မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Wednesday, February 8, 2017

Breast Implant ရင်သားအတု


(ကန်တော့ပါ)

၁။ ဆရာရှင့် ကျွန်မအသက်၂၄ နှစ်ပါ။ အိမ်ထောင်ရှိပါတယ်ဆရာ။ ကျွန်မရင်သားအရမ်းသေးနေလို့ ကန်တော့ပါဆရာ။ အဲ့တာ ခွဲစိတ်ပြုပြင်ချင်ပါတယ်။ ကျွန်မဆိုးကျိုးကောင်းကျိုးသိချင်လို့ အရင်လေ့လာတာပါ။ ဆီလီကွန် ထည့်ထားတော့ ကလေးရရင် နိ့တိုက်လို့ရပါသလားဆရာ။ ကင်ဆာရောဖြစ်နိုင်ပါလား။ ထိုင်းမှာခွဲစိတ်မှာဆို စရိတ်လေး ခန့်မှန်း ပေးနိုင်လားရှင်။ ဆရာက ပိုက်ဆံအကြောင်းထည့်မမေးရဘူးဆိုတာ သိပါတယ်ရှင့်။ ဒါပေမယ် တခြားနိုင်ငံဆိုတော့ မသိလို့ ဆရာ့ကိုအားကိုးတာပါ။ viva ဆိုပြီး ရင်သားကြီးဆေး ကိုရီးယားနိုင်ငံထုတ်ကော လိမ်းလို့ရပါသလားဆရာ။

၂။ ကျွန်တော့် သမီးက အသက် ၂၉ နှစ်၊ အပျိုပါ။ ၂ဝ၁ဝ ဒီဇင်ဘာမှာ ရင်သား-ကင်ဆာဖြစ်လို့ နှစ်ဘက်စလုံးကို ဖြတ်လိုက်ပါတယ်။ Chemo ဆေးလည်း သွင်းပြီးပါပြီ။ ဓါတ်ရောင်ခြည်ကိုလည်း ၅ ပတ် ပြပြီးပါပြီ။ အခု Tamoxifen သောက်ပြီး Zoladex 10.8 mg ကို ၃ လတစ်ခါ ထိုးနေပါတယ်။ အခု သမီးက ရင်သားအတု တပ်ချင်လို့ ဆရာအနေနဲ့ တပ်သင့် မသင့်နဲ့ ဗဟုသုတအနေနဲ့ ဘယ်လိုခွဲစိတ်ပြီး တပ်ဆင်တယ်ဆိုတာကို သိချင်လို့ ဆရာအားတဲ့အခါ အကြောင်းပြန်ပေးပါခင်ဗျာ။

အတုတွေက အများကြီးအသုံးကျတာ ဆေးပညာမှာရှိတယ်။ ခြေတုလက်တုတွေလို ရင်သားအတုဟာ အသုံးကျတဲ့ ဆေးပညာသုံးပစ္စည်းဖြစ်တယ်။ အရွယ်အစား၊ ပုံပန်းနဲ့ အထိအတွေ့တွေ ကောင်းလာစေဘို့အတွက် ရင်သားအတု လုပ်ပေးနိုင်တယ်။

ဒီလိုလူနာတွေကို လုပ်ပေးနိုင်တယ်။
- ရင်သားမှာ (ကင်ဆာ) ဖြစ်လို့ ခွဲစိတ်ထုတ်ပြစ်လိုက်ရလို့၊
- မွေးရာပါ ရင်ပတ်ပုံပန်း မမှန်ဖြစ်နေလို့၊
- ရင်သား သေးငယ်နေတာကို ပိုပြီးလှပချင်လို့ နဲ့၊
- အရင်က ယောက်ျားလိုလိုကနေ မိန်းမဖြစ်စေအာင် လိင်ပြောင်းပေးရတာတွေအတွက် လုပ်ကြရတယ်။

