မြီးရှေ နဲ့ မြည်းရှည်
အရင်တခါလည်း ကွန်မင့်တွေလာတယ်။
မြီးရှည် ကျွန်မတို့ပြင်ဦးလွင်က ဒီလိုရေးပါတယ်။ မှန်ပါသလားဆရာ။
မြီးရှေ နဲ့ မြီးရှည် လျှာရှည်ရတော့မယ်။ သတ်ပုံစာအုပ်အဟောင်းမှာမပါ။ အသစ်မှာ မြီးရှေ။ Mi'xian rice noodles ခေါ် တရုပ်ဆန်ခေါက်ဆွဲတမျိုးတဲ့။ သူများဆီကနေရယူတာတွေမှာ အမှန်အမှားပြောရတာ ခက်တယ်။ မြည်းရှည်ရေးလို့ မှားတယ်ပြောဘို့ ခက်တယ်။ မြီစီယန်လို့ရေးလည်း မမှားလောက်။ အဲဒီ အရည်နဲ့တရုပ်ဆန်ခေါက်ဆွဲ (ပုံ ၁) က မြီးရှည်နဲ့ မတူပါ။
မြီး
ကျားမြီးဆွဲ
ဆင်မြီးဆွဲမြို့
မြီးစွပ်နွား
မြီးဆံ
မြီးညှပ်ကောင်
မြီးကောင်ပေါက်အရွယ်
မြီးညှောင့်ကောင်
မြီးရှေမုန့်
မြင်းမြီး
မြီးဆံဖါးဖါး
မြီးတုံး (မြီးဒုံး၊ မီးတုံး) စပါး
မြီးညောင်း (မြီးညှောင့်) ရိုး
သားမြီးယပ်
ကြောင်ကြီးရဲ့ မြီးတံတို
မြည်း
မြည်းတကောင်
ဟင်းကိုဆားမြည်းပါ
မြည်းကြည့်မှသိမယ်
ရှည်
ရှည်ကျူး
ရှည်ကြာ
ရှည်မျော
ရှည်လံ
ရှည်လျား
မြီးရှည်လုပ်နည်းတွေ အမျိုးမျိုးရေးကြတာ မတူကြပါ။ ဝီကီပီးဒီယာထဲမှာ တရုပ်စကားလုံး 米線 မီရှန့် ကနေလာတယ်လို့ ရေးထားတယ်။ အတိအကျ ဟုတ်မယ်မထင်။ ကျွန်တော့်လျှာကတော့ တရုပ်လည်း မဟုတ်၊ ရှမ်းလည်း မဟုတ်တဲ့ မန္တလေးမြီးရှည်နဲ့သာ နီးစပ်တယ်။
ဒေါက်တာတင့်ဆွေ
၁၆-၁-၂၀၁၉
Comments
Post a Comment