Gluta ဂလူတာဆေး ခဏခဏမေး

၁။ ဆရာ အသားဖြူ ချင်လို့ ဒါတွေ သောက်လို့ရမလား။

မေးတဲ့သူ ကျား-မ မသိ။ အသက် မသိ။ အခြေခံအချက်အလက်တွေ မသိ။

၂။ Dr. ဒီအသားဖြူဆေးကသောက်လို့ရမလားမသိဝူး side effect တွေရှိလောက်လား။

မေးတဲ့သူ ကျား-မ မသိ။ အသက် မသိ။ အခြေခံအချက်အလက်တွေ မသိ။

၎။ ကျွန်တော့် သူငယ်ချင်းတယောက်ပါ။ အသက်က ၁၈ Female ပါ။ သူက L-Glutathione ဆေးကို အသားဖြုချင်လို့  သောက်ချင်ပါတယ်တဲ့။ ဒါကြောင့် Glutathione နဲ့ပတ်သက်ပြီးတော့ သောက်သင့်မသောက်ရယ် ကောင်းကျိုး ဆိုးကျိုးလေးတွေရယ် ဖြေကြားပေးပါခင်ဗျ။ နောက်ပြီး L-Glutathione က male မှာရော သောက်လို့ ရမရပါ သိချင်ပါတယ်။ အသားအရေအတွက်ကောင်းတယ်ဆိုတာရော ဟုတ်ပါသလားခင်ဗျ။

၅။ GLUTA ပါတဲ့ အသားဖြူဆေးတွေကရော ဘာ side effect တွေ ရှိနိုင်မလဲဆရာ။

မေးတဲ့သူ ကျား-မ မသိ။ အသက် မသိ။ အခြေခံအချက်အလက်တွေ မသိ။

၆။ ယခုမြန်မာပြည်မှာ ခေတ်စားနေတာ အသားဖြူဆေးတဲ့။ အကြောထဲထိုးပေးပါတယ်။ ဘယ်လိုဆေးမျိုးလည်း၊ အန္တရာယ် ရှိနိုင်လား၊ ဘယ်လိုဘေးထွက်ဆိုးကျိုးတွေရှိနိုင်ပါလဲ။ ဘယ်လိုရောဂါမျိုးရှိနေသူတွေ မထိုးသင့်ဘူးလဲဆရာ။

မေးတဲ့သူ ကျား-မ မသိ။ အသက် မသိ။ အခြေခံအချက်အလက်တွေ မသိ။

ကြော်ငြာဆေး မကြာမကြာမေးကြတယ်။ ဆေးရောင်းတာက အလွန်ကြီးမားလှတဲ့စီးပွါးရေးဖြစ်တယ်။ ဆရာဝန်အနေနဲ့ အဖြေရခက်တယ်။ သူများစီးပွါးရေးကိုလည်း မထိခိုက်စေချင်ပါ။ အသားဖြူဆေး၊ ပိန်ဆေး၊ အရပ်ရှည်ဆေးမှန်သမျှ ကြော်ငြာဆေးတွေသာဖြစ်ပါတယ်။

ဆေးဝါးဗေဒအရပြောရရင် Glutathione ဆေးဟာ အင်တီအောက်ဆီဒင့်ဖြစ်တယ်။ (ဆဲလ်) တွေမပျက်စီးအောင် လုပ်ပေးတယ်။ ကြော်ငြာတွေထဲမှာ Cancer, HIV/AIDS တွေအပြင် အနာရင်းတာ၊ အနာဒဏ်ရာ၊ မီးလောင်နာ စတာတွေကိုပေးတယ်။ ရေတိမ်၊ အတွင်းတိမ်၊ နုပျိုဆေး၊ ပန်းနာ၊ နှလုံးရောဂါ၊ ကိုလက်စထောများတာ၊ အသည်းရောဂါ၊ အားနည်းတာ၊ အရိုးနာတွေမှာလည်း သုံးကြတယ်။ တခြားအတွက်တွေလည်း ကြော်ငြာတာတွေ ရှိသေးတယ်။ ဘေးထွက်ဆိုးကျိုး စိတ်ချရတယ်လို့ဆိုတယ်။ ကိုယ်ဝန်နဲ့နို့တိုက်ချိန်ကိုတော့ မသင့်ပါ။

