Coronavirus Transmission ကိုရိုနာဗိုင်းရပ်စ် ဘယ်လိုကူးစက်သလဲ

ဆရာရှင့် မေးခွင့်ပြုပါ Covid 19 positive ဖြစ်နေပြီး ရောဂါလက္ခဏာမပြသေးဘဲ ကျန်းမာနေဆဲ လူနဲ့ ထိတွေ့ ဆက်ဆံရတဲ့လူက ရောဂါကူးနိုင်ချေရှိပါသလားရှင့်။ လုပ်ငန်းခွင်မှာ တခန်းထဲအတူအလုပ်လုပ်တာ၊ ရေအိမ် အတူအသုံးပြုတာ၊ သုံးပေအကွာ စားပွဲမှာထိုင်ပါတယ်၊ ဓာတ်လှေကား အတူစီးပါတယ်။

ကိုရိုနာဗိုင်းရပ်စ် ဘယ်လိုကူးစက်သလဲ
၁။ Person-to-person spread လူကနေ လူကို ကူးစက်တယ်
ကူးစက်ခံထားရသူနဲ့ နီးကပ် ထိစပ်သူတွေဆီ ကူးစက်နိုင်တယ်။ ၆ ပေပတ်လည်မှာ ရှိနေသူတွေ။ Respiratory droplets ခေါ် အသက်ရှူလမ်းကြောင်းကနေ ထွက်တဲ့ ထုတ်တဲ့ အမှုန်လေးတွေကို ရှူမိသူတွေ ကူးစက်နိုင်တယ်။ ချောင်းဆိုးခြင်း၊ နှာချေခြင်း။ အဲဒီ အမှုန်လေးတွေဟာ ပါးစပ်နဲ့ နှာခေါင်းနေရာဝန်းကျင်ပေါ် ကျရောက်လာနိုင်တယ်။ ရှူသွင်းမိမယ်။ အဆုတ်ထဲ ရောက်လာမယ်။ ကူးစက်ခံထားရသူဟာ ရောဂါလက္ခဏာတွေ ခံစားနေရချိန်မှာ သူများကို အများဆုံး ကူးစက်စေနိုင်တယ်။ ရောဂါလက္ခဏာတွေ မခံစားရသေးမီမှာလည်း ကူးကောင်း ကူးနိုင်တယ်။

၂။ Contaminated surfaces or objects အမှုန်တွေကျရောက်နေတဲ့ မျက်နှာပြင်တွေကို ထိကိုင်မိရာကနေလည်း ကူးစက်နိုင်တယ်။ စားပွဲ၊ ခုံ၊ ကုလားတိုင်၊ ကြမ်းပြင်၊ လက်ကိုင်စရာနေရာတွေ။ အဲတာကို ထိကိုင်မိတဲ့လက်က ပါးစပ်နဲ့ နှာခေါင်းနေရာတွေကို ရောက်လာမယ်။ မျက်စိလည်း ပါတယ်။

၃။ Community spread ကွန်မြူနတီနည်း
လူစုလူဝေးကနေ ကူးစက်မှုများတာ တွေ့ရတယ်။
ရောဂါလက္ခဏာတွေ ခံစားနေရချိန်မှာ ကူးစက်မှု အများဆုံးဖြစ်တယ်။ ပိုးအဝင်ခံနေရပြီးရောဂါလက္ခဏာတွေ မခံစားရသေးမီ ကူးတာ နည်းတယ်။ လုံးဝမကူးနိုင်လို့ ပြောတာ မဟုတ်။

Social Distancing လူတွေနဲ့ ဝေးဝေးနေပါ
အိမ်ပြင်ထွက်ရရင် လမ်းညွှန်ချက်မှာ လူတယောက်နဲ့ တယောက် ၆ ပေအကွာ။ သာရေး နာရေး လူမှုရေးပွဲတွေ ရှောင်ပါ။ ဘုရားပွဲ နတ်ပွဲ ရာသီပွဲတွေ ရှောင်ပါ။ ရုပ်ရှင် ပွဲလမ်းသဘင်တွေ ရှောင်ပါ။ အားကစားပွဲတွေ ရှောင်ပါ။ ဟောပြောပွဲတွေ ရှောင်ပါ။ အလှူ၊ မင်္ဂလာဆောင် မွေးနေ့ ဘာနေ့ ညာနေ့။ ဈေးသွားဝယ်တာ မဝယ်မဖြစ်မှသာ သွားလာပါ။ ကြိုတင် ဝယ်ယူစုဆောင်းထားပါ။ အလုပ်ရုံ၊ ရုံး၊ စာသင်ကျောင်း၊ ဘုန်းကြီးကျောင်း၊ ဘာသာရေးအဆောက်အဦတွေ။

စောစောက တယောက် မေးတယ်။ တရားရုံးတွေမှာ လူတွေပြည့်နေတယ်။ ဘယ်လောက်အကွာ နေရမလဲတဲ့။ ဆေးပညာအရ ဘယ်နေရာမှာဖြစ်ဖြစ် ၆ ပေ။

Coronavirus Spreads ကိုရိုနာဗိုင်းရပ်စ် ဘယ်လိုကူးစက်သလဲ https://doctortintswe.blogspot.com/2020/03/covid-19-spreads.html

ဒေါက်တာတင့်ဆွေ
၃၀-၃-၂၀၂၀