Saturday, September 24, 2016

Sorry for the inconvenience သက်ပြင်းချရ တောင်းပန်ရ

မေးထားပြီး အဖြေမရသူတွေ များနေမယ်ထင်တယ်။ ဆောရီး။ တွေ့သမျှအကုန်တော့ ဖြေနေပါတယ်။ မနက်လင်းတာနဲ့ (အီးမေးလ်) ကနေလာတာတွေ အရင်ဖြေတယ်။ နောက် (ချတ်ဘောက်စ်) ကလာတာတွေဖြေတယ်။ နောက် (ပေ့ခ်ျ) ကနေသာဖွင့်လို့ရတဲ့ (မက်ဆေ့ခ်ျ) ကလာတာတွေဖြေတယ်။

မေးခွန်းလာစရာတွေ -
• (အီးမေးလ်) က ၂ ခု။ အဟောင်း drswe01@gmail.com ကို မစစ်အားတော့ပါ။
• (အီးမေးလ်) အဟောင်းနဲ့ Tint Swe နဲ့ (ဖေ့စ်ဘွတ်) တခု၊ (ချတ်ဘောက်စ်) တခု၊
• (အီးမေးလ်) အသစ်နဲ့ Tint Swe နဲ့ (ဖေ့စ်ဘွတ်) တခု၊ (ချတ်ဘောက်စ်) တခု၊
• Dr. Tint Swe နဲ့ (ပေ့ခ်ျ) တခု၊ မက်ဆေ့ခ်ျနေရာတခု။
• (ဖရင်း) မဟုတ်သူကမေးတာတွေကို တခုချင်း (အဆက်ပ်) လုပ်ရတယ်လို့ အခုမှသာသိတယ်။ လုပ်တာ မနိုင်ဘူး။ အများကြီး။ အရေးကြီးတာတွေ ပါနေနိုင်တယ်။ မဖြေလို့ အထင်လွဲတာခံရလောက်ပြီ။ သူမကောင်း၊ ကိုယ်မကောင်းဖြစ်နေရတယ်။ တောင်းပန်ရမှာပဲ။ သက်ပြင်းသာချနိုင်သေးတယ်။

မေးခွန်းများ ဆန်းစစ်ချက် -
• အသက်-ကျား-မ မပြောကြသူ ငါးပုံတပုံရှိတယ်။
• အသက်ကို နောက်ဆုံးမှရေးလို့ မေးခွန်းကို ထပ်ဖတ်ရတယ်။
• ဝါကျတကြောင်း (မက်ဆေ့ခ်ျ) တခုရေးတယ်။
• စာရိုက်တာမှာ အဖြတ်အတောက်မပါလို့ ကူးယူပြီး စာတွေပြန်စီဖတ်ရတယ်။
• ပုံတွေအတည့်မပို့ရင် ကွန်ပြူတာကို စောင်းထောင်ကြည့်ရတယ်။
• မေးခွန်းကို တခန်းရပ်ပြဇာတ်လောက်ရှည်တာလည်း လာတတ်တယ်။
• သတ်ပုံမှားလို့ နားမလည်တာတွေ လာတယ်။
• ဆေးစစ်ချက်တွေ မလိုတာရောလိုတာရော ပို့တယ်။
• စိုးရိမ်ရလာပဲမေးတယ်။ ဆရာဝန်ပြရမလားပဲမေးတယ်။ ကြော်ငြာဆေးပဲမေးတယ်။ ဘာသာပဲပြန်ခိုင်းတယ်။
• အာလ်ထွာဆောင်းမှာ အောက်ဆုံးစာကြောင်းသာဖတ်ချင်တာ အဲတာကိုချန်ပို့တာလည်းလာတယ်။
• ပုံသေးသေးလေးတွေ အများကြီးလာရင် ပုံကြီးချဲ့ရတာမလွယ်ပါ။
• ဖေါင့်မတူတာလည်းလာလို့ ပြောင်းဖတ်ရတယ်။
• (အီးမေးလ်) မေးတာ အကြောင်းအရာမှာသာရေးရေးတော့ မေးခွန်းမဆုံးတာလည်းရှိတယ်။
• ဆေးခန်းလိပ်စာတို့၊ ဆရာဆီလာပြချင်တယ်တို့၊ ဖုန်းဆက်ချင်တယ်တို့၊ အသံဖိုင်တို့လည်းလာတယ်။
• လူငယ်လေးတွေသဘာဝ ရေးတာတွေ၊ ပုံလေးတွေပို့တာတွေ စသဖြင့်ကလည်း မနက်ညလာတယ်။

