Coronavirus ကိုရိုနာက အဲတာတွေကို မကြည့်
ပိုက်ဆံနဲ့ မရနိုင်တာတွေ ရှိတယ်ဆိုတာ ဆင်းရဲသူတွေရဲ့ အပြောလို့ ထင်မှတ်ခဲ့ကြတယ်။ အခုရောဂါ အများဆုံးခံရတဲ့ တရုပ်လည်း စီးပွါးရေးအင်အားတောင့်တယ်။ ဥရောပနိုင်ငံတွေအကုန် ချမ်းသာကြတယ်။ အမေရိကန်ကတော့ ပြောမနေနဲ့။
ပိုက်ဆံချမ်းသာသူတွေက ဆေးကုစရိတ် တတ်နိုင်ကြတယ်။ ခက်တာက ဒေါ်လာငွေစက္ကူအရွက်ကို နှာခေါင်းစည်း လုပ်မရ။ ယူရိုငွေစက္ကူနဲ့ လက်ဆေးလို့မရ။ စီးပွါးရေးလုပ်ငန်းတွေအတွက် ရောဂါဝင်လာရာတခါးပေါက်တွေ ပိတ်မထားခဲ့ကြ။ ဇိမ်ခံသင်္ဘောကြီး စီးခဲ့ကြတယ်။
သူတို့မှာ သာတာတွေ အများကြီးရှိတယ်။ ဆေးရုံသုံးပစ္စည်းတွေ၊ ဆေးတွေ၊ သုတေသနလုပ်ငန်းတွေ၊ ကာကွယ်ဆေး ထုတ်နိုင်စွမ်းတွေ၊ နစ်နာတဲ့ စီးပွါးရေးလုပ်ငန်းတွေနဲ့ အလုပ်သမားတွေကို ငွေပေးနိုင်တယ်။ ဘီလီယန်။ ထရီလီယန်။ အဲလိုပေးနိုင်အောင် သူတို့က အလုပ်လုပ်ခဲ့ကြလို့။
ကျွန်တော်တို့ကတော့ တိုင်းပြည်တိုးတက်အောင် လုပ်ခွင့်သာတဲ့ အခြေအနေကမပေး၊ တိုင်းပြည်မွဲအောင် လုပ်ခဲ့သူတွေက များလွန်းသေးတယ်။ စစ်အာဏာ၊ နာဂစ်၊ ကိုရိုနာ။
ပိုက်ဆံနဲ့ မရနိုင်တာတွေ ရှိတယ်လို့ပဲ ဆက်အော်နေကြရဦးမယ်။ ကိုရိုနာက အဲတာတွေကို မကြည့်။
ဒေါက်တာတင့်ဆွေ
၂၇-၃-၂၀၂၀
Comments
Post a Comment