို့ ရေးလိုတာမှာ ပါးစပ်ပါတပ်ဆင်လာရမလို ဖြစ်နေတယ်။ ပဲရေးရေး ဘဲရေးရေး မမှားပါ။ ဒေါက်တာတင့်ဆွေ

အညာမင်္ဂလာဆောင်

ဗဂိုး၊ ပဲခူး နဲ့ ဂိုး လို့ အမျိုးမျိုးခေါ်ကြ ရေးကြကြောင်း တင်လိုက်တယ်။ သခင်ကိုယ်တော်မှိုင်းက ပဲခိုးလို့ ရေးပါတယ်။ အညာမင်္ဂလာဆောင် ကျုပ်တို့အညာမှာ မင်္ဂလာတမျိုးသာပ အဟုတ်ဗျို့ ဓမ္မတာအစဉ်အလာ မညှိုးခဲ့ပေဘု အရိုးသမားကျရှေးလိုပါ့ အဘွားကလည်း ကျီတဆောင် (ကိုမင်းရာရယ်) အမျိုးကလည်း မသေးပေဘု အဘိုးအဖနှင့်တကွ မေးကြပါတော့ တမျိုး ငါ့မြေးဖို့ရယ်လို့ (အိုကွယ်) အဘိုးက ပေးလိုက်ပါတဲ့နွားညီနောင်။ သြော် အမိအဖတို့ကလည်း ပြည့်ပြည့် ဝဝ တွေမို့ ရှိသမျှ ကုန်ချင်ကုန်ရော့လို့ မယုံရင် ကြုံလျှင်မေးပါတော့ အလုံတခွင်မှာ ဂုဏ်အင်ကလည်း မသေးပါဘူး မုံရွေး ကြေးမုံ ချောင်းဦးနယ် တလွှားစီက အလုံကျေးအကုန်မှာ ပြောင်းဖူးသည်တွေက များလိုက်ပါဘိသနှင့် ဆွေသားရင်းချာ ဉာတကာ မိတ်တို့ကိုလ အဖေသွားရင်သာ လာစရာ ဖိတ်ခဲ့တာနှင့် ညအိပ်ညနေ အစုံလာကြတော့ ခြုံစရာ အကွက် ဖျင်စောင်နှစ်ခု ငဲ့ပြင် ဂုံပုဝါပါတဘက်နှင့် ခြင်ထောင်ကလဲ တခုစီပေါ့ လုပ်မှုကိုင်ဖွယ် တောလယ်ဟာ တခင်းငဲ့ပြင် ပြောင်းခင်းတစလယ်ဝင်နှင့် လယ်တရှင် စပါးနှစ်ဆယ်ထွက်ကိုလ (ကိုမင်းရာရယ်) ရှေးအဆက်ဆက် အကြွေးတက်တက်ပြီး အဝေးမထွက်ရအောင်လို့တဲ့ကွယ် ပေး လက်ဖွဲ့နှောင်။ လမ်းချိုး အရှေ့က စမ်းဂိုးအကွေ့ခယောင်းယာမှာ (ဟော...

