Donate Life အသက်ကို လှူဒါန်းခြင်း
အလှူရှင်တဦးကနေ အသက် ၈ ချောင်းကိုကယ်နိုင်တယ်။ လူ ၇၅ ယောက်ရဲ့ အနာဒဏ်ရာတွေ ပျောက်ကင်းစေနိုင်တယ်။
ဟဒ်အတက် ခေါ် နှလုံးရောဂါနဲ့သေဆုံးသူတွေကတော့ လှူလို့မရနိုင်ပါ။
၁၁၄၉၆၉ ယောက် တန်းစီစောင့်နေကြတယ်။ အဲဒီထဲက လူ ၂၂ ယောက်ဟာ အလှူရှင်မရလို့ နေ့တိုင်းနေ့တိုင်း သေဆုံးနေကြရတယ်။
ပညာပေးတင်ဆက်မှုထဲမှာ စိတ်ဝင်စားစရာနောက်တခုလည်းပါတယ်။ ၂ဝ၁၈ ခုနှစ် အင်ဒီယာနာမယ်ဆုရထားတဲ့ Darrian Arch ဒါရီယန်အာ့ခ်ျရဲ့ အမေက ကျောက်ကပ်အလှူရှင်ကို စောင့်နေရပါသတဲ့။ ဆိုလိုတာက သည်တိုင်းပြည်မှာ ပိုက်ဆံ ချမ်းသာမှ နာမည်ကြီးမှသာ ကိုယ်အင်္ဂါအစိတ်အပိုင်းလှူတာကို ရနိုင်တာမဟုတ်ကြောင်းဖြစ်ပါတယ်။ ဟုတ်တယ်။ အသိ ရခိုင်အမျိုးသားတယောက် ကျောက်ကပ်လဲလို့ရတော့ အခုအလုပ်လုပ်နေနိုင်ပြီ။
ကျွန်တော့သား သြဂတ်စ်လ ၁၉ ရက်နေ့က ဆုံးပါတယ်။ သူက အလှူရှင်အဖြစ်မှတ်ပုံတင်ထားလို့ သူ့မျက်လုံး ၂ လုံးကို လှူသွားနိုင်ခဲ့ပါတယ်။ အဲဒီဌာနကနေ အသိအမှတ်ပြုတံဆိပ် ပို့ပေးတယ်။
ဒေါက်တာတင့်ဆွေ
၂၆-၁ဝ-၂ဝ၁၈
Comments
Post a Comment