Puberty မိန်းကလေး အရွယ်ရောက်ပြီ
၁။ ဘယ်အသက်အရွယ်ကို အပျိုဖြစ်စောတယ်လို့ ခေါ်ပါသလည်းဆရာ။
၂။ ပုံမှန် (အပျို) ဖြစ်သင့်တဲ့ အသက်အရွယ်က မျိုးရိုးနဲ့သက်ဆိုင်ပါသလား DR
အရွယ်ရောက်တာကို တိတိကျကျပြောရရင် ရုပ်ပိုင်းဆိုင်ရာ ရင့်ပြည့်လာတာကိုဆိုလိုတာ ဖြစ်ပြီး၊ စိတ်ပိုင်းနဲ့ လူမှုဆက်ဆံရေးပိုင်းပြောတာ မဟုတ်ပါ။ ဆယ်ကျော်သက်အရွယ်ကြတော့ စိတ်ပိုင်းနဲ့ ဆက်ဆံရေးပိုင်းတွေက လူကြီးအရွယ်မတိုင်ခင် ကြားကာလကိုခေါ်တာ ဖြစ်တယ်။
လူပျိုဖြစ်လာတာ အပျိုဖြစ်လာတာအားလုံး ဟော်မုန်းပါဘဲ။ ကျားဟော်မုန်းကို (တက်စတိုစတီရုန်း) ခေါ်ပြီး၊ မ-ဟော်မုန်းကို (အီစထိုဂျင်) ခေါ်တယ်။ ကျားရော မ-ပါ၊ လိင်ဟော်မုန်း နှစ်မျိုးလုံး ရှိကြတာချည်းဘဲ။ အနည်း-အများသာ ကွာတယ်။ တခုခုကကဲနေရင် အသွင်သဏ္ဌာန်ရော၊ စိတ်ပိုင်းပါ မတူတာတွေဖြစ်တယ်။ တယောက်ထဲမှာတောင် အရွယ်မတူရင် ပြောင်းလဲ သွားတယ်။ အပြင်ကနေ ဟော်မုန်းပေးရင်လည်း ပြောင်းစေသေးတယ်။
ဆီးစပ်မွှေးပေါက်တာက မတူကြဘူး။ ယောက်ျားလေးတွေမှာ လိင်တံအခြေနဲ့ ကပ်ပဲ့အိတ်မှာ စပေါက်ပြီး၊ နောက် လိင်တံအောက်၊ ချက်ဆီအထိ ပေါက်တယ်။ ပေါင်မှာလဲ ပေါက်တယ်။ အရိုးတွေကလည်း ယောက်ျားတွေက ပိုလေးလံတယ်။ ကြွက်သားမှာယောက်ျားက ၂ ဆတောင် ပိုတယ်။ အဆီလည်း ၂ ဆဘဲ။ ပခုံးရိုးနဲ့ မေးရိုးတွေ ကြီးထွားတာမှာလည်း ပိုတယ်။ လူကြီးအရွယ်တွေကို ယှဉ်ရင် ကိုယ်ခန္ဓာထုထည်မှာ ယောက်ျားတွေက မိန်းမတွေရဲ့ ၁၅ဝ% နဲ့ အဆီက ၅ဝ% ရှိတယ်။
မိန်းကလေးမှာ ပဌမဆုံးထူးခြားတာက ရင်သားထွားလာတာပါ။ စစခြင်း အရောင်ရင့်တဲ့ နို့သီးဝိုင်းအောက်မှာ မာတင်းတင်း အစိုင်အခဲလေး ဖြစ်လာတယ်။ တဖက်ချင်းလဲ ဖြစ်တတ်တယ်။ ပျမ်းမျှ ၁ဝ နှစ်ခွဲသမီးမှာ ဖြစ်တယ်။ နောက် ၆ လ၊ ၁ နှစ်မှာ ပြော့တဲ့ အစိုင်အခဲဟာ နို့သီးဝိုင်း Areola အပြင်ဘက်ကနေ ပေါ်လာတယ်။ နို့သီးဝိုင်းက ပန်းရောင်၊ အညိုရောင် မတူကြဘူး။ အပျိုစစ် နေသ၍ (ကိုယ်ဝန် မဆောင်ဘူးသေးချိန်အထိ) ထိပ်ဖျားမှာ ပန်းရောင်လေး ရှိနေရမယ်။ အရွယ်အစား၊ ပုံပန်း၊ အတော်မတူကြဘူး။ အများစုက ဘယ်ဘက်ကပိုပြီး အရွယ်ကြီးတယ်။
