မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Monday, December 5, 2016

Neck Glands လည်ပင်း အကျိတ်

Q 1: ဆရာမင်္ဂလာပါ။ ကျမအသက် (၃၁) နှစ်ပါဆရာ။ အိမ်ထောင်ကျတာ တနှစ်ရှိပါပြီရှင့်။ သားသမီးမရှိသေးပါဘူးရှင့်။ ရာသီကတလတခါပုံမှန်လာပါတယ်ဆရာ။့့ ရက်နေ့က ဘယ်ဘက်နားရွက်အောက် လည်ပင်းဘေး မှာ အကျိတ် နှစ်ခုစမ်းတွေ့ပါတယ်ဆရာ။ ဆရာဝန်သွားပြတော့ ဆေးတပတ် စာပေးပြီး သောက်ခိုင်းပါတယ်ဆရာ။ ဆေးတပတ်စာ ပေးပြီး အကျိတ်တွေက သေးမသွားတော့  နောက်တပတ်ပြန်ပြရပါတယ်ဆရာ။ နောက်တပတ် ပြန်ပြတဲ့အချိန်မှာ နောက်ထပ်အကျိတ်တခုထပ်တွေ့လို့ အကျိတ်တခုကို ခွဲထုတ်ပြီး ဓါတ်ခွဲခန်းပို့ရမယ်ပြောလို့ ခွဲထုတ်လိုက်ပါတယ်ဆရာ။ ဓါတ်ခွဲခန်းအဖြေက သာမန်ပိုးဝင်လို့ ဖြစ်တဲ့အကျိတ်ပါတဲ့ဆရာ။ ခွဲပြီးတော့ဆရာဝန်က လည်ပင်းခွဲထားတဲ့ဘက်ကို ဖိအိပ်လို့ပြောပါတယ်ဆရာ။ ဖိအိပ်ပေမယ့်လည်း  အကျိတ်ခွဲထားတဲ့လည်ပင်းနေရာက နည်းနည်းဖောင်းနေလို့ပါဆရာ။ နည်းနည်းလည်း ရောင်နေပါတယ်ဆရာ။ အကျိတ်ခွဲထားတဲ့လည်ပင်းနေရာကလည်း စမ်းကြည့်တော့ နည်းနည်းမာနေပါတယ်ဆရာ။ ရောင်တာနဲ့ဖောင်းတာပျောက်အောင် ဘာဆေးတွေသောက်ရမလဲ။ ဆောင်ရန် ရှောင်ရန် တွေကို ဆရာပြောပြပေးစေလိုပါတယ်ရှင့်။ ကျမပြတဲ့ဆရာဝန်က ဘာမှသိပ်မပြောလို့ပါဆရာ။ ဆရာ့ကို လေးစားစွာ အကူအညီတောင်းခံခြင်းဖြစ်ပါတယ်ရှင့်။

အသားစထုတ်ယူ စမ်းထားလို့ ကင်ဆာနဲ့ တီဘီအကျိတ်မဟုတ်လောက်ပါ။ ကံကောင်းပါတယ်။ အနာသက်သာဆေး တခုခု Paracetamol, Ibuprofen သောက်နိုင်ပါတယ်။ လိုသေး မေးပါ။

