မြန်မာနိုင်ငံသားတွေ ဘယ်မှာနေနေ ကျန်းမာကြပါစေ

Photo taken on 19-11-2011 by an Indian photo-journalist at Yamuna Clinic
This Blog is created on 10th October 2014

How to ask ကျန်းမာရေးနဲ့ ဆေးပညာ မေးလိုတာရှိပါက

• ဖေ့စ်ဘွတ် ကွန်မင့်ကနေ မမေးပါနဲ့။
• ဖြစ်တဲ့သူရဲ့ ကျား-မ နဲ့ အသက်ကို အရင်ဆုံးရေးပါ။ နာမည် မလိုအပ်ပါ။
• ဖြစ်နေတာ ၁-၂-၃။ ဖြစ်တာဘယ်လောက်ကြာပြီ။ လိုအပ်ရင် ရာသီ၊ အိမ်ထောင်ရေး၊ ကျန်းမာရေးနောက်ခံ၊ နေတဲ့တိုင်းပြည်။ တိုတိုရှင်းရှင်းသာရေးပါ။
• ဆေးစစ်ချက်တွေနဲ့ ပုံတွေကို အတည့်ပို့ပါ။ လိုတာကိုသာပို့ပါ။ အာလ်ထွာဆောင်းမှာ ပုံမလိုပါ။ မှတ်ချက်သာလိုတယ်။
• SMS အရေးအသားမျိုးကို မဖတ်တတ်ပါ။ မြန်မာစကားကို အင်္ဂလိပ်စာလုံးနဲ့ရေးတာကို မဖတ်ပါ။
• ဖုန်းဆက်ပြီးမေးရင် အချိန်ဇုန်မတူတာရော၊ အသံထွက်လွဲနိုင်တာရောကြောင့် အဆင်မပြေပါ။
• မေးတဲ့သူက မိမိကိုယ်မိမိ သား-သမီးလို့မရေးပါနဲ့။ ဖြေမယ့်ဆရာဝန်ကို ဆရာလို့သာသုံးပါ။
• ဆေးရုံ-ဆေးခန်း-ဆရာဝန်-ဆေးဆိုင်-ဆေးဈေး-ကုန်ကျစရိတ် စတာတွေကို မသိပါ။
• မေးစရာနေရာ (၁) အီးမေးလ် doctortintswe@gmail.com (၂) ဖေ့စ်ဘွတ် https://www.facebook.com/tint.swe.dr (၃) ဖေ့စ်ဘွတ် https://www.facebook.com/drtintswe/
• မေးနည်းစည်းကမ်းအရ မမေးလိုသူများ http://doctortintswe.blogspot.com/ Dr. Tint Swe's Writings မှာ ရှာဖတ်နိုင်ကြပါတယ်။

Monday, February 13, 2017

Subserosal Fibroids သားအိမ်အလုံးတမျိုး

မင်္ဂလာပါဆရာ။ သားအိမ်မှာဖြစ်တဲ့ အလုံး-အကျိတ်နဲ့ပါတ်သတ်ပြီးမေးခွင့်ပြုပါဆရာ။ နာမည်က့့။ အသက်က ၂၄ နှစ်၊ အပျို၊  ရန်ကုန်ကပါဆရာ။ သူတို့ကုမ္ပဏီက နှစ်စဉ်ဆေးစစ်ပေးပါတယ်ဆရာ။့့ ဆေးရုံမှာပါ။ ၂၇-၁၂-၂၀၁၆ မှာ ထပ်စစ်ပါတယ်။ ယနေ့ ရုံးမှာ့့ က ဆရာဝန်အချို့ကိုခေါ်ပြီး ယခင်စစ်ထားတဲ့အဖြေကို ပြောပြရှင်းပြပါတယ်။ အဲ့ဒီမှာ ပထမဆရာတယောက်က သားအိမ်မှာ အလုံးတွေ့တာကို အိုဂျီနဲ့ပြဖို့ပြောပါတယ်။ ဆရာမတယောက်ကို ထပ်မေးတော့ ဘာမှမဖြစ်ဘူးလို့ ပြောပါတယ်ဆရာ။ ဆေးစာများကို တွဲပေးထားပါတယ်ဆရာ။

