Lotus temple ကြာဗိမာန်နားက မဟာသတိပဋ္ဌာန်ကုန်း
ဟုတ်တယ်။ ဆရာ ၄-၅-၆ ခေါက်ရောက်ခဲ့တယ်။ မိသားစု သွားလည်စရာနေရာတခုပေါ့။ မြန်မာပြည်ကလာကြတဲ့ ဘုရားဖူးတွေဆိုရင် အဲဒီနေရာနဲ့ မနီးမဝေးက မြတ်စွာဘုရား သတိပဋ္ဌာန်တရားဟောကြားခဲ့တဲ့နေရာကို ရောက်ကြမယ် ထင်ပါတယ်။
အဲဒီနေရာကို မဟာသတိပဋ္ဌာန်ကုန်းလို့ ကျွန်တော်တို့ကခေါ်ကြတယ်။ မြတ်စွာဘုရားလက်ထက်တော်အခါက ကုရုတိုင်းအနီး၊ ကမ္မာသဓမ္မရွာကြီးလို့ စာထဲမှာရေးသားထားပါတယ်။ ကျောက်ကုန်းလေးပေါ်မှာ လေးဒေါင့် အဆောက်အဦလေးနဲ့ အသောကမင်းကြီးလက်ထက်ကရေးထိုးခဲ့တဲ့ ကျောက်စာတချပ်ရှိတယ်။ လူအရောက်အပေါက် နည်းတယ်။ အဆောင်အယောင်လည်း ခန်းခန်းနားနားမရှိပါ။
ဗုဒ္ဓဂယာဘုရားဖူးတွေ တချို့သာရောက်နိုင်ကြပါတယ်။ ဘုရားဖူးခရီးစဉ်မှာ ဒေလီကိုပါထည့်ထားမှရောက်နိုင်ကြပါတယ်။ ၁၁-၁ဝ-၂ဝဝ၇ နေ့မှာ မန္တလေး၊ ဘုရားကြီးတိုက်က ဦးလေးဆရာတော်တွေ ဘုရားဖူးကြွလာကြတော့ မဟာသတိပဋ္ဌာန်ကုန်းကို ကျွန်တော်ကိုယ်တိုင် ကားမောင်းပြီး လိုက်ပို့ခဲ့ပါတယ်။ ဓါတ်ပုံတွေကများတော့ ပြန်ရှာရတာမလွယ်လို့ မထည့်နိုင်ပါ။ ပုံကတော့ နယူးဒေလီ ရှစ်လေးလုံးကျောင်းမှာဖြစ်ပါတယ်။
ဒေါက်တာတင့်ဆွေ
၁၆-၇-၂ဝ၁၆
Comments
Post a Comment