Q 2: ဖြစ်တာက ညီမလေးတယောက်ပါဆရာ။ သူက နဂိုပိန်တာပါ။ သိပ်မကြာသေးဘူးထင်တာပဲ။ သူကခုမှ ကိုယ်ကိုယ်ကို စမ်းမိတာတဲ့၊ အလုံးက မမြင်ရပါဘူး။ လက်နဲ့ စမ်းကြည့်မှ သိတာပါ။ လည်ပင်း အကျိတ် ဟုတ်-မဟုတ် ဆိုတာလည်း မသိပါဘူး။ လူက ပိန်ရင် လည်ပင်းက အရိုးကြီးပေါ်နေတယ်လေနော်။ အဲဒီပေါ်နေတဲ့ အရိုးနဲ့ကပ်လျှက် အပေါ်ဘက် လည်ပင်း ချိုင့်နေတဲ့ နေရာမှာရှိတယ်။ အလုံးက ညာဘက်မှာပါ။ နာလည်း မနာဘူးတဲ့။ ဆေးခန်းလည်း မသွားရသေးပါဘူး။ ဆေးခန်းမှာ ဓါတ်မှန်ရိုက်ပြီး သေသေချာချာ စမ်သပ်ကြည့်ရမှာပေါ့နော် ဆရာ၊။ အသက်က ၂၈နှစ် ပြည့်တော့မှာပါ။ ချောင်းဆိုးနေတာ ၃၊ ၄ ပတ်ရှိပြီဆရာ။ ချောင်းဆိုးတာ ဆေးခန်း သွားပြီးပါပြီ။ အခု နဲနဲဆိုးပါသေးတယ်။ ဆရာပြောတဲ့ အခြား လက္ခဏာတော့ မတွေ့သေးပါဘူးဆရာ။

ဓါတ်ပုံ ပို့ပေးတာ အများကြီး အထောက်အကူရတယ်။ လည်ပင်းကြီးရောဂါ မဟုတ်တာ မြင်တာနဲ့သိပြီ။ အဖြစ်နိုင်ဆုံးက လည်ပင်းမှာ ရှိတဲ့ တက်စေ့လို့ခေါ်တဲ့ Lymph Nodes ကြီးတာဘဲ။ ပုံမှာ တလုံးထဲ မြင်ရတယ်။ စာထဲမှာ တန်းစီပြီး ရှိတယ် ပြောတယ်။ စမ်းမှသိရတာ ဖြစ်မယ်ထင်တယ်။

လူတိုင်းမှာ Lymphatic system ဆိုတဲ့ သွေးပြန်ရည်စနစ် ရှိတယ်။ Lymph Nodes အစေ့လေးတွေ တခုနဲ့ တခု အကြောတွေနဲ့ ဆက်နေတာ။ တကိုယ်လုံးလိုလိုမှာ ရှိတာ။ စုနေတဲ့ နေရာတွေ ရှိတယ်။ လည်ပင်းက တခုပေါ့။ မေးအောက်၊ ချိုင်းနဲ့ ပေါင်ရင်းတွေမှာလည်း ရှိတယ်။ ဒီစနစ်က Immune system ခံနိုင်အားအတွက် အသုံးကျတယ်။ မသင့်တာတခုခုဖြစ်ရင် နောက် ဒါမျိုး ထပ်မဖြစ်အောင် လုပ်ပေးတာမျိုးပြောတာ။ အစေ့တခုခု ရောင်နေတယ်ဆိုတာ ရောဂါတခုခု ရှိနေပြီးသားလို့ သိနိုင်တယ်။

သူ့အရည် Lymph ထဲမှာ သွေးဖြူဥတွေ၊ အူကလာတဲ့ Chyle အရည် နဲ့ သွေးနီဥ နည်းနည်းပါတယ်။ ရောဂါရနေရင် သူ့ထဲမှာ ပိုးတွေနဲ့ တခြားပစ္စည်း Antigens (အင်တီဂျင်) တွေပါနေလိမ့်မယ်။ နောက်ဆုံးမှာ သွေးပြန်ကြောထဲ ဝင်သွားကြတယ်။ Spleen ဘေလုံးဟာလည်း ဒါမျိုးဘဲ။ Tonsils အာသီးလည်း မထူးဘူး။ အစေ့တွေ အထဲမှာ WBC သွေးဖြဥတွေက ရောဂါပိုးတွေကိုပြီးစေနိုင်တဲ့ Antibodies ခံနိုင်စွမ်း ထုတ်ပေးတယ်။

