Opium ဘိန်း

ဘိန်းခင်းဖျက်လိုသူတွေနဲ့ ဘိန်းခင်းကိုကာကွယ်သူတွေသတင်းဖတ်ရလို့ အရင်ရေးထားတာလေး ပြန်တင်ပါရစေ။

ဘိန်း Opium poppies (Papaver somniferum) ကို ဆေးဝါးအဖြစ်သုံးဘို့ တရားဝင်စိုက်ပျိုးတဲ့နိုင်ငံတွေရှိတယ်။ အိန္ဒိယ၊ တူရကီ၊ သြစတေးလျနဲ့ ယူကေ။ ဘိန်းပန်းပွင့်ကလှလို့ ဥယျာဉ်မှာစိုက်ပျိုးကြတာကို တချို့နိုင်ငံမှာ ခွင့်ပြုထားတယ်။ စီးပွါးဖြစ်စိုက်တဲ့ ဘိန်းထဲမှာ (မော်ဖိန်း + ကိုဒင်း + သီဘိန်း) ၉၁့၂% ပါတယ်။ ဓါတုဗေဒလို (အယ်လ်ကာလွိုက်) ခေါ်တယ်။

လက်ရှိ ကမ္ဘာမှာ တနှစ်ကို ဘိန်း ၂ဝဝဝ တန်ထုတ်တယ်။ ၁၉ဝ၆ ခုနှစ်တုံးက တန်ချိန် ၄၁ဝဝဝ ထုတ်ခဲ့တယ်။ အဲဒီတုံးက တရုပ်ပြည်ကသုံးစွဲခဲ့တာ ၃၉ဝဝဝ တန်ရှိတယ်။ ဘိန်းနှိမ်နင်းရေးလုပ်လာလို့ ၁၉၈ဝ မှာ တရားမဝင် + တရားဝင် ဘိန်း တန် ၂ဝဝဝ သာ ထုတ်လုပ်နိုင်တော့တယ်။ ၂ဝဝ၂ မှာ ၅ဝဝဝ တန်သာထုတ်တယ်။ ဘိန်းစိုက်သူတွေက ဘိန်း ၁ ကီလိုကို ဒေါ်လာ ၃ဝဝ ဈေးရတယ်။ အာဖကန်နစ္စတန်ထဲမှာ ၈ဝဝ နဲ့ဝယ်ရတယ်။ ဥရောပနဲ့ အမေရိကလမ်းတွေပေါ်မှာ ဒေါ်လာ ၁၆ဝဝဝ ပေးရမယ်။

ကနေ့ အာဖကန်နစ္စတန်ကအများဆုံး (၇ဝ%) စိုက်ပျိုးနေတယ်။ မြန်မာပြည်က ၂၅% နဲ့ ဒုတိယလိုက်တယ်။ အာဖကန်မှာ တာလီဘန်တွေကြီးစိုးတော့ ဘိန်နှိမ်နင်းတဲ့အခါ မြန်မာနိုင်ငံက ပထမစွဲဘူးတယ်။ ကိုလမ်ဘီယာ၊ ဂွါတီမာလာနဲ့ မက်ဆီကို နိုင်ငံတွေမှာလည်း စိုက်ပျိုးတယ်။ တရုပ်ပြည်မှာလည်းစိုက်တာရှိတယ်။

ဘိန်းသမိုင်းကိုပြန်ကြည့်ရင် ဆူမေးရီးယန်၊ အဆီးရီးယား၊ အီဂျစ်၊ အိန္ဒိယ၊ မင်နွန်၊ ဂရိ၊ ရိုမန်၊ ပါရှားနဲ့ အာရတ်ဒေသတွေမှာ ရှိခဲ့တယ်။ တရုပ်မှာ ၁၅ ရာစုကတည်းကဘိန်းသုံးစွဲခဲ့ကြတယ်။ ၁၇ ရာစုမှာ ဘိန်းကုန်ကူးတာ များပြားလာတယ်။ ၁၇၂၉ ကတည်းကဘိန်းကိုတားမြစ်ခဲ့တယ်။ ဗြိတိသျှ အရှေ့အိန္ဒိယကုမ္ပဏီကနေ ထိန်းချုပ်ထားခဲ့တယ်။ ၁၈၃၉-၁၈၄၂ မှာ ပထမဘိန်းစစ်ဖြစ်တယ်။ ၁၈၅၆-၁၈၆ဝ မှာ ဒုတိယဘိန်းစစ်ဖြစ်တယ်။ ပြင်သစ်ပါပါလာတယ်။ တရုပ်က ရှုံးခဲ့တာချည်းပဲ။

ဘိန်းကို ဗန်းစကာနဲ့ အမျိုးမျိုးခေါ်ကြတယ်။ O.P., hop, midnight oil, Big O စသဖြင့်ခေါ်ကြတယ်။ Tar နဲ့ dope ဆိုတာ ဟီရိုအင်း ဘိန်းဖြူကိုခေါ်တာ။

မြန်မာ့ဘိန်း
မြန်မာနိုင်ငံဘိန်းသမိုင်းမှာ ကုန်းဘောင်မင်းဆက် ၁၇၅ဝ ကနေစပြီးမှတ်တမ်းရှိတယ်။ ၁၉၄၈ လွတ်လပ်ရေးရပြီးတော့ အမေရိကန်အစိုးရက ဘိန်းပပျောက်အောင် အကူအညီပေးခဲ့တယ်။ ၁၉၇၄-၇၈ မှာ ဟယ်လီကော်ပတာ ၈ စီး ပေးတယ်။ ဘိန်းနှိမ်နင်းရေး မဟုတ်တဲ့နေရာတွေမှာသုံးတယ်လို့ နောက်ထပ်မပေးတော့ဘူး။ ၁၉၉ဝ တုံးက မြန်မာပြည်ကနေ ၅ဝ% ထုတ်လုပ်ခဲ့တယ်။

