TB အသစ်လား အဟောင်းလား

စာက ရှည်တယ်။ ဆောရီး။ အင်္ဂလိပ်စာလုံးတွေ ပါနေတယ်။ ဆောရီး။

ဆရာရှင့် ကျွန်မအသက် ၃၀ ပါ။ လွန်ခဲ့တဲ့ ၃ နှစ်က တီဘီဖြစ်ဖူးပါတယ်။ ၆လ  ဆေးသောက်ရပါတယ်။ ခုအလုပ်တခုဝင်တာ တီဘီစစ်ခိုင်းတာ အနာရွတ်ကျန်တယ်ပြောပါတယ်။ အနာရွတ်ပျောက်အောင် ဘယ်လို လုပ်ရပါလည်းရှင့်။ အလုပ်မရမှာလည်းစိုးရိမ်လို့ပါ။ ကျွန်မက မြန်မာနိုင်ငံကပါရှင့်။

သည်လိုမေးတာတွေ မကြာခဏလာတယ်။ အလုပ်ခန့်တဲ့နေရာတွေ မတူကြပါ။

- ဆရာ ကျနော်ကအသက် ၂၆ နှစ်ရှိပါပြီ။ လွန်ခဲ့တဲ့ ၅ နှစ်က တီဘီဆေးသောက်ဖူးပါတယ်ဆရာ။ ယခု Korea သွားဖို့ ဆေးစစ်တာ အဆုတ်မှာအမာရွတ်တွေ့တယ်ပြောပါတယ်ဆရာ။ အမာရွတ်က ဘယ်လိုအန္တရာယ်ပေးပါသလဲဆရာ။ ပျောက်ကင်း သက်သာအောင် ဘယ်လိုလုပ်လို့ရမလဲဆရာ။

- တီဘီရောဂါဟာ ဆရာဝန်ညွန်ကြားတဲ့အတိုင်း ၆ လ ဆေးသောက်ပြီးပါပြီ။ အဲဒီ ၆ လ အတွင်းမှာလဲ ပုံမှန်ဆေးသောက်၊ စမ်းသပ်မှုကိုလဲ ခံယူခဲ့ပါတယ်။ ၆ လကျော်သွားတဲ့ အချိန်မှာ တခြားနေရာ ရောက်နေလို့ ပြန်ပြီး မစမ်းသပ်ခဲ့ပါဘူး။ အခုဆို ၂ နှစ်နီးပါး ရှိနေပါပြီ။ လူကတော့ ကျန်းကျန်းမာမာ ဝဝဖြိုးဖြိုးပါပဲ။ အခု တခြားနေရာမှာ ဆေးစစ်တာ ဆရာဝန်က တီဘီရှိတယ်လို့ ပြောပါတယ်။ ဓါတ်မှန်မှာပဲ တွေ့တာပါ။ သွေးမှာ အောင်ပါတယ်။ ကျွန်တော် သိချင်တာက တီဘီဖြစ်ဘူးတဲ့လူဟာ ဆေးစစ်တိုင်း ကျနေမှာလား။ ဆေး ၆ လ မှန်မှန်သောက်ရုံနဲ့ လုံးဝပျောက်ကင်းသွားပြီလား သိချင်ပါတယ်။

