Xenical ဇန်နီကယ်

၁။ ဆရာ ဒီဆေးနဲ့ပက်သက်ပြီး ကောင်းကျိုးဆိုးကျိုးလေး သိချင်ပါတယ်ဆရာ။ သမီးအဲဆေးကို သောက်နေတာပါ။ သူငယ်ချင်းတယောက်နဲ့စကားစပ်မိပြီး အဆီကျချင်တယ်ပြောတော့ ဒီဆေးကို လမ်းညွှန်တာနဲ့ သောက်ဖြစ်တာပါဆရာ။ ဆိုးကျိုးဆိုတာကိုမေ့ထားပြီး သောက်မိနေတာပါ။ အခုအသေအချာလေး သတိထားကြည့်လိုက်တော့ ဆရာဝန်က သေချာ လမ်းညွှန်ထားတာမဟုတ်တော့ စိုးရိမ်စိတ်လဲဖြစ်လာမိပါတယ်ဆရာ။
၂။ Xenical ဆိုတာဘယ်လိုဆေးမျိုးပါလဲဆရာ။ အဆီကျတယ်ဆိုလို့ ဆရာဝန်ညွှန်ကြားမှုမရှိပဲ တနေ့တလုံးသောက်ရင် ဘာဖြစ်နိုင်လဲဆရာ။