နောက်တခုဖြစ်တဲ့ Skin Whitening Injection အသားဖြူဆေး ကြော်ငြာ ဝဘ်ဆိုက်မှာပါတာကိုသာ အရင်ရေးပါမယ်။ အကျိုးကျေးဇူးများ = သွေးပြန်ကြောထဲသွင်းပေးလျှင် အသားဖြူလာမယ်။ Vitamin C နဲ့ Glutathione ရောထားတယ်။ နောက်ထပ်လဲ အင်နာဂျီရမယ်။ ခုခံအားပိုကောင်းမယ်။ (ဒီအချက်က ဗီတာမင်စီ ကြောင့်ပြောတာပါ။) အသားအရေ ဖြူလာစေတာသာမက အမာရွတ်ထင်လို့ အရောင်ရင့်နေတာလဲစက်သာစေမယ်။ ဆေးသွင်းရတာ ၁ နာရီခွဲကနေ ၄ နာရီအထိကြာနိုင်လို့ ဆေးထိုးနေရင်း အိပ်တဲ့လူနာတွေရှိတယ်။

ဘေးထွက်ဆိုးကျိုးတွေ = ဆေးထိုးတာနာမယ်။ သွေးယိုတာရှိမယ်။ သွေးခြည်ဥမယ်။ ပိုးဝင်နိုင်တယ်။ အမာရွတ်ထင်မယ်။ ဆေးထိုးပြီးရင် နေရောင်နဲ့ မထိအောင် ရှောင်သင့်တယ်။ ကျောက်ကပ်မကောင်းသူနဲ့ အသည်းမကောင်းသူတွေ မထိုးသင့်ပါ။

Glutathione ဂလူတာသိုင်အုန်းဆိုတာ လူတွေစားသုံးနေတဲ့ အသား၊ အသီးတွေနဲ့ ဟင်းသီးဟင်းရွက်တွေထဲမှာပါတယ်။ gluta C, gluta white, glutathione, gluta 100000, glutamate, gluta power, gluta tren, gluta pearl, gluta injection ကြော်ငြာဆေးဖြစ်တယ်။ သောက်ဆေးလည်းရှိတယ်။ မျက်စိအတွင်းတိမ်၊ ရေတိမ်ကိုလဲပေးတယ်။ ဇရာကို သက်သာစေတယ်လို့လဲ ယူဆကြတယ်။ အရက်နာကိုလဲပေးတယ်။ ကင်ဆာ၊ နှလုံးရောဂါ၊ အသည်းရောင်၊ မှတ်ဉာဏ်နည်းတာ၊ အဇာမိုင်းယားရောဂါ၊ အဆစ်အအရိုးနာ၊ ပါကင်ဆန်ရောဂါ။ အဲတာတွေအကုန် ကြော်ငြာထဲမှာတော့ ပျောက်ပါသတဲ့။

ကြော်ငြာဆေးတွေသာဖြစ်လို့ ဆရာဝန်တွေကမသုံးပါ။ အကျိုးဘယ်လောက်များလို့ ဘယ်လောက်ထိရောက်သလဲ စနစ်ကျတဲ့လေ့လာမှုတွေ မစုံလင်သေးပါ။ ဘေးထွက်ဆိုးကျိုး သုတေသနမရှိပါ။ လူကြီးမင်းတို့သဘောပါ။

Gluta ဂလူတာဆေး ခဏခဏမေး https://doctortintswe.blogspot.com/2015/08/skin-whitening-medicine.html
Skin Whitening Injection အသားဖြူဆေး https://doctortintswe.blogspot.com/2015/03/skin-whitening-injection.html

ဒေါက်တာတင့်ဆွေ
၂၆-၇-၂ဝ၁၇