Back pain from a spinal block ခါးထုံဆေးနှင့် ခါးနာနေခြင်း
မပျောက်တက် နှစ်ခါရေးထားတာကို မပျောက်တတ်လို့ပြင်ပါတယ်။ မေးတဲ့သူတွေ အတော်များပါတယ်။ ခါးနာခြင်းစာကိုသာ ပို့ပေးတယ်။ အခု စာအသစ်ရေးပါမယ်။
ခါးထုံဆေးထိုးပြီးနောက် ခါးနာနေတာ အများအားဖြင့် ခွဲပြီးစ ၂-၆ နာရီအတွင်းမျာသာဖြစ်တယ်။ ထုံဆေး ပျယ်သွားချိန်မှာဖြစ်တယ်။ တကယ်လို့ ခွဲပြီးနောက် ၃-၅ ရက်မှာစနာရင်တော့ အဲတာနဲ့မတူပါ။
ခါးထုံဆေးထိုးရင် တချို့ ယားမယ်။ ခွဲခန်းကထွက်လာပြီး ဆီးမသွားနိုင်ဖြစ်တတ်တယ်။ ဆီးပိုက်ထည့်ထားပေးရတယ်။ တချို့ ပျို့အန်တယ်။ တချို့မှာ ခေါင်းကိုက်တယ်။ တချို့အသက်ရှူရတာခက်တယ်။ အားလုံးက မဆိုးတာတွေသာ ဖြစ်တယ်။
ဖျားတာ၊ ဆေးထိုးတဲ့နေရာကနေ အရည်စိမ့်ထွက်တာ၊ အောက်ပိုင်းကြွက်သားတွေ အားနည်းနေတာ၊ ဆီး-ဝမ်း သွားရခက်တာတွေက နောက်ဆက်တွဲဖြစ်တာတွေဖြစ်နိုင်တယ်။ အထူးကုသမှုခံယူရမယ်။
ခါးနာတာက ဆေးထိုးအပ်ဝင်တဲ့နေရာမှာနာနိုင်တယ်။ တင်ပါးနဲ့ ပေါင် ခြေထောက်အထိနာနိုင်တယ်။ နာပုံနာနည်းက ထုံပြင်းပြင်းနာတယ်။ နည်းနည်းကနေ အသင့်အတင့်နာတယ်။ ဆေးထိုးတဲ့နေရာ အထက်မှာ နာရင် ဒါနဲ့မဆိုင်။
အပူတလှည့် အအေးတလှည့် ကပ်ပေးနိုင်တယ်။ Paracetamol, Ibuprofen အနာသက်သာဆေးသောက်နိုင်တယ်။
ဒေါက်တာတင့်ဆွေ
၃ဝ-၈-၂ဝ၁၇
Comments
Post a Comment