Healthy Babies ကိုယ်ဝန်ဆောင်နဲ့ ကလေးတွေအကြောင်း
ယူအက်စ်ကိုရောက်နေတဲ့ ချင်းကိုယ်ဝန်ဆောင်နဲ့ကလေးတွေအကြောင်းကိုတော့ ဒီကပညာရှင်တွေနဲ့ ချင်းကွန်မြူနတီ ခေါင်းဆောင်တွေက ပြောကြပါတယ်။ သူနာပြု ချင်းအမျိုးသမီးနှစ်ယောက်နဲ့ ကျန်းမာရေးဌာနဝန်ထမ်း ချင်းအမျိုးသမီး တယောက်နဲ့ ရခိုင်အမျိုးသားတယောက်တို့လည်းတက်ရောက်ကြတယ်။ ကိုယ်ဝန်ဆောင်စောင့်ရှောက်မှု၊ မီးဖွါးခြင်းနဲ့ ကလေးသေဆုံးမှု၊ အလေးချိန်နည်းမွေးတာ၊ စောမွေးတာနဲ့ မိခင်နို့တိုက်တာတွေကို ကိန်းဂဏန်းတွေနဲ့ပြတယ်။ ကလေးကိုမိခင်တွေက နို့တိုက်နှုန်းကလွဲရင် တခြားလူမျိုးကိုယ်ဝန်တွေထက် နိမ့်ကျနေတာတွေ့ရတယ်။
ကျွန်တော်ကတော့ ပြည်တွင်းဆရာဝန်လုပ်ရတုံးကနဲ့ ပြည်ပမှာမြန်မာဒုက္ခသည်တွေရဲ့ ကျန်းမာရေးအတွေ့အကြုံတွေကို ပြောပါတယ်။ ပြည်တွင်းက မြန်မာကိုယ်ဝန်ဆောင်တွေနဲ့ ပြည်ပမှာ ချင်းကိုယ်ဝန်ဆောင်တွေ မမွေးခင်၊ မွေးစဉ်နဲ့ မွေးပြီး ကြုံတွေ့ရတာတွေကို နှိုင်းယှဉ်ပြီးပြောပါတယ်။ ကျွန်တော်ကောင်းကောင်းသိတဲ့ ပြည်တွင်းမြန်မာလူမျိုးတွေ ကိုယ်ဝန်စောင့်ရှောက်မှုနဲ့ ပြည်ပချင်းအမျိုးသမီးတွေ ကိုယ်ဝန်စောင့်ရှောက်မှုမတူပါ။ ဒါ့ပြင် နိုင်ငံတကာ ဆေးသုတေသနတွေထဲမှာ ပါတာတွေနဲ့လည်းကွဲပြားတယ်။
သုတေသနလုပ်ချိန်နဲ့ လုပ်စရာလိုအပ်ချက်တွေ မပြည့်စုံပေမယ့် သိသာတဲ့ခြားနားမှုတွေရှိတာကို ပြောပါတယ်။ မြန်မာ အမျိုးသမီးတွေက နို့နာပေါက်တာများပြီး ချင်းအမျိုးသမီးတွေကနည်းတယ်။ မြန်မာလူမျိုးတွေထဲမှာ (ဟာနီယာ) ခေါ် အူကျတာနဲ့ (ဟိုက်ဒရိုဆီးလ်) ခေါ် မုတ်ရောဂါများသလောက် ချင်းကလေးတွေမှာ မများပါ။ ဒါပေမယ့် ချင်းကလေးတွေမှ (ဖိုင်မိုးဆစ်) ခေါ် ပန်းငုံတာနဲ့ (အင်ပါဖိုရိတ် ဟိုင်မင်) ခေါ် အပျိုမှေး လုံးဝပိတ်တာပိုများတယ်။
ဒေလီမှာ ရိုးရိုးမွေးပေးနိုင်တာများတယ်လို့ပြောတော့ ဆွေးနွေးပွဲတက်တဲ့ အမေရိကန်သားဖွါးအထူးကုဆရာဝန်တဦး (သူက မြန်မာပြည်ကို တခေါက်ရောက်ဖူးတယ်) ကမေးလို့ ဘာကြောင့် ခွဲမွေးနည်းသလည်းကို ရှင်းပြရသေးတယ်။ ဆရာဝန်က စိတ်ရှည်၊ သည်းးခံပြီး၊ အချိန်ပိုပေးရတယ်။ စိုးရိမ်စရာတွေကိုသိပေမယ့် တာဝန်ယူလုပ်ပေးရတယ်။ အထောက်အကူနည်းတွေ လုပ်ပေးရတယ်။ လူနာတွေကိုယ်တိုင်ကလည်း စိတ်ရှည်သည်းးခံပြီး၊ ဆရာဝန်ဆုံးဖြတ်ချက်ကို အားကိုးကြတယ်လို့ ဖြေခဲ့ပါတယ်။
7/31/2015 Indianapolis Healthy Babies Consortium
Indianapolis Healthy Start and Marion County Public Health Department
Kiwanis International Auditorium: 3636 Woodview Trace, Indianapolis
ဒေါက်တာတင့်ဆွေ
၃၁-၇-၂ဝ၁၅
Comments
Post a Comment