Sunday, October 23, 2016

Halloween ဟယ်လိုဝင်း

အောက်တိုဘာ (၃၁) ရက်နေ့မှာကျတဲ့ Halloween (Hallowe'en) ဟယ်လိုးဝင်းဆိုတာ အနောက်နိုင်ငံတွေမှာကျင်းပတဲ့ နှစ်စဉ်ပွဲတခုဖြစ်တယ်။ All Hallows' Eve ခရစ်ယန်အယူအဆ အဖိတ်နေ့ဖြစ်တယ်။ လွယ်လွယ်ပြောရရင် သရဲပွဲ။ ပျော်စရာလုပ်ကြတဲ့ပွဲဖြစ်တယ်။ ကြောက်စရာကောင်းတဲ့ အဝတ်အစား အသုံးအဆောင်တွေဝတ်ပြီး ခြောက်လှန့်ကြတာ၊ တချို့မှာ ၃ ရက်ကြာတယ်။

မြန်မာပြည်မှာတော့ အောက်တိုဘာကုန်လို့ နိုဝင်္ဘာလထဲဝင်တာနဲ့ ရာသီဥတုနဲ့ ခြေခင်းလက်ခင်းက သာလှတယ်။ ကျွန်တော်ဆေးကျောင်းစတက်ရတာ၊ ၁၉၆၅ နိုဝင်္ဘာလဆန်း (၁) ရက်နေ့ဆိုတာ မမေ့ပါ။ ၇ နှစ်ကြာ စာသင်အပြီးမှာ အလုပ်သင်ဆရာဝန်စလုပ်ရတာလည်း ၁၉၇၂ နိုဝင်္ဘာလထဲမှာပဲ။ ဆေးမန်းက သူငယ်ချင်းတမြုံ မေမြို့စစ်ဆးရုံမှာ တာဝန်ပေးခံကြရတယ်။ မေမြို့ဆိုတာက နွေမှာတောင်အေးလို့ နိုဝင်္ဘာဘာလဆိုတော့ မန္တလေးသားများ ချမ်းသလား မမေးနဲ့။ ကျွန်တော်တို့အကုန် စစ်ဆေးရုံထဲက အိုဟောင်းနေတဲ့တိုက်တလုံးမှာ စုပြုံနေကြရတယ်။ ရေချိုးခန်းမှာ အပူပေးစရာကပျက်နေတော့ ရေချိုးဘို့ဆိုတာ စစ်ဆေးရုံက အရပ်သားဆရာဝန်တွေကြားမှာ တပင်ရွှေထီး စစ်သားစုဆောင်းရေးလုပ်တဲ့အထဲ ပါခဲလှတယ်။

စစ်ဆေးရုံမှာ အရပ်သားတွေခင်မြာ စစ်ဗိုလ်စစ်သားတွေကြားမှာ အထာမကျကြပါ။ အဲလိုပဲ အရပ်သားတွေကြားမှာလဲ စစ်ဗိုလ်စစ်သားတွေ အထာကျမှာမဟုတ်ပါ။ ကိုယ်ချင်းစာကြည့်ပါတယ်။ ကျွန်တော်တို့ အထာမကျတာက ဟောက်ဆာဂျင် လုပ်ရတာ တနှစ်တိတိသာကြာလို့ ကံကောင်းတယ်။ စစ်ဗိုလ်တွေအုပ်ချုပ်နေတာ နှစ်လေးငါးဆယ်ကြာ အထာကမကျတော့ အရပ်သူအရပ်သားတွေမှာ ကံဇာတာကို တနှစ်တခါ ရေနံချေးသာသုတ်နေကြရတယ်။

မနှစ်က နိုဝင်္ဘာမှာတော့ ဖြဲခြောက်နေတဲ့သရဲကို မကြောက်ကြတော့ဘဲ မဲပေးခဲ့ကြတယ်။

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.

Celebrity in Green ဆယ်လီ သို့မဟုတ် လီဆယ်

လူမှုရေးစည်းကမ်းအရ လူတဦး ကွယ်လွန်သွားရင် မကောင်းတာ ထုတ်မပြောအပ်ပါ။ နိုင်ငံရေးစည်းကမ်းအရတော့ ပြောချင်တယ်။ ပို့စ်တခု တွေ့တယ်။ ၈၈ ပြီးတော့ ...