နည်းလမ်းရှာကြည့်တယ် -
• (ဖေ့စ်ဘွတ် ဖရင်း) အရေအတွက် အကန့်သတ်မရှိရင် ပိုတော့အဆင်ပြေမယ်။ ကိုယ်မပိုင်။
• မေးနည်းစည်းကမ်းကို ကျွန်တော့်ကိုယ်စား ပို့ပေမဲ့သူရှိရင်လည်း အချိန်ထပ်ထွက်တာမယ်။ လူမရှိ။
• ရေးထားပြီးသားကို ကျွန်တော်ကရွေးပေးပြီး၊ (ဖိုင်လ်) ကို မေးတဲ့သူဆီပို့ပေးနိုင်သူရှိရင် အချိန်ပိုရမယ်။ လူမရှိ။
• မေးနည်းစည်းကမ်းကို (ပရိုဖိုင်းလ်) မှာထားနည်းသုံးပြီးပြီ။ (ပို့စ်) တိုင်းအောက်မှာ မေးနည်းထည့်ဘို့အကြံပေးတာ လက်တွေ့မကျ။ တချို့က ခေါင်းစဉ်သာဖတ်တယ်။ စာထဲပါနေတဲ့အချက်ကို (ကွန်မင့်) ကနေ မေးတာသာကြည့်။
• (ဖေ့စ်ဘွတ်) တခုတည်းသာထားနည်း လက်တွေ့မကျ။
• မေးခွန်းကို (အီးမေးလ်) တခုတည်းကနေသာလက်ခံနည်း လက်တွေ့မကျ။

ကျွန်တော့်မှာ အဖြေစာက ရှည်နေရင် ၂ ခါ၊ ၃ ခါ ခွဲပို့ရတယ်။ မေးခွန်း လေးပုံတပုံလောက်သာ တဦးချင်း ထူးခြားချက်အရ ဖြေရတယ်။ ဆယ်ပုံတပုံအတွက်သာ စာအသစ်ထပ်ရေးရတယ်။ အသစ်ရေးဘို့ရာ (ရီဆာ့ခ်ျ) လုပ်ရတယ်။ လိုက်ရှာဖတ်ရတယ်။ ဘာသာပြန်ရတယ်။ လွယ်တာရှိသလို့ ခက်တာရှိတယ်။ အလွန်ခက်တာလည်းရှိတယ်။

မေးနည်းစည်းကမ်းရှိကြရင် အချိန် (၂) ဆထွက်လာမယ်။ ပိုပြောတာမဟုတ်ပါ။ မေးနည်းစည်းကမ်းကို (ပစ်ချာ ဖိုင်လ်) လုပ်ပေးသူ ၂ ယောက်ကို ကျေးဇူးတင်ပါတယ်။ (ဒက်စ်တော့ပ်) မှာထားပြီး ပုိ့ပို့ပေးနေရတယ်။ အရောင်းသွက်ပါတယ်။ ဒီလိုစာမျိုးရေးတိုင်း လာနေကျဆုံးမစာတွေတော့ သည်းခံကြပါခင်ဗျား။

ဒေါက်တာတင့်ဆွေ

No comments:

Post a Comment

Note: Only a member of this blog may post a comment.

နှမ်းဖတ်ချဉ်ဋီကာ

နှမ်းဖတ်ချဉ်စာရေးတော့ နှမ်းဖတ်နဲ့ ပဲဖတ်ကို ခွဲခြားပြောကြတယ်။ အရင်တင်စဉ်ကလည်း အဲလိုကွန်မင့်တွေလာပါတယ်။ အရောင်မတူတာကို ထောက်ပြကြတယ်။ ဆီးကြ...