Ex-Myanmar citizen ခံဝန်ချက် နဲ့ အသနားခံစာ
နောက် ဒေါက်တာစိန်ဝင်း ပြည်ဝင်ခွင့်ဗီဇာလျှောက်လွှာနဲ့ ခံဝန်ချက်လက်မှတ်ထိုးရတာ။ အဲတာအတွက် စိတ်မကောင်းတာ၊ ဒေါသထွက်ကြတာတွေအတွက် ဆရာစိန်ဝင်းမိသားစုကိုယ်စား ကျေးဇူးတင်ပါတယ်။ ဒါပေမယ့် ရှင်းလင်ချက်ကလေး ရေးပါရစေ။ ကျွန်တော်သိသလောက်ပါ။
မြန်မာနိုင်ငံကနေ အကြောင်းအမျိုးမျိုးနဲ့ ပြည်ပထွက်နေသူတိုင်း ပြည်တွင်းအလည်ပြန်ချင်ရင် တရားဝင် ပတ်စ်ပို့ဖြစ်ဖြစ် ခရီးသွားခွင့် ဒေါကူးမင့်ဖြစ်ဖြစ်၊ ရီအင်ထရီပါမစ်ဖြစ်ဖြစ်နဲ့ မြန်မာနိုင်ငံသံရုံးတွေမှာ ဗီဇာလျှောက်နိုင်ကြပါတယ်။ ဗီဇာလျှောက်လွှာရယ်အပြင် သံအမတ်ကြီးဆီကို အသနားခံစာသပ်သပ်ရေးရတယ်။ ဒါ့တွေအပြင် နိုင်ငံရေးမလုပ်ပါဘူး ခံဝန်ချက်ကိုပါ လက်မှတ်ထိုးရတယ်။ ဗီဇာအမျိုးအစားကလည်း ဆိုရှယ်ဗီဇာသာဖြစ်တယ်။ ကျွန်တော်တို့အုပ်စုက ၂ဝ၁၂ နောက်ပိုင်းမှာ အဲလိုလျှောက်ခွင့် ရှိလာတာဖြစ်ပါတယ်။ စောစောက အဲဒီလူတွေလာရင် အမျိုးအိမ်မှာတည်းခွင့်မရပါ။
(ပီအာရ်) ဆိုတာ အရင်အစိုးရက လမ်းတော့ဖွင့်ပြီ၊ ငွေပေးရတာတွေက မတန်တဆဖြစ်သေးတယ်။
အသနားခံစာနဲ့ ခံဝန်ချက်အတွက် အရင်အစိုးရကိုသာလက်ညှိုးထိုးလို့မပြီးသေးပါ။ စစ်အစိုးရသာမကပါ။ ဦးနေဝင်း လက်ထက်ကတည်းကရှိပုံရတယ်။ အတိအကျမပြောတတ်သေးပါ။ သံရုံးတွေက တည်ဆဲညွှန်ကြားချက်တွေကို လျှော့လို့ ပိုလို့မရကြပါ။ အဲတာကတော့ နိုင်ငံရေးလုပ်လို့ပြည်ပရောက်နေသူတွေထဲက အများစုအတွက်သာဖြစ်မယ်။ ပြည်ထဲရေး ဝန်ကြီးဌာနကနေ (အခုထိ) ဝင်ခွင့်မပေးချင်သူစာရင်းက သပ်သပ်ရှိမယ်ထင်ရတယ်။
ဒီအစိုးရလက်ထက်မှာ ပြင်စရာဆိုတာ အဲဒီအချက်တွေလည်းပါတယ်။ ပြစ်တင်နေတာထက် ပြင်စရာပါလို့ လက်ရှိအစိုးရနဲ့ ပြည်ထဲရေးဝန်ကြီးအထက်က ကာချုပ်ကိုသာ သိစေအောင်နဲ့ ပြုပြင်လာအောင် လုပ်သင့်တယ်လို့ထင်ပါတယ်။
ကျွန်တော်/ကျွန်တော်မ မြန်မာနိုင်ငံသို့သွားရောက်ခြင်းသည် မိသားစုဆွေးမျိုးမိတ်သင်္ဂဟများအား
သွားရောက် တွေ့ဆုံခြင်းသာဖြစ်ပါ၍ နိုင်ငံရေးလှုပ်ရှားမှုများနှင့်သော်လည်းကောင်း၊ နိုင်ငံရေးလှုံ့ဆော်သူများနှင့်သော်လည်းကောင်း
ပါဝင်ပတ်သက်၊ ဆောင်ရွက်မှုများ ပြုလုပ်မည်မဟုတ်ကြောင်း အောက်တွင် ခံဝန်ကတိပြုလက်မှတ်ရေးထိုးပါသည်။
ကျွန်တော် မဟုတ်ပါ။ သိအောင်သာရေးပြတာဖြစ်ပါတယ်။
ဒေါက်တာတင့်ဆွေ
၂၈-၇-၂ဝ၁၆
Comments
Post a Comment