Chronic Granulomatous Disease နာတာရှည် အသားနုတက်ရောဂါ

ဆရာရှင့် ကျွန်မက အသက် (၃ဝ) ပါ။ အိမ်ထောင်ရှိပါတယ်။ အခုလက်ရှိ့့ မှာ နေထိုင်ပါတယ်။ May လ ကစပြီး ဘယ်ဘက်ရင်ဘတ်မှာ အကျိတ်စဖြစ်ပါတယ်။ ၁ဝ ရက်လောက်နေတော့ ခြေတောက်၂ ဖက်လုံး အရမ်းရောင်လာပြီး ဒီမှာပဲ ဆရာဝန်ပြပြီး ဆေးရုံ ၁ဝ ရက်တက်ခဲ့ပါတယ်။ ရင်ဘက်အကျိတ်ကို biopsy လုပ်ပါတယ်။ အပ်ထည့်ပြီး တစ်ရူးစ ယူတာပါ။ ဆေးရုံဆင်းပြီး ၁၀ရက်လောက်နေတော့ biopsy နေရာက သွေးထွက်ပြီး ပြည်တည်လာလို့ ဆေးရုံ ထပ်တက်ရပါတယ်။ သွေး၊ Untlrasound, MRI, Xray ပေါင်းများစွာ စစ်ပြီး ခုနောက်ဆုံး ပြောတာက Chronic Granulomatous Disease (CGD) ရောဂါဖြစ်နေတာပါတဲ့။ သောက်ရမယ့်ဆေးက prednisolone (steroid) ပါတဲ့။ ကျွန်မတို့ ကြားဖူးတာ အဲဒီဆေးက side effect အရမ်းများတယ်လို့ ကြားဖူးလို့ပါ။ ကျွန်မသိချင်တာက အဲဒီ့ရောဂါ Chronic Granulomatous Disease (CGD) အကြောင်းပါဆရာ, ရောဂါကိုတခါမှ မကြားဖူးလို့ပါ။ ဘာကြောင့်များ ဒီရောဂါ ဖြစ်ရတာပါလဲ။ prednisolone အပြင် တခြားဆေးများ သောက်ရတာ ရှိပါသေးလားဆရာ။ တခေါက် ဖြစ်ပြီးရင်ကော ထပ်ဖြစ်တတ်ပါသလားဆရာ။ မဖြစ်ခင် ကြိုတင်ကာကွယ် စစ်ဆေးနိုင်မယ့် နည်းလမ်းကော ရှိလားသိချင်ပါတယ်ဆရာ။ ကျေးဇူးအထူးတင်ရှိပါတယ် ဆရာရှင့်။

CGD ရောဂါဆိုတာ မျိုးဗီဇအရဖြစ်တယ်။ ပိုး (ဗက်တီးရီးယား + ဖန်းဂတ်စ်) ဝင်တိုင်း ခုခံအားနည်းနေလို့ နာတာရှည်အနာ ဖြစ်ရတယ်။ အသားနုဖြစ်စဉ်အကြာကြီးဖြစ်နေတယ်။ ရောဂါမပျောက်နိုင်ဖြစ်နေတယ်။ ဆောရီး။ သူ့မှာ သွေးဖြူဥတမျိုး နူထရိုဖီးလ်ကနေ ဟိုက်ဒရိုဂျင်ပါအောက်ဆိုဒ် မထုတ်နိုင်ဖြစ်နေတယ်။ အဲတာရှိမှ ပိုးတွေကိုခံတိုက်နိုင်တယ်။ ဒီတခုက လွဲရင်တော့ ကျန်တဲ့ခုခံအားစနစ်က ကောင်းပါတယ်။

Bridges–Good syndrome, Chronic granulomatous disorder, Quie syndrome နာမည်တွေနဲ့ခေါ်တယ်။ လူ ၂ သိန်းမှာ ၁ ယောက်တွေ့တယ်။ အရေပြား၊ အရိုး၊ အဆုပ်၊ အသည်းနဲ့ ဦးနှောက်မှာ အတာ-ပြည်တည်နာ ဖြစ်လာတတ်တယ်။

Pneumonia နူမိုးနီးယား၊
abscesses of the skin, tissues, and organs အနာအမျိုးမျိုး၊
suppurative arthritis အဆစ်ပြည်နည်နာ၊
osteomyelitis အရိုးရောင်၊
bacteremia/fungemia သွေးထဲပိုးဝင်ခြင်း၊
superficial skin infections such as cellulitis or impetigo အရေပြားနာအမျိုးမျိုး ဖြစ်စေနိုင်တယ်။

ကုသတာမှာ
ပိုးသေဆေးတွေပေးတယ်။ trimethoprim-sulfamethoxazole ကို ဗက်တီးရီးယားကနေ ကာကွယ်ဘို့ ပေးထားရတယ်။ ဖန်းဂတ်စ်ကို ကာကွယ်ဘို့ itraconazole ဆေးပေးတယ်။ Immunomodulation ခုခံအားစနစ်ကိုနှိမ်ဆေးလည်းပေးတယ်။ Interferon ဆေးပေးလေ့ရှိတယ်။ Hematopoietic stem cell transplantation (HSCT) နည်းလည်းလုပ်တယ်။ bone marrow or stem cell transplant ရိုးတွင်းခြင်ဆီ (သို့) စတမ်ဆဲလ်အစားထိုးကုသနိုင်ရင် ပျောက်မယ်။

မေးခွန်းပါဆေးကိုလည်း ခုခံအားအတွက်ပေးတာဖြစ်တယ်။ ဆေးတိုင်းမှာ ဘေးထွက်ဆိုးကျိုးရှိတယ်။ အကျိုးနဲ့ အပြစ် ချင့်ချိန်ပြီး ဆရာဝန်တွေက ညွှန်ပါတယ်။

ဒေါက်တာတင့်ဆွေ
၃ဝ-၆-၂ဝ၁၆
၃ဝ-၆-၂ဝ၁၇

Comments

Popular posts from this blog

ကျန်းမာခြင်းသည် လာဘ်တပါး

Furamin BC သံဓါတ်အားဆေး