Ecstasy စိတ်ကြွဆေးများ




ဆေးဝါးဗေဒအရ MDMA (3,4-Methylenedioxymethamphetamine) လို့ခေါ်တယ်။ အလွယ်ခေါ် Ecstasy, E, X, or XTC နာမည်တွေ အများကြီးရှိတယ်။ အမေရိကားမှာ Molly နဲ့ ယူကေမှာ Mandy လို့ခေါ်တာများတယ်။

Psychoactive drug စိတ်ကိုပြောင်းလဲစေတဲ့ ဆေးအမျိုးအစားဖြစ်တယ်။ Amphetamine (အမ်ဖက်တမင်း) ကို အများဆုံး သုံးတယ်။ Euphoria စိတ်ကို ပျော်စရာမဟုတ်ဘဲ ပျော်ရွှင်ကျေနပ်စေမယ်။ မအိမ်ချင်ဘူး။ ဆေးကုရာမှာ Post-traumatic stress disorder ဒဏ်ရာရပြီးနောက် စိတ်ဖိစီးမှုများတဲ့ရောဂါအတွက် သုံးတယ်။ တရားမဝင်ဆေးဖြစ်တယ်။ 

MDMA ဆေးကြောင့် ဦးနှောက်ကနေ Serotonin, Dopamine and Norepinephrine ဓါတ်တွေထုတ်ပေးလာမယ်။ Oxytocin နဲ့ vasopressin ဟော်မုန်းတွေလဲ ထုတ်ပေးမယ်။ ဒါကြောင့် အန္တရာယ်များတယ်။ ကိုယ်ပူချိန်များလာမယ်၊ မနားမနေ ကချင်ခုန်ချင်နေမယ်။ ရေ-ဆားဓါတ်ခမ်းခြောက်လာမယ်။ နှလုံးအပေါ်သက်ရောက်ရာကနေ ဒုက္ခရောက်မယ်။ ရေသောက်ဘို့လိုမှန်းသိလို့ ရေများများသောက်ပြန်ရင်လဲ ဦးနှောက်ရောင်လာမယ်။ ပိုထွက်လာတဲ့ Vasopressin ဟော်မုန်းကြောင့် ဆီးပိုသွားမယ်။ ရေနည်းတာပိုဆိုးလာမယ်။ ဆေးစွဲတာက အတော်ကိုဆိုးတယ်။ ရာဇဝတ်မှုတွေ အများကြီးဆက်ဖြစ်တယ်။

၂ဝဝ၈ ကုလ ခန့်မှန်းချက်အရ လွန်ခဲ့တဲ့နှစ်အတွင်း လူပေါင်း ၁ဝ သန်းကနေ ၂၅ သန်း တို့ဟာ အနည်းဆုံး ၁ ကြိမ် MDMA သုံးစွဲခဲ့ကြတယ်။ Cocaine ကိုကိန်း၊ Amphetamine (အင်ဖက်တမင်း) နဲ့ Opioid  ဘိန်းသုံးခဲ့တဲ့အရေအတွက်လဲ ဆင်တူတယ်။

Recreational use ခေါ်တာက အပန်းဖြေသုံးတာဖြစ်တယ်။ တချို့ဘာသာရေးတွေမှာ ဆုတောင်းတာ၊ တရားကျင့်ရာမှာ ဆေးအဆ နည်းနည်းသေးသုံးသေးသတဲ့။ ကလပ်တွေ၊ ပွဲတော်တွေနဲ့ ပါတီတွေမှာ သုံးကြတယ်။ တချို့လဲ psychedelic drugs စိတ်ပြောင်းလဲဆေးတွေဖြစ်တဲ့ LSD နဲဖြစ်ဖြစ် psilocybin mushrooms မှိုတချိုးနဲ့ဖြစ်ဖြစ်၊ cannabis (ကင်နားဗစ်) နဲ့ဖြစ်ဖြစ် တွဲသုံးကြတယ်။
- MDMA + LSD = candy flipping ကင်ဒီ၊
- MDMA + psilocybin mushrooms = hippy flipping ဟစ်ပီ၊
- MDMA + ketamine = kitty flipping ကစ်တီ ဆိုပြီး ဝေါဟာရသုံးကြတယ်။

