Ulcerative colitis အူမကြီးရောင်ခြင်း

၁။ ဆရာရှင့် လူနာက ယောက်ျားလေး အသက် ၂၇ နှစ်။့့ မှာ အလုပ်လုပ်တာ ၆နှစ် ပြည့်ခါနီးပါ။ ကျန်းမာရေး မကောင်းလို့ ပြန်လာတာပါရှင့်။ GI specialist နဲ့ပြရတာပါ ဆရာကြီးရှင့်။ OGD scopy ကြည့်ရပါတယ် ရှင့်။ result က A/c phase Ulcerative Colitis လို့ထွက်ပါတယ်။ သမီးကိုUC နဲ့ပါတတ်သက်သမျှ ဆောင်ရန် ရှောင်ရန်လေးတွေ ပြောပြပေးပါနော်။ အသက်အန္တာရယ် စိုးရိမ်ရလားရှင့်။ ခုလောလောဆယ်တော့ ကုသမူခံယူနေရတုန်းပါဆရာရှင့်။

၂။ ဆရာရှင့် (IBD) Ulcerative colitis and Crohns ရောဂါအကြောင်းသိချင်ပါတယ်ရှင်။ တင်ပေးပါဆရာ။

အူမကြီးရောင်ခြင်းနဲ့ ခရုမ်းရောဂါတွေဟာ အူမကြီးမှာ အဖြစ်များတဲ့ ရောင်ရမ်းခြင်းရောဂါတွေဖြစ်တယ်။ ခရုမ်းရောဂါက အစာလမ်းနေရာမရွေးဖြစ်နိုင်တယ်။ အူမကြီးရောင်ခြင်းဟာ နာတာရှည် အူမကြီးရောင်ခြင်းရောဂါ ဖြစ်တယ်။ Inflammatory bowel disease (IBD) လို့လည်းခေါ်တယ်။ ရောင်ရမ်းဖြစ်စဉ်ကနေဖြစ်တယ်။ အနာတွေဖြစ်တယ်။ အူမကြီးရဲ့အောက်ပိုင်း Sigmoid colon နေရာနဲ့ Rectum အစာဟောင်းအိမ်မှာ အဖြစ်များတယ်။ အသက်အရွယ်မရွေး ဖြစ်နိုင်တယ်။ အများအားဖြင့် အသက် ၃ဝ နှစ်ဝန်းကျင်။ ဘာလို့ဖြစ်ရသလည်း မရှင်းလင်းသေးပါ။

တခါတလေ အလွန်ဆိုးလာပြီး အသက်ရန်ရှာနိုင်တယ်။ ပျောက်အောင်ကုသနည်း မရှိသေးပါ။ ရောဂါမထပဲလည်း နားနေသလိုဖြစ်နိုင်တယ်။ ခံစားရမှာတွေကတော့ ဗိုက်နာမယ်။ ဝမ်းပျက်မယ်။ ဝမ်းကိုက်သလိုသွားမယ်။ ဝမ်းသွားချင်ပေမယ့် မသွားဘူး။ သွေးပါမယ်။ စအိုပိုင်း နာမယ်။ တချို့ဖျားမယ်။ မဆာဘူး။ ကိုယ်အလေးချိန်ကျမယ်။ တချို့မှာ အဆစ်တွေနာတယ်။ မျက်စိထိခိုက်တယ်။ အသည်းထိခိုက်တယ်။ ခံစားရတာတွေ ပေါ်လာလိုက် သက်သာနေလိုက်ဖြစ်မယ်။ အားယုတ်မယ်။

