3 Votes ကနေ့ည သုံးမဲရတယ်
၂။ Aye Aye Thaung ဟုတ်ပါတယ်ဆရာ။ ကလေးတွေ မှားနေတယ်ပြောလည်း အန်တီ နားလည်ရင်ပြီးရောတဲ့၊ ရတယ်တဲ့။ မရပါဘူး အကျင့်ပါသွားရင်စာမေးပွဲမှာပါထိခိုက်ပါတယ်လို့ လက်မခံမချင်းပြောရတယ်။ ဆရာ့ကို လေးစားပါတယ်ဆရာ။
၃။ ကိုဇော် မုံရွာသားလေး ဒီထက်မကတောင် ရေးသင့်ပါတယ် ဆရာ။
မြန်မာစာ၊ အရေးအသား၊ စကားပြောနဲ့ သတ်ပုံကို ကျွန်တော်ရေးနေတာ နေ့တိုင်းလိုလိုပဲ။ တခါတလေ အမုန်းခံပြီး ရေးပါတယ်။ ပြင်လာသူတွေရှိတယ်။ ဖေါ့ဘွတ်သာမကပါ ဂျာနယ်တချို့ကပါပြင်လာတယ်။ မပြင်သူတွေက အတော်ကို များသေးတယ်။
ကျွန်တော့်စာကို စာအုပ်ထုတ်ရင် သတ်ပုံစည်းကမ်းကို အရင်ဆွေးနွေးတယ်။ ခုထိတော့ တအုပ်သာထုတ်ရသေးတယ်။ ဂျာနယ်တွေကသုံးရင်လည်း အဲဒီစည်းကမ်းကို ပြောပါတယ်။ တလောကတော့ ဂျာနယ်တခုက ကျွန်တော့်ရဲ့ မလိုအပ်ပဲ တ ကို တစ်မလုပ်တဲ့ စည်းကမ်းကို လက်မခံလို့ စာတပုဒ်သာသုံးပြီး ဆက်မသုံးတော့ပါလို့ပြန်ပြောတယ်။ အဲလိုပြောတာ ကောင်းတယ်။ ကျွန်တော်က သတ်ပုံမှားကို ရောင်းစားတဲ့သူ မဖြစ်ချင်ပါ။
ဆက်ကြိုးပမ်းရမှာပဲ။ ဘုရားလက်ထက်မှာတောင် ပြင်မရသူတွေရှိတော့ စိတ်ပျက်စရာ မဟုတ်ပါ။
ဒေါက်တာတင့်ဆွေ
၁၈-၁၂-၂ဝ၁၆
ည (မနက်) ၁ နာရီ၊ ၂၁ မိနစ်။
Comments
Post a Comment