ပုဂံဟု ခေါ်ခြင်းမှာ

ပုဂံဟု ခေါ်ခြင်းမှာ တိုင်းပြည်တကာတို့အနက် အလှပဆုံး၊ အသာယာဆုံးဖြစ်သောကြောင့် ဖြစ်သည်။ အရိမဒ္ဒနာဟု ခေါ်ခြင်းမှာ ရဲရင့်၍ စစ်ချီစစ်တက် ဝါသနာအထုံကြီးသောသူ၊ အမည်ကိုကြားရရုံမျှဖြင့် ရန်သူတကာတို့ ကြောက်ရွံ့ကြသော သူတို့ နေထိုင်သောကြောင့် ဖြစ်သည်။ ပုဂံပြည်သူတို့ အန္တရာယ်အပေါင်းမှ ကင်းလွတ်ကြပြီး ရောဂါအပေါင်းတို့မှလည်း ကင်းဝေးကြသည်။ ပုဂံသားတို့သည် အနုပညာအမျိုးမျိုးတွင်လည်း ကျွမ်းကျင်လိမ္မာကြ၍ လက်မှုကိရိယာမှန်သမျှ တို့ကိုလည်း ပိုင်ဆိုင်ကြသည်။ ပုဂံပြည်သည် အသုံးဝင်သောအရာဝတ္ထုတို့ဖြင့် ပြည့်နှက်လျက်ရှိပြီး ပုဂံသားတို့မှာလည်း ချမ်းသာကြွယ်ဝကာ အခွန်ငွေတို့ စည်ပင်ဝပြောကြသည်။ ထို့ကြောင့် ပုဂံပြည်ကြီးသည် နတ်ပြည်ကြီးထက်ပင် နေချင့်စဖွယ်ကောင်းသည်။ ပုဂံပြည်ကြီးသည် ဂုဏ်ကျက်သရေနှင့် ပြည့်စုံကာ တန်ခိုးကြီးကြသည်ဟု အဆိုရှိသည်။ (၁၂၄၂ ခုနှစ်က ရေးထိုးခဲ့တဲ့ မိဖုရားဖွားစော ကျောက်စာ) မြသန်းတင့် ဘာသာပြန်တဲ့ သမိုင်းထဲကပုဂံ ပုဂံထဲကသမိုင်းစာအုပ်ထဲကဖြစ်ပါတယ်။ VC Scott Connor ရေးတဲ့ Mandalay and other cities of the past in Burma စာအုပ်ကို ဘာသာပြန်ထားတာ။ ဖွားစောဟာ နရသီဟပတေ့ရဲ့ မိဖုရား။ ကနေ့ရေးနေကြတဲ့ စော စကားလုံးဟာ ဂျီ၊ အိပ်၊ လုစ် က ပ...

နည်းပေါင်း တထောင်

ပွင့်လန်းလာသော ပန်းတပွင့် မြန်မာစာ ပြန်လည်ပွင့်လန်းလာနိုင်ပါစေသတည်း။ တဝကြီး ဘတ်ရှုနိုင်ရန် (တစ်ဝ) ကြီးမဟုတ် ဒေါက်တာတင့်ဆွေ

လောက်င ဝေငှ

ထမင်း တဗူးခွဲချက်အိုးအတွက် လောက်ငပါသည်လို့တင်တာကို တယောက်က လောက်ငှလို့ အကြွပြုတယ်။ ကျေးဇူး။ ဒါပေမဲ့ လောက်င မှန်တယ်။ ဝေငှသည်လို့ ရေးတယ်။ ခလိခလောက် ငသလောက်ငါး မလောက်လား မလောက်လေး မလောက်စား လုံလောက်သည် ဦးလောက် (လူအမည်) လောက်င လောက်ငံ လောက်ငံ့ (ပြည့်စုံသည်) လောက်စလုံး လောက်လမ်းကောင် လောက်လား (လေးစားခန့်ငြားသည်) လောက်လဲစေ့မွမ်း (သေချာစွာ မွမ်းမံ ပြင်ဆင်သည်) လောက်လွှဲ လောက်လေး လောက်လောက်ငင ဒေါက်တာတင့်ဆွေ ၂၅-၈-၂၀၂၀