ပို့စ်မှာသုံးမှာဖြစ်လို့ မေးခွန်းပါ တစ်တွေကို ပြင်လိုက်ပါတယ်။ ဆောရီး။

Uterine fibroids ခေါ် သားအိမ်မှာ ကင်ဆာမဟုတ်တဲ့ အလုံးအကျိတ်ဆိုတာ သားအိမ်အလွှာအမျိုးမျိုးမှာဖြစ်နိုင်တယ်။ နေရာနဲ့ အရွယ်အစား၊ လူနာအသ်ကအရ ကုသနည်း မတူပါ။ ခံစားရတာလည်း မတူကြပါ။ fibromyomas, leiomyomas နဲ့ myomas လို့လည်းခေါ်ပါတယ်။ ၃ဝ-၅ဝ% လောက်မှာ အဲတာရှိပေမယ့် ဘာမှမခံစားရဘူး။ နေရာအမျိုးအစား သုံးခု ရှိတယ်။ subserosal fibroids အပြင်လွှာ၊ intramural fibroids အလယ်လွှာနဲ့ submucosal fibroids အတွင်းဆုံးလွှာ။

Subserosal uterine fibroids ဆိုတာသားအိမ်ရဲ့ အပြင်ဆုံးအဖုံးလွှာမှာဖြစ်တယ်။ ကြီးလာရင်လည်း အပြင်ဖက်ကို ဦးတည်တယ်။ ချိုပေါက်လာသလို။ တခါတလေ အညှာလိုဖြစ်နေတယ်။ တခါတလေ မျိုးဥအိမ်ကဖြစ်တာလားနဲ့ မှားတတ်တယ်။ လွတ်လပ်မှုရှိလို့ အရွယ်အစား အတော်ကြီးလာနိုင်တယ်။ ဒါပေမယ့် သားအိမ်အတွင်းခေါင်းပုံစံကို မပြောင်းစေပါ။ မျိုးပွါးနိုင်တဲ့အသက်မှာ အဖြစ်များတယ်။

ခံစာရတာ အတော်နည်းတယ်။ ရှိနေမှန် မသိကြပါ။ ကြီးလာရင်သာ တခုခုခံစားရမယ်။ အညှာလိုဖြစ်ရင်လည်း ခံစားရနိုင်တယ်။ တင်ပါးဆုံတွင်းကနာခြင်း၊ နောကျောနာခြင်း၊ ဝမ်းချုပ်ခြင်း၊ ရင်ပြည့်ခြင်း၊ လေးလံနေခြင်း၊ ဆီးခဏခဏ သွားလိုခြင်း၊ ကျောက်ကပ်ကိုဖိအားသက်ရောက်စေခြင်း၊ အညှာလိမ်ခြင်း၊ ဒါပေမယ့် ရာသီကိုသက်ရောက်မှု မရှိပါ။ ကလေးရဘို့လည်း သိပ်မကြီးရင် ပိုမခက်စေပါ။ ဘေးမှာရှိတာတွေအပေါ်မှာ ဖိအားသက်ရောက်စေနိုင်တယ်။ သားအိမ်ပြွန်ကိုပါ ဖိနိုင်တယ်။ အဲတာဆိုရင် သားသမီးရဘို့ ခက်နိုင်တယ်။ ကိုယ်ဝန်ရှိလာရင်လည်း အခက်အခဲရှိနိုင်တယ်။ မွေးရာမှာလည်း ခက်နိုင်တယ်။

ကုသနည်းမှာ ဆေးနဲ့တော့ မရပါ။ ခွဲစိတ်ရမယ်။

Myoma/Fibroids links သားအိမ်အလုံး လင့်ခ်များ
1. Fibroids Cure without losing Uterus သားအိမ်မဆုံးဘဲ အလုံးပျောက်စေနည်း http://dts-medicaleducation-adult.blogspot.in/2012/07/uterine-fibroid-1.html
2. Myoma Treatment သားအိမ်အလုံးကုသနည်းများ http://doctortintswe.blogspot.com/2015/05/myoma-treatment.html
3. Submucous fibroids သားအိမ် အတွင်းလွှာက အလုံး http://doctortintswe.blogspot.com/2015/03/submucous-fibroids.html
4. Uterine Fibroid (1) သားအိမ်အလုံး (၁) http://dts-medicaleducation-adult.blogspot.in/2012/07/uterine-fibroids.html
5. Uterine Fibroid (2) သားအိမ်အလုံး (၂) http://dts-medicaleducation-adult.blogspot.in/2013/10/uterine-fibroid-3.html
6. Uterine Fibroid Treatments သားအိမ်အကျိတ်ကုသနည်း အမျိုးမျိုး http://doctortintswe.blogspot.com/2014/11/uterine-fibroid-treatments.html

ဒေါက်တာတင့်ဆွေ
၁၃-၂-၂ဝ၁၇

No comments:

Post a Comment

Note: Only a member of this blog may post a comment.