တီဘီရောဂါ မရှိသူ၊ ရှိနေသူ၊ ကုသပြီးသူ၊ ပြန်ဖြစ်သူ၊ ကုသလို့ မပျောက်သေးသူ ဆိုပြီး ခွဲပြောကြတယ်။ ဆေးစာနဲ့ ဆိုရင် လတ်တလော ရောဂါဖြစ်နေသူ၊ ရောဂါဟောင်းရှိထားသူ၊ အဆုပ်မဟုတ်တဲ့ နေရာမှာ ဖြစ်နေသူ၊ ရောဂါငုပ်နေသူ ဆိုပြီး သတ်မှတ်တယ်။ အဆုပ် တီဘီရောဂါကို ဓါတ်မှန်နဲ့ စစ်တယ်။ သလိပ်လည်း စစ်မယ်။ အရေပြားကို ဆေးထိုးပြီးလည်း စစ်ပါတယ်။ အဖြေက တမျိုးထဲမှာပြမယ်။ နှစ်မျိုးမှာပြမယ်။ သုံးမျိုးလုံးမှာ ပြနေတာလဲ ဖြစ်နိုင်တယ်။ ဆေးကို တမျိုးမကပေးရတယ်။ အများဆုံးသုံးနေတဲ့ ဆေးအတွဲကတော့ Rifampin + Ethambutol + Pyrazinamide + INH ဖြစ်တယ်။ ၆ လ ပေးတာ နဲ့ ၉ လအထိပေးတာ ရှိတယ်။ ဆေးအတွဲ၊ ဆေးအဆနဲ့ ဆေးကို ဘယ်လောက်ကြာကြာ ပေးမလဲဆိုတာ နေရာတခုနဲ့ တခု၊ လူနာတယောက်နဲ့ တယောက်မှာမတူပါ။ ပေးကာစမှာ တမျိုး လုပ်ထားရာကနေ ဆေးပါတ်မပြီးခင် ပြောင်းရတာလဲ ရှိတယ်။ ကမ္ဘာ့ကျန်းမာရေးအဖွဲ့ကြီးကနေ တကမ္ဘာလုံးကိုခြုံပြီး လမ်းညွှန်ချက် ထုတ်ထားတယ်။ တိုင်းပြည်တခုမှာလဲ သူ့တိုင်းပြည် အခြေအနေအလိုက် လမ်းညွှန်ချက် သပ်သပ်ရှိမယ်။ ဆေးပေးနည်း-ဆေးရောနည်းသာမက ဓါတ်ခွဲခန်းနဲ့ ဓါတ်မှန် အထူးကု-ဆရာဝန်တွေလဲ မတူကြတာ ရှိနိုင်တယ်။

ဓါတ်မှန်ဆိုတာ အဖြူနဲ့ အမည်းသာမြင်ရတယ်။ အရိုးဆိုရင်ဖြူပြီး လေဆိုရင်မည်းတယ်။ ကြားကျတာလဲ ရှိတယ်။ ဥပမာ အသည်း၊ နှလုံး။ တီဘီအတွက် Posterior-anterior chest X-ray ဓါတ်မှန်ရိုက်နည်းက အကောင်းဆုံး ဖြစ်တယ်။ တခြားနည်း ဘေးတိုက်ရိုက်နည်း နဲ့ CT (စကင်) တွေလဲ လိုရင်လုပ်မယ်။ ဆေးဝေါဟာရတွေကို ခေါင်းအရှုတ်မခံပါနဲ့၊ ထည့်တော့ ရေးပါရစေ။

လူကဘာမှမဖြစ်ပေမဲ့ Tuberculin skin test အရေပြား စမ်းသပ်တော့ အပေါင်းပြနေသူတွေကိုသာ အဆုပ် တီဘီရှိ-မရှိ သေခြာသိအောင် ဓါတ်မှန် ရိုက်ရမယ်။ ဓါတ်မှန်မှာ ပုံမှန်မဟုတ်တိုင်း တီဘီလို့ ပြောမရသေးပါ။ လောလောလတ်လတ် ဖြစ်နေတဲ့ တီဘီဆိုရင် Infiltrates or Consolidations တိုးပွါးလာတာ၊ အစိုင်အခဲလို့ခေါ်တာ မြင်ရမယ်။ ဒါတွေက အဆုပ်ရဲ့ အထက်ပိုင်းမှာဖြစ်တာ များတယ်။ Cavities အခေါင်း ရှိချင်ရှိမယ်။ မရှိချင် မရှိဘူး။ Hilar lymphadenopathy အဆုပ် နှစ်ခုကြားနေရာနဲ့ အဆုပ်အဝင်နေရာတွေမှာ တက်စေ့ကြီးနေတာ ရှိချင်ရှိမယ်။ မရှိချင် မရှိဘူး။

