Weight gain လှရုံမက ဝချင်သေးပါလျှင်

၁။ မင်္ဂလာပါဆရာ ကျွန်မအသက်က ၂၂ နှစ်ပါ။ ကလေးမွေးထားတာခြောက်လလောက်ရှိပါပြီဆရာ။ ကိုယ်ဝန်နဲ့တုန်းက ဝပါတယ်။ ကလေးမွေးပြီးမှ အရမ်းပိန်သွားတယ်ဆရာ။ အရမ်းဝချင်ပါတယ်ဆရာ။ ဘာတွေစားပြီး ဘယ်လိုနေရမယ်ဆိုတာ ဆရာရေးထားတဲ့စာလေးရှိရင် link လေးလိုချင်ပါတယ်ဆရာ။

ရရစ်မပါတဲ့ ပီ နဲ့ ပီးတွေကိုပြင်လိုက်ပါတယ်။ ပို့စ်မှာသုံးချင်လို့ပါ။ ကိုယ်စာမှာတော့ ကိုယ့်သဘောပါ။ ဆောရီး။

၂။ မင်္ဂလာပါဆရာရှင့် ကျွန်မအသက် ၂၄ နှစ်ပါ။ ကလေးနှစ်ယောက်အမေပါရှင့်။ ကလေးအငယ်က ၁နှစ် ၅လပဲ ရှိပါသေးသည်။ ကျွန်မ အရမ်းပိန်နေလို့ ဝချင်ပါတယ်ရှင့်။ ပြီးခဲ့တဲ့တပါတ်က ပေါင်ချိန်ကြည့်တော့ ၈၅ ရှိပြီး ဒီတပါတ် ထပ်ချိန်ကြည့်တော့ ၈၀ ပဲရှိပါတော့သည်။ ဘယ်လိုဆေးမျိုးသောက်ရင် ဝနိုင်ပါသလဲ ဆရာရှင့်။ ကျေးဇူးပြု၍ ဖြေကြားပေးပါဦးရှင့်။ လေးစားစွာဖြင့်

၃။ ကျွန်မအသက်က ၂၃ ပါ ။ မိန်းကလေးပါ။ ရန်ကုန်ကပါဆရာ။ အရမ်းပိန်နေလို့စိတ်ညစ်ရပါတယ်ဆရာ။ အရပ်က ၅ ပေ ၂ လက်မ ပေါင်ချိန်က ၉၂ ပါဆရာ။ ၁၀ တန်းတုန်းကအထိ ဝပါတယ်။ စိတ်ထိခိုက်တာမျိူးဆို အစာစားချင်စိတ်မရှိပဲ မစားဘဲနေရင်း ပိန်လာတာပါ။ စိတ်ပုံမှန်ဖြစ်နေရင်တောင် မစားချင်တော့ပါဘူးဆရာ Facebook page တခုက ဝဆေးဆိုပြီး ရောင်းပါတယ်ဆရာ။ Thai စာတွေ တွေ့တော့ စွတ်မသောက်ရဲပါဘူး မြန်မာနိုင်ငံက FDA ရထားတယ်လို့ ပြောတာပဲဆရာ။ ဆေးက ပုံထဲကဆေးပါ သောက်သင့်သလားဖြေကြားပေးပါဦးဆရာ။ မသောက်သင့်ရင်လဲ ဘာဆေးသောက်ရမလဲ ညွှန်ကြားပေးပါလားဆရာ။ အမြဲလေးစားလျှက်။

ပိန်တဲ့သူနဲ့ ဝချင်သူ၊ မေးကြသူ ဆတူလောက်ရှိတယ်။ ကိုယ်အလေးချိန် တိုးချင်တာ လွယ်တဲ့ကိစ္စတော့ မဟုတ်ပါ။ ငါးကျီးခြောက်ကြပ်တင်လို့၊ ငါးဖေါင်ရိုးခြောက်လို့ အခေါ်ခံနေရသူများလို၊ မွေးရာပါ မျိုးဗီဇကိုက ခပ်ပိန်ပိန် သမားများအတွက်ဆို ပိုခက်မည်။ ငါးမှာတောင် ပိန်ရင် ငါးရာမသွင်းဘူးထင်ပါရဲ့။