ပေါင်ခြံနဲ့ ချိုင်းမှာ လက္မဝက်လောက်သာရှိတဲ့ တက်စေ့လေးတွေ ရှိနေတာတော့ ကိစ္စမရှိပါ။ အအေးမိ-နှာစေးလို ဗိုင်းရပ်စ်ကြောင့် မဟုတ်ဘဲ ဗက်တီးရီးယားကြောင့်ဖြစ်တဲ့ လည်ပင်းနာ၊ အာသီးရောင်၊ အနာဖြစ်တာနဲ့ တွဲနေရင် ပဋိဇီဝဆေး အရင်ဆုံးပေးမယ်။ နာတာ-ရောင်တာ သက်သာအောင်လည်း Ibuprofen, Paracetamol ဆေး ပေးနိုင်တယ်။ ၂ ပါတ်လောက်မှာ ပြန်ကောင်းသွားမယ်။ ဆက်မကြီးဘဲ သေးသေးသွားလိမ့်မယ်။ ရောင်-နာ-ကြီး နေတဲ့ တက်စေ့က အထဲမှာပြည်တည်ရင်တော့ Abscess ပြည်တည်နာဖြစ်လို့ခွဲရမှာပေါ့။

တက်စေ့ကြီးနေယုံကတော့ ပြဿနာမဟုတ်သေးပါ။ ၂ ပါတ်ကျော်လာပြီ၊ လူကပိန်လာတယ်၊ ညပိုင်း ချွေးထွက်တယ်၊ အားယုတ်လာတယ်၊ ငွေ့ငွေ့အဖျားတာရှည်မယ်ဆိုရင် ဆရာဝန်ပြပါ။ တီဘီအကျိတ်ဖြစ်နိုင်တယ်။ ကြီးနေတဲ့အစေ့က မာနေတယ်၊ ကြီးလာတာလည်း မြန်မယ်၊ သူ့အနားက အရေပြားဖြစ်ဖြစ် အောက်ကိုဖြစ်ဖြစ် ကပ်နေလို့ ရွေ့-လှုတ် မရရင်၊ အစေ့ အထက်က အရေပြားက နီ-နာလာရင်၊ လည်ပင်းအခြေ၊ Collar bone ညှပ်ရိုးနား ကပ်နေရင်၊ (အခုမေးသူလို)၊ ဆေးစစ်ရလိမ့်မယ်။ ကင်ဆာကိုသံသယရှိရမယ်။

အစေ့တွေ ဘာလို့ကြီးလာသလဲ။ ရောဂါပိုးဝင်တာ။ ကင်ဆာ၊ Lymphoma, Leukemia သွေးကင်ဆာ။ စုံအောင်သာ ရေးပြတာပါ။ မေးတဲ့သူအတွက် မစိုးရိမ်ပါနဲ့။ ဓါတ်ပုံထဲကသူမှာ ရောဂါပိုးဝင်တာသာ ဖြစ်မှာပါ။ ပိုးအမျိုးအစားကိုတော့ သိဘို့ လိုလာပြီ။ အာဂန္တုလား၊ နာတာရှည်တည်းခိုနေတဲ့ရောဂါလား ခွဲခြားရတယ်။

အာဂန္တုတွေက လည်ချောင်းနာ၊ နှာစေး၊ အရေပြားအနာ၊ နဲနဲပြင်းတာတွေက တီဘီ၊ ဖန်းဂတ်စ်၊ ပါရာဆိုက်၊ ရူမတွိုက် အဆစ်နာ၊ Lupus လူးပတ်စ်၊ နောက်ဆုံး HIV ကို ရွေးထုတ်ရမယ်။

