Language is the Key ဘာသာစကားနဲ့ စာအရေးအသား

၁။ Slang ဘန်းစကားအောက်က ကွန်မင့်များ
• Kyinkyin Soe ကျေးဇူးပါရှင့်။ အရမ်းဆိုတဲ့ ကြိယာဝိသေသနကလည်း မကောင်းတဲ့အဓိပ္ပါယ်မှာပဲ သုံးတာလို့ သိထားပါတယ်။ ဥပမာ အရမ်းညံ့တယ်။ အရမ်းဆိုးတာပဲ။ အရမ်းကာရောပဲ။ အခုခေတ်မှာတော့ အရမ်းကောင်း၊ အရမ်းကြိုက်၊ အရမ်းတော်နဲ့ တစ်ပြည်လုံးရမ်းနေပါတော့တယ်။ နောက်တစ်ခုက (လုံးဝ) ဆိုတာကလည်း အငြင်းဝါကျမှာသာသုံးသည်ဟု မှတ်ယူထားပါသည်။ ဥပမာ မိမိတို့နှင့်လုံးဝမပတ်သက်ကြောင်း၊ မိမိတို့လည်း လုံးဝမမြင်ဖူး၊ ယခုအခါတွင် လုံးဝကို အားလုံး၊ အလွန်ဆိုသောသဘောနှင့် သုံးနေကြပါသည်။ လုံးဝကြိုက်တယ်၊ လုံးဝတာဝန်ယူတယ်ဟု သုံးနှုန်းနေကြပါသည်။

• Kyinkyin Soe ဆရာက ဗန်းစကားများကိုဆွေးနွေးပါသည်။ ကျွန်မကတော့မြန်မာစကားလုံး အဓိပ္ပါယ် ရင်းမြစ်များ တိမ်ကော ပျောက်ကွယ်လာခြင်းကိုဝမ်းနည်းနေကြောင်းပြောချင်နေမိပါတော့သည်။ မိုက်တယ်ဆိုသော စကားလုံးကို သုံးလာကြသောအခါ မကောင်းသည့်အဓိပ္ပါယ်ဖြစ်ကြောင်း သတင်းစာမဂ္ဂဇင်းများတွင် ရေးသားသတိပေးကြသော်လည်း၊ ယခုအချိန်တွင် အများညီ၍ (ဤ) (ကျွဲ) ဖြစ်နေချေပေပြီ။ တနိုင်ငံလုံး တမိုက်တည်း မိုက်နေကြတော့လေသတည်း။

• Kyinkyin Soe ကြားလိုက်တိုင်း စိတ်ထဲကသိကအောက်ဖြစ်ဖြစ်သွားသော စကားလုံးမှာ (ဆော့) ဖြစ်သည်။ (ဆော့) လည်း (မိုက်) လိုပင်။ မနှစ်မြို့သည့်အဓိပ္ပါယ်အနေနှင့်သာသုံးပါသည်။ သိပ်ဆော့တဲ့ကလေးတွေ တချိန်လုံး ဆော့နေတော့တာပဲ၊ မျောက်ရှုံးအောင်ဆော့တယ်စသည်ဖြင့် ဆိုပြောကာ မြည်တွန်တောက်တီးကြပါသည်။ ကျွန်မတို့ကလေးများကတော့ ကစားကြစို့ စိန်ပြေးတမ်းကစားမယ်ဟေ့။ ကစားကျောင်းဆင်းရင် စသည်ဖြင့်သာ ပြောကြပါသည်။ ယခုတော့ ကလေးအားလုံးက ဆော့မယ်၊ ဂိမ်းဆော့နေတယ်စသည်ဖြင့်သာပြောကြပြီး ကစားကိုလုံးဝ မသုံးတတ်ကြသလောက်ပါ။ ကျွန်မ နားလည်သည်မှာ ဆော့သည် အငြိမ်မနေခြင်းသာဖြစ်သည်။ လက်အငြိမ်မနေ ခြေအငြိမ်မနေ လက်ဆော့ခြေဆော့နဲု့ဟူ၍ သုံးခဲ့ကြသလို မသိမသာအလစ်သုတ်ခိုးတတ်ခြင်းကိုလည်း လက်ဆော့တတ်တယ်ဟု သုံးခဲ့ကြပါသည်။ ခုတော့ တတိုင်းတပြည်လုံး တဆော့တည်း ဆော့နေကြပါတော့သည်။