ခပ်လွယ်လွယ်ပြောရရင် ဝချင်ရင် ကြီးကြီးကြံပါလေ။ အိန္ဒိယကို ရောက်ခါစ ဦးမောသီရိဆိုတဲ့ စာပေဆုရဘူးသူ မိတ်ဆွေကြီးကပေးတဲ့ အကြံတခုက တံငါဖြစ်မှတော့ ငါးကြီးကြီးမျှားပါတဲ့။ ကြီးကြီးကြံဘို့ရာ တခါစားများများ၊ အကြိမ်လဲများများ၊ ထမင်းလုပ်ကြီးကြီး၊ ထမင်းပန်းကန်အစား ဇလုံ၊ ဇွန်းဆိုရင် ယောက်ချိုဇွန်းသုံးပါ။

ဝချင်လို့ ဝိတ်မတာ ငြင်းစရာတော့ မရှိပါ။ များများစားဘို့လောက်တော့ မထိရောက်ပါ။ ပိန်သူတွေရဲ့ ဇီဝကမ္မ ဆိုတဲ့ သက်ရှိတို့ ထုံးစံလုပ်ပေးနေရတဲ့ ဖြစ်စဉ်ကိုယ်၌က မြန်မြန်ကြီး လုပ်နေသူတွေ ဖြစ်လို့ (ကယ်လိုရီ) တွေ ပိုရဘို့ လိုပါတယ်။ စာသင်သလိုပြောရရင် အဆင့် ၅ ဆင့်ရှိတယ်။ ကိုယ်အလေးချိန် ချိန်ထားပါ။

၁။ ခါတိုင်း တနေ့မှာ (ကယ်လိုရီ) ဘယ်လောက် စားနေသလဲ။
၂။ စားနေတာထက် ၅ဝဝ (ကယ်လိုရီ) ပိုစားပါ။ စားနိုင်အောင် တနေ့ ၃ ထပ်ကနေ ၄-၅ ထပ် စားပြစ်လိုက်ပါ။
၃။ (ဝိတ်) မ, ပါ။ Gym သွားချင်သွား၊ အိမ်မှာဘဲ လုပ်လုပ်။
၎။ အလေးချိန် ပြန်ချိန်ပါ။ တပါတ်အပြီး ၁-၂ ပေါင်တိုးရင် ကောင်းတယ်။ ၁ဝ ပေါင် မတိုးချင်ပါနဲ့။ ကျန်းမာရေးအရ အကောင်း မဟုတ်ပါ။ ၁ လကုန်ရင် ၅-၈ ပေါင် တိုးတာ ကောင်းတယ်။
၅။ အလေးချိန် ဆက်မတိုးရင် နောက်ထပ် (ကယ်လိုရီ) ၂၅ဝ ပိုစားပါလေ။

တနေ့ ကယ်လိုရီဘယ်လောက်လိုတာသိဘို့ ဦးတိကျတွေအတွက် ဖေါ်မြူလာရှိတယ်။ အရင်ဆုံး ဘာမှမလုပ်ပဲနေတဲ့ အချိန်မျိုးမှာလိုမဲ့နှုန်းထားကို တွက်ရတယ်။ Resting Metabolic Rate (RMR) လဲခေါ်တယ် Basal Metabolic Rate (BMR) လည်းခေါ်တယ်။ လမ်းမလျောက်၊ မပြေး၊ အသားလေးနေတုံး ကိုယ်ခန္ဓာက အသက်ရှူဘို့၊ နှလုံးခုန်ဘို့၊ အစာခြေနေဘို့ စတာတွေရဲ့ ဇီဝအလုပ်တွေအတွက် လိုအပ်ချက်ကို ပြောတာပါဘဲ။

ပျင်းတော့ ပျင်းစရာကြီး။ သင်္ချာလို ထပ်ရှင်းရအုန်းမယ်။
RMR = 9.99w + 6.25h - 4.92a + 166g-161
w = ကိုယ်အလေးချိန် ကီလိုဂရမ်၊ h = အရပ် စင်တီမီတာ၊ a = အသက် နှစ်၊ g = ကျား-မ၊ (ကျား = 1 မ = 0)
တနေ့တာ လိုမဲ့ (ကယ်လိုရီ) သိဘို့ RMR ကို 1.25 နဲ့ မြှောက်လိုက်ပါ။

