မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Thursday, February 2, 2017

Primary Complex ကလေးတီဘီ

၁။ Zaw Min Oo ကျေးဇူးပါဆရာ။။။   ကလေးတီဘီအကြောင်းလေးရှင်းပြပေးပါဆရာ ခင်ဗျား။

၂။ Eaint Eaint Lay ကလေးတီဘီအကြောင်းလေးပြောပေးပါအုံးဆရာရယ်။

၃။ ဆရာရှင့် ကလေးတီဘီရောဂါ လက္ခဏာလေးတွေ သိချင်ပါတယ်ရှင့်။ အကျယ်တဝင့် ဘယ်မှာ လေ့လာလို့ရနိုင်မလဲ လမ်းညွှန်ပေးပါ ဆရာရှင့်။

၎။ ဆရာရေသမီးလေးက TB ဖြစ်နေတာ ဆေးသောက်တာ သုံးလကျော်ပြီ။ ခြောက်လအထိ နေ့တိုင်း မပျက်မကွက် သောက်ရမယ်တဲ့။ ဟုတ်ပါသလား။ ကလေးက ၁ နှစ်ခြောက်မှာ စသောက်ရတာပါ။

၅။ ကျွန်မ ကလေးက အသက် ၄ နှစ် ၈ လ၊ ပေါင်ချိန်က 12.5 kg ပါ။ အခု ဆေးတွေက Rifampicin 100 mg + Isoniazid 100 mg tablet ကို တလုံးတစိတ် သောက်ခိုင်းပါတယ်။ Pyrazinamide 500 mg ကို တခြမ်းချိုး တိုက်ခိုင်းပါတယ်။ ကလေးအသက်နဲ့ ကိုယ်အလေးချိန်အလိုက် တိုက်ရတယ်လို့ သိရပါတယ် ဆရာရှင့်။ အခုအတိုင်း တိုက်လို့ရလားရှင့်။ ဆေးအတိအကျမတိုက်ပဲ (ရက်နည်းရင် ဆေးနည်းရင်) မကောင်းဘူးဆိုလို့ပါရှင်။ ကျွန်မ စိတ်ပူလို့ပါရှင့်။

၎။ X-ray အဖြေလေး သိလို့ရမလားဆရာ။ အသက်က ၁နှစ် ၇လ ယောက်ျားလေးပါ။
• ကလေးတီဘီ။
• အန္တရာယ်ရှိပါသလား ဆရာ။ တီဘီဆေးတိုက်ရင်ရော ဘေးထွက်ဆိုးကျိုးများလားဆရာ။
• ဆရာဝန်ကညွှန်ရင် တိုက်ကိုတိုက်ရမယ်။ ၆ လထက်မကြာပါ။ တိတိကျကျတိုက်ရတယ်။ မဟုတ်ရင် ဆေးယဉ်တီဘီ ဆိုရင်တော့ ဆေးဈေးလည်းကြီး၊ ဆေးလည်းရှား၊ ထိရောက်မှုလည်း မကောင်းပါ။ ဆေးတိုင်းမှာ အားဆေးကအစ ဘေးထွက်သက်ရောက်မှုတွေရှိတယ်။
• ဟုတ်ကဲ့ပါဆရာ။ ဉာဏ်ရည်တွေဘာတွေရော ထိခိုက်နိုင်လားဆရာ။

မေးခွန်းတွေထဲက (တစ်) တွေကို ပြင်လိုက်ပါတယ်။ ဆောရီး။ ကလေးရချင်သူတွေ၊ ကလေးအမေတွေ၊ ကလေးအမျိုးတွေ ၁ဝ ယောက်မှာ ၈ ယောက်၊ ၉ ယောက်က ခလေးလို့သတ်ပုံမှားရေးနေကြတယ်။ တီဘီ ကိုလည်း တီဗွီ ထင်တဲ့သူတွေက ထင်နေကြတယ်။

တီဘီဆိုတာ ဘယ်နေရာ (အဆုပ်၊ အရိုး၊ အူ၊ တခြားနေရာ) မှာဖြစ်ဖြစ်၊ ဘယ်အရွယ် (လူကြီး၊ ကလေး) မှာဖြစ်ဖြစ် Mycobacterium tuberculosis ပိုးကနေဖြစ်စေတယ်။ လေထဲကနေ ကူးစက်ခံရလို့ဖြစ်တယ်။ ကလေးတီဘီဖြစ်နေရင် ဒါတွေရှိနေမယ်။ အလေးချိန် တိုးသင့်သလောက်မတိုးတာ။ အစားပျက်တာ။ လည်ပင်းနားမှာ တက်စေ့လေးတွေ ကြီးနေတာ။

အရေပြားစမ်းနည်းနဲ့ Chest X-Ray ရင်ပတ်ဓါတ်မှန်နဲ့ရောဂါကိုသိမယ်။ Tuberculin skin test (Mantoux test or PPD test) အရေပြားစမ်းတဲ့အခါ ဆေးထိုးပေးရာမှာ ယားမယ်။ နည်းနည်း ဖေါင်းလာမယ်။ အရွယ်အစားကြီးလာမယ်။ ၂ဝ% မှာ မပြပဲနေတာတွေ့ရတယ်။ BCG မွေးစတုံးက ကာကွယ်ဆေးထိုးထားလို့ မှားပြီး အပေါင်းပြတာလည်း ရှိနိုင်တယ်။ ဒီကာကွယ်ဆေးက အဓိကဦးနှောက်တီဘီဖြစ်မှာကို ကာကွယ်တယ်။

