Low birth weight အလေးချိန်မပြည့်တဲ့ကလေး

၁။ ဆရာရှင့် သမီးအသက်က ၂၃ နှစ်ပါ။ သားဦးအမြွှာမိန်းကလေးနှစ်ယောက်မွေးထားပါတယ်ရှင့်။ နှစ်လခွဲပါ။ ၃၃ ပတ်နဲ့ မွေးပြီး တယောက် ၃ ပေါင်ခွဲစီပဲရှိပါတယ်။ မိခင်နို့ပဲတိုက်တာ ခု ၁၁ပေါင်စီရှိသွားပါပြီဆရာ။ သမီးသိချင်တာက အဲ့လို လမစေ့ပေါင်မပြည့်ပဲမွေးရင် ဥာဏ်ရည်မမှီဖြစ်နိုင်သလားလို့ပါ။ နှစ်လခွဲရှိပြီ မြှူရင်မရယ်တတ်သေးဘူး။ ရွှေ့တာလေးတွေတော့ လိုက်ကြည့်တတ်ပါတယ်။ ကျေးဇူးပြုပြီးဖြေပေးပါဦးရှင့်။

၂။ မင်္ဂလာပါဆရာ ဒီနေ့မနက်က ကျွန်မအဒေါ် ဗိုက်ခွဲ၍ကလေးမွေးဖွားပါတယ်ဆရာ။ အသက်က ၃၉ နှစ်ပါ။ ကလေးက ၄ ပေါင်ပဲ ရှိပါတယ်ဆရာ။လလည်းစေ့ပါတယ်ဆရာ။ ကလေးအတွက်လိုအပ်သည်များ ညွှန်ကြားပေးစေလိုပါတယ်။

၃။ သမီးအသက်က ၂၇ နှစ်ပါဆရာ။ ပေါင်မပြည့်၊ လမစေ့ဘဲ မွေးတဲ့ကလေးတွေအကြောင်း သိချင်ပါတယ်ရှင်။ ကိုယ်ဝန် ၂၈ ပတ်ထဲမှာ ချည်း မွေးပါတယ်။ နှစ်ခါစလုံး။ ပထမတယောက်က ၂ ပေါင်နဲ့ ၇ အောင်စ။ သုံးရက်ပဲဆုံးသွား၊ ဒုတိယ မွေးတာက အမွှာ၊ ယောက်ကျားလေးနဲ့ မိန်းကလေး၊ တယောက်ကို ၂ ပေါင်နဲ့ လေးအောင်စစီ ရှိပါတယ်။ မိန်းကလေးက အရင်မွေးပါတယ်။ ၂ ရက်နဲ့ ဆုံးသွားပါတယ်။ ယောက်ကျားလေးတယောက် ကျန်ပါတယ်။ ဖွံ့ဖြိုးမှုက သာမန်ကလေးတွေနဲ့ ကွာခြားချက်တွေ သိချင်ပါတယ်ရှင့်။ ဆရာရေးထားတဲ့ ကလေးဖွံ့ဖြိုးမှုဇယားကို ဖတ်ပြီးပါပြီ။။ နောက်တခါ သုံးခါမြောက် ကလေးထပ်ယူရင်ရော စောမွေးမှာဘဲလားဆရာ။

မွေးမွေးချင်း ကိုယ်အလေးချိန် ၅ ပေါင်ခွဲ၊ ဒါမှမဟုတ် ၂ ကေဂျီခွဲ ထက်နည်းတဲ့ကလေးကိုခေါ်တယ်။ ကလေးတွေမှာ ပျမ်းမျှ ၇ ပေါင် (၇့၆ ပေါင်) ရှိရမယ်။ ကိုယ့်ကလေး အလေးလျိန်မပြည့်လို့ စိတ်မပျက်ပါနဲ့။ အမေရိကားမှာ ၇% (၇့၆%) ရှိတယ်။ နောက်ထပ်လဲ တိုးလာနေပါသေးတယ်။