ဘိန်းလုပ်ငန်းဟာ မြန်မာပြည် (GDP) မှာ အဓိကကျတယ်။ ဘိန်းစက်ရုံတွေနဲ့ ကူးသန်းရောင်းဝယ်မှုကို လက်နက်ကိုင် တပ်တွေက ထိန်းချုပ်ထားတယ်။ ရွှေတရိဂံနယ်မြေက နာမည်ကြီးတယ်။ ဘိန်းဖြူထုတ်လုပ်ရာမှာ နာမည်ဆိုးရှိတယ်။ ရှမ်းပြည်နယ်နဲ့ ကချင်ပြည်နယ်မှာ အများဆုံးဖြစ်တယ်။ ဆင်းရဲမှုကအကြောင်းရင်းတခုဖြစ်တယ်။ ဘိန်းစိုက်တာကနေ စပါးစိုက်တာထက် ဝင်ငွေ ၁၇ ဆပိုရလို့ စိုက်ပျိုးကြရတယ်။ ၂ဝ၁၂ တုံးက ဘိန်း ၆၉ဝ တန် ထုတ်လုပ်တယ်။ ဒေါ်လာ ၃၅၉ သန်းတန်တယ်။ ၂ဝ၁၂ စာရင်းအရ ဘိန်းနဲ့ပတ်သက်တဲ့မိသားစုပေါင်း ၃ သိန်းရှိတယ်။

၁၉၈ဝ ကျော်ကာလတွေမှာ မြန်မာပြည်ကနေထုတ်တဲ့ဘိန်းဟာ ထိုင်းနိုင်ငံဖက်ကနေသာထုတ်တယ်။ ဟောင်ကောင်ကို ဆက်သွားတယ်။ အခုတော့ ထွက်လမ်းတွေပိုများလာပြီ။ တရုပ်ပြည်ကနေ ဟောင်ကောင်ဆက်သွားတယ်။ အဲဒီကာလမှာ တရုပ်ပြည်မှာ ဘိန်းသုံးစွဲသူပေါင်း မှတ်ပုံတင်ထားတာ ၁့၁ သန်းရှိတယ်။ အိန္ဒိယကနေလည်းထုတ်တယ်။ ဘိန်းဖြူချက်ရာလိုတဲ့ Acetic anhydride အက်စစ်ကို အိန္ဒိယနဲ့ တရုပ်ပြည်တွေကနေလာတယ်။

ဘိန်းကရတဲ့ငွေကို စစ်အစိုးရကနေ ငွေဖြူလုပ်ပေးတယ်။ တိုင်းပြည် အခြေခံအဆောက်အအုံ တည်ဆောက်ရေးမှာ ရင်းနှီးမြှုပ်နှံခွင့်ပေးတယ်။ စီးပွါးရေးပညာရှင်တွေသုံးသပ်တာက အဲလိုလုပ်တာဟာ ဆင်းရဲ-ချမ်းသာ ကွာဟမှုကို ပိုဆိုးစေတယ်။

Asia Wealth Bank အာရှဓနဘဏ်ဆိုတာ ယူအက်စ်အစိုးရမှတ်တမ်းအရ ငွေမည်းကိုငွေဖြူလုပ်တဲ့ငွေနဲ့ ထူထောင်ခဲ့တာ ဖြစ်တယ်။ ဦးအိုက်ထွန်းက ဦးစီးတယ်။ Olympic Construction Company Olympic Construction Group အိုလန်ပစ် ဆောက်လုပ်ရေးကုမ္ပဏီကို ၁၉၉ဝ မှာထူထောင်တယ်။ ၂ဝဝ၃ မှာ ဘဏ်ပြဿနာတွေမဖြစ်ခင်က အကြီးဆုံး ဘဏ်လုပ်ငန်းဖြစ်တယ်။ အမေရိကန်နဲ့ အီးယူက စီးပွါးရေးဒဏ်ခတ်မှုနောက်မှာ နာမည်ပြောင်းပြီး၊ ၂ဝဝ၄ မှာ ရွှေတောင်အုပ်စု လုပ်ထားတယ်။

မြန်မာစစ်အစိုးရက ၂ဝ၁၄ မှာ ဘိန်းပပျောက်ရေးရည်မှန်းချက် ထားခဲ့တယ်။ ကနေ့ ရှမ်းပြည်ရှေ့မြောက်ပိုင်းက တိုက်ပွဲတွေ၊ ၁၉၈၉ ကစခဲ့တဲ့ လက်နက်နဲ့ငြိမ်းချမ်းရေးလည်းဆိုတဲ့ ခေါင်းစဉ်လှလှလေးအောက်မှာ စစ်တပ်က မတိုက်ပဲနေမယ်၊ ဘိန်းလုပ်ချင်လုပ်ကြဆိုတဲ့ ပေါ်လစီတွေဟာ စစ်အစိုးရတွေနဲ့ ကနေ့အစိုးရရဲ့ အစီအမံတွေဖြစ်တယ်။ ဘိန်းပပျောက်ရေး လုပ်နေပေမဲ့ မအောင်မြင်နိုင်တဲ့ အကြောင်းတရပ်လည်းဖြစ်တယ်။

ဒေါက်တာတင့်ဆွေ
၂ဝ-၂-၂ဝ၁၅
၂ဝ-၂-၂ဝ၁၇