မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Friday, November 25, 2016

Our Union သွေးစစ်သားစစ် ချစ်ချစ်ခင်ခင်

လွန်ခဲ့တဲ့ ၃ နှစ်ကတင်တာလို့ ဖေ့စ်ဘွတ်ကအသိပေးတဲ့စာ။

အမျိုး-ဘာသာ-သာသနာဆိုတဲ့ဆောင်ပုဒ်က ဗြိတိသျှကိုလိုနီဆန့်ကျင်ရေးမှာ အတော်ထိရောက်ခဲ့ပါတယ်။ သခင်မျိုးဟေ့ ဒို့ဗမာလည်း အတူတူပဲ။ ခေတ်မတူရင် နိုင်ငံရေးဆောင်ပုဒ်လည်း ပြောင်းတယ်။ ဒီအောင်မြင်မှုရစေခဲ့တဲ့ဆောင်ပုဒ်တွေကို ပြစ်ပယ်လိုက်ဘို့တော့ မဟုတ်ပါ။ တလွဲသုံးဘို့လည်း မဟုတ်ပါ။

ခေတ်တိုင်းမှာ သဘာဝအရတားမရတာတွေနဲ့ လူလုပ်တဲ့ပြောင်းလဲမှုတွေရောနေတယ်။ (ဂလိုဘယ်လိုက်ဇေးရှင်း) က တားဘို့ခက်လို့ ကြံ့ကြံ့ခံဘို့သာလုပ်နိုင်တယ်။ အာဏာရှင်စနစ်နဲ့ စစ်အုပ်ချုပ်ရေးကတော့ လူလုပ်ထားတာ ဖြစ်တယ်။

ကနေ့တကယ့်အဖြစ်ကတော့ စစ်အာဏာရှင်ကလဲ အကုန်မဆုတ်ခွါသေး၊ စိတ်မချရသေး၊ မယုံရသေး၊ စီးပွါးရေးကလည်း အထာမကျသေးပါ။ ကိုလိုနီခေတ်နောက် နှစ် ၆ဝ ကျော်လာတော့ ပြောင်းလဲလာတာတွေကိုပါ ထည့်စဉ်းစားကြရအုံးမယ်။ နိုင်ငံတကာဆက်ဆံရေးမှာ ထူးခြားလာတာတွေကရှိနေတယ်။ ဒီအချက်အလက်တွေပေါင်းစုပြီး အကောင်းဆုံး တည်ဆောက်ကြရမှာပါ။ အတွင်းပဋိပက္ခတွေရော အပြင်ပယောဂကိုပါ ကြည့်ကြရမယ်။

အပြင်ကနေဝင်လာတာတွေထဲမှာ အချုပ်အခြာထိပါးမဲ့အန္တရာယ်၊ အမျိုးဘာသာစော်ကားမဲ့ရန်စွယ်၊ အမျိုးသားစီးပွါး ဗိုက်ဖေါက်စားမဲ့ အစွယ်ငေါငေါတွေက ပေါလှတယ်။ အတွင်းမှာ အကာကွယ်ပေးချင်သလိုလိုနဲ့ မဲရချင်လို့သာ လုပ်ခဲ့သူတွေကို မျက်ဝါးထင်ထင် မြင်ကြပါရဲ့လား။ သမိုင်းကြောင်းမှန်လည်းသိ၊ ရေရှည်ကိုကြည့်၊ ဥာဏ်အမြော်မြင်လည်း ရှိကြပါမှ တော်ကာကြမယ်။ ပေါ်ပင်လောက်နဲ့တော့ ငါးပါးမှောက်ကုန်ကြမယ်။

ပြည်ထောင်စုမြန်မာနိုင်ငံသည် သွေးစစ်သားစစ်၊ မိစစ်ဖစစ် ချစ်ချစ်ခင်ခင်နေထိုင်သူများတိုင်းပြည် ဖြစ်နေရမည်။

ဒေါက်တာတင့်ဆွေ
၂၅-၁၁-၂ဝ၁၃

No comments:

Post a Comment

Note: Only a member of this blog may post a comment.