Formalin ဖေါ်မလင်

မင်္ဂလာပါဆရာ၊ ကျနော်က ရန်ကုန်၊ ကြည့်မြင်တိုင်မြို့နယ်က့့ ပါ၊ ခုတလော နာမည်ကြီးနေသည့် မုန့်ဟင်းခါး၊ ပဲပြားတို့တွင် Formarlin ဆိုသော ဓာတုများအသုံးပြုကြသည်ဟုဆိုကြပါသည်။ ထို ဓာတုက လူသေကို ကြာရှည် မပုပ်အောင်လည်း အသုံးပြုကြသည်ဟု ကြားဖူးပါသည်။ ထို့ကြောင့် ဆရာ့အနေဖြင့် ထို formarlin ဆိုသည့် ဓာတုဗေဒ နှင့်ပတ်သက်၍ မည်သို့သော ဆိုးကျိုးများဖြစ်နိုင်သည်ကို ဗဟုသုတရစေရန်အလို့ငှါ မျဝေပေးစေလိုပါသည်။ ကျေးဇူးတင်လျက်။

ဖေါ်မလင်ဆိုတာ Formaldehyde (CH2O) ဖေါ်မယ်လ်ဒီဟိုဒ်ကိုရောထားတဲ့ ဆေးရည်ဖြစ်တယ်။ လူသေအလောင်းတွေ။ အင်္ဂါအစိတ်အပိုင်းနမူနာတွေကို မပုပ်အောင် ဆေးစိမ်တာမှာ သုံးတယ်။ ပိုးသေဆေးအနေနဲ့လဲ အပျော့စားကိုသုံးနိုင်တယ်။ ပဲပြား၊ နွားနို့နဲ့ ချက်နို့ဆီတွေမှာ ဖော်မလင် ထည့်ကြတယ်။

အရောင်၊ အနံ့၊ အရသာ ပိုကောင်းအောင်၊ ဓာတုပစ္စည်းတွေကို ထည့်သုံးလာကြတယ်။ ဝက်အူချောင်း၊ ကြက်အူချောင်းတို့ကို ယမ်းစိမ်းနဲ့ နီအောင်လုပ်တယ်။ လက်ဖက်ကို ချည်ထည်ဆိုးဆေး အိုရာမင်အိုနဲ့ စိမ်းဝါဝါအရောင် ဖြစ်စေတယ်။ ပုစွန်ကို ဆပ်ပြာရည်ဖျော်ပြီး စိမ်တယ်။ မဲနယ်ဆိုးတယ်။ လိမ္မော်သီးအခွံပေါ်မှာ အညိုကွက်ဖြစ်နေရင် Citrus Red No.2 ကိုဖျန်းပေးပြီးရောင်းတယ်။ ငှက်ပျောသီး၊ သရက်သီး၊ ထောပတ်သီးစတဲ့ သစ်သီးတွေကို မှည့်နေသလို ဖြစ်အောင် အက်သလင်းဓာတ်ငွေ့ဖျန်းတယ်။ မျှစ်၊ နနွင်းမှုန့်၊ အရောင်တင်မှုန့်နဲ့ ငရုတ်သီးမှုန့်တွေနဲ့ အထားခံသစ်သီးတွေ၊ ငါးနဲ့ ပုစွန်အသားပြားလွှာတွေမှာ Rhodamine B ခေါ် ချည်ထည်ဆိုးဆေး၊ လက်ဖက်ခြောက်၊ ခရမ်းချဉ်သီးဆော့စ်မှာ Orange II ထည့်တယ်။ ကင်ဆာဖြစ်တဲ့အထိ အန္တရာယ်ပေးနိုင်တယ်။

အရက်ချက်တဲ့အခါ ဖားပြုတ်၊ ဖိနပ်တာယာထည့်တယ်။ အချဉ်ဖောက်မြန်စေရန်ဘို့ ပိုးမွှားတွေကနေ စိုင်းယနိုက်အဖြစ် ပြောင်းပေးနိုင်တဲ့ ဓာတ်မြေသြဇာ၊ သေစေနိုင်တဲ့ အင်ဒရင်းပိုးသတ်ဆေး၊ ဆေးရွက်ကြီးထည့်ချက်ကြတယ်။ ငါးပိလုပ်ရာမှာ ငါးအရိုးဆွေးမြန်စေဘို့ ဓာတ်မြေသြဇာထည့်တယ်။

ဖေါ်မယ်လ်ဒီဟိုဒ်ကသက်ရှိတိုင်းအတွက် အဆိပ်ဖြစ်ပါတယ်။ ဖေါ်မယ်လ်ဒီဟိုဒ် 37% ကို 30 mL တအောင်စ မျိုချမိရင် သေစေနိုင်တယ်။ အစာလမ်းကိုလောင်စေနိုင်တယ်။ အလာဂျီရနိုင်တယ်။ ကင်ဆာဖြစ်စေနိုင်တဲ့သီအိုရီက ၁၉၇၈ ကတည်းကရှိခဲ့တာပါ။ အသက်ရှူလမ်းအပေါ်ပိုင်းကင်ဆာဖြစ်စေနိုင်တယ်။ လုပ်ငန်းခွင်တွေမှာသုံးလို့ လေထု အဆိပ်သင့်တယ်။ 0.1 ppm ထက်များရင် မျက်စိနဲ့ အရေပြားအပါးစားတွေကို နေမထိဖြစ်စေတယ်၊ ခေါင်းကိုက်မယ်။ လည်ချောင်းနာမယ်။ အသက်ရှူခက်မယ်။ အနံ့ကနေ ကလေးတွေမှာ ပန်းနာဖြစ်စေတယ်။