ဆေးစစ်တာ သိပ်အလျှင်စလို လုပ်ဘို့ မလိုပါ။ ဆရာဝန်ဆီ ရောက်ရင် အရင်ဆုံး နုတ်ဖြေ စာမေးပွဲ အစစ်ခံရမယ်။ သွေးစစ်တာ၊ ဓါတ်မှန်ရိုက်တာ၊ CT scan လုပ်တာ၊ နောက်တခါလာရင် Biopsy အသားစ ဖြတ်ထုတ်-စစ်ဆေးတာ လုပ်ချင်လုပ်မယ်။ ဆေးကုဘို့ကတော့ ဓါတ်မှန်အဖြေ၊ သွေးစစ်ချက်၊ အသားစဖြတ်စစ်တဲ့ ရလဒ်တွေအပေါ် မူတည်လိမ့်မယ်။

Q 3: ၁ နှစ် ၈ လအရွယ် ကလေးရဲ့ လည်ပင်းဘေး ဘယ်/ညာမှာ အလုံးကျိတ်သေးသေးလေးရှိနေပါတယ်။  စမ်းကြည့်လိုက်ရင်လည်းရွေ့ရွေ့သွားပါတယ်ဆရာ။ အဲဒါ အန္တရာယ်ရှိမရှိ သိပါရစေ။
     
• Lymph node တက်စေ့ရောင်တာဖြစ်တယ်။ အဖြစ်များတယ်။
• သက်ဆိုင်တဲ့တနေရာရာမှာ ရောင်ရမ်းတာဖြစ်လို့ တက်စေ့ဆီရောက်ပြီးရောင်တယ်။ သွားနာ၊ လည်ချောင်းနာ၊ ထိခိုက်ဒဏ်ရာကနေရင်း၊ အနာပေါက်တာ၊ နားကိုက်တာ အစုံကနေဖြစ်တယ်။
• ပင်ရင်းနေရာ ရောင်တာပျောက်ပေမဲ့ တက်စေ့က ကျန်နေတတ်တယ်။ ကြာရင် ပျောက်တယ်။ ကျန်နေတာလဲ ရှိတတ်တယ်။ အဲလိုဖြစ်တာတွေက ပိုးသေဆေးနဲ့ အရောင်ကျဆေးပေးတာနဲ့ ပိုးကင်းရှင်းသွားမယ်။
• တီဘီ အကျိတ်ရောင်တာလဲရှိတယ်။ အဲတာကတော့ ဆေးစစ်မှသာ ဟုတ်-မဟုတ်သိမယ်။ ဟုတ်လဲ ဆေးသောက် ပျောက်တယ်။
• ကလေးက ကိုယ်အလေးချိန်မတက်ရင်၊ ညချွေးထွက်ရင် တီဘီ စစ်သင့်တယ်။

Q 4: လည်ပင်းကဖြစ်တဲ့အကျိတ် ဘယ်နှစ်မျိူး ရှိပါသလဲဆရာ။ လည်ပင်းက အကြောအတိုင်း တလုံးပြီး တလုံး တန်းစီပြီးထွက်တဲ့အကျိတ်က ဘယ်လိုဆိုးကျိုးတွေ ဖြစ်စေတာလဲ။ ဆေးသောက်တာနဲ့ ပျောက်နိုင်ပါသလား။

ဖြစ်တဲ့သူရဲ့ အသက်၊ ကျား-မ၊ ဖြစ်တာ ဘယ်လောက်ကြာပြီ၊ တခြားဘာလက္ခဏာတွေရှိတယ်။ ဥပမာ ဓါတ်မှန်၊ နာ-မနာ၊ လူပိန်လာ-မလာ၊ သိချင်ပါသေးတယ်။ မတူတာတွေ အမျိုးမျိုးရှိလို့ပါ။ တက်စေ့ရောင်တာ၊ တီဘီ၊ ကင်ဆာ အတော် မတူတာတွေ။

မေးခွန်းအားလုံးထဲက (တစ်) ၁၂ လုံးကို (တ) ၁၂ လုံးပြင်လိုက်ပါတယ်။ ဆောရီး ၁၂ ခါပါ။

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.