Neem Leaves တမာရွက်

ကနေ့တော့ တောထဲသွားခူးတာလည်းမဟုတ်။ ဈေးဆိုင်သွားဝယ်တာလည်းမဟုတ်။ အိမ်မှာတင်စိုက်တာလည်းမဟုတ်။ ဟင်းသီးဟင်းရွက်တော့ အစုံရတယ်။ ညမှာရလာတာက သမီးမိတ်ဆွေကပေးတဲ့ ချဉ်ပေါင်ရွက်။ ချွေးမဆီကရတဲ့ တမာရွက်နဲ့ ခရမ်းခါးသီး။ တမာရွက်က ကျွန်တော့်နာမည်နဲ့၊ ခရမ်းခါးသီးက အန်တီနာမည်တပ်ထားတယ်။

တမာထဲကဓါတ်ကို Azadirachta indica ခေါ်တယ်။ အာယုဗေဒဆေး၊ အူနာနီနဲ့ ဟိုမီယိုပက်သစ်ဆေးနည်းတွေမှာ သုံးကြတယ်။ ခေတ်ပေါ်ဆေးနည်ရဲ့ အဓိကသုံးလို ဖြစ်လာနေတယ်။ သူ့ကိုဓါတ်ခွဲရင် ဒြပ်ပေါင်း ၁၄ဝ မကပါတယ်။ တမာရွက်၊ တမာပွင့်၊ တမာစေ့၊ တမာမြစ်၊ တမာသီး၊ တမာခေါက်တွေကို စမ်းတာဖြစ်တယ်။ ရောင်ရမ်းဖြစ်စဉ်၊ ပိုးဝင်ခြင်း၊ ကိုယ်ပူ၊ အရေပြားနာတွေနဲ့ သွားမကောင်းတာတွေအတွက် သုံးကြတယ်။ အများဆုံးက တမာအရွက်ကိုသုံးတယ်။ ဆေးဝါးဗေဒအရ ခုခံအား၊ ရောင်ရမ်းဖြစ်စဉ်၊ ငှက်ဖျား၊ ဖန်းဂတ်စ်၊ ဗက်တီးရီးယား၊ ဗိုင်းရပ်စ်၊ ကင်ဆာအစွမ်းတွေအပြင် အနာသက်သာနဲ့ သကြားဓါတ်ကျစွမ်းတွေလဲ ရှိတယ်။

တမာရဲ့ဆေးစွမ်းကောင်း (၆) မျိုး
(၁) အရေပြားနာများ
တမာရွက်ကို နူးသွားအောင်ပြုတ်ပါ။ ပြုတ်ရည်ကအစိမ်းရောင်ဖြစ်လာမယ်။ အရွက်တွေအရောင်ပြောင်းလာမယ်။ ပြုတ်ရေကို ဆေးအဖြစ်လိမ်းပါ။ ရေချိုးရေထဲလဲထည့်သုံးပါ။

(၂) ဝက်ခြံ
တမာရွက်ပြုတ်ရည်ကို ဂွမ်းစလေးနဲ့ ဝက်ခြံပေါ်လိမ်းပေးပါ။ (တမာ+သခွါးသီး) နဲ့ (တမာ+ရောဂတ်) တွေကို မျက်နှာမှာ ကပ်နိုင်တယ်။

(၃) အရေပြားတင်းဆေး
တမာရွက် ပြုတ်ရည်ကို မျက်နှာအရေးအကြောင်းတွေထင်နေတာ သက်သာစေမယ်။ ငယ်ရုပ်ဆင်စေမယ်။ ဝက်ခြံအမာရွတ် ထင်နေတာ သက်သာစေမယ်။ (တမာ+နှင်းဆီ) ကိုမျက်နှာမှာကပ်နိုင်တယ်။ ပြီးရင်မျက်နှာသစ်လိုက်ပါ။

(၄) အရေပြားခြောက်နေရင်
တမာမှုံ့ထဲမှာ စပျစ်စေ့ဆီနဲ့ရောပြီး မျက်နှာကို ညီညီညာညာလိမ်းပါ။ မိနစ်အနည်းငယ်ကြာရင် ရေအေးနဲ့မျက်နှာသစ်ပါ။

(၅) အရေပြားအပေါက်များ
ဝက်ခြံခေါင်းမဲကနေ ကျန်ရစ်တဲ့အပေါက်တွေကို သက်သာစေမယ်။ (တမာရွက် + လိမ်မော်ခွံ) ရောထောင်းပါ၊ (ပျားရည် + ရောဂတ် + ပဲပုပ်ဆီ) နဲနဲစီရောပါ၊ တပါတ် ၃ ကြိမ်လိမ်းပါ။ တမာဆီလဲသုံးနိုင်တယ်။

(၆) ဆံပင်
ဆံပင်ပေါက်သန်စေမယ်။ တမာဆီကို ဘောက်၊ မှိုရောဂါတွေအတွက်သုံးနိုင်တယ်။ တမာမှုံ့နဲ့ရေရောပြီး ခေါင်းလိမ်းပြီး တနာရီစောင့်ပါ၊ နောက် ခေါင်းလျှော်လိုက်ပါ။

ဆေးသုတေသနထဲမှာမပါတဲ့ တမာရွက်အစွမ်းကို ဗမာတွေပဲသိတယ်။ တမာရွက်ပေါ်ချိန်မှာ တမာရွက်အတို့နဲ့ စားရတဲ့ အရသာကို ဘာနဲ့မှမလဲနိုင်ပါ။ တို့စရာ အညာငါးပိချက်က အလိုက်ဖက်ဆုံး။ အောက်ငါးပိရည်နဲ့လည်း ကောင်းတယ်။ ငန်ပြာရည်ချက်နဲ့လည်း ကောင်းတယ်။ စားတမာမရှိလည်း တမာမှန်သမျှစားလို့ရတယ်။ တမာရွက်ကို အချဉ် (ဆီးချဉ်သီး) နဲ့စိမ်တာကတော့ စပါယ်ရှယ်။

ခရမ်းခါးသီးကို ပြောင်းဖူးနဲ့ရောပြုတ်မယ်တဲ့။ အဲဒီစားနည်းကို ချင်းလူမျိုးတွေဆီကနေရတာ။ ပြောင်းဖူးကလည်း ယောနယ်နဲ့ ချင်းတောင်ကထွက်တဲ့ စီး (စေး) တဲ့ပြောင်းက ပိုကောင်းတယ်။ အမေရိကန်ပြောင်းက ချိုတယ်။

ဒေါက်တာတင့်ဆွေ
၁-၈-၂ဝ၁၆