၂။ Spelling errors လူတွေသတ်ပုံအောက်က ကွန်မင့်များ
• Waihan Htun မန္တလေးကို မန်းလေးလို့ ရေးကြတာက စာလုံးဆင့်ရှာမရတာကြောင့် မဟုတ်ပါဘူးဆရာ။ တချို့လည်း အဲဒါကြောင့် ဖြစ်ချင်ဖြစ်နိုင်ပါတယ် ။ ဒါပေမယ့် မန္တလေးသားတွေက မန်းလေးလို့ပဲ အသံထွက်လေ့ရှိပါတယ်။ ဒါကြောင့် မန္တလေးသား ဖြစ်ကြောင်း ဂုဏ်ယူတဲ့ အနေနဲ့ မန္တလေးသံ ပါအောင် ရေးတဲ့သဘောနဲ့လည်း ရေးကြပါတယ်။

• Aung Tin ဆရာရေ ဒီနေ့ဂျာနယ်တွေမှာ စာလုံးပေါင်းသတ်ပုံအမှားတွေ ရေးထုံးအမှားတွေက မိုးမွှန်နေတာပါ။ အချို့ဆောင်းပါးတွေမှာဆိုရင် အကြောင်းအရာကပါ မှားနေတတ်ပါသေးတယ်။ ဥပမာ ကုလားပြည်ကို ထွက်ပြေးတဲ့မင်းကို ကုလားကျမင်းလို့တွင်ခဲ့ပြီး တရုတ်ပြည်ကိုထွက်ပြေးတဲ့မင်းကို တရုတ်ပြေးမင်းလို့ တွင်ခဲ့ပါတယ်လို့ ဆောင်းပါးထဲမှာ ဖတ်လိုက်ရတာ ဆရာရယ်။ ပါးစပ်အဟောင်းသားနဲ့ ဘာပြောရမှန်းကို မသိတော့ပါဘူးဆရာ။ (မှတ်ချက် သမိုင်းထဲက မြန်မာဘုရင်တွေထဲမှာ ကုလားပြည်ကိုရော တရုပ်ပြည်ကိုပါ ထွက်ပြေးခဲ့တာ မရှိပါ။)

၃။ Mistakes and Blunders အမှားတွေပြင်ကြအောင်အောက်က ကွန်မင့်များ
• Ezwin Chang မှားနေတာကို သည်အတိုင်းကြည့်မနေချင်တဲ့ နိုင်ငံရေးဗီဇကမနေနိုင်ပါဗျာ။ ဆရာ အဲဒီစာကို တမျိုး ပြင်ရေးရင် အမှန်တရားရဲ့ တမန်တော်တယောက်လို့ရေးရင် ရမလား။ တရုပ်သိုင်းစကားကို ဆီလျှော်အောင် ပြန်ပေးလိုက်ပါသည်။

• Tin Lay ဆရာမကြီးဒေါ်ခင်မျိုးချစ်ပြောသလို ဒီကနေ့လူငယ်တွေ မြန်မာစာ မြန်မာစကားကို ဆရာယုဒသန်ထံက ပြန်ပြီးသင်ယူသင့်တယ်။ တကယ်တော့ မြန်မာစာနဲ့ မြန်မာစကား ရေစုန်မျောခဲ့တာ ကြာပါပြီဗျ။

Tint Swe ၂ဝဝဝ ဧပြီလထဲက ဂျော်ဒန်နိုင်ငံ အာမန်မြို့တော်မှာကျင်းပတဲ့ IUP အပြည်ပြည်ဆိုင်ရာ လွှတ်တော်များသမဂ္ဂ အစည်းအဝေးကိုသွားပြီး၊ အကျဉ်းကျနေရတဲ့ မြန်မာလွှတ်တော်ကိုယ်စားလှယ်များအရေး တင်ပြခဲ့ရတယ်။ ဂျော်ဒန်ဘုရင် မိန့်ခွန်းပြောတာလဲ တက်ပြီးနားထောင်ခဲ့ရတယ်။ ကျွန်တော်နဲ့အတူ အမေရိကန် ကွန်ဂရက်မင်းဟောင်း (တွမ် အင်ဒရူးစ်) လဲပါတယ်။ သူကပြောတယ်၊ ဂျော်ဒန်ဘုရင့် အင်္ဂလိပ်စာက သူ့ထက်သာတယ်တဲ့။ ဗမာစကားကို ဗမာတွေမတတ်တော့တဲ့ ခေတ်ကိုတော့ မရောက်ကောင်းပါရဲ့။

ဒေါက်တာတင့်ဆွေ
၂၉-၆-၂ဝ၁၄