ခေတ်ဆိုတာ

တလက္မမှ အကျူးကျော်မခံဘူးစာပါတဲ့ ကာတွန်းတခုပို့ပြီး ရေးပါတယ်။ အဲ့လိုရေးနေတာ မြင်တော့ စာဖတ်သူတွေ အခုထိ မှားနေတာ သူတို့ကြောင့်လည်း ပါတယ်နော်။ အဲလိုရေးတာ ၉၀% ကျော်တယ်။ သမီးကတော့ သမီးသိသလောက် ဒီ တစ် နဲ့ တ အမှားပြောပြပေးမယ်လို့ တွေးထားပါတယ်ရှင့်။ သက်ရှိသတ်ပုံ အဘိဓါန်အဖြစ် ကျန်းမာပါစေ။ (ဖောင့်က ရေးချမရလို့ ဓါ လို ဖြစ်သွားပါတယ်ဆရာ) ကျောင်း ရုံး ဘဏ်မှာ သတ်ပုံအမှန်အတိုင်း မရေးလေနဲ့။ ဘာလို့လဲရှင့် ခေတ်ဆိုတာ ပိုကောင်းလာတာတွေရှိသလို ပိုမှားလာတဲ့ခေတ်လည်းရှိတယ်။ မြန်မာစာ ခေတ်ဆိုးထဲမှာ။ ဓာ နဲ့ ဓါ အတူတူ။ ရွှေမော်ဓေါဘုရားကို ကြည့်ပါလေ။ ကျွန်တော်အထက်တန်းမှာ ဓါတုဗေဒ သင်ခဲ့ရတယ်။ သတ်ပုံမှာ ကျွန်တော့စကားနားမထောင်တာ ကောင်းတဲ့ခေတ်။ ဒေါက်တာတင့်ဆွေ ၂၅-၈-၂၀၂၀

Pegu ဂိုး

အရင်က ဗဂိုး လို့ခေါ်တာကို အခု ပဲခူး လို့ ရေးနေကြတယ်။ မွန်တွေက ဂိုး လို့ခေါ်တယ်။ ရာဇဝင်စာအုပ်တွေထဲမှာ ဟံသာဝတီ လို့ရေးတယ်။ မွန်တွေက ဟံဆာဝတော သံနဲ့နီးစပ်တာ ထွက်တယ်။ ကျွန်တော် မြန်မာလိုစာလုံးပေါင်းတာ အတိအကျ ဟုတ်ချင်မှ ဟုတ်မယ်။ ဆောရီး။ ကန်တော့။ ဟံဆာဝတော မြို့တော်က ဂိုး။ ဗြိတိသျှလက်ထက်ကတည်းက ဂေဇက်သုံး စပယ်လင်က Pegu ပီးဂူး ဖြစ်ပါတယ်။ အခု Bago တဲ့။ စစ်အစိုးရက ပြင်ခိုင်း ထားတာ။ ကျွန်တော်တို့ အလယ်တန်းကျောင်းသုံး အင်္ဂလိပ်ပြဋ္ဌာန်းစာအုပ်က Archway ဖြစ်ပါတယ်။ ၅-၆-၇ တန်းမှာ သင်ရတယ်။ ဇာတ်လိုက် Maung Sein မောင်စိန် ပါတယ်။ Rangoon ရန်ဂူးန် ကနေ ရထားစီးပြီး Pegu ပီးဂူးကိုသွားတာ လမ်းမှာ အိပ်ပျော်သွားပါသတဲ့။ ရထားက ရန်ကုန်ကို ပြန်လှည့်တယ်။ အိပ်နေရာကနေ နိုးလာတဲ့ မောင်စိန်က ရန်ုကုန်ဘူတာကို ကြည့်ပြီး ပဲခူးဘူတာကလည်း ရန်ကုန်ဘူတာနဲ့ တူလိုက်တာတဲ့။ ပဲခူး ကလည်း မွန်တွေခေါ်တဲ့ ဂိုး နဲ့တူလိုက်တာ။ ဒေါက်တာတင့်ဆွေ ၂၅-၈-၂၀၂၀

