မြန်မာပြည်မှာ အမြင့်ဆုံးကဘာလဲ

မြန်မာနိုင်ငံရဲ့ အမြင့်ဆုံးတောင်ထိပ်ဟာ ခါကာဘိုရာဇီတောင်ထိပ်လို့ အခုထိ ပထဝီစာအုပ်တွေထဲမှာပါပြီး၊ တရားဝင် သတ်မှတ်ထားတာဖြစ်တယ်။

၂ဝ၁၃ ခုနှစ် စက်တင်္ဘာလထဲမှာ အင်ဒီတိုင်ဆင်ခေါင်းဆောင်တဲ့ အမေရိကန်-မြန်မာ တောင်တက်အဖွဲ့ တိုင်းတာချက်အရ အဲဒီအချက်ကို ပြင်ဆင်ရပါတော့မယ်။ ဒီအဖွဲ့ဟာ Mount Gamlang ဂမ်လန် တောင်ထိပ်ကို ၃၅ ရက်ကြာတက်ခဲ့ကြတယ်။ Gamlang Razi လို့လည်းခေါ်တယ်။ ကချင်ပြည်နယ် ခါဂါဘိုရာဇီ အမျိုးသားပန်းခြံထဲမှာ ရှိတယ်။

Gamlang Razi ကို 5,870 ±2 m (19,259 ft) မြင့်တယ်လို့ တိုင်းတာနိုင်ခဲ့ကြတယ်။ အဲတာဟာ GPS နည်းနဲ့ တိုင်းတာမှုတွေအရ အရှေ့တောင်အာရှမှာ အမြင့်ဆုံးဖြစ်ပါမယ်။ Hkakabo Razi ကို GPS နည်းနဲ့မတိုင်းရသေးပါ။ အခုထိတော့ Hkakabo Razi ကအမြင့်ဆုံးဖြစ်တယ်။ 5742 m (18,840 ft) အထိသာတက်နိုင်ပြီး ခန့်မှန်းချက်အရတော့ 240 m (800 ft) ထပ်တက်ရဦးမယ်လို့ တွက်ချက်ပါတယ်။ အဲတာမှန်ရင် ခါကာဘိုရာဇီဟာ ၅၉၈၂ မီတာမြင့်ပါမယ်။

၁၉၂၅ ခုနှစ် ဗြိတိသျှ-အန္ဒိယ အင်ပါယာလက်ထက်က တိုင်းတာအချက်အရ ဂမ်လန်းတောင်ထိပ်ရဲ့အမြင့်ဟာ ၅၈၃၄ မီတာ (၁၉၁၄ဝ ပေ) နဲ့ Mount Hkakabo ခါဂါဘိုရာဇီတောင်ထိပ်က ၅၈၇ဝ မီတာ (၁၉၂၉၅ ပေ) ရှိတယ်။

https://www.facebook.com/GamlangRazi/?hc_location=ufi

ဒါက်တာတင့်ဆွေ
၂၁-၁၁-၂ဝ၁၃
၂၁-၁၁-၂ဝ၁၇