ပျောက်သွားပြီးသား တီဘီဆိုရင် များသောအားဖြင့် အဆုပ်အစိုင်အခဲတွေကို အဆုပ်အဝင်နေရာမှာနဲ့ အဆုပ် အပေါ်ခန်းမှာ မြင်ရမယ်။ အမာရွတ်နဲ့ အဆုပ်ထုထည် သေးသွားတာ ရှိချင် ရှိမယ်။ မရှိချင် မရှိဘူး။ Bronchiectasis လေပြွန်ကျယ်-ထူနေတာနဲ့ အဆုပ်အဖုံးလွှာ ထူနေတာလဲ ရှိချင် ရှိမယ်။ မရှိချင် မရှိဘူး။ အစိုင်အခဲတွေနဲ့ အမာရွတ်တွေ ထဲမှာ တဖြေးဖြေးချင်း ပွါးများလာနေမဲ့ ဗက်တီးရီးယားတွေ ရှိနေနိုင်တယ်။ ဒီအကောင်တွေကနေ နောက်ထပ် တီဘီရောဂါ ပြန်ဖြစ်လာနိုင်တယ်။

Tuberculin skin test အရေပြားစမ်းသပ်တော့ အပေါင်းပြတာရှိနေရင် အသက်ကြီးကြီးငယ်ငယ် တီဘီငုပ်နေသူအနေနဲ့ ဆေးကုသင့်တယ်။ ဆေးတမျိုးထဲပေးကုသတာ များတယ်။ ဒါပေမဲ့ Calcified nodular lesions (Calcified granuloma) ထုံးဓါတ်ဖြစ်စဉ် ရှိနေသူတွေက အဲလိုဖြစ်လာဘို့ အခွင့်အလမ်းနည်းတယ်။

စမ်းသပ်-စစ်ဆေးနည်းများ
(၁) Active TB in the lungs လောလောလတ်လတ် အဆုပ် တီဘီကို စမ်းသပ်-စစ်ဆေးနည်းများ
• ရောဂါ ရာဇဝင်၊ အထွေထွေစမ်းသပ်ခြင်း၊ ရောဂါလက္ခဏာတွေဖြစ်တဲ့ ချောင်းဆိုး၊ အားယုတ်၊ ကိုယ်ပူ၊ ညချွေးထွက်။
• Chest X-ray ရင်ပတ် ဓါတ်မှန်ရိုက်ခြင်း။
• Tuberculin skin test (TB skin test, PPD test, Mantoux test) အရေပြားစမ်းသပ်နည်းမှာ အပေါင်းပြနေရင် အရင်က (BCG) ကာကွယ်ဆေး ထိုးထားသူတွေနဲ့ ခုခံအားကျနေသူတွေမှာ ရလဒ် မရေရာ ဖြစ်နိုင်တယ်။
• Sputum culture သလိပ်စစ်ခြင်း၊ ၁-၈ ပါတ်အထိကြာနိုင်တယ်။
• Rapid sputum test သလိပ် အမြန်စစ်နည်းက ၂၄ နာရီသာကြာမယ်။
• Sputum cytology သလိပ်ကို အနုကြည့်စစ်ဆေးနည်း။
• Rapid blood tests အမြန်သွေးစစ်နည်းကို Interferon-gamma release assays (IGRAs) လို့ခေါ်တယ်။

(၂) Latent TB in the lungs ငုပ်နေတဲ့ တီဘီကို စမ်းသပ်-စစ်ဆေးနည်း
• တကယ်လို့ တီဘီပိုးဝင်တာခံရဘူးရင် Tuberculin skin test အရေပြားစမ်းတာမှာ အပေါင်းပြမယ်။