• Xenical ဇန်နီကယ်ဆိုတာ Orlistat ဆေးဖြစ်တယ်။ Alli နာမည်တွေနဲ့လည်း ရောင်းတယ်။ Tetrahydrolipstatin ဆေးဖြစ်တယ်။ ကိုယ်အလေးချိန်ကျစေဘို့ပေးပါတယ်။ စားလိုက်တဲ့အဆီကို ကိုယ်ကနေ စုပ်ယူတာကို ပိတ်ပင်ပေးမယ်။ ကိုယ်အလေးချိန်နည်းအောင် ကယ်လိုရီနည်းတဲ့ အစားအသောက် ရွေးတာနဲ့ တွဲဖက်ရမယ်။ ဆီးချို၊ သွေးတိုး၊ (ကိုလက်စထော) များသူတွေက အဲတာမျိုးလိုအပ်ကြတယ်။
• အွန်လိုင်းကနေ ဒီဆေးဝယ်တာစိတ်မချရပါ။ ဆေးထဲမှာ Sibutramine (Meridia) ဆိုတဲ့ ကိုယ်အလေးချိန် ကျဆေးပါတယ်။ စိတ်ချရမှုကို အာမခံချက်မရှိသေးဘူး။ ကိုယ်ဝန်ဆောင်နေသူတိုင်း မသောက်ရပါ။ သည်းခြေ မကောင်းသူ၊ နာတာရှည် အစာစုပ်မယူနိုင်သူတွေလဲ မသောက်သင့်ပါ။ လည်ပင်းကြီးဟော်မုန်းနည်းနေသူ၊ ဆီးချိုရှိနေသူ၊ သည်းခြေကျော်ရှိနေသူ၊ ကျောက်ကပ် မကောင်းသူ၊ အသဲမကောင်းသူတွေလဲ သတိကြီးကြီးနဲ့သာ သောက်ရမယ်။ အသက် ၁၈ နှစ်အောက်လဲ မသောက်သင့်ပါ။
• Xenical 120-mg capsule တနေ့ (၃) ကြိမ်။ အဆီပါအစားအစာစားပြီးနောက် (၁) နာရီအတွင်းသောက်ပါ။
• Vitamin ဗီတာမင်အားဆေးကို ဒီဆေးမသောက်ခင် ၂-၃ နာရီ ကြိုတင်-နောက်ကျ သောက်ပါ။
• Cyclosporine therapy ဆေးသောက်နေရသူဆိုရင် Xenical နောက် (၃) နာရီခြာသောက်ပါ။
• Levothyroxine therapy ဆေးသောက်နေရသူဆိုရင် Xenical နောက် (၄) နာရီခြာသောက်ပါ။
• စားလိုက်တဲ့ အစာထဲမှာ အဆီပါနေတာကို ကိုယ်ကနေ စုပ်ယူတာ မလုပ်အောင် တားပေးမယ်။ (ကယ်လိုရီ) မများစေဘူး။ ကိုယ်အလေးချိန်ချတာမှာ ဒီဆေးက ထိရောက်တယ်လို့ ဆိုပါတယ်။ ဒါပေမဲ့ အသင့်အတင့်သာ ရမယ်။
• ဆေးနဲ့အတူ အဆီလျှော့စားတာနဲ့ လေ့ကျင့်ခန်းလုပ်တာလဲ တွဲရမယ်။ ဆရာဝန်ကနေညွှန်သလို အစားအစာ စားနည်းနဲ့ပါတွဲမှ ထိရောက်တယ်။
• အဲလိုလုပ်နိုင်သူတွေ တနှစ်နေတဲ့အခါ ကိုယ်အလေးချိန် ၂-၃ ကေဂျီ လျှော့စေတယ်လို့ လေ့လာမှုတွေအရ သိရတယ်။ သွေးဖိအား (သွေးတိုး) ကိုလဲ အသင့်အတင့် ချပေးသေးတယ်။ ဆီးချိုဖြစ်လာမှာကိုလဲ တာဆီးတဲ့သဘော ရှိတယ်။
• လေ့လာမှုတခုအရ ဆေးသောက်သူထဲက ၃၅့၅-၅၄့၈% မှာ ကိုယ်ခန္ဓာထုထည် ၅% ကျတယ်။ ၁၆့၎-၂၄့၈% မှာ ကိုယ်ခန္ဓာထုထည် ၁ဝ% ကျတယ်။ ဆေးဖြတ်လိုက်ရင်တော့ ၃၅% မှာ ကိုယ်အလေးချိန်ပြန်တက်တယ်။
• Malabsorption အစာမချက်နိုင်တဲ့ရောဂါ၊ ဆေးမတည့်ခြင်း၊ သည်းခြေအိတ် အလုပ်နည်းနေသူ၊ ကိုယ်ဝန်ဆောင်နဲ့ ကလေးနို့တိုက်ချိန်တွေမှာ ဒီဆေးမပေးရပါ။
• သည်းခြေလမ်းပိတ်နေသူ၊ အသည်းမကောင်းသူနဲ့ သရက်ရွက်မကောင်းသူတွေကို သတိထားပေးရတယ်။
• ဆိုးကျိုးတွေက ဆေးသောက်စမှာ ပိုသိသာတယ်။ နောက်ဆိုရင် သက်သာလာနိုင်တယ်။ Steatorrhea ဝမ်းသွားတဲ့အထဲ အဆီတွေပါနေမယ်။ သက်သာအောင် အဆီပါတာ ရှောင်ရမယ်။ ကျောက်ကပ်ကို ထိခိုက်စေနိုင်သလား ဆန်းစစ်နေတယ်။ အတွင်းခံ အဝတ်အစားမှာ အဆီစက်ထင်နိုင်တယ်။ ဝမ်းသွားတဲ့အကြိမ် များနိုင်တယ်။ ပျို့-အန်တာ၊ ဗိုက်အောင့်တာ ဖြစ်နိုင်တယ်။ ဆီးအရောင်ရင့်နိုင်တယ်။ အစားပျက်နိုင်တယ်။
• ဆီးချိုဆေးတွေ၊ Cyclosporine (Gengraf, Neoral, Sandimmune) ဆေး၊ Digoxin (digitalis, Lanoxin, Lanoxicaps) ဆေး၊ Levothyroxine (Synthroid, Levoxyl, Levothroid) ဆေး၊ Warfarin (Coumadin) ဆေးတွေနဲ့ တွဲသောက်နေရရင် ဆရာဝန်ပြောပါ။
• ဗီတာမင်တွေထဲမှာ (အေ)၊ (ဒီ)၊ (အီး) နဲ့ (ကေ) တွေဟာ အဆီမှာ ပျော်ဝင်ကြတယ်။ ဒါကြောင့် Vitamin A, D, E, K နဲ့ beta-carotene ပါတဲ့အားဆေး တနေ့တလုံး ညစဉ်သောက်နေသင့်တယ်။

Dr. တင့်ဆွေ
၁၈-၄-၂ဝ၁၂
၂၈-၅-၂ဝ၁၄
၂၄-၆-၂ဝ၁၅