Incubation period ကူးစက်ခံရချိန်နှင့် ရောဂါလက္ခဏာခံစားရချိန် ကြားကာလ
စမ်းမှာသာ သေချာနိုင်။ ထပ်မကူးသူ ကူးစက်ခံရခြင်း မရှိလောက်။
ရောဂါကူးစက်ခံရပြီးနောက် ရောဂါလက္ခဏာတွေစပေါ်လာချိန်ကြားကာလကို Incubation period လို့ခေါ်တယ်။ ကူးစက်ရောဂါတွေ အဲဒီအချိန်ကာလ အတိုအရှည် မတူကြပါ။
အခုဖြစ်ပွါးနေတဲ့ ကိုဗစ်-၁၉ ရောဂါဟာ လက်ရှိသုတေသနလေ့လာချက်တွေအရ အဲဒီကာလ ၁ ရက်ကနေ ၁၄ ရက်အထိ ကြာတယ်။ ပျမ်းမျှ ၅ ရက်။ အဲတာကြောင့် သီးခြားခွဲစောင့်ကြည့်ကာလကို ၁၄ ရက်လို့ သတ်မှတ်ထားတယ်။
ကူးစက်နိုင်စွမ်းဟာ ရောဂါလက္ခဏာတွေခံစားနေရချိန်မှာဖြစ်တယ်။ Incubation period မှာ သူများတွေကို မကူးစက်လောက်လို့ ယူဆရတယ်။ ပိုးကအသစ်ဖြစ်လို့ ၁၀၀% တော့ အာမမခံနိုင်ပါ။
ကုသပြီးနောက် ပြန်လည်သက်သာ ကောင်းမွန်လာသူတွေ အဲဒီပိုးကို ခံနိုင်ရည်ရှိမယ်လို့ ယူဆရတယ်။ Immunity လို့ ခေါ်တယ်။ ကာကွယ်ဆေးထိုးထားတဲ့သဘောမျိုး။ အဲတာလည်း ၁၀၀% တော့ မဟုတ်။ တရုပ်ပြည်မှာ ပိုးပြန်တွေ့သူ အနည်းအပါးရှိတယ်။
မနေ့က တွေ့တယ်။ ဗြိတိန်နဲ့ ယူအက်စ်အေကနေ ဝင်လာသူ ၂ ယောက်။ အဲဒီနှစ်ယောက်ရဲ့ ခရီးစဉ်တွေကို တန်းစီ ရေးပြပြီး အဲဒီလမ်းကြောင်းနဲ့ အချိန်မှာ လူတွေအများကြီးကို ကူးစက်ပြီးလောက်ပြီလို့ စိတ်ကူးယဉ်ပြီး ရေးထားတယ်။ အဲတာ မမှန်နိုင်ပါ။ Incubation period မှာ သူများတွေကို မကူးစက်လောက်လို့ ယူဆရတယ်။ ပိုးကအသစ်ဖြစ်လို့ ၁၀၀% တော့ အာမမခံနိုင်ပါ။
ဒေါက်တာတင့်ဆွေ
၂၄-၃-၂၀၂၀
Comments
Post a Comment