ဆေးစသုံးပြီး မိနစ် ၃ဝ-၆ဝ နေရင် ဆေးအစွမ်းအမြင့်ဆုံးရောက်လာပြီး၊ ၇၅-၁၂ဝ မိနစ်ကြာတယ်။ ၃ နာရီခွဲအထိနေတယ်။

Adverse effects ဘေးထွက်-ဆိုးကျိုးများ
စိတ်ကိုအာရုံစူးစိုက်မရ၊ မေးရိုးတင်းမာ၊ အိပ်ပျော်ချိန်မှာသွားကျိတ်၊ မစားချင်၊ အာခေါင်ခြောက်၊ အိပ်မရ။

After-effects ဆေးသုံးပြီးနောက်
- Anxiety and paranoia စိုးရိမ်စိတ်၊
- Depression စိတ်ဓါတ်ကျ၊
- Irritability စိတ်တို၊
- Fatigue အားယုတ်၊
- Impaired attention, focus, and concentration စူးစိုက်မှုမရှိ၊
- empathy, emotional sensitivity, and a sense of closeness to others စိတ်ခံစားမှုတွေပြောင်းလဲ။
- Dizziness, lightheadedness, or vertigo ခေါင်းမူး၊
- Loss of appetite အစာမစားချင်၊
- Gastrointestinal disturbances ဝမ်းမမှန်၊
- Insomnia အိမ်ရ၊
- Aches and pains နာကျင်ကိုက်ခဲ၊
- Exhaustion အားကုန်ခမ်း၊
- Jaw soreness မေးရိုးနာ။

Overdose ဆေးလွန်သွားရင်
- Disorientation and/or confusion စိတ်ရှုတ်ထွေး၊
- Agitation, restlessness and paranoia စိတ်တို၊ ဂနာမငြိမ်၊
- Hallucinations and/or delusions သူများ မမြင်မကြားတာတွေ မြင်ကြား၊
- Thought disorder or disorganized thinking ဘယ်ဟာမှ အစီအစဉ်တကျမရှိလို့ ထင်မြင်၊
- Cognitive and memory impairment ဆုံးဖြတ်ဥာဏ်၊ သုံးသပ်မှုတွေအားနည်း၊
- Muscle rigidity ကြွက်သားတွေ တင်းတောင့်၊
- Convulsions တက်၊
- Hyperreflexia or overresponsive or overreactive reflexes ကြွက်သားတုန့်ပြန်မှုတွေလွန်ကဲ၊
- Hyperactivity လုပ်သင့်တာထက်ပိုပြီးလုပ်နေ၊
- Hypertension or hypotension သွေးဖိအားတက်-ကျ၊
- Tachycardia နှလုံးခုန်ုမြန်၊
- Tachypnoea အသက်ရှူမြန်၊
- Palpitations ရင်တုန်၊
- Angina pectoris ရင်ပတ်နာ၊
- Vasculitis သွေးကြောပျက်စီး၊
- Cardiotoxicity နှလုံးထိခိုက်၊
- Cardiac dysfunction, arrest, myocardial infarction, and/or heart failure နှလုံးရောဂါရ၊
- Hemorrhage and/or stroke ဦနှောက်သွေးယို၊
- Severe hyperthermia အပူချိန်လွန်ကဲ၊
- Loss of consciousness သတိလစ်၊
- Renal failure ကောက်ကပ်အလုပ်မလုပ်နိုင်၊
- Coma or death သတိလစ်၊ သေဆုံး။

အရပ်သုံး ဘန်းစကာတွေရှိပါတယ်။ သူများနိုင်ငံတွေမှာ သောကြာညကစပြီး ပျော်စရာလိုက်ရှာရင်း ဆေးသုံးကြတယ်။ တနင်္လာနေ့ အလုပ်ပြန်ဝင်ရတယ်။ အင်္ဂါနေမှာ ပြဿနာပေါ်တယ်။ Tuesday Blues (Suicide Tuesday) သတ်သေချင်စိတ် ဖြစ်တယ်။

ဒေါက်တာတင့်ဆွေ

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး