Strep throat လည်ချောင်းနာ

မင်္ဂလာပါဆရာ။ သမီးအသက် ၃၃ နှစ်ပါ။ ညနေပိုင်းဆို ခေါင်းကိုက်ပြီး လည်ချောင်းအရမ်းနာနေလို့ပါ။ သမီး ၅ ရက် ရှိနေပြီ။ မနက်နှင့်နေ့လည်ပိုင်းမှာ သက်သာနေပေမယ့် ညပိုင်းဆိုဖြစ်လာပါတယ်။ အဖျားမရှိဘူးဆရာ။ သမီးက အရမ်းအေးတက်တယ်ဆရာ။ အအေးဒဏ်ကို သိပ်မခံနိုင်ပါဘူး။ ကျေးဇူးပြု၍ သမီးဘာဆေးသောက်ရမလဲ ဖြေကြားပေးပါဆရာ။

Strep throat လို့ခေါ်ကြတယ်။ အများစုက ဆေးမလိုဘဲပျောက်တယ်။ ၄ဝ% က ၃ ရက်သာကြာပြီး ၈၅% က တပါတ်သာ ကြာတယ်။ လည်ချောင်းနာနဲ့ အာသီးရောင်တာကို ဖြစ်စေတဲ့ ပိုး (ဗိုင်းရပ်စ် နဲ့ ဗက်တီးရီးယား) တွေထဲက Group A beta-haemolytic Streptococci ဗက်တီးရီးယားဟာ Acute rheumatic fever ရက်တို ရူမက်တစ် အဖျား ရောဂါ နဲ့ Post-Streptococcal Glomerulonephritis ကျောက်ကပ်ရောင်ရောဂါကို ဖြစ်စေနိုင်တယ်။

လည်ချောင်းနာတာ အလိုလိုပျောက်နိုင်ပေမယ်။ ကံမကောင်းရင် နောက်ဆက်တွဲဆိုးဝါးတာတွေဖြစ်လာနိုင်လို့ ဆေးသေချာကုသပါ။ ကျောက်ကပ်ကိုထိခိုက်နိုင်တယ်။ Rheumatic fever ရူမက်တစ်အဖျား ဖြစ်လာနိုင်တယ်။ အဆစ်တွေနာမယ်။ လေဖက်နာဖြစ်နိုင်တယ်။ နှလုံးကိုပါထိခိုက်လာနိုင်တယ်။

လည်ချောင်းနာမယ်။ ဖျားမယ်။ မျိုချရတာနာမယ်။ မေးအောက်နဲ့ လည်ပင်းမှာ တက်စေ့တွေရောင်နိုင်တယ်။ ခေါင်းကိုက်မယ်။ အနီပြင်ထွက်မယ်။ ပျို့အန်နိုင်တယ်။ ကိုယ်လက်ကိုက်ခဲမယ်။ တုပ်ကွေးလို၊ အအေးမိတာလို ဗိုင်းရပ်စ်ကြောင့်ဖြစ်တာနဲ့ အတော်ဆင်တယ်။ အာင်္သီး၊ ဆိုင်းနပ်စ်၊ အရေပြား၊ သွေး၊ နာအလယ်ပိုင်းတွေဆီ ပိုးကူးစက်သွားနိုင်တယ်။

ပိုးသေဆေးပေးရတယ်။ သုတေသနတချို့က ဒီလိုဆေးပေးတာ အကျိုးနည်းနည်းသာရှိတယ်တဲ့။ တာရှည်ပေးဘို့လိုသူကို Azithromycin ပေးနိုင်တယ်။ Tympanostomy tube ပြွန်ထည့်ဘို့လိုသူကို ထည့်ပေးရမယ်။
(၁) Amoxicillin အမောက်ဆာစလင်
• အသက်ရှူလမ်း အထက်ပိုင်းပိုးဝင်ခြင်း = တခါသောက် 250 - 500 mg တနေ့ ၃ ခါ၊ ၇-၁ဝ ရက်။ ဒါမှမဟုတ် တခါသောက် 500 - 875 mg တနေ့ ၂ ခါ၊
• လေပြွန်ရောင်ခြင်း = တခါသောက် 250 - 500 mg တနေ့ ၃ ခါ၊ ၇-၁ဝ ရက်။ ဒါမှမဟုတ် တခါသောက် 500 - 875 mg တနေ့ ၂ ခါ၊
• အာသီး-အာခေါင်ရောင်ခြင်း = တခါသောက် 250 - 500 mg တနေ့ ၃ ခါ၊ ၇-၁ဝ ရက်။ ဒါမှမဟုတ် တခါသောက် 500 - 875 mg တနေ့ ၂ ခါ၊

(၂) Azithromycin (အဇစ်သရိုမိုင်စင်)
လူကြီး ပဌမနေ့မှာ 500 mg သောက်ပါ၊ ဒိနောက် 250 mg တရက်တခါ၊ ၄ ရက်။ ၆ လကနေ ၂ နှစ်ကလေး = 10 mg/kg (maximum: 500 mg/dose) တနေ့ ၁ ကြိမ်၊ ၃ ရက်။ ၂ နှစ်အထက်ကလေး = 12 mg/kg ၅ ရက်။ 500 mg/day ထက်မပိုရ။ FDA ကနေ B အဆင့်သတ်မှတ်ထားတယ်။ ဆိုလိုတာက အကျိုးက ဘေးထွက်ဆိုးကျိုးထက်ပိုရင် သောက်နိုင်တယ်။ ကလေးအတွက်စိုးရိမ်ရန်မရှိပါ။

ပိုးသေဆေးအပြင် အနာအရောင်သက်သာဆေးပေးရမယ်။ Paracetamol ပါရာစီတမောနဲ့ Ibuprofen 200 mg အိုဘူပရိုဖင်တွေကို အများဆုံးသုံးတယ်။ ရေနွေး + ဆားနဲ့ ခံတွင်းသန့်ရှင်းပေတာ အင်မတန်ထိရောက်တယ်။ ဆောင်းကာလမှာ မနက်ခင်း ချင်း (ဂျင်) ပြုပ်ရည် သောက်တာလည်း အကျိုးများတယ်။

ဒေါက်တာတင့်ဆွေ
၁၂-၁-၂ဝ၁၆