အခြေခံအားဖြင့် အသုံးပြုပစ္စည်း ၃ မျိုးရှိတယ်။ Saline (စေလိုင်း ဆားရည်)၊ Silicone (စီလီကွန်) နဲ့ Composite တခြား အမျိုးအစားတွေ။ (စေလိုင်း) ဆိုတာလဲ (စီလီကွန်) အကာထဲမှာ ဆားရည်ထည့်ပေးထားတာ ဖြစ်တယ်။ တခြားဟာတွေမှာ Soy oil ပဲပုပ်ဆီ၊ Polypropylene string (ပေါ်လီပရိုပိုင်လင်း) စတာတွေသုံးတယ်။ ဆားရည်နဲ့လုပ်တဲ့ ရင်သားအတုထဲမှာ Salt water 0.90% w/v of NaCl, ca. 300 mOsm/L ဆားရည် ထည့်ထားတယ်။ ပေါ်ကာစတွေတုံးက ယိုတာမျိုး ဖြစ်ခဲ့ပေမဲ့ နောက်ပေါ်တွေက ပိုကောင်းလာတယ်။ ၂ဝဝ၆ လေ့လာမှုအရ (စီလီကွန်) သုံးထားသူကို ထပ်ခွဲပေးစရာလိုရင် ဒီအမျိုးအစားကို သုံးသင့်တယ်လို့ ထောက်ခံချက် ပေးထားတယ်။

(စီလီကွန်) ရင်သားတုဟာ ပဌမမျိုးဆက်ကို ၁၉၆၃ မှာ စသုံးတယ်။ မျက်ရည်ပေါက်ကလေးလို့ တင်စားတယ်။ ဒုတိယမျိုးဆက်က ၁၉၇ဝ မှာစတယ်။ ပိုပြီးပါးလာတယ်။ စေးကပ်မှုလဲ လျှော့လိုက်တယ်။ ပေါက်လွယ်ပြန်တယ်။ တတိယနဲ့ စတုတ္ထမျိုးဆက်က ၁၉၈ဝ ကျော်မှာလာတယ်။ ပဉ္စမမျိုးဆက်ကတော့ ၁၉၉ဝ ကျော်မှာ ပေါ်လာတယ်။ ပိုပြီးမာခဲတာကို သုံးတယ်။ ပေါက်တာယိုတာ နည်းစေတယ်။ ကိုယ်ရဲ့ တခြားနေရာတွေကိုလဲ မရောက်စေဘူး။ ၂ဝဝ၄ နဲ့ ၂ဝဝ၅ လေ့လာမှုတွေအရ အဖုံးလွှာပိန်သွားတာနဲ့ ပေါက်ပြဲတာတွေ လျှော့နည်းတာ တွေ့ရတယ်။

ရင်သားအတု ခွဲစိတ်နည်းတွေကို ဘယ်လိုအခြေအနေတွေမှာ သုံးနိုင်သလဲ -
၁။ ကင်ဆာဖြစ်လို့၊ ထိခိုက်ဒဏ်ရာရလို့ ရင်သား-မဖွံ့ထွားနိုင်တဲ့ရောဂါရှိလို့ ပဌမဆုံးအကြိမ် လုပ်ရတယ်။
၂။ နဂိုအနေ ရင်သားကို ပိုထွား-ပိုလှစေချင်လို့ ပဌမဆုံးအကြိမ်လုပ်ရတယ်။
၃။ အရင်တခါလုပ်ထားက မကောင်းနိုင်လို့ အသစ်ထပ်လုပ်ရတယ်။