(၃) TB outside the lungs အဆုပ်မှာ မဟုတ်တဲ့ တခြားနေရာ တီဘီရောဂါ စစ်ဆေးနည်း
• Biopsy အသားစဖြတ်ယူစစ်နည်း။
• Urine culture ဆီးကို ပိုးမွေးစစ်ဆေးနည်း၊ ကျောက်ကပ် တီဘီကိုသိနိုင်တယ်။
• Cerebrospinal fluid test ခါးရိုးထဲက စုပ်ထုတ်ယူတဲ့အရည်ကို စစ်ဆေးရင် တီဘီပိုးကြောင့် ဦးနှောက်မှေး ရောင်တာကို သိမယ်။
• CT scan (စကင်) လုပ်ရင် တကိုယ်လုံးပြန့်နေတဲ့ တီဘီကိုသိမယ်။
• MRI ရိုက်ရင် ဦးနှောက်နဲ့ ခါးရိုးကြော တီဘီကိုသိမယ်။

(၄) တီဘီဆေးကုသနေတုံး စစ်ဆေးနည်း
• Sputum culture သလိပ်စစ်တာ တလ တခါလုပ်မယ်။
• Chest X-ray ရင်ပတ်ဓါတ်မှန်ကို ဆေးပါတ်လည်တာနဲ့ ထပ်ရိုက်မယ်။

(၅) တီဘီဆေးကြောင့် တခြားနေရာတွေကို ထိခိုက်နေ-မနေသိဘို့ -
• အသည်းလုပ်ငန်းသိအောင် သွေးစစ်မယ်။
• မျက်စိစစ်တာကို Ethambutol ဆေးပေးနေသူတွေကို လုပ်မယ်။
• နားစစ်တာကို Streptomycin ဆေးထိုးပေးနေသူကို စစ်တယ်။

ရင်ပတ် ဓါတ်မှန်ရိုက် စစ်ဆေးခြင်း လမ်းညွှန်ချက်များ
တီဘီရောဂါကို တိကျသေခြာမှုရှိအောင် အမေရိကန် ပြည်ထောင်စုကနေ သူ့တိုင်းပြည်ထဲကိုလာရောက် အခြေချ နေထိုင်မဲ့သူတွေကို တိုင်းပြည်ထဲ ဝင်မလာခင် ပြည်ဝင်ခွင့်ဗီဇာအတွက် ဆေးစစ်မှုတွေ တိတိကျကျ၊ မလွဲမသွေလုပ်ဘို့ တီဘီအတွက် ပြဌာန်းချက် လုပ်ထားတာကို ကိုးကားနိုင်ပါတယ်။ တခြားနိုင်ငံတွေမှာ မတူတာရှိမယ်။

(၁) Active TB လောလောလတ်လတ် တီဘီရှိနေတဲ့သူရဲ့ ဓါတ်မှန်ဆိုတာ -
1. Infiltrate or Consolidation အဆုပ်ထဲက Airspaces လေနေရာမှာ Opacification ပိတ်နေမယ်၊ ထူထဲနိုင်တယ်။ ကွက်ကြားဖြစ်နိုင်တယ်။ အနားသတ်လဲ Irregular margins ညီတူညာတူ ဖြစ်ချင်မှ ဖြစ်မယ်။ Haziness ခပ်ဝါးဝါးနေမယ်။

2. Cavity အဆုပ်ထဲမှာ အခေါင်းဖြစ်နေတာ၊ Darkened area မဲနေတာ။ မညီညာတဲ့ အနားသတ်က ရှိချင်မှ ရှိမယ်။ ရှိချင်လဲရှိမယ်။ သူ့ဘေးမှာ Airspace consolidation လေနေရာ ပိတ်နေတာနဲ့ Infiltrates တိုးပွါးလာတာတွေ၊ Nodular or Fibrotic (Reticular) densities အစိုင်အခဲဖြစ်တာ၊ အမာရွတ်ဖြစ်တာတွေ ရှိနေမယ်။ မဲနေတဲ့နေရာရဲ့ ဘေးကလဲ ထူနိုင်တယ်၊ ပါးနိုင်တယ်။ အခေါင်းဘေးမှာ Calcification ထုံးဓါတ်ဖြစ်စဉ် ရှိချင်ရှိနေမယ်။

