Omeprazole အိုမီပရာဇိုး
Omeprazole အိုမီပရာဇိုး ဘေးထွက်သက်ရောက်မှုများ = ဗိုက်အောင့်၊ လေတက်၊ ပျို့အန်၊ ဝမ်းပျက်၊ ခေါင်းကိုက်။
ကိုယ်ဝန်မှာ ရှောင်နိုင်ရင်ပိုကောင်းပါမယ်။ FDA category C သတ်မှတ်ထားတယ်။ အထဲကကလေးကို သက်ရောက်စေနိုင်တယ်။
အိုမီပရာဇိုးဆေးကို (GERD) ခေါ် အစာအိမ်-အစာမြိုပြွန် အဆက်နေရာကနေ အစာခြေရည်တွေ အထက်ဆန်တဲ့ရောဂါ အတွက်သုံးတယ်။ အစာအိမ်နဲ့ အစာမြိုပြွန် ဆက်တဲ့နေရာမှာရှိတဲ့ အထိန်းက အလိုအလျှောက် ပွင့်တဲ့အခါ ဖြစ်တယ်။ သူပွင့်လို့ အစာအိမ်ထဲက အစာနဲ့ ရေ-အရည်တွေဟာ အထက်က အစာမြိုပြွန်ဆီကို တက်လာတယ်။ Proton pump inhibitors ဆေးအမျိုးအစား Omeprazole, Lansoprazole, Pantoprazole, Rabeprazole, Esomeprazole ဆေးတွေကတော့ လက္ခဏာတွေ သက်သာစေတယ်။ အနာလဲ ကျက်စေတယ်။ Omeprazole 20 အစာမစားခင်၊ တနေ့ ၁ ကြိမ်။
Acid reflux or Acid regurgitation လို့လဲ ခေါ်တယ်။ အစာအိမ်ထဲက အစာခြေအရည်ဆိုတာက (အက်စစ်) ဖြစ်လို့ပါ။ အဲလိုဖြစ်လာရင် ပါးစပ်မှာ အဲဒီအရသာကို သိလာစေတယ်။ ဒါကို အစာမြိုပြွန်က မခံနိုင်ဘူး။ လောင်သလို ဖြစ်စေတယ်။ ပူလောင်သလို ခံစားရတာကို Heartburn လို့ခေါ်တယ်။ တလတခါက အကြောင်းမဟုတ်ပေမဲ့ တပါတ်မှာ နှစ်ခါထက် ပိုဖြစ်တာ ရောဂါ။ အရွယ်သိပ်မရွေးဘူး။ ငယ်သူတွေဖြစ်ရင် ရင်ပူတာသိပ်မခံစားရတတ်ဘူး။ ပန်းနာလိုလို ချောင်းဆိုးတယ်၊ အမြိုရခက်တာမျိုးလဲ ခံစားရမယ်။
ကုသနည်းတွေအမျိုးမျိုးရှိလို့ ကိုယ်ဝန်ဆောင်နေရင် တခြားနည်းတွေကိုရွေးသင့်တယ်။ နေတာ-စားတာ ပြောင်းရပါမယ်။ ဝနေရင် လျှော့ပါ၊ ဆေးလိပ်သောက်ရင် လျှော့ပါ-ဖြတ်ပါ။ အချဉ်၊ ချော့ကလက်၊ ကော်ဖီ၊ အရက်၊ အဆီများတဲ့အစာ၊ ချင်း၊ ကြက်သွန်၊ အစပ်၊ ခရမ်းချဉ်၊ စတာတွေနဲ့လဲ ပိုဖြစ်တာတွေ့ရတယ်။ ချောင်းဆိုးတာ၊ အန်တာ၊ အလေးအပင်မတာ တွေကနေ အစာအိမ်ကျွံတာ ဖြစ်လာစေနိုင်တယ်။ အဝလွန်တာ၊ ကိုယ်ဝန်ဆောင်တာတွေကနေလဲ စေ့ဆော်နိုင်တယ်။
တချို့အစားအသောက်တွေကနေလဲ ဖြစ်စေနိုင်တာသတိထားရှောင်ကျဉ်ပါ။ အနေအထိုင်ကြောင့်လဲ ဆိုးစေတတ်တယ်။ တချို့မှာ မတ်မတ်ရပ်နေရင် သက်သာတယ်။ ချောကလက်၊ အဆီများတဲ့ အစားအစာ၊ စပ်တာ၊ ကြော်တာ၊ ကော်ဖီ တွေကနေ ပိုဆိုးတတ်တယ်။ အချဉ်ရည်၊ ခရမ်းချဉ်သီးတွေကနေလဲ ဖြစ်တတ်တယ်။ တခါစားရင် နည်းနည်းခြင်း စားသင့်တယ်။ ညစာစားပြီး ၂-၃ နာရီနေမှအိပ်-လှဲသင့်တယ်။ အိပ်ယာ-ကုတင်ကို ခေါင်းရင်းက မြှင့်ပေးထားတာ သက်သာတယ်။ ခေါင်းအုံးမြှင့်ရတာ မဟုတ်ပါ။
Antacids = Alka-Seltzer, Maalox, Mylanta, Rolaids, and Riopan ဆေးတွေ အသေအခြာပေးမယ်။ Magnesium, Calcium, Aluminum တွေနဲ့ လုပ်ထားတာတွေ ဖြစ်တယ်။ Magnesium salt တွေက ဝမ်းလျှော စေတယ်။ Aluminum salt တွေက ဝမ်းချုပ်စေတယ်။ Calcium carbonate antacids ဆေးကို ဒီနေရာမှာ သာမက (ကယ်လ်စီယမ်) လိုတာ ဖြည့်ဘို့ အနေနဲ့လဲ ပေးနိုင်တယ်။ Antacids ဆေးတွေကို တာရှည်သုံးပြန်ရင်လဲ ဘေးထွက်-ဆိုးကျိုးသတိထားရမယ်။ ဝမ်းလျှောတာ၊ (ကယ်လ်စီယမ်) ဓါတ် နည်းတာတွေဖြစ်စေနိုင်တယ်။ (မက်ဂနီဆီယမ်) များလာမယ်။ အဲဒါဆိုရင် ကျောက်ကပ်ကို ထိခိုက်နိုင်တယ်။ ဒါကြောင့် (အင်းတစစ်) ဆေးကို ၂ ပါတ်သောက်ပြီး နားထားသင့်တယ်။
H2 blockers အုပ်စုဝင်ဆေးတွေကို နာတာရှည်သမားတွေ ပေးတယ်။ Cimetidine, Famotidine, nizatidine နဲ့ Ranitidine ဆေးတွေက အက်စစ်ဓါတ် ထွက်တာ နည်းစေအာင် လုပ်ပေးတယ်။ Prokinetics ဆေးတွေကတော့ အစာအိမ်ထဲက အစာတွေကို မြန်မြန် အောက်ဆင်းစေတယ်။ Bethanechol (Urecholine) နဲ့ Metoclopramide (Reglan) တွေဖြစ်တယ်။ ဒါပေမဲ့ ဆေးတွေက အားယုတ်သလို ခံစားရမယ်၊ အိပ်ချင်မယ်၊ စိတ်ကျတတ်တယ်၊ စိုးရိမ်စိတ် ဝင်တတ်တယ်။
Dr. တင့်ဆွေ
၂၁-၇-၂ဝ၁၆
Comments
Post a Comment