ဓါးရာဘယ်လိုပေးရသလဲ၊ ခွဲစိတ်နည်း၊ ခွဲပြီးဂရုစိုက်စရာတွေကိုလဲ မရေးတော့ပါ။ လုပ်ချင်သူတွေ စဉ်းစားနိုင်ကြအောင် ဆက်တွဲဖြစ်လာနိုင်တာတွေကိုတော့ ရေးပါမယ်။ ခွဲစိတ်မှုတိုင်းမှာ သတိထားစရာတွေဟာ အတူတူပါဘဲ။ မေ့ဆေးအတွက် သတိထားစရာတွေ၊ သွေးယို-သွေးခဲတာ၊ မန်းရည်အောင်တာ၊ ပိုးဝင်တာတွေ အတူတူရှိနိုင်တယ်။ ရင်သားအတုထည့်လို့ သန့်သန့် ဖြစ်လာနိုင်တာတွေကတော့ ရင်သားနာမယ်၊ အထိအတွေ့ မတူတာဖြစ်မယ်၊ ကလေးနို့တိုက်ရတာ ခက်မယ်၊ အရေးအကြောင်းတွေ မြင်နေရနိုင်တယ်၊ ဘယ်-ညာ မတူတာတွေ ဖြစ်နိုင်တယ်။

အဓိကပြဿနာတခုက ပေါက်ပြဲခြင်းဖြစ်တယ်။ (စေလိုင်း) တွေမှာ ထည့်ပြီးတဲ့နောက် ၃ နှစ်နေလို့ ပေါက်ပြဲတာ ၃-၅% ရှိတယ်။ ၁ဝ နှစ်နေရင် ၇-၁ဝ% ရှိတယ်။ ဆားရည်သုံးတာက ပေါက်နေရင် ပြားချပ်သွားမယ်။ ကိုယ်ကနေစုပ်ယူမယ်။ ထွက်လာတဲ့ (စီလီကွန်) တွေကတော့ တခြားနေရာတွေဆီ ရောက်သွားနိုင်တယ်။ ဥရောပမှာ ဒုတိယမျိုးဆက်က ၁ဝ နှစ်အကြာမှာ ပေါက်ပြဲနှုန်း ၈-၁၅% ရှိခဲ့တယ်။

တခြားအတုတွေထည့်သလိုပဲ ရင်သားအတုကိုလဲ ကိုယ်ခန္ဓာထဲထည့်ရင် သတိထားစရာတွေရှိတယ်။ အတုပစ္စည်းရဲ့ ဘေးမှာ (ကိုလာဂျင်-ဖိုင်ဘာ) တွေကနေလာပြီး ဖုံးအုပ်ကာကွယ်ပေးတယ်။ ရင်သားအတုရဲ့ အဖုံးလွှာကနေ ပုံပြောင်းသွားတာနဲ့ ကိုယ်ခန္ဓာ တုံ့ပြန်မှုကြောင့် အဖုံးလိုဖြစ်တာကို ခွဲခြားသိဘို့လိုမယ်။ အာရုံကြောရောဂါတွေနဲ့ (ရူမတွိုက်) ရောဂါတွေ ဖြစ်နိုင်တယ်။ ပလက်တီနမ်သတ္ထုနဲ့ မတည့်တာလဲ သတိထားရတယ်။

ကာယကံရှင်ကမကြိုက်ရင်၊ ခွဲစိတ်တာက တခုခုအဆင်မပြေဖြစ်ရင် ပြန်ပြင်ရတယ်။ ဆေးပြဿနာကနေဖြစ်တာတွေ၊ အဖုံးလွှာ ပုံပြောင်းတာ၊ ပေါက်ပြဲတာနဲ့ ပြားချပ်သွားတာတွေကြောင့် ထပ်ခွဲစိတ်ရတယ်။ ရင်သားတခုလုံး ပြန်လုပ်ရသူတွေမှာ ပိုအဖြစ်များတယ်။ ရင်သားကင်ဆာ ဖြစ်ထားသူတွေမှာလဲ များတယ်။

Silicone Breast Implants ကို ၁၇-၁၁-၂ဝဝ၆ မှာ FDA ကနေ အသိအမှတ်ပြုပေးခဲ့တယ်။ ခြောက်သန်းလောက်လို့ ခန့်မှန်းကြတယ်။ ဒါဆိုရင် အမျိုးသမီးမှန်သမျှရဲ့ ၅% ရှိမယ်။ ၂ဝဝ၈ မှာ စစ်တမ်းတခုကောက်တော့ ၃ဝ၇ဝဝဝ ယောက်မှာ ရင်သားကို လှချင်လို့ အတုထည့်ထားကြပြီး ၁၁၁ဝဝဝ မှာ ရင်သားထုတ်လိုက်ရလို့ ဖြစ်ဖြစ် မွေးရာပါချို့ယွင့်နေလို့ဖြစ်ဖြစ် ရင်သားအတု တပ်ထားကြတယ်။ ဒီစာရင်းထဲမှာ တခြားဆရာဝန်တွေကနေ လုပ်ပေးတာတွေ မပါသေးဘူး။