၁၅-၆-၂ဝ၁၃ နေ့က ဘင်္ဂလားဒက်ရ်ှသတင်းစာတစောင်မှာ သစ်သီးထဲပါ ဖေါ်မလင်က လူတွေကိုသေစေနိုင်တယ်လို့ သတင်းဆောင်းပါးတပုဒ်ပါတယ်။ အသက်ရှူလမ်း၊ အစာလမ်း၊ နှလုံးနဲ့ အာရုံကြောတွေကို ထိခိုက်စေတယ်။ ကင်ဆာအထိ ဖြစ်နိုင်တယ်လို့ရေးထားတယ်။ ဖေါ်မလင် က 0.05 ppm ရှိတာနဲ့ အနံ့ရတယ်။ 0.3 ppm ထက် ကျော်ရင် မျက်စိ၊ နှာခေါင်းနဲ့ လည်ချောင်းကို သက်ရောက်တယ်။ ခဏခဏတွေ့ပြီး 5-30 ppm ကျော်ရင် ပန်းနာဖြစ်နိုင်တယ်။ အရေပြား အလာဂျီဖြစ်မယ်။ သွေးအားနည်းတာဖြစ်နိုင်တယ်။ ကိုယ်ဝန်ပျက်တာလည်း ဖြစ်နိုင်တယ်။ (ဖေါ်မလင်) ပါနေတဲ့ အသီးတွေက သဘာဝအတိုင်းမှည့်လာသလိုထင်ရတယ်။ အသီးကလည်း မာတင်းတင်းရှိတယ်။ အရောင်တော့ နည်းနည်းမွဲတယ်။ အင်းဆက်ကောင်တွေ အနားမကပ်ချင်ဘူး။ အသီးတွေ၊ နွားနို့နဲ့ တချို့အစားအသောက်တွေ အထားခံအောင်သုံးတယ်။ ၉-၆-၂ဝ၁၄ နေ့သတင်းအရ အသီး (၈၂) မျိုးထဲမှာ ၄ဝ% မှာ ပိုးသတ်ဆေးတွေ့ရှိခဲ့တယ်လို့ ဆိုပါတယ်။ အသီး + နွားနို့နဲ့ ငါးတွေမှာတွေ့တာပါ။ ရှိသင့်တာထက် အဆ ၂ဝ ပိုနေတယ်။ ၁၄-၈-၂ဝ၁၄ နေ့ကလည်း ဒက်ကာ ထရီဗျူးသတင်းစာမှာ ဈေးချိုတဲ့ ဖေါ်မလင်စမ်းနည်းလို့ပါတယ်။ ဆေးရည် (၂) မျိုးသုံးရတယ်။ ဒါပေမယ့် တချို့ပညာရှင်တွေက တိကျမှုအတွက်သံသယရှိတယ်။

ဖေါ်မယ်လ်ဒီဟိုဒ်ကို သစ်သား၊ စက္ကူ၊ အထည်အလိပ်စက်ရုံတွေမှာသုံးတယ်။ စက်တွေကထွက်တဲ့ အိတ်ဇော ငွေ့ထဲမှာလည်းပါနေတယ်။ နည်းနည်းလေးသာဝင်ယုံနဲ့တော့ ဒုက္ခမပေးပါ။ ဖေါ်မယ်လ်ဒီဟိုဒ်ကို အစားအသောက် လုပ်ငန်းတွေမှာ သုံးလာကြတယ်။ ဟင်းသီးဟင်းရွက်၊ အသားငါး၊ ပင်လယ်စာ၊ မှိုခြောက်။ အဲတာကိုသုံးထားတဲ့ အစားအစာထဲမှာတွေ့တာကို TMAO ဓါတ်လို့ခေါ်တယ်။ သူ့အလိုလိုလည်းရှိနေတယ်။

ပန်းသီး = 6.3-22.3
ငှက်ပျောသီး = 16.3
ဂေါ်ဖီထုပ် = 26.9
သစ်တော်သီး = 38.7-60
မှိုခြောက် = 100-406 / 6-54.4
အမဲသား၊ ဝက်သား၊ ဆိတ်သား = 2.5-20
ပင်လယ်စာ = 4.6-34, 6.8, 1-98

အဲတာတွေကို ပုံမှန်သာစားလို့ရောဂါမရစေပါ။ ဒီဓါတ်ကရေမှာပျော်ဝင်လို့ မစားခင် ပိုက်ကနေကျနေတဲ့ရေနဲ့ ကောင်းကောင်းဆေးသင့်တယ်။ ချက်ပြုတ်ရာမှာ အပူချိန် 75°C ထက်ကျော်သင့်တယ်။

ကျွန်တော်ရေးတာတွေက မီဒီယာကြိုက်မယ့်၊ လူတွေစိတ်ဝင်စားတဲ့ တစ္ဆေဇာတ်လမ်းမပါ။ အစစ်တွေချည်းသာ။ ဖြဲမခြောက်ပါ။ လျှော့မရေးပါ။

Formalin ဖေါ်မလင် http://doctortintswe.blogspot.com/2016/07/formalin.html
Formaldehyde ဖေါ်မယ်လ်ဒီဟိုက် http://doctortintswe.blogspot.com/2014/12/formaldehyde.html

ဒေါက်တာတင့်ဆွေ