Placenta banking အချင်းဘဏ်

၁။ ဆရာရှင့် ကျွန်မအသက် ၂၇နှစ်ပါ။ အပျိုပါ။ ကလေးမွေးပြီး အချင်းသွေးသိမ်းတယ် ဆိုတာကို  ဗဟုသုတအနေနဲ့ သိချင်လို့ပါ။ ဆရာ အချိန်ရမှ ဖြေပေးပါရှင့်။ ပြည်တွင်း မီဒီယာတချို့မှာ အဲ့လိုရေးတာတွေ့ဖူးလို့ပါ။ google မှာ ရှာကြည့်တာတော့ Cord Blood ဆိုတဲ့အကြောင်းအရာ သိချင်လို့ပါဆရာ။ ကျေးဇူးပါဆရာ။

၂။ ဆရာရှင့် သားကိုမွေးပြီး ချက်လေးကြွေတော့ ဆေးဘက်ဝင်တယ်၊ သိမ်းထားရတယ်ပြောကြလို့ ချက်အခြောက်ကလေးကို ကျွန်မသိမ်းထားပါတယ်။ အဲဒီချက်အခြောက်လေးက ဘယ်လိုဆေးဘက်ဝင်တာလဲ မသိလို့ပါ ဆရာ။ ဆရာအချိန်ရတဲ့အခါ ပြောပြပေးပါရှင်။

၃။ ဆရာမြန်မာနိုင်ငံမှာ အခုတော်တော်ခေတ်စားနေတယ်ဆရာ။ အချင်းတိုင်အား သိမ်းဆည်းခြင်းတဲ့။ နားမလည်လို့ဆရာ။ ဗဟုသုတအဖြစ် တင်ပေးပါလားရှင်။ ကျေးဇူးတင်ပါတယ်ရှင်။

အချင်းဘဏ်ဖိတ်စာတခုထဲက ABC Medical Services ဆိုတာ ကယ်လီဖိုးနီးယားအခြေစိုက် ဆေးပညာနဲ့စီးပွါးရေး လုပ်နေတဲ့ လုပ်ငန်းတခုဖြစ်ပါတယ်။ ကျန်းမာရေးသင်တန်းတွေပေးတယ်။ ပစ္စည်းတွေရောင်းတယ်။ မြန်မာပြည်မှာ ဘာလုပ်ပေးသလဲ မသိသေးပါ။

Placenta banking အချင်းဘဏ်ဆိုတာ အချင်းထဲမှာ Stem cells (စတမ်ဆဲလ်) တွေကို နောင်မှာအသုံးချနိုင်ဘို့ မပျက်စီးအောင်သိမ်းထာတာကို အချင်းဘဏ်လို့ ခေါ်တယ်။ (စတမ်ဆဲလ်) ဆိုတာ အချင်းမှာသာရှိတယ်။ ချက်ကြိုးသွေးကနေ ထုတ်ယူရတယ်။ Non-embryonic stem cells သန္ဓေသားဆဲလ်နဲ့မဆိုင်ဘူး။ အချင်းမှာရော ချက်ကြိုးမှာပါ (စတမ်ဆဲလ်) တွေများတယ်။ သွေးရော ချက်ကြိုးရောပါ သိမ်းထားရတယ်။ အချင်းထဲမှာ CD34+ stem cells တွေပါတယ်။

ချက်ကြိုးကသွေးကိုထုတ်ယူပြီး ဓါတ်ခွဲခန်းပို့ရတယ်။ (စတမ်ဆဲလ်) တွေထုတ်ယူနိုင်ဘို့ပြင်ဆင်ရတယ်။ အချင်းကနေလုပ်ယူရတာက ပိုရှုတ်ထွေးတယ်။ သွေးနီဥမပါတော့တာကို ခရိုင်ယိုနည်းနဲ့ (-196 degrees Celsius) ရှိတဲ့ နိုက်ထရိုဂျင်အရည်ထဲမှာ သီးခြားစီခွဲပြီး သိမ်းထားရတယ်။ Cryopreserving ခေါ်တယ်။ အချင်းတခုလုံးနဲ့ သွေးကို သိမ်းထားနည်းက (စတမ်ဆဲလ်) တွေ အများဆုံးရနိုင်လို့ အကောင်းဆုံးလို့သိလာရတယ်။