(စေလိုင်း) အမျိုးအစားဟာ ရင်သားကို လှီးဖြတ်စရာ နည်းတာမျိုးဆို ပိုကောင်းတယ်။ ဒါးရာပေးပြီး နောက်မှ ဆားရည် သွင်းပေးလို့ ဓါးရာနဲ့ ချုပ်ရိုးတွေလဲ ငယ်မယ်။ Silicone-gel implants ဆိုတာက ကြိုတင်ဖြည့်ထားပြီးသားကို ထည့်ပေးရတယ်။ ဆားရည်အတုပေါက်သွားရင်တော့ ပြားချပ်လာမယ်။ ဆားရည်ကို ကိုယ်ခန္ဓာက စုပ်ယူလိုက်မယ်။ ဆားရည်က (ဆီလီကွန်) ထက်ပိုပြီး အရွယ်အစား၊ ပုံပန်းနဲ့ အထိအတွေ့ ဆိုတာတွေမှာ ပိုသာတယ်လို့ ဆိုနိုင်ပေမဲ့ စုပ်ပြဲလွယ်မယ်၊ တွန့်နိုင်တယ်၊ ထိရင်-ကြည့်ရင် သိသာနိုင်တယ်။ ဒါ့ကြောင့် ရင်သား အသစ်ထည့်ရသူတွေအတွက် (စီလီကွန်) သုံးတာ ပိုကောင်းမယ်။ (ဆားရည်) ကို အသက် ၁၈ နှစ်ထက် ကြီးသူတွေ လှချင်လို့လုပ်ဘို့နဲ့ သူတို့ထက် အသက်ကြီးသူတွေ ရင်သားအသစ် လုပ်ဘို့ သုံးတယ်။ (စီလီကွန်) တွေကို အသက် ၂၂ နှစ်အထက်ရှိသူတွေ ပိုကြီးချင်လို့လုပ်ဘို့နဲ့ သူတို့ထက် အသက်ကြီးသူတွေ ရင်သား အသစ်လုပ်ဘို့သုံးတယ်။ ၂ဝဝ၈ မှာ ရင်သား တခုလုံး ထည့်ထားသူတွေရဲ့ ၅၃% ဟာ (ဆေလိုင်း) ဖြစ်ပြီး ၄၇% ဟာ (စီလီကွန်) ဖြစ်တယ်။ လှချင်လို့ လုပ်ရသူတွေက ပိုများလို့ ဖြစ်မယ်။

အမေရိကားမှာ ရင်သားအတုကို Class III medical device လို့ သတ်မှတ်တယ်။ တခုခုဖြစ်နိုင်စရာအဆင့် (၃) လို့ ဆိုလိုတယ်။ ရင်သားအတု ထည့်တာကို အမျိုးသမီးတွေရဲ့ စိတ်ဝင်စားမှုက တက်လိုက် ကျလိုက်နေတယ်။ ရာသက်ပန်ခံမယ်လို့တော့ အာမခံနိုင်ပါ။ ရင်သား-ကင်ဆာကို (မင်မိုဂရမ်) စစ်ဆေးရာမှာ ရှုတ်ထွေးတတ်တယ်။ သူများတွေထက် ပိုဂရုစိုက်ရမယ်။ ရင်သားထွားချင်-လှချင်လို့ လုပ်ထားသူမှာ ကလေးရလို့ နို့တိုက်တာမှာလဲ ခက်နိုင်တယ်။ FDA ကနေ (စီလီကွန်) အတု ထည့်ထားပြီး ၃ နှစ်ရဲ့ နောက်ပိုင်း MRI ၂ နှစ်တခါ ရိုက်ဘို့ အကြံပြုထားတယ်။ အထဲမှာဘာဖြစ်နေသလဲ သိအောင်လို့။ အထဲမှာ ပေါက်နေတာကို အပြင်ကနေ မသိနိုင်ဘူး။ အထဲမှာ ယိုစိမ့်နေလို့ နောက်ဆက်တွဲ ဖြစ်နိုင်တာတွေထဲမှာ ကင်ဆာတော့မပါ။

