သင်္ကဿနဂိုရ်မှာ
မြိုတော်ရဲ့အဝင်ဝနေရာဟာ မြတ်စွာဘုရား အဘိဓမ္မာတရားဟောကြားအပြီး တာဝတိံသာနတ်ပြည်ကနေ ပြန်ဆင်းအလာ ဆိုက်ရောက်တဲ့နေရာလို့ မှတ်တမ်းချို့ကဆိုပါတယ်။
ဗုဒ္ဓဘာသာဝင်တွေက သီတင်းကျွတ်လပြည်နေ့မှာ ဆီမီးတွေ မီးရောင်စုံတွေ ထွန်းညှိပူဇော်ကြပါတယ်။ ကျွန်တော်တို့ မိသားစုက သီတင်းကျွန်လပြည့်တိုင်း ရောက်ရှိနေရာဘယ်မှာဖြစ်ဖြစ် မီးထွန်းကြပါတယ်။
ခါတိုင်းတော့ ကျွန်တော့်သက်စေ့ထက် ဖယောင်းတိုင်တတိုင် အပိုထွန်းတယ်။ ကနေ့တော့ ဖယောင်းမီးခွက်အရေအတွက် နည်းလို့ ဆယ်ခွက်တည်းသာထွန်းညှိပူဇော်ပါတယ်။ စိတ်ကတော့ သင်္ကဿနဂိုရ်မှာ။
ဖြည့်စာ
ရှင်တော်ဗုဒ္ဓ တာဝတိံသာ နတ်ပြည်ကနေ သင်္ကဿနဂိုရ်ပြည်ကို ဆင်းလာတယ်ဆိုတဲ့ဇာတ်လမ်းဟာ မူရင်းပါဠိတော်မှ မပါရှိ။ ဘုရားပရိနိဗ္ဗာန်ပြုပြီး အနှစ် (၁၀၀၀) လောက်မှာပြုစုတဲ့ ရှင်မဟာဗုဒ္ဓဃောသရဲ့ အဋ္ဌသာလိနီ အဋ္ဌကထာမှာ စတင်တွေ့ရှိရတာ ဖြစ်တယ်လို့ ဖတ်ရပါတယ်။ လင့်ပို့ပေးတဲ့ ဆရာမောင်စွမ်းရည် ကျေးဇူး။
ကျွန်တော်လည်း သုတေသနသေးသေးလေးတခု ခပ်မြန်မြန်လေးလုပ်ပါတယ်။ သင်္ကဿနဂိုရ်ပြည်နေရာကို ရှာတွေ့ခဲ့တဲ့ အာသောကဘုရင်ကြီးဟာ ဘီစီ ၂၆၈ ကနေ ၂၃၂ အထိ အုပ်စိုးခဲ့ပါတယ်။ အဲဒီဝီကီပီးဒီးယားထဲမှာပဲ ဂေါတမမြတ်စွာဘုရား ဘီစီ ၅၆၃/၄၈၀ ကနေ ၄၈၃/၄ဝဝ လို့ ဆိုထားတယ်။ ဘုရားပရိနိဗ္ဗာန်ပြုပြီး အနှစ် (၁၀၀၀) လောက်မှာဆိုတာက အာသောကထက် အများကြီးနောက်ကျနေတယ်။
မူရင်းပါဠိတော်နဲ့ သမိုင်းအထောက်အထားတွေ အရေးကြီးသလို ကြည်ညိုစိတ်ထား ခြင်းဟာလည်း အရေးကြီးပါတယ်။ ယဉ်ကျေးမှုအစဉ်အလာတရပ်အဖြစ်လည်း တန်ဖိုးရှိတယ်လို့ ယူဆမိပါတယ်။
ဒေါက်တာတင့်ဆွေ
၂၅-၁ဝ-၂ဝ၁၈
Comments
Post a Comment