ဘာလို့ဖြစ်ရသလဲ -
• အများဆုံးက Premature birth လမစေ့ခင်မွေးလို့ဖြစ်တယ်။ ကိုယ်ဝန် ၃၇ ပါတ် မပြည့်ခင် မွေးတာကို ဆိုလိုတယ်။
• နောက်အကြောင်းတချက်ကတော့ Intrauterine growth restriction (IUGR) သားအိမ်ထဲမှာ ကြီးထွားမှု အကန့်အသတ်ရှိနေခဲ့လို့ဖြစ်တယ်။ ဥပမာ အချင်း၊ မိခင်ရဲ့ ကျန်းမာရေး၊ ကလေးမှာ မွေးရပါရောဂါ ရှိတာတွေကို ဆိုလိုတယ်။  IUGR ရှိနေရင် ၃၇ ပါတ်ကျော်လို့ ၄ဝ-၄၁ ပါတ်ကြမှမွေးတဲ့ကလေးမှာလဲ ဖြစ်နိုင်တယ်။ ဒီလိုကလေးကြတော့ ရုပ်ပိုင်းကောင်းပေမဲ့ အားနည်းချက်ရှိနေမယ်။ လလဲမစေ့၊ IUGR လဲရှိတဲ့ ကလေးကြတော့ နှစ်ပိုင်းလုံးမှာ အားနည်းနေမယ်။
• Teen mothers ဆယ်ကျော်သက်ကိုယ်ဝန်တွေမှာ အဖြစ်များတယ်။
• ကလေးအမွှာ။
• မိခင်လောင်းဟာ မူးယစ်ဆေးသုံးရင်၊ အရက်သောက်ရင်၊ စီးကရက်သောက်ရင်။
• အာဟာရနည်းတဲ့မိခင်တွေကနေလဲ မွေးလာတတ်တယ်။

အဲလိုကလေးဆိုရင် သတိထားစရာတွေရှိတယ်။
• နို့စို့တာ၊ အစာကျွေးရတာခက်မယ်။
• ဖွံထွားမှုနည်းမယ်။
• ကူးစက်ရောဂါတွေကို ခံနိုင်ရည်နည်းမယ်။
• အဆီလဲနည်းလို့ ကိုယ်အပူချိန်ကိုနွေးနေအောင် သိပ်မလုပ်နိုင်ဘူး။
• သွေးထဲမှာ အောက်စီဂျင်နည်းနေမယ်။
• အသက်ရှူတာအားနည်းနေမယ်။
• ဦးနှောက်ထဲသွေးယိုတာ သတိထားရမယ်။ အစာလမ်းရောင်မယ်။
• Sudden infant death syndrome (SIDS) ရုတ်တရက်သေဆုံးတာမျိုးဖြစ်တတ်တယ်။

Neonatal Intensive Care Unit (NICU) အထူးကုသမှုပေးရတယ်။ အလေးချိန်တိုးလာရင် သက်သာလာမယ်။
ကိုယ်ဝန်ဆောင်အပ်ချိန်မှာ ပေကြိုးနဲ့တိုင်းပြီး အထဲကလေးအခြေအနေကို မှန်းလို့ရတယ်။ ဆီးစပ်ရိုက်းကနေ သားအိမ် အမြင့်ဆုံးထိပ်နေရာကအထိ စင်တီမီတာဘယ်လောက်ရှိသလဲ တိုင်းတယ်။ ၅ လနောက်ပိုင်းမှာသာ လုပ်ရတယ်။ အာလ်ထွာဆောင်းနဲ့က ပိုတိကျတယ်။

• ကိုယ်ဝန်ဆောင်ရင် အစားအသောက် လုံလောက် မျှတရပါမယ်။ စာတပုဒ်ရေးထားပါတယ်။
• အထူးခန်းမှာ မထားနိုင်ရင် ကလေးအပူငွေ့လုံလောက်အောင်ပေးပါ။
• နို့လုံလောက်ရင် ပြွန် (ပိုက်) နဲ့တိုက်ပါ။
• ရောဂါပိုးမဝင်အောင် လူထူထပ်ရာကို ခေါ်မသွားပါနဲ့။ ချောင်းဆိုးနှာခြေနေသူတွေ အနားမလာစေပါနဲ့။ တခြာကူးစက်ရောဂါရှိသူတွေ မလာပါစေနဲ့။
• ကာကွယ်ဆေးတွေ အတိအကျထိုးပေးထားပါ။

(စောမွေးတဲ့အကြောင်း သပ်သပ်ရေးပါမယ်။)

ဒေါက်တာတင့်ဆွေ