ပိုပြီးစားနိုင်အောင် စားပုံစားနည်း ပြောင်းသင့်ရင် ပြောင်းရမယ်။ အဝစား ၃ ခါနဲ့ သွားရည်စာ ၂ ခါ၊ ၃ ခါ စားပါ။ ကော်ဖီ၊ လက်ဘက်ရည် သောက်မဲ့အစား၊ နွားနို့၊ သစ်သီးဖျော်ရည် သောက်ပါ။ ပေါင်မုံ့စားရင် အညိုက အဖြူထက် ပိုတယ်။ အသီးအရွက်မှာလဲ ရေများများ ပါတာမျိုးဖြစ်တဲ့ ဂေါ်ဖီ၊ ပဲစိမ်းစားဥ၊ သခွါးသီးတို့ထက် အာလူး၊ ပဲမျိုးစုံ၊ မုံလာဥနီ၊ ပြောင်းဖူး တို့ကသာတယ်။ အသီးတွေဆိုရင် လိမ်မော်၊ ပိခ်ျ၊ ဇီးသီး၊ ဖရဲသီးတွေထက် ငှက်ပျောသီး၊ သစ်တော့သီး၊ ထောပတ်သီး၊ နာနတ်သီး၊ ပန်းသီးတွေကသာတယ်။ ဆု-ပ်ဆိုရင် ခရင်ပါတာက အကြည်ရည်ထက် သာတယ်။

ဖြစ်နိုင်သမျှ အစားအသောက်တွေထဲမယ် စားသုံးဆီထည့်ရပါမယ်။ ရှောင်သင့်တာတွေကတော့ trans-fats ဆီ-အဆီ တွေများတဲ့ ပက်စထရီ၊ ကိတ်၊ ကွတ်ကီး၊ ပြုပြင်ထားတဲ့ အသား-ငါး၊ မာဂျရင်၊ အလွယ်ဝယ်ရတဲ့ အစားအစာတွေပါ။

မဖြစ်မနေစားရမှာက ပရိုတင်းဓါတ်ပါ အစာတွေ ဖြစ်တယ်။ အသား-ငါး-ဥ-ပဲ အမျိုးမျိုးအပြင် ကယ်လိုရီများများပါတဲ့ ထောပတ်၊ ဒိန်၊ အောလစ်ဖ်ဆီ၊ ခရင်မ်ဆိုတာတွေ ထပ်ဖြည့်ပါ။ အသားမစားသူတွေလဲ ဝနိုင်တာပါ။ ကြွက်သားတွေ မာတင်းပြီး သန်ချင်ရင်တော့ အသားစားသူများက ပိုသာပါတယ်။

စိတ်လှုတ်ရှားမှုတွေဟာ ကလ်လိုရီအတော် ဖြုန်းပြစ်တယ်။ ဒါ့ကြောင့် စိတ်အေးအေးထားပါ။ လွမ်းစရာဝတ္တုတွေ မဖတ်နဲ့။ ဟောလိဝုဒ်က သရဲကား၊ အေလီယန်ကား၊ အက်ရှင်ကားတွေ မကြည့်နဲ့၊ ဇာတ်မနာနာအောင် ရိုက်ထားတဲ့ ကိုရီးယားကား၊ ကုလားကားတွေ မကြည့်နဲ့။ ဗမာတွေ ဒါကြောင့်ပိန်နေတာ။

စားချင်စိတ်ပိုကောင်းအောင် ဘယ်လိုလုပ်မလဲ။ ဗီတာမင် B အုပ်စု ဆေးတွေက အထောက်အပံ့ ပြုပါတယ်။ Cyproheptadine ဆိုတဲ့ဆေးက Anorexia nervosa ခေါ်တဲ့ စားချင်သောက်ချင်စိတ် နည်းနေသူတွေကိုလဲ ပေးနိုင်ပါတယ်။ စာတပုဒ်ရေးထားပါတယ်။ ကလေးတွေဟာ နည်းနည်းလေးဖြစ်လိုက်တာနဲ့ ကျသွား၊ ပိန်သွား ဖြစ်တတ်တယ်။ Cypon တိုက်ရင်လဲ ခဏနဲ့ ပြန်စားချင် လာကြမယ်။ စာတပုဒ်ရေးထားပါတယ်။