၂ဝ၁ဝ WHO ကလေးတီဘီအတွက် ဆေးအလေးချိန်သတ်မှတ်ချက်
Isoniazid 10mg/kg (range 10-15 mg/kg); maximum dose 300 mg/day
Rifampicin 15mg/kg (range 10-20 mg/kg); maximum dose 600 mg/day
Pyrazinamide 35mg/kg (30-40) mg/kg)
Ethambutol 20mg/kg (15-25 mg/kg)
အလေးချိန် 25kg ကအထက် လူကြီးတွေလိုတိုက်နိင်တယ်။

Kidz Kit 3 ဆေးထဲမှာ ဒီဆေးတွေပါတယ်။
• 2 – 120mL bottles of Zcure (Pyrazinamide) 250mg per 5mL suspension - Each 5mL of Zcure suspension contains 250mg pyrazinamide
• 1 – 120mL bottle of Natricin (Rifampicin) Forte 200mg per 5mL suspension - Each 5mL of Natricin Forte suspension contains 200mg rifampicin
• 1 – 120mL bottle of Curazid (Isoniazid) Forte 200mg/10 mg per 5mL syrup - Each 5mL of Curazid forte syrup contains 200mg isoniazid and 10mg pyridoxine hydrochloride (Vitamin B6)

ဆေးတိုက်နည်း
• အိပ္ယာထ အစာမေကြ်းမီ = Rifampicin တိုက္ပါ။
• နောက်နာရီဝက်မှာ = Isoniazid တိုက်ပါ။
• နောက်နာရီဝက် = မနက်စာကျွေးပါ။
• နေ့ခင်း = Pyrazinamide တိုက်ပါ။

ဆေးတိုက်ချိန် (၆) လတိတိကြာမယ်။ Primary Complex ကသူများတွေကို မကူးစက်ပါ။ ဆေးတိုင်းမှာ ဘေးထွက် ဆိုးကျိုးရှိတယ်။ တီဘီဆေးတွေက ဆိုကျိုးတွေက မဆိုးပါ။ ဆေးစနစ်တကျမတိုက်ရင် (ရက်နည်းရင်၊ ဆေးနည်းရင်) တီဘီပိုးတွေမသေတာနဲ့ ဆေးယဉ်တာဖြစ်စေမယ်။ အဲလိုဖြစ်တရင်တော့ ဒုတိယတန်းစားဆေးတွေက ဆေးဝယ်ရ ခက်တယ်။ ဆေးဈေးကြီးတယ်။ ပဌမတန်းစားဆေးတွေလောက် ထိရောက်မှုမကောင်းပါ။

TB writing links တီဘီရောဂါစာများ
1. BCG vaccine တီဘီ ကာကွယ်ဆေး http://dts-medicaleducation.blogspot.in/2013/01/bcg-vaccine.html
2. Bone tuberculosis အရိုး တီဘီ http://dts-medicaleducation.blogspot.in/2013/10/bone-tuberculosis.html
3. Bone tuberculosis အရိုး တီဘီ http://dts-medicaleducation.blogspot.in/2013/10/bone-tuberculosis.html
4. Infertility and TB (1) တီဘီ ဆေးနဲ့ ကလေးမရနိုင်သေးခြင်း (၁)
5. Infertility and TB (2) တီဘီ ဆေးနဲ့ ကလေးမရနိုင်သေးခြင်း (၂)
6. Intestinal Tuberculosis အူ (တီဘီ) http://dts-medicaleducation.blogspot.in/2013/01/intestinal-tuberculosis.html
7. MDR-TB ဆေးယဉ်တဲ့ တီဘီ http://dts-medicaleducation.blogspot.in/2013/11/mdr-tb.html
8. More money needed to beat TB တီဘီရောဂါနှိမ်နင်းရန် ဒေါ်လာ ၅၆ ဘီလီယန်လိုအပ်
9. Primary Complex ကလေးတီဘီ http://doctortintswe.blogspot.com/2016/11/primary-complex.html
10. TB Medicines Side Effects (တီဘီ) ဆေးတွေ နဲ့ ဘေးထွက်-ဆိုးကျိုးတွေ http://dts-medicaleducation.blogspot.in/2012/04/side-effects-of-tb-medicines.html
11. TB No more in Medical Curriculum ဆရာဝန်တွေကို တီဘီ သင်မပေးကြတော့တာ စိုးရိမ်စရာ http://dts-medicaleducation.blogspot.com/2009/10/tb-no-more-in-medical-curriculum.html
12. TB Q and A (တီဘီ) အမေး-အဖြေ (၁) http://dts-medicaleducation.blogspot.in/2012/09/tb-q-and.html
13. TB Q and A (တီဘီ) အမေးအဖြေ (၂) http://dts-medicaleducation.blogspot.in/2014/01/tb-questions.html
14. TB Signs & Symptoms တီဘီရောဂါလက္ခဏာများ http://doctortintswe.blogspot.com/2016/12/tb-signs-symptoms.html
15. TB အသစ်လား အဟောင်းလား http://dts-medicaleducation.blogspot.in/2012/05/tb.html
16. Tuberculin test (တီဘီ) အတွက် (ကြူဘာကူလင် တက်စ်)http://dts-medicaleducation.blogspot.in/2013/10/tuberculin-test.html

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.