Colonoscopy နည်းနဲ့စစ်ဆေးရင်သိမယ်။ သွေးစစ်တာ၊ ဝမ်းစစ်တာတွေလုပ်မယ်။

နောက်ဆက်တွဲဖြစ်လာနိုင်တာတွေရှိတယ်။ သွေးယိုနိုင်တယ်။ အူပေါက်နိုင်တယ်။ ရေနဲ့ဆားခမ်းခြောက်နိုင်တယ်။ အသည်းရောဂါဖြစ်လာနိုင်တယ်။ အရိုးအားနည်းမယ်။ အရေပြား၊ အဆစ်၊ မျက်စိ၊ ခံတွင်းမှာပါ အနာတွေ ပေါက်လာနိုင်တယ်။ သွေးကြောထဲ သွေးခဲနိုင်တယ်။

ကုသနည်းမှာ ခံစားဖြစ်ပေါ်နေတာကိုကြည့်ကုသရတယ်။ ဖြစ်စေတဲ့အကြောင်းရင်း မသိလို့ ပျောက်မယ်လို့ အားမမခံနိုင်ပါ။ ဆောရီး။ ဝမ်းပျက်ချိန်မှာ Imodium ဆေးပေးမယ်။ အစားအသောက်ရွေးသင့်တယ်။ ဝမ်းပျက်စေတာသိတာကို ရှောင်ရမယ်။ ဗီတာမင်နဲ့ ဓါတ်ဆားတွေ နည်းတာကိုဖြည့်ရမယ်။

ဆေးပေးတာနဲ့ ခွဲစိတ်တာရှိတယ်။
• Anti-inflammatory drugs အရောင်ကျဆေးတွေပေးနိုင်တယ်။ Aminosalicylates ဖြစ်တဲ့ Sulfasalazine (Azulfidine) ဆေးကနေ ခံစားနေရာတွေကိုသက်သာစေမယ်။ ဆေးကခေါင်းကိုက်စေနိုင်တယ်။ mesalamine (Asacol, Lialda, Rowasa, Canasa, others), balsalazide (Colazal) နဲ့ olsalazine (Dipentum) ဆေးတွေသုံးနိုင်တယ်။
• Corticosteroids စတီရွိုက်ဆေးတွေလည်းပေးတယ်။ ဘေးထွက်ဆိုးကျိုးတွေသတိထားရမယ်။
• Immune system suppressors ခုခံအားကျဆေးလည်းပေးတယ်။ Azathioprine (Azasan, Imuran) နဲ့ mercaptopurine (Purinethol, Purixam) ဆေးတွေကိုသုံးတယ်။
• Cyclosporine (Gengraf, Neoral, Sandimmune) ဆေးလည်းသုံးတယ်။
• Tumor necrosis factor (TNF)-alpha inhibitors ဆေးအမျိုးအစားထဲက Infliximab (Remicade), adalimumab (Humira) နဲ့ golimumab (Simponi) ဆေးတွေလည်းသုံးတယ်။
• Vedolizumab (Entyvio) ဆေးကိုသုံးလာတာမကြာသေးပါ။
• Antibiotics ပိုးသေဆေး၊ Anti-diarrheal medications ဝမ်းပိတ်ဆေး၊ Pain relievers အနာသက်သာဆေးတွေနဲ့ Iron supplements သံဓါတ်ဆေးတွေကလည်းတွဲပေးရတယ်။

ခွဲစိတ်မှုမှာ Proctocolectomy အူမကြီးတခုလုံးကိုဖြတ်ထုတ်တယ်။ နာတာရှည်ဖြစ်သူတွေ အူမကြီးကင်ဆာဖြစ်မလား စစ်ဆေးနေသင့်တယ်။

Colorectal cancer အူမကြီး ကင်ဆာ https://doctortintswe.blogspot.com/2015/03/colorectal-cancer.html
Crohn’s Disease ခရုန်းရောဂါ https://doctortintswe.blogspot.com/2015/07/ulcerative-colitis.html
Ulcerative colitis အူမကြီးရောင်ခြင်း https://doctortintswe.blogspot.com/2015/07/crohns-disease.html

ဒေါက်တာတင့်ဆွေ
၅-၇-၂ဝ၁၅
၂၃-၈-၂ဝ၁၇