Fake Letter အတုလုပ်သူ မြတ်၏
ကျွန်တော် အိန္ဒိယနိုင်ငံမှာ အဝေးရောက် ဒါမှမဟုတ် စင်ပြိုင်အစိုးရတာဝန်ယူခဲ့ရပါတယ်။ အဲဒီအချိန်က ဒေလီမြို့မှာ ရောက်နေသူတိုင်းက နိုင်ငံရေးသမားချည်းပဲ။ တိုင်းရင်းသားတွေလည်း ရှိတယ်။
ကျွန်တော်ကနေ အမျိုးသားညွန့်ပေါင်းအစိုးရ ဝန်ကြီးချုပ်ဆီကို ချင်းလူမျိုးတွေက ဘာဖြစ်တယ်၊ ညာဖြစ်တယ်လို့ စာရေးတယ်ဆိုတဲ့သတင်း တမဟုတ်ချင်းပြန့်လာတယ်။ လက်မှတ်က ကျွန်တော့်လက်မှတ်။ မကြာခင်မှာ လူထုအစည်းကြီးခေါ်ပြီး တရားခံစစ်စစ်ခံရတယ်။
အတော်တော့ကြာပြီ။ အီးမေးလ် မပေါ်သေး။ ဖိုတိုကော်ပီစက်သာ အားကိုရတဲ့ခေတ်။ ဖိုတိုရှော့မရှိသေး။ ကျွန်တော့်လက်မှတ်ကို ဖိုတိုကော်ပီပညာနဲ့လုပ်ထားတာ။ ဝန်ကြီးချုပ်က စာမရကြောင်းပြောတယ်။
အဲဒီ တရားစီရင်ပွဲကြီးမှာ တချို့လည်း ကျွန်တော်ရေးတာ ဟုတ်လေမလား။ စီရင်ချက်တော့မရှိ။ သံသယအကျိုးခံစားရတယ်။
သံသယအကျိုးဆိုတာ အမှားနဲ့တရားစွဲသူရော၊ စွပ်စွဲခံရတဲ့ ကံဆိုးသူပါ၊ ဆတူခံစားရတယ်။ အတုလုပ်သူ မြတ်တယ်။ မှန်ပေမယ့် ကျွန်တော့်သိက္ခာ ငါးဆယ်သား လူခိုးခံလိုက်ရတယ်။ အနှစ် ၂ဝ ကျော်တာတောင် ငါးကျပ်သားလောက်က ပြန်မရသေးဘူး။
ကွန်မင့်မှာ မရှင်းလို့မေးကြသူတွေအတွက် - အဖြစ်အပျက်က အိန္ဒိယနိုင်ငံ၊ နယူးဒေလီမှာဖြစ်ခဲ့တာပါ။ ယူအက်စ်အေမှာ မဟုတ်ပါ။ ဒေလီမှာ ချင်းကွန်မြူနတီကများလို့ ကျွန်တော် ဗမာ၊ အင်နယ်လ်ဒီကို ချင်းကွန်မြူနတီကလက်မခံအောင် ချောက်တွန်းတာ ဖြစ်ပါတယ်။
၂၄-၆-၂ဝ၁၇
Comments
Post a Comment