မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Friday, February 26, 2016

Auspicious quotation မင်္ဂလသုတ်

နှစ်ပေါင်းအစိတ်အတွင်းမှာ နိုင်ငံပေါင်းသုံးဆယ်ဆီသွားခဲ့လာခဲ့ရကြောင်းကိုတင်တာက ကြွားဝါဖို့မဟုတ်ပါ။ အရင်က ရေးဖူးတာတခုရှိတယ်။ ပတ်စ်ပို့အတုတွေနဲ့ နိုင်ငံတကာခရီးတွေထွက်ရတိုင်း အင်မီဂရေးရှင်းကောင်တာ အဝင်နဲ့ အထွက်တိုင်းမှာ ဉာဏ်လည်းလွှာသုံးရတယ်။ ရွတ်ဖတ်ရတယ်။ တချို့ခရီးစဉ်တွေမှာ (ထရန်ဇစ်) တွေလည်းပါလို့ အကြိမ်ပေါင်းက အတော်များပါတယ်။

၁၉၉ဝ ခုနှစ်နိုဝင်္ဘာလထဲမှာ စစ်ထောက်လှမ်းရေးက ပုလဲအိမ်အထိလာဖမ်းလို့ မြန်မာပြည်ထဲမှာ ပုန်းနေရတုန်းက မင်းရွာဆရာတော်ကနေ ဗလာစာအုပ်ထဲက ဆုတ်ယူထားတဲ့စာရွက်မှာ သူ့လက်ရေးနဲ့ ခဲတံနဲ့ရေးပေးထားတဲ့ မင်္ဂလသုတ်ထဲက တပိုဒ်ကို ကျွန်တော်ရွတ်ဆိုပါတယ်။

• ဖုဋ္ဌဿ လောကဓမ္မေဟိ၊
• စိတ္တံ ယဿ နကမ္ပတိ၊
• အသောကံ ဝိရဇံ ခေမံ၊
• ဧတံ မင်္ဂလ မုတ္တမံ။

ဆင်းရဲခြင်း၊ ချမ်းသာခြင်း၊ ချီးမွမ်းခြင်း၊ ကဲ့ရဲ့ခြင်း၊ လာဘ်ရခြင်၊ လာဘ်မရခြင်၊ အခြွေအရံများခြင်း၊ အခြွေအရံနည်းခြင်း တည်းဟူသော လောကဓံတရား (၈) ပါးတို့နှင့်တွေ့ကြုံသော်ငြားလည်း၊ ဘုရား၊ ရဟန္တာတို့၏စိတ်သည် တုန်လှုပ်ခြင်းမရှိ၊ ကြောက်ရွံ့ခြင်းမရှိ၊ ရမက်လဲမရှိ၊ ဘေးရန်လဲမရှိဖြစ်တော်မူပါပေ၏။ ဤမှန်သောစကားကြောင့့် ရပါလို၏။

အဲဒီအကျိုးတရားကများတယ်။ မြန်မာပြည်ထဲမှာ ပုန်းနေရတုန်းကလဲ လွတ်တယ်။ တိုင်းပြည်ကနေ ထွက်ပြေးတော့လဲ လွတ်တယ်။ နိုင်ငံရေးအလုပ်ထဲမှာ ပုဂ္ဂိုလ်ရေးတိုက်တာခိုက်တာတွေ ခံရတိုင်းလည်း တခုပြီးတခုကျော်လွှားနိုင်ခဲ့တယ်။ ချွေးပျံနေတုန်းလည်း ရွတ်ရဖူးတယ်။ နှလုံးခုန်မြန်နေတုန်းလည်း ရွတ်ဖူးတယ်။ ဒူးတုန်နေတုန်းလည်း ရွတ်ဖူးပါတယ်။

ဆရာတော်ပျံလွန်တော်မူပြီးလို့သာ အခုလိုထုတ်ရေးနိုင်လာတာပါ။

ဒေါက်တာတင့်ဆွေ
၂၆-၂-၂ဝ၁၆

No comments:

Post a Comment

Note: Only a member of this blog may post a comment.