မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Sunday, December 4, 2016

History of China တရုပ်နိုင်ငံသမိုင်း

ကနေ့ ကျွန်တော်တို့နိုင်ငံမှာဖြစ်နေတဲ့ တရုပ်-မြန်မာနယ်စပ်က စစ်ပွဲတွေရဲ့ သမိုင်းနောက်ခံကို ရေးချင်နေပါတယ်။ တိုက်ပွဲတွေဖြစ်တာ မကောင်းပါ။ ဖြစ်နေတာက ကြာပါပြီ။ အဲလိုပြောလိုက်တော့ ခပ်ပေါ့ပေါ့ပြောတယ်ဆိုပြီး ဝေဘန်တာ သိပါတယ်။ တချို့က ကနေ့သတင်းတွေကိုကြည့်ပြီး ပြောတြတယ်။ တချို့က တပါတ်လောက်အထိ ကြည့်တယ်။ တချို့က လက်ရှိအစိုးရသက်တမ်းကို ကြည့်တယ်။ တချို့က ၁၉၈၈ နဲ့ ၁၉၆၂ အထိကြည့်တယ်။ ကျွန်တော်က နှစ် (၅ဝ) မက ကြည့်ချင်နေတယ်။ အရင်ဆုံး တရုပ်ပြည်သမိုင်းကို တိုတိုလေးဆန်းစစ်ပါမယ်။

တရုပ်ပြည်မှာ မြန်မာပြည်မှာလိုပဲ ဘုရင်စနစ်ကနေစပါတယ်။ စုစည်းနိုင်တယ်။ ကွဲပြဲတယ်။ မွန်ဂိုလီးယားတွေက ဝင်လာတယ်။ မန်ချူးတွေက လွှမ်းမိုးတယ်။ ဒိနောက်မှာ ခေတ်သစ်စတယ်။ အနောက်နိုင်ငံတွေဝင်လာတယ်။ ဘိန်းစစ်ပွဲ (၁၈၃၉-၁၈၄၂) ဖြစ်တယ်။ ပြိုကွဲတယ်။ (တိုင်ပင်း) သူပုန် (၁၈၅၁-၁၈၆၄) ထတယ်။ ပြုပြင်ပြောင်းလဲရေးလုပ်တယ်။ (ရီပတ်ဘလစ်) တော်လှန်ရေး (၁၉၁၁) ဖြစ်တယ်။ အမျိုးသားရေးနဲ့ ကွန်မြူနစ် အားပြိုင်မှု ဖြစ်တယ်။ ဒေသအလိုက် စစ်ဘုရင်ခံတွေကို နှိမ်နင်းတယ်။ (ကူမင်တန်) အောက်မှာ သမတနိုင်ငံဖြစ်လာတယ်။ ကွန်မြူနစ်တွေ အားစုလာတယ်။ ဂျပန်နဲ့စစ်ဖြစ်ပြီး ရှုံးတယ်။ ပြည်တွင်းစစ်ဖြစ်တယ်။ တရုပ်ပြည်သူ့သမတနိုင်ငံဖြစ်လာတယ်။

ခေတ်သစ်တရုပ်ပြည်ကို (ဆွန်ယက်ဆင်) က ဦးဆောင်ခဲ့တာပါ။ သူ ၁၉၂၅ မှာကွယ်လွန်တော့ ရှေ့မဆက်နိုင်သေးပါ။ (ချန်ကေရှိတ်) က (ကူမင်တန်) ကိုဦးဆောင်လာတယ်။ ကွန်မြူနစ်ပါတီနဲ့ ရန်ပြုပါတယ်။ ကွန်မြူနစ်ဖက်က (မော်စီတုန်း) ပေါ်ထွက်တယ်။ ဂျပန်နဲ့ ဒုတိယအကြိမ် (၁၉၃၇-၁၉၄၅) မှာ ဂျပန်က ရက်ရက်စက်စက်သတ်ဖြတ်မှုတွေကျူးလွန်တယ်။ ဒုတိယကမ္ဘာစစ်အပြီး တရုပ်ပြည်မှာ ကူမင်တန်နဲ့ ကွန်မြူနစ်အားပြိုင်ကြလို့ ပြည်တွင်းစစ်ဖြစ်တယ်။ နှစ်ဖက်လုံးက ရက်စက်ခဲ့ကြတယ်။ ကွန်မြူနစ်ကအနိုင်ရပြီး (ကူမင်တန်) တိုင်ဝမ်ကို ထွက်ပြေးရတယ်။ တရုပ်ဖြူလို့ ခေါ်ကြတယ်။ တချို့က မြန်မာနိုင်ငံထဲဝင်ခိုးဘို့ကြိုးစားတယ်။ တိုက်ထုတ်ရတယ်။ တရုပ်နှစ်နိုင်ငံ ဖြစ်လာတယ်။

