ဖုတ်ပူမီးတိုက်
ဖုတ်ပူမီးတိုက်ဆိုတာ အလျင်အမြန် အလောသုံးဆယ်လုပ်တာမှာ သုံးတယ်။ အူယားဖားယား၊ အပြေးအလွှားနဲ့လည်း တူတယ်။
အတိအကျတော့ မဖတ်ဖူးသေးပါ။ အဲလို ကိုယ်တကယ်မသိသေးတာကို စဉ်းစားပြောတဲ့အခါ သတိထားရတယ်။ တချို့က သတ်ပုံရေးရင် ကိုယ်ပိုင်အထင်နဲ့ လာငြင်းလေ့ရှိတယ်။ အတော်များများက မှားတယ်။ ကျွန်တော်က ကိုယ်ထင်တာ သိပ်မပြောပါ။ ဘယ်တုန်းက ဘယ်ထဲမှာ ဘယ်လိုပါတယ်လို့သာ တင်ပြပါတယ်။ ဒီမေးခွန်းကိုတော့ ထင်တာရေးပါရစေ။
ဖုတ်ပူဆိုတာ မြေကြီးမှုန့်၊ ဖုံကိုပြောတာ။ ဖုတ်က အစုလိုက်ရှိပြီး ဖုံက အမှုန့်။ မြက်ဖုတ်လို့ခေါ်တယ်။ နေပူရင် ဖုတ်လည်း ပူတယ်။ မီးတိုက်ဆိုတာ အပူပေးတာ၊ ကင်တာ၊ ကပ်တာ။ အိုးကင်းပူကပ်တယ်လို့ ရှိတယ်။ ဆီမပါပဲ စားစရာကို အပူပေးတာ။ မီးဖုတ်သည်၊ မီးမြှိုက်သည်၊ ဖုတ်မြှိုက်သည်လို့လည်းရှိတယ်။
တခုခုလုပ်တဲ့အခါ မရှိရှိတာနဲ့ မြန်မြန်ဆန်ဆန်လုပ်ရတာကို ဖုတ်ပူမီးတိုက်လို့ခေါ်သလား စဉ်းစားကြည့်ပါတယ်။ အကိုးအကားနဲ့ပါ ပြောဆိုတတ်သူတွေရှိမှာပါ။
ဒေါက်တာတင့်ဆွေ
၂ဝ-၁၁-၂ဝ၁၇
Comments
Post a Comment