ပဲခူး ခေါ် ဗဂိုး

ဗဂိုး ကို ပဲခူး ဟုရေးသားကြတာကိုလည်း ရှင်းပြပါအုံးဆရာ။ ၁၉၅၃ နဲ့ ၁၉၅၄ ထုတ် သတ်ပုံစာအုပ်တွေထဲမှာ ပဲခူးလည်း မပါ၊ ဗဂိုးလည်း မပါ။ မြန်မာ့စွယ်စုံကျမ်း အတွဲ (၁၀) မွန်လူမျိုးအကြောင်းထဲမှာ ဟံသာဝတီ ဗဂိုး လို့ရေးတယ်။ နောက်ပိုင်းစာတွေမှာ ပဲခူးလို့ရေးကြတယ်။ ဟံသာဝတီမြို့တော်မှာ မွန်ဘုရင်တွေ စိုးစံခဲ့တယ်။ တပင်ရွှေထီး၊ ဘုရင့်နောင် နဲ့ နန္ဒဘုရင်တို့လည်း စိုးစံခဲ့တယ်။ အင်္ဂလိပ်လိုလည်း အရင်က Pegu လို့ရေးပြီး အခု Bago လို့ရေးတယ်။ ဝီကီပီးဒီးယာမှာ ပဲခူး (အသံထွက် ပဂိုး) လို့ရေးထားတယ်။ မွန် အခေါ်ဖြစ်ပြီး အဓိပ္ပါယ်မှာ လှပသောမြို့၊ မြို့လှမြို့ ဟူ၍ဖြစ်သည်။ သို့သော် ထိုအသံထွက်၏ ဆင်းသက်ပုံ အနက်မှာမူ ဤသို့မဟုတ်ပဲ မွန်ဘာသာအားဖြင့် ဥပါယ်ဂို့ = ဥပါယ်ပြုရာအရပ်ဟုဆိုကာ သမိုင်းဇာတ်လမ်းနှစ်မျိုး ဖြစ်နေရသည်လို့ တွေ့တယ်။ မိတ်ဆွေ မွန်တွေကို မေးကြည့်ဦးမယ်။ ဒေါက်တာတင့်ဆွေ ၂၅-၈-၂၀၂၀

အင်းနားချောင်းကန် ပြည့်သောဟန်တည့်

ဆရာ ငယ်ငယ်က မြန်စာဖတ်စာထဲမှ စာသားလေး မိုးစက်မိုးပေါက်များသော် အင်းနားချောင်းကန် ပြည့်သောလျှံတိ မှန်ပါသလား။ အင်းနား ချောင်းကန် (သိုမဟုတ်) အင်းချောင်းကန် ဘယ်ဟာက အမှန်ပါလဲ မြန်စာသတ်ပုံနဲ့ စာသား မှန်မမှန် သိချင်လို့ပါရှင့်။ ကျေးဇူးတင်ပါတယ်ရှင်။ တသင်းမှတ်ကြ၊ လူထိုမျှတို့၊ သိပ္ပကိုမူ၊ နည်းသည်ဟူ၍၊ မအောက်မေ့နှင့်၊ တွေ့ရာမှတ်သား၊ မိုးပေါက်များသော၊ အင်းနားချောင်းကန်၊ ပြည့်သောဟန်တည့်။ တသင်းမှတ်ကြမှာ စမသတ်ရပါ။ ဒေါက်တာတင့်ဆွေ ၂၅-၈-၂၀၂၀

လောက်င ဝေငှ

အဆတရာတထောင် တစတစ တသိန်း

မက်ဆေ့ခ်ျတခုရတယ်။ ကျေးဇူး။ ၁၉၆၁ထုတ် ဒေါက်တာသန်းထွန်း စာအုပ်ထဲမှာ ပါတာတွေထဲက ၁။ ပိသုကာ ၂။ တံခိုး ၃။ စွန့်စားခမ်း။ သင်္ဘောပျက်ခမ်း။ စကားပြောခမ်း။ ၄။ ကိုယ်လက်ဆွံ့အ။ ၅။ အစိပ်အပိုင်း။ ၆။ တံဘိုး ၇။ အခဏ်း(၆) ၈။ ခမ်းမပြူ တင်းပေါက် စသည်တို့ကို အမှန်အမှား သိချင်ပါတယ်ဆရာ။ ၉။ တ ကိုတော့ အဆတရာတထောင်၊ တစတစ၊ တသိန်း အဲ့ဒီလိုပဲရေးထားပါတယ်ဆရာ။ ဟုတ်။ ဒေါက်တာသန်းထွန်းရေးတဲ့ သတ်ပုံတချို့က အများနဲ့ မတူ။ သတ်ပုံစာအုပ်တချို့နဲ့ မတူပါ။ ပုကံလို့ ရေးတယ်။ တ ကိုလည်း လျှာရှည်ပြီး စမသတ်ပါ။ ကျွန်တော်တင်ပြတဲံစာ အုပ်က ၁၉၆၉ ခုနှစ်မှာ ထုတ်တာ။ တစ်ရာစု၊ အမှတ်တစ်၊ စာတအုပ်၊ စံနစ်တကျ၊ နောက်တကြိမ်၊ ဒေါက်တာသန်းထွန်းရေးတဲ့ စာတွေကို ငြင်းတဲ့သူ မတွေ့သေးပါ။ ကျွန်တော့ကိုတော့ ကက်ကလန် ရန်တွေ့ကြတယ်။ ငရဲနဲ့ခြောက်ကြတယ်။ ဒေါက်တာသန်းထွန်း ဖြစ်ရပါလို၏။ ဒေါက်တာတင့်ဆွေ ၂၅-၈-၂၀၂၀