3. Nodule with poorly defined margins အဆုပ်ထဲမှာ အနားသတ် မရေရာတဲ့ အစိုင်အခဲ။ ခပ်ဝိုင်းဝိုင်း ဖြစ်နေတာကို Tuberculoma လို့ခေါ်တယ်။ အနားသတ် ထင်ရှားနိုင်တယ်။ ဝေဝါးနိုင်တယ်။ ဘေးမှာ Haziness ခပ်ဝါးဝါး ဖြစ်နေရင် လေနေရာ-ခဲပိတ်နေတာ ဖြစ်မယ်။

4. Pleural effusion အဆုပ်အိတ်ထဲ အရည်အောင်းခြင်း။ သိသိသာသာရှိနေရမယ်။ ချွန်ရမဲ့ ဒေါင့်က တုံးနေရုံသာ မဟုတ်ဘူး။ ကလေးဆိုရင်တော့ ဒေါင့်တုံးနေရင် ရောဂါလောလောလတ်လတ် ဖြစ်နေတာလို့ သတ်မှတ်တယ်။

5. Hilar or Mediastinal lymphadenopathy အဆုပ်အဝင်နေရာ ဒါမှမဟုတ် အဆုပ်နှစ်ခုကြားနေရာမှာ တက်စေ့တွေ ရောင်-ကြီးနေတာကို Bihilar lymphadenopathy လို့ ခေါ်တယ်။

6. Linear, Interstitial disease ကလေးတွေမှာ မျဉ်းကြောင်းတွေလို ထင်ထင်ရှားရှား ဖြစ်ပေါ်နေမယ်။

7. တခြားတွေ့ရှိချက်တွေ။ ပျံ့နေတဲ့ တီဘီMiliary TB ဆိုတာ အစိုင်အခဲ-အသီးငယ်လေးတွေ အများကြီး 1-2 mm လောက် အဆုပ်အနှံ့မှာ ရှိနေမယ်။

သတိထားဘို့က တီဘီရောဂါကို ဓါတ်မှန် တခါတည်း ရိုက်တာနဲ့ မလုံလောက်ပါ။ လိုမယ်ထင်ရင် Sputum smears သလိပ်စစ်ရမယ်။ ဒါကြောင့် ဓါတ်မှန်မှာ အောက်က အချက်တွေ ရှိမနေပေမဲ့ The presence of signs or symptoms of TB (Class B1) ရောဂါလကဏာတွေရှိနေရင်၊ ဒါမှမဟုတ် Sputum smears positive for AFB (Class A) သလိပ် ပိုးတွေ့ရင် လောလောလတ်လတ် ရောဂါရှိသူလို့ သတ်မှတ်တယ်။

(၂) Inactive TB အရင် တီဘီဖြစ်ဘူးထားသူ၊ လောလောဆယ် ရောဂါမရှိသူ
1. Discrete fibrotic scar or linear opacity အဆုပ်ထဲမှာ အမာရွတ် ခပ်ဝါးဝါး ဒါမှမဟုတ် မျဉ်းကြောင်းလို ခေါင်းပိတ်ဖြစ်နေတာ။ အနားသတ်က ထင်ရှားတာသိသာမယ်။ ဒါပေမဲ့ Airspace opacification လေနေရာ ပိတ်တာနဲ့ Haziness ဘေးနေရာ ခပ်ဝါးဝါးဖြစ်နေကို မဆိုလိုဘူး။ Calcification ထုံးဓါတ်ဖြစ်စဉ် ရှိချင်ရှိမယ်။ Fibrocalcific scar လို့ ခေါ်တယ်။