ရင်သားအတုတပ်ချင်သူ အမျိုးသမီးတွေဟာ အရွယ်အရမကြီးကြသေးဘူး။ စိတ်ပိုင်းဆိုင်ရာ ဖိစီးမှုကြောင့် ရင်သားအတု တပ်ချင်စိတ်ဖြစ်ကြတယ်။ ကိုယ့်အလှကို ဒီထက်ပိုစေချင်တယ်။ ပြောင်တာနောက်တာကို မခံချင်ကြဘူး စသဖြင့်။ ၂ဝဝ၃ သုတေသနတွေအရ ရင်သားတုတပ်တဲ့ အမျိုးသမီးတွေမှာ စိတ်ပိုင်းကုသမှုပါ ခံယူကြရတယ်။ သူတို့မှာ ကိုယ့်ကိုယ်ကို မကျေနပ်ဖြစ်နေတာ၊ စိတ်ဓါတ်ကျနေတာ၊ တချို့ဆိုရင် သတ်သေချင်စိတ်ဝင်တာအထိ ဖြစ်ကြတယ်။ ဆောရီး။

ခွဲစိတ်ပြုပြင်ပေးထားသူတွေကို ထပ်လေ့လာတော့ စိတ်ကျန်းမာရေးရော လူနေမှုဘဝ အရည်အသွေးပါ ပိုကောင်းလာကြတာ တွေ့ရတယ်။ ရုပ်သွင်၊ လူမှုရေး၊ ကိုယ့်ကိုယ်ကို ယုံကြည်မှု၊ ကိုယ့်ကိုယ်ကို တန်ဘိုးထားမှု၊ လိင်ပိုင်း ကျေနပ်မှုတွေမှာပါ တိုးတက်လာကြတယ်။ လှချင်လို့ လုပ်ထားသူတွေရဲ့ ၉ဝ-၉၅% က ကျေနပ်တယ်။ ဝေဖန်ရေးတွေ များလွန်းခဲ့တဲ့ ၁၉၉၁ မှာ ၃% အမျိုးသမီးတွေကသာ စိတ်မချတာမို့ ပြန်ထုတ်ချင်ကြတယ်လို့ ဆိုပါတယ်။

လှချင်လွန်းနေသူမှာ သူများထက် စိတ်တွန်းအားက များလွန်းနေရင် သိပ်တွက်ထားတတ်ကြတယ်။ ဖြစ်နိုင်တာထက်ပိုပြီး လှလိမ့်မယ်လို့ တွက်မထားသင့်ပါ။ ရင်သားအတုထည့်တာမှာ ဆရာဝန်နဲ့လူနာ ဆွေးနွေးရွေးချယ်ကြပြီး အဆုံးအဖြတ်ကို လူနာကနေလုပ်ရပါမယ်။

ကြော်ငြာပြီးရောင်းနေတဲ့ ရင်သားလိမ်းဆေးတွေ အများကြီးရှိတယ်။
Naturaful Breast Enlargement Cream $49.00
Naturaful Breast Enlargement/Enhancement Cream for Bigger Breasts $169.75
Niacinamide Vitamin B3 Cream Serum 5% $19.97
Breast Actives All Natural Breast Enhancement Supplement Capsules and Cream Combo Ki $45.95

ကျွန်တော်ကတော့ ဘယ်ဟာကိုမှာ အာမခံချက်မပေးနိုင်ပါ။

Dr. တင့်ဆွေ

No comments:

Post a Comment

Note: Only a member of this blog may post a comment.