အစပ်စားတဲ့လူ၊ မဆလာကြိုက်သူ၊ အချဉ်ပါမှဆိုသူတွေ ခံတွင်းတွေ့ရင် စားသာစားပါလေ။ အစပ်တို့၊ ဟင်းခပ် အမွှေးအကြိုင်တို့ဆိုတာ စားချင်လာအောင် လုပ်ပေးတဲ့ တန်ခိုးရှိတယ်။ တရူပ်နံနံခပ်ထားတဲ့ ဟင်းချိုရည်က ပိုချိုသလို မဟုတ်လား။ နှာညွန့်ကို ခြူတတ်သော ဆိုတဲ့အစားပေါ့။ ငရုပ်သီးက မတူတဲ့အကျိုး နှစ်မျိုး ရစေပါတယ်။ အစပ်တွေဟာ ကယ်လိုရီပိုသုံးလို့ ပိန်စေတယ်။ အစပ်ပါမှ စားချင်စိတ်ပိုလို့ ဝစေမယ်။

ကိုယ်ခန္ဓာ ကြီးထွားစေတဲ့ ဟော်မုန်းဆိုတာ လူ့ဦးနှောက်ကနေ ထုတ်ပေးနေတယ်။ အလေးမသူများ ကြွက်သားတွေ သန်မာလာတာ သူ့အစွမ်းပါ။ သဘာဝ မဟုတ်ဘဲ အပိုဆောင်းချင်သူတွေအတွက် စတီရွိုက်ဟော်မုန်း ဆေးတွေလဲ ရှိပါတယ်။ Human Growth hormone (HGH), Growth factors and Testosterone-based analogs ဆိုတာတွေပါ။ ဒီဆေးတွေကို အရွယ်လွန်သူ ယောက်ျားတွေအတွက်ရော အားကစားသမားများအတွက်ပါ သုံးနေတာဖြစ်တယ်။ အိုလံပစ် ဆုတံဆိပ် ပြန်အပ်သူတွေ မနည်းတော့ဘူး မဟုတ်လား။ ဟော်မုန်းဆိုတာ အစွမ်းကြီးသလို သတိကြီးကြီးလည်းထား သုံးရတာမျိုး ဖြစ်တယ်။

ဂျပန် ဆူမိုနပမ်းသမားနည်းက ကယ်လိုရီများတဲ့ အစာတွေစား၊ အဆီ မများစေနဲ့။ အင်စူလင်ဆိုတဲ့ သကြားဓါတ် ထိန်းတဲ့ ဟော်မုန်းကို ဆွပေးလို့၊ ကယ်လိုရီများရင် သိမ်းထားတဲ့ အဆီကို ထုတ်မသုံးစရာ မလိုတော့ဘူး။ တခါတည်း များများ စားနိုင်အောင် တချို့က မနက်စောစောစာ မစားဘဲနေတယ်။ သူလို ကိုယ်လိုတွေက တနေ့မှ ၂ဝဝဝ-၃ဝဝဝ သာ စားတယ်။ ဆူမိုနပမ်းသမားတွေ တနေ့ကို ကယ်လိုရီ ၆ဝဝဝ ကနေ ၂ဝဝဝဝ အထိ စားသတဲ့။ အရက် (ဘီယာ) လဲ သောက်ပါတဲ့။ သူလို ကိုယ်လိုဘဲပေါ့။ တထိုင်ထဲ ဘီယာ ဗူး ၁ဝဝ ကုန်သူဆိုတာ ရှိဆိုဘဲ။ လေ့ကျင့်ခန်းကို ပိုပြီး၊ ပြင်းပြင်း ထံထံ၊ နေ့စဉ်မှန်မှန်၊ လုပ်တာကြောင့် စားချင်စိတ်တွေ ပိုလာစေတယ်။

ကိုယ်အလေးချိန်တိုးချင်တာနဲ့ ဟော်မုန်းဆေးကို လုံးဝမညွှန်းပါ။ မသုံးပါနဲ့။ မျက်စိအောက်မှာတင် အလွန်ဝပြီး အလှလဲပျက်၊ ရောဂါလဲဆက်ရတဲ့ မိန်းကလေးတွေရှိတယ်။ အရပ်အခေါ် ဝက်ဆေးဆိုတာသောက်သတဲ့။ စော်ကားသလိုတော့ဖြစ်မယ်၊ တကယ် ဝက်နဲ့တူလာတယ်။ ပြန်ပြင်ယူလို့ မရတော့တဲ့ အခြေအနေထိ ရောက်သွားရှာကြတယ်။