2. Discrete nodule(s) without calcification ဆိုတာ Nodular densities အစိုင်အခဲလိုစုဝေးမှု တခုဖြစ်ဖြစ် အများကြီးဖြစ်ဖြစ် ရှိနေမယ်။ Distinct borders နယ်နိမိတ်သပ်သပ်ရှိမယ်။ ဒါပေမဲ့ ဘေးမှာ Airspace opacification လေပိတ်နေတဲ့သဘော မရှိရဘူး။ Nodules အစိုင်အခဲလေးတွေက လုံးဝိုင်းနေမယ်။ Infiltrates ပွါးတိုးလာမှုမျိုး နဲ့ Airspace opacities လေပိတ်နေတဲ့သဘောနဲ့ ခြားနာတဲ့အချက်ဖြစ်တယ်။ Non-calcified ဒီအစိုင်အခဲလေးတွေဟာ ထုံးဓါတ်ဖြစ်စဉ် မရှိဘူး။ ထုံးဓါတ်ဖြစ်စဉ် ရှိနေရင် အတန်းအစား ခြားနားပြီ။ OTHER X-ray findings, No follow-up needed တခြားဓါတ်မှန် တွေ့ရှိချက်များ ဆက်လက်ကုသဘို့ မလိုသူများစာရင်းထဲ ရောက်သွားမယ်။

3. Discrete fibrotic scar with volume loss or retraction ဆိုတာ အဆုပ်အပေါ်ပိုင်းမှာ မျဉ်းကြောင်းလိုက် အမာရွတ်အစိုင်အခဲ ခပ်ဝါးဝါးဖြစ်နေတယ်။ အဆုပ်အပေါ်ပိုင်းမှာ နေရာကျဉ်းနေမယ်။ ဒါနဲ့အတူ Upward deviation of the fissure or hilum အဆုပ်အစိတ်အပိုင်းတွေကြားလွှာနဲ့ အဆုပ်အဝ (အဝင်) နေရာတွေက အထက်ဆီ တက်နေမယ်။ အဆုပ် ဘယ်နဲ့ ညာ မတူဖြစ်နေမယ်။

4. Discrete nodule(s) with volume loss or retraction ဆိုတာ Distinct borders အနား သတ်သတ် မှတ်မှတ်ရှိတဲ့ nodular densities အစိုင်အခဲ လေးတွေ တခု ဒါမှမဟုတ် အများဟာ ဘေးမှာ Airspace opacification လေနေရာ ပိတ်နေတာ မရှိဘူး။ Reduction အဆုပ်အပေါ်ပိုင်းမှာ နေရာကျဉ်းနေတာ မရှိရဘူး။ Nodules အစိုင်အခဲလေးတွေဟာ Round လုံးဝန်းနေမယ်။ Rounded edges အနားသတ်လဲ တုံးနေမယ်။

5. တခြားတွေ့ရှိချက်တွေဆိုတာ Bronchiectasis ခေါ်တဲ့ လေပြွန်ကြီးတွေ ကျယ်နေတာနဲ့ နံရံတွေ ထူနေတာ။

(၃) Other Chest X-Ray Findings တခြားဓါတ်မှန် တွေ့ရှိချက်များ

(က) ဆက်လက်ကုသဘို့ လိုသူတွေ
1. Musculoskeletal abnormalities ရင်ခေါင်းနံရံက အရိုးတွေ ပုံမှန်မဟုတ်တာ။ အရိုးကျိုးနေတာ၊
2. Cardiac abnormalities နှလုံးပုံမှန်မဟုတ်တာ။ နှလုံး ကြီးနေတာ၊ သွေးကြောကြီးတွေ ပုံမှန်မဟတ်ုတာ။
3. Pulmonary abnormalities အဆုပ်ထဲမှာ တီဘီမဟုတ်တာ ဥပမာ အကျိတ် တွေ့တာ။
4. အဲဒါတွေမဟုတ်ဘဲ ဆေးကုသဘို့ လိုအပ်တယ်လို့ ဆရာဝန်ကသတ်မှတ်တာ။