Cord blood stem cells ချက်ကြိုးကရတဲ့ (စတမ်ဆဲလ်) တွေကို ရောဂါပေါင်း (၈ဝ) ကျော်ကို ကုသရာမှာ သုံးနိုင်တယ်။ လူကီးမီးယားသွေးကင်ဆာ၊ Hodgkin's lymphoma တက်စေ့ကင်ဆာ၊ sickle cell anemia သွေးအားနည်းရောဂါတွေ ပါတယ်။ အရိုးနုပြုပြင်ခြင်း၊ ဆီးချို၊ နှလုံးရောဂါ၊ HIV ပိုးဝင်ခြင်း၊ အသည်းရောဂါ၊ ဦးနှောက်သွေးကြောရောဂါ ကနေ လေဖြတ်ခြင်း၊ ပြင်းထန်သောဒဏ်ရာများရခြင်း၊ ခါးရိုးထဲကအာရုံကြောထိခိုက်မိခြင်းတို့အတွက် သုတေသနတွေ လုပ်နေဆဲဖြစ်တယ်။

Placental blood အချင်းသွေးဆိုတာ ချက်ကြိုးထဲရှိတဲ့ သွေးကြောထဲကသွေးဖြစ်တယ်။ အဲတာကိုထုတ်ယူပြီး သိမ်းထားတယ်။ အဲဒီသွေးထဲမှာ hematopoietic stem cells စတမ်ဆဲလ်တွေပါတယ်။ အဲတာက သွေးဆဲလ်တွေကို ဖြစ်စေနိုင်တယ်။ စတမ်ဆဲလ်တွေက သက်တမ်းနုသေးတာတွေဖြစ်တယ်။ လိုအပ်လို့ အစားထိုးနည်းလုပ်ရရင် လက်ခံသူကိုယ်ကနေ တွန်းလှန်မှု မဖြစ်စေပါ။ mesenchymal stem cells (MSCs) ဆဲလ်တွေလည်းပါသေးတယ်။ ကိုယ်အင်္ဂါအစိတ်အပိုင်းတွေ အသစ်ဖြစ်လာနိုင်မလား စမ်းသပ်နေဆဲဖြစ်တယ်။ Placental tissue banking အချင်းတစ်ရှူးဘဏ်ဆိုတာလည်းရှိတယ်။ MSC နဲ့ MSC-like cells ဆဲလ်တွေပါတယ်။ အဲတာလည်း ကိုယ်အင်္ဂါအစိတ်အပိုင်းတွေ အသစ်ဖြစ်လာနိုင်မလား စမ်းသပ်နေဆဲဖြစ်တယ်။ Crohn's disease ခရုန်းရောဂါ၊ diabetes ဆီးချိုရောဂါ၊ heart failure နှလုံးရောဂါ၊ diabetic foot ulcer ဆီးချိုခြေထောက်အနာ၊ amyotrophic lateral sclerosis (ALS) ရောဂါ နဲ့ rheumatoid arthritis ရူမက်တစ်အဆစ်နာရောဂါတွေအတွက် ရည်ရွယ်တယ်။

တချို့ရှားတဲ့ရောဂါတွေကို ကိုယ့်ကိုယ်ပိုင် (စတမ်ဆဲလ်) နဲ့ကုသမှသာရတယ်။ ဒီနည်းပညာကိုသုံးနိုင်တာ အမေရိကမှာ ခုထိ ၂၈ ပြည်နယ်မှာသာရှိသေးတယ်။ မြန်မာပြည်မှာ ဘယ်အထိခရီးရောက်နေပြီလည်း မသိပါ။ ဆောရီး။

ရေးထားပြီးစာများ
- Stem cell therapy (စတမ်ဆဲလ်) နဲ့ကုသခြင်း http://doctortintswe.blogspot.com/2014/12/stem-cell-therapy.html
- Stem cells can be safely infused in brain to promote stroke recovery http://doctortintswe.blogspot.com/2015/05/stem-cells-can-be-safely-infused-in.html
- Placenta Laennec အချင်းကထုတ်တဲ့ဆေး http://doctortintswe.blogspot.com/2015/07/placenta-laennec.html
- Placenta banking အချင်းဘဏ် http://doctortintswe.blogspot.com/2015/05/placenta-banking.html
Stem cell therapy (စတမ်ဆဲလ်) နဲ့ကုသခြင်း http://doctortintswe.blogspot.com/2014/12/stem-cell-therapy.html

ဒေါက်တာတင့်ဆွေ
၂ဝ-၅-၂ဝ၁၅
၎-၃-၂ဝ၁၆
၁၄-၆-၂ဝ၁၇