Bindi ဘင်ဒီ
အဲတာကို Bindi ဘင်ဒီလို့ခေါ်တယ်။ Bindi ဘင်ဒီဆိုတာ Bindu ဆိုတဲ့ သက္ကတ (ဆန်းစ်ကရစ်) ဘာသာစကားကနေ လာတယ်။ အိန္ဒိယတောင်ပိုင်းဒေသတွေမှာ Pottu ပေါ့တူးလို့ခေါ်တယ်။ ဟင်ဒီစကားနဲ့ Tilak တိလက်လို့ခေါ်တယ်။
အိန္ဒိယသာမက သူ့အနီးအနားက တိုင်းပြည်တွေမှာလည်းရှိတယ်။ အိန္ဒိယတိုက်ငယ် ယဉ်ကျေးမှုဖြစ်တယ်။ ရိုးရာဓလေ့တခုဖြစ်ပါတယ်။ အမျိုးသမီးတွေ နဖူးမှာ အနီရောင်အဝိုင်းလေးလုပ်ထားတာ၊ လုပ်ပေးတာကိုခေါ်တယ်။ အဲလိုမဟုတ်ပဲ နဖူးအထက်ဆံစ (ဆံပင်ခွဲကြောင်း) အထိ ရှည်မယ်ဆိုရင် အဲဒီအမျိုးသမီးဟာ ဟင်ဒူဘာသာကိုးကွယ်တဲ့ အိမ်ထောင်ပြုထားသူဖြစ်တယ်။ အဲတာကိုတော့ Vermillion mark လို့ခေါ်တယ်။
ဟင်ဒူဘာသာရေးအခမ်းးအနားမှာလည်း လုပ်တယ်။ Brahmin ဗြဟ္မဏဇာတ်အတန်းအစားတွေက နဖူးမှာ သုံးတန်း တန်းထားတယ်။ အလှအပသဘောလည်း လုပ်ကြပါတယ်။ ဟော်တယ်ကိုလာပြီးတည်းခိုသူကိုလည်း အဲလိုလုပ်ပေးပြီး ကြိုဆိုတယ်။ အခမ်းအနားတွေမှာ လေးစားတဲ့ဧည့်သည်တော်ကိုလဲ လုပ်ပေးတယ်။
အဲဒီမှာနေခဲ့စဉ်က ကျွန်တော့်နဖူးမှာလည်း အခါခါ။ Smile!
ဒေါက်တာတင့်ဆွေ
၁၇-၁ဝ-၂ဝ၁၆
Comments
Post a Comment