ဆယ်ကျော်သက်က ကြင်ဖက်ရတာ

တဖက်နဲ့တဖက် တဲ့။ မီဒီယာတခုကရေးထားတဲ့ သတင်းပါသတ်ပုံကို ထောက်ပြတာပါ။ ဟုတ် ဘက် နဲ့ ဖက် က အတော်ရောထွေးတယ်။ မူကွဲလိုရေးတာလည်းရှိသေးတာ။ ဖက် ဖက်စပ် ဖက်ဆွတ်ပင် ဖက်ဆွတ်မိုး ဖက်တွဲ ဖက်တွဲသည် ဖက်ထုပ် ဖက်ပိုက်သည် ဖက်ဖူးရောင် ဖက်ပြိုင် ဖက်ယမ်း ဖက်ယှဉ် ဖက်ယားပင် ဖက်ရွက် ဖက်လိပ် တူရိယာ ဖက်လိပ် နားတောင်း ဖက်လဲတကင်း ဖက်ဝန်းပင် ဖက်သကတ်နာ ဖက်သက်တရော်ပင် ဖက်သချာနာ ဖက်သန်းပင် ဖက်အုပ်ပင် အဖက်လုပ် ဘက် ဘက်စုံတော်သူ ဘက်ညီသောအတွဲ ဘက်တံ ဘက်ထရီ ဘက်မလိုက် ဘက်လိုက် သူ့ဘက်ကိုယ့်ဘက် အိမ်ထောင်ရာဘက် တောင်ဘက် မြောက်ဘက် တိမ်ပန်းချီ တိမ်ညိုမိလ္လာ၊ တိမ်စူကာနှင့်၊ တိမ်ပြာရောယှက်၊ မရန်းဖက်၍၊ တိမ်သက်တန့်ရောင်၊ အဝါပေါင်ဝယ်၊ မှောင်ခဲ့တခါ၊ ပြာခဲ့တချို့၊ ညိုခဲ့တလီ၊ ရီခဲ့တဖုံ၊ မှုန်ခဲ့တချက်၊ ယုဂန်ထက်က၊ လေးဘက်လုံးခြုံ၊ တိမ်ဂဠုန်လည်း၊ နဂါးရုံကြွေ့၊ ရန်ချင်းတွေ့သော် ခိုးငွေ့လွှတ်ပြိုင်၊ ဂုဏ်ချင်းဆိုင်ခဲ့။ (ရှင်ဥတ္တမကျော်) တန်ခူးမည်မှတ် ဖက်ဆွတ်ရေတိုး သင်္ကြန်မိုး မဝယ်ဘူး မယ်ခူးတဲ့ဖက်စို။ (မယ်ခွေ) ကျွန်တို့တောရွာ သာပါလှ တခေါက်တခါ လာပါကြ။ ရွာဝထိပ်က ဆီးကြိုမယ် အိုးစည်ဗုံမောင်း တီးလို့ရယ်။ ရွာလယ်ခေါင်က ကွက်လပ်ထဲ ကူကူး ကူသံ ဘယ်မစဲ။ အိုးစည် ဗုံသံ...

History Question သမိုင်း ပုစ္ဆာ