တက်စတိုစတီရုန်းခေါ်တဲ့ ယောက်ျားဟော်မုန်ဆေး သုံးတာတွေ ရှိပါတယ်။ အရွယ်လွန် သွေးဆုံးပြီးနောက် အမျိုးသမီးကြီးတွေသုံးတာက အတူနေချင်စိတ်ဆက်ထိန်ဘို့လိုမှသာ ဆရာဝန်ကညွှန်တယ်။ ကာယဗလအတွက် ကြွက်သားတွေ ယောက်ျားတွေလိုဖြစ်ဘို့မှာ လဲသုံးတယ်။

အီစထိုဂျင်ဟော်မုန်းမှာလဲ ဘေးထွက်ဆိုးကျိုးတွေက များတယ်။ အများသုံးတာက သွေးဆုံးကာနီး အမျိုးသမီးတွေ အတွက်သာဖြစ်တယ်။ ငယ်သူတွေမှာသုံးရင် ရာသီ မမှန်တော့ဘူး။ ကြားရက်ဆင်းမယ်။ အတူနေချင်စိတ် နည်းလာမယ်။ တချို့မှာတော့ ပိုတာလဲရှိတယ်။ မတည့်သူတွေမှာ အရေပြားမှာ အနီစက်ပေါ်နိုင်တယ်။ ရင်သား ထွားလာမယ်။ ဆိုးတာက သွေးခဲတတ်တယ်။ ဒါကြောင့် ဟော်မုန်း ၂ မျိုးတွဲပါ ကိုယ်ဝန်တားဆေးမျိုးကို အသက် ၃၅ နှစ်ကျော်ရင် မပေးသင့်ဘူး။

Deca Durabolin ဟော်မုန်းကို ရောဂါတွေ (သွေးအားနည်းရောဂါတွေနဲ့ ရင်သားကင်ဆာ) အပြင် ယောက်ျားရော မိန်းမတွေပါသုံးတာ ရှိတယ်။ ဒီဆေးမှာ ဘေးထွက်-ဆိုးကျိုးတွေက တကယ်ဆိုးတယ်။ ကိုယ်ရောင်မယ်၊ ဒါကြောင့်လူက အလေးချိန်တိုးလာမယ်။ ယောက်ျားတွေမှာ သုက်ပိုးနည်းမယ်။ ကျားအစေ့ထိခိုက်မယ်။ ပန်းညှိုးမယ်။ ရင်သားထွားမယ်။ ကိုလက်စထောကောင်းတာကနည်းပြီး မကောင်းတာက များမယ်။ သွေးဖိအားတက်မယ်။ အသည်းထိခိုက်မယ်။ ဆီးကျိတ်ကြီးမယ်။

မျောက်တွေကို စုထားပြီး စမ်းတဲ့အခါ၊ အကောင်ကြီးတွေက နိုင်ချင်တာကြောင့် စိတ်ညစ်ရတဲ့ မျောက်တွေမှာ အဆီစုပြီး၊ ဝမ်းခေါင်း ကျယ်လာသတဲ့။ ကောက်ချက်ဆွဲရင် စိတ်ဒုက္ခရရင် ဝတယ်ဆိုဘဲ။ နိုင်လိုမင်းထက် အနှိပ်စက်ခံနေရသူများ အတော်ဘဲပေါ့။ ဒါပေမဲ့ ဒီသီအိုရီက လူတွေအတွက်မှားပါတယ်။ မြန်မာပြည်ဆိုရင် အမှားကြီးမှားတယ်။ စိတ်သောက များတိုင်းသာ ဝရရင်လား ဗမာပြည်မှာ ဆူမိုသမားချည်းသာ ဖြစ်တော့မယ်။

ချုပ်လိုက်ရင် ရောဂါကင်ရှင်း၊ ထမင်းဟင်းများများ၊ ဆေးဝါးလဲစား၊ အလေးလဲမပါခင်ဗျား။ မြန်မာပြည်မှာ ကြော်ငြာပုံတွေပို့ပါတယ်။ ဖုန်းနံပတ်တွေလည်းပါလို့ သူများစီးပွါးရေးကိုလည်းကြည့်ရတာမို့ ပို့ပေးတဲ့ပုံတွေကို မသုံးပါ။

Cyproheptadine ဝချင်လို့ပေးတဲ့ဆေး http://dts-medicaleducation.blogspot.in/2013/08/cyproheptadine.html

ဒေါက်တာတင့်ဆွေ