My Photos ဓါတ်ပုံသမိုင်း
ကျွန်တော်က ကိုယ့်ဘဝဖြစ်စဉ်ကို ဓါတ်ပုံတွေနဲ့ စဉ်းစားကြည့်တယ်။ ခြောက်တန်းကျောင်းသားဘဝမှာ ကိုရင်ဝတ်ရတယ်။ အလှူဓါတ်ပုံမရှိပါ။ ကိုရင်လူထွက်စ မှတ်ပုံတင်ရမယ်ဆိုလို့ ၁၂ နှစ်သားနဲ့ ကတုံးနဲ့ ပဌမဆုံးဓါတ်ပုံရိုက်ရတယ်။ အဲဒီခေတ်မှာ ခုနစ်တန်း၊ ကိုးတန်းနဲ့ ဆယ်တန်းတွေက အစိုးရစစ်ဖြစ်လို့ ပတ်စပို့ဓါတ်ပုံပါရိုက်ရတယ်။ ဆေးကျောင်းတက်ဘို့လည်း လိုခဲ့တယ်။
မင်္ဂလာဆောင်ပွဲမလုပ်လို့ ဓါတ်ပုံမရှိပါ။ ဆရာဝန်ဖြစ်တော့ ဆမစာအုပ်အတွက်လိုတယ်။ မျက်မှန်နဲ့။ နောက်တော့ ယာဉ်မောင်းလိုင်စင်ပုံ။
၁၉၉ဝ ရွေးကောက်ပွဲလျှောက်လွှာတင်ဘို့ရာ တိုက်ပုံနဲ့ပါရိုက်ရတယ်။ မျက်မှန်မပါတော့ပါ။ အရွေးခံရပြီး မကြာပါ တရားခံပြေးကြေညာတော့ သတင်းစာမျက်နှာဖုံးမှာ အဲဒီဓါတ်ပုံနဲ့။
ပြည်ပမှာ ပတ်စ်ပို့တွေ တခုပြီးတခုလုပ်ရတော့ ဓါတ်ပုံတွေ ရေလဲသုံးရတယ်။ လှုပ်ရှားမှုတွေမှာ ပုံတွေပါတယ်။ နိုင်ငံရေးခေတ်မကုန်ခင် ဖလင်ကင်မရာခေတ်ကုန်တယ်။
နောက်တော့ ဖေ့စ်ဘွတ်ပရိုဖိုင်းလ်ပုံ။ ၂ဝဝ၉ ခုနှစ် ဒေလီကွန်ဖရင့်တခုမှာ ဒေသခံ ပရောဖက်ရှင်နယ်ဓါတ်ပုံဆရာက ရိုက်ပေးထားတာ။ ပုံလဲတာဝါသနာမပါလို့ အခုထိအဲတာသာသုံးတယ်။ လူထက် အတော်ငယ်နေတယ်။ ဆောရီး။ ဖေ့စ်ဘွတ်မှာ နေ့တိုင်းလိုလို တခါတခါ တနေ့တည်းတခုမကတင်တာ ဖလင်မကုန်ပါ။
နောက်ဆုံးရဲ့နောက်ဆုံး အရေးတခုပြီးရင်တော့ မင်မိုရီပါ ကုန်စရာမရှိတော့။
ဒေါက်တာတင့်ဆွေ
၁၂-၁ဝ-၂ဝ၁၈
Comments
Post a Comment