တရုပ်နီခေါ် ပြည်မမှာ ၁၉၄၉ မှာ မော်စီတုန်းရဲ့ကွန်မြူနစ်အစိုးရ အာဏာရလာတယ်။ ဆိုရှယ်လစ်စနစ်ကို ၁၉၅၃-၁၉၅၇ ပြောင်းလာတယ်။ မဟာခြေလှမ်းလှုပ်ရှားမှုကြီး (၁၉၅၈-၁၉၆ဝ) လုပ်တယ်။ မြေပိုင်ရှင်တွေ၊ ချမ်းသာသူတွေကိုသုတ်သင်ပြီး ဘုံလယ်ယာစနစ်လုပ်လို့ စုစုပေါင်း ၄၅ သန်းသေခဲ့တယ်။ အဲဒီအချိန်က မြန်မာပြည်လူဦးရေထက်များတယ်။ မြန်မာပြည်မှာ မော်စီတုန်းကို မဟာသူရဲကောင်းကြီးအဖြစ် ရိုသေကိုင်းရှိုင်းကြသူတွေ ကနေ့အထိ အတော်များတယ်။ စာအုပ်တွေက ဖတ်ကောင်းတယ်။

၁၉၆၆-၁၉၆၈ မှာ စစ်ရေးတည်ဆောက်တယ်။ (မော်စီတုန်း) ဦးဆောင်ပြီး ယဉ်ကျေးမှုတော်လှန်ရေးကြီး (၁၉၆၆-၁၉၇၆) လုပ်တယ်။ ၁၉၇၂ မှာ အင်အားအကြီးဆုံးကွန်မြူနစ် ဆိုဗီယက်ယူနီယန်နဲ့ သဘောထားကွဲကြတယ်။ (မော်စီတုန်း) နဲ့ အမေရိကန်သမတ (ရစ်ချတ် နစ်ဆင်) နဲ့ တွေ့ကြတယ်။ (မော်စီတုန်း) ခေတ် (၁၉၇၂-၁၉၇၆) ကုန်ဆုံးတယ်။ အမေရိကန် အစိုးရက သဘောထားပြောင်းလိုက်ပြီး ၁၉၇၉ မှာ ကွန်မြူနစ်တရုပ်အစိုးရကိုသာ အသိအမှတ်ပြုလိုက်တယ်။ တရုပ်တနိုင်တည်းသဘောထားတယ်။ အဲတာကြောင့် သမတဖြစ်တော့မယ့် ဒေါ်နယ်ထရမ့်နဲ့ တိုင်ဝမ်သမတ ဖုန်းစကားပြောတဲ့သတင်းက တကမ္ဘာလုံးကိုရိုက်ခတ်တယ်။ တရုပ်နီ စိတ်ဆိုးတယ်။

(၁၉၇၉-၁၉၈၂) ခေတ်မီရေးလုပ်တယ်။ ပြုပြင်ပြောင်းလဲရေး (၁၉၈ဝ-၁၉၈၈) လုပ်တယ်။ မော်စီတုန်းကွယ်လွန်တော့ လေးဦးဂိုဏ်းပေါ်လာတယ်။ (မော်) ကိုဆက်ခံသူ (ဟွာဂိုဖန်း) ကိုကျော်ပြီး (ဒန်ရှောက်ပင်) တက်လာတယ်။ မော်စီတုန်း နည်းနာတွေကို ပြောင်းပြန်လုပ်တယ်။ ၁၉၇၈-၁၉၉၂ အထိ (ဒန်ရှောက်ပင်) ဟာ ယှဉ်နိုင်သူမရှိ အာဏာရှိသူဖြစ်တယ်။ ပါတီခေါင်းဆောင်နေရာနဲ့ အစိုးရခေါင်းဆောင်နေရာတွေကိုတော့ မယူပါ။ ကွန်မြူနစ်ပါတီက တဖြေးဖြေးနဲ့ လူထုကို ထိန်းချုပ်ထားခဲ့တာတွေကို လျှော့ပေးလာတယ်။ စီမံကိန်းစီးပွါးရေးစနစ်ကနေ ရောနှောကျင့်သုံးနည်းကို ပြောင်းလာတယ်။ ဈေးကွက်ဆိုရှယ်လစ်ဝေါဟာရသစ်ပေါ်လာတယ်။ ၄-၁၂-၁၉၈၂ နေ့မှာ ဖွဲ့စည်းပုံအသစ်ဖြစ်လာတယ်။