(ခ) ဆက်လက်ကုသဘို့ မလိုသူတွေ
1. Pleural thickening အဆုပ်အဖုံးလွှာ ထူထဲနေတာ။ ထုံးဓါတ်ဖြစ်နေတာ။
2. Diaphragmatic tenting ရင်ခေါင်း နဲ့ ဝမ်းဗိုက်ကိုပိုင်းခြားထားတဲ့ (ဒိုင်ယာဖရမ်) ကြွက်သားကြီးကို အထက်ကနေ ကြိုးနဲ့ဆွဲထားသလိုဖြစ်နေတာ။
3. Blunting of costophrenic angle နံရိုးနဲ့ (ဒိုင်ယာဖရမ်) ဒေါင့်ချွန်က (ချွန်ရမဲ့အစား) တုံးနေတာ။ တဖက်ဖြစ်ဖြစ် နှစ်ဖက်လုံးဖြစ်ဖြစ်၊ လူကြီးမှာဖြစ်နေတာ။ ကလေးမှာဆိုရင် ဒီလိုဖြစ်တာက လောလောလတ်လတ် တီဘီလို့ သတ်မှတ်တယ်။ တကယ်လို့ ဒေါင့်ချွန် တုံးနေတာသာမကဘဲ Large pleural effusion အရည်တွေ များများ အောင်းနေတာပါရှိရင် လူကြီးရော ကလေးပါ လောလောလတ်လတ် တီဘီဖြစ်နိုင်တယ်။
4. Solitary calcified nodules or granuloma ထုံးဓါတ်အစုအဝေ သန့်သန့်လေးဖြစ်ဖြစ် Calcified lymph node တက်စေ့မှာ ထုံးဓါတ်ဖြစ်နေတာဖြစ်ဖြစ် Lungs အဆုပ်ထဲ၊ Hila အဆုပ်အဝ၊ Mediastinum အဆုပ်ကြား နေရာတွေမှာ ရှိနေတာ။ အနားသားက ထက်နေမယ်။ သိသာမယ်။ သပ်သပ်မှတ်မှတ်ရှိနေမယ်။ ဒါမျိုးကို Class B3 ခေါ်တယ်။ TB in the past အတိတ်ကာလ တီဘီခေါ်တယ်။
5. Minor musculoskeletal findings တခြား အရေးမပါတဲ့ ကြွက်သားနဲ့ အရိုင်းပိုင်း တွေ့ရှိချက်တွေ။
6. Minor cardiac findings တခြား အရေးမပါတဲ့ နှလုံး တွေ့ရှိချက်တွေ။

စနစ်တကျကုသတယ်ဆိုတာ ကောင်းတယ်။ သက်သာလာတာနဲ့ ကိုယ်အလေးချိန်တက်လာမယ်။ အသားအရေ ညိုတိုတို ဖြစ်လာမယ်။ ဆေးတွေကြောင့်ပါ။ ဆေးတွေရပ်ချိန်ကျလို့ ရပ်လိုက်တဲ့နောက်မှာ တဖြေးဖြေးနဲ့ အသားအရေ နဂိုအနေ စိုပြေလာမယ်။ ဆရာဝန်အချင်ချင်း အပြစ်ပြောရာတော့ ကျချင်ကျနေမယ်။ ဓါတ်မှန်တချပ်တည်းနဲ့တော့ အကဲဖြတ်လို့ မရသေးပါ။ Active TB အခုဖြစ်နေတဲ့ တီဘီလား၊ Old TB ကုသထားလို့ ပျောက်နေတဲ့ အမာရွတ်ထင်နေတာလားလို့ ခွဲခြားနိုင်အောင် တခြားစမ်းသပ်မှုတွေလိုသလို အတွေ့အကြုံလဲလိုပါတယ်။ ဒုတိယအကြံဥာဏ်လိုတယ်။ အဟောင်းတိုင်း မကောင်းဘူးထင်တာ မမှန်ပါ။

Dr. တင့်ဆွေ
၂၇-၅-၂ဝ၁၂
၂၁-၆-၂ဝ၁၅
၂၃-၂-၂ဝ၁၇