၁၉၈၉ (ဟွာ ယိုဘန်း) သေတော့ (တိန်အန်မင်) အရေးအခင်းဖြစ်တယ်။ ပွင့်လင်းလွတ်လပ်မှုတောင်းဆိုးသူတွေကို အစိုးရကဖြိုခွင်းတယ်။ (၁၉၈၉-၂ဝဝ၂) မှာ (ဂျန်ဇီမင်း) တက်လာတယ်။ ပြုပြင်မှုတွေဆက်လုပ်တယ်။ တောင်သူ သန်း ၁၅ဝ ဆင်းရဲသားဘဝကနေ ကယ်နိုင်တယ်လို့ဆိုတယ်။ နောက်မှာ (ဟူချင်းတောင်) (၂ဝဝ၂-ဝ၁၂) နဲ့ ၂ဝ၁၂ ကစပြီး လက်ရှိခေါင်းဆောင် (ဇီဂျန်းပင်) တက်လာတယ်။

မြန်မာပြည်နဲ့ဆိုင်တာကို ဆက်ရေးချင်ပါသေးတယ်။ တရုပ်-မြန်မာစစ်ပွဲတွေတော့ ရေးထားပြီးပါပြီ။ ကနေ့ထုတ်တဲ့ မြောက်ပိုင်းမဟာမိတ်အဖွဲရဲ့ ကြေညာချက်မှာ တရုပ်ပါလာတယ်။

- Burma–Thailand relations မြန်မာ-ထိုင်းဆက်ဆံရေးသမိုင်း http://doctortintswe.blogspot.com/2015/12/burmesesiamese-wars.html
- Burmese–Siamese wars သမိုင်းထဲက မြန်မာ-ထိုင်းစစ်ပွဲများ http://doctortintswe.blogspot.com/2015/12/burmathailand-relations.html
- Civil war ပြည်တွင်းစစ် http://doctortintswe.blogspot.com/2015/02/civil-war.html
- Glimpses of History of Burma ဆရာဝန်ထံ ပေးစာတစောင် http://doctortintswe.blogspot.com/2015/07/glimpses-of-history-of-burma.html
- History of Burma ဗမာ့သမိုင်း http://doctortintswe.blogspot.com/2015/02/history-of-burma.html
- Kokang background ကိုကန့်နယ်မြေသမိုင်း http://doctortintswe.blogspot.com/2015/02/kokang-background.html
- Kokang ကိုးကန့် တရုပ်နဲ့ မြန်မာစစ်တပ် http://doctortintswe.blogspot.com/2015/02/kokang.html
- Mongol and Myghal Emperors မွန်ဂို အင်ပါယာနဲ့ မူဂေါလ် အင်ပါယာ http://doctortintswe.blogspot.com/2015/04/mongol-and-myghal-emperors.html
- Mongoloid မွန်ဂိုလွိုက် http://doctortintswe.blogspot.com/2014/10/mongoloid.html
- Myanmar History မြန်မာ့သမိုင်း (၁) http://doctortintswe.blogspot.com/2015/11/myanmar-history.html
- Myanmar History မြန်မာ့သမိုင်း (၂) http://doctortintswe.blogspot.com/2015/11/myanmar-history_25.html
- Myanmar History မြန်မာ့သမိုင်း http://doctortintswe.blogspot.com/2015/04/myanmar-history.html
- Our Dynasties ကျွန်ုပ်တို့၏မင်းဆက်များ http://doctortintswe.blogspot.com/2016/06/our-dynasties.html
- Peace offensive ငြိမ်းချမ်းရေးထိုးစစ် http://doctortintswe.blogspot.com/2015/03/peace-offensive.html
- Political history of Burma မြန်မာ့နိုင်ငံရေးသမိုင်း http://doctortintswe.blogspot.com/2015/04/political-history-of-burma.html
- Sino-Burma border agreement တရုပ်-မြန်မာနယ်နိမိတ် http://doctortintswe.blogspot.com/2015/04/sino-burma-border-agreement.html
- Sino-Burmese wars တရုပ်-မြန်မာစစ်ပွဲများ http://doctortintswe.blogspot.com/2015/12/sino-burmese-wars.html
- Stilwell Road စတီးဝဲလ်လမ်းမကြီး http://doctortintswe.blogspot.com/2015/03/stilwell-road.html
- United Wa State Army ဝပြည်သွေးစည်းညီညွတ်ရေးတပ်မတော် http://doctortintswe.blogspot.com/2015/02/united-wa-state-army.html
- Wa ကျောက်စိမ်း၊ ရာဘ၊ ဝ နဲ့ စစ်အစိုးရ http://doctortintswe.blogspot.com/2016/12/wa.html

ဒေါက်တာတင့်ဆွေ
၅-၁၂-၂ဝ၁၆

No comments:

Post a Comment

Note: Only a member of this blog may post a comment.