ဆီးစပ်မွှေးပေါက်လာတာက မိန်းကလေးတွေရဲ့ ဒုတိယအပြောင်းအလဲဖြစ်တယ်။ မအင်္ဂါနှခမ်းသားဘေးကနေ စတယ်။ နုနု-ဖြောင့်ဖြောင့်လေးတွေက နောက်မှာ ကြမ်းပြီး ကောက်ကွေးလာတယ်။ ပေါက်တဲ့ နေရာတွေပါ ကျယ်ကျယ်လာတယ်။ ၁၅%သော မိန်းကလေးတွေမှာ ရင်သားဖွံ့ထွားတာထက် ဒီအမွှေးပေါက်တာက ပိုစောတတ်တယ်။ မိန်းမကိုယ်မွှေး မိန်းကလေးတွေမှာ အများအားဖြင့် တရိဂံစောက်ထိုးပုံနဲ့ ယောက်ျားတွေမှာ တရိဂံအတည့်ပုံ ဖြစ်တယ်။ လူမျိုးအလိုက်၊ မျိုးရိုးအလိုက်တော့ ကွာတယ်။ ဆီးစပ်မွှေးနဲ့ ဆံပင်အရောင်၊ ချိုင်းမွှေးအရောင် အတူတူ ဖြစ်ခြင်မှ ဖြစ်မယ်။
မွေးလမ်းကြောင်း (ဗဂျိုင်းနား) ကို ဖုံးနေတဲ့ အရေပြားနုက ပိုထူလာတယ်။ အရင်ခပ်ရဲရဲကနေ ပန်းရောင်ခပ်မွဲမွဲ ဖြစ်လာတယ်။ စွပ်စိုမှုလည်း ရှိတာတယ်။ သားအိမ်နဲ့ မျိုးဥအိမ်တွေက အရွယ်ပိုကြီးလာတယ်။ ရာသီစဆင်းလာတယ်။ သားအိမ် အတွင်းဆုံးအလွှာက လအစမှာ ပါးရာကနေ ထူလာပြီး၊ နောက်ဆုံး ပျက်စီးသွားလို့ ထွက်တဲ့သွေးနဲ့ တစ်ရှူးအပျက်အစီးတွေ ဖြစ်တယ်။ ပျမ်းမျှ ၁၁့၇၅ နှစ်အရွယ် ဖြစ်တယ်။ ဖြစ်စ အရွယ်မှာ ရာသီဆင်းတာက တလ တခါရယ်လို့ မမှန်သေးဘူး။ မျိုးဆက်ပွါးနိုင်စွမ်းရှိလာတာ ဖြစ်တယ်။ ကိုယ်ဝန်ဆောင်နိုင်လာတာကို ပြောတာပါ။ အဲဒါက မျိုးဥအိမ်ကနေ မျိုးဥထွက်နိုင်စွမ်းရှိလာမှ ဖြစ်ပါတယ်။ ပဌမ ၁ နှစ်မှာ ၈ဝ% မိန်းကလေးတွေမှာ မျိုးဥ မထွက်ဘဲ ရာသီးသာဆင်းတယ်။ ၅ဝ%က ၃ နှစ်အထိ ဒီလိုဘဲ။ ၆ နှစ်အထိကြာတာတောင် ၁ဝ% မိန်းကလေးတွေမှာ မျိုးဥမဲ့ ရာသီဖြစ်ကြတယ်။ ဥမတွက်ရင် ကိုယ်ဝန်မရနိုင်သေးပါ။
မိန်းကလေး အရွယ်ရောက်ချိန်က သွေးဆုံးချိန်လိုဘဲ၊ မျိုးရိုးလိုက်နိုင်တယ်။ အစာအာဟာရ ကနေလည်း လွှမ်းမိုးနိုင်တာက မိန်းကလေးတွေမှာ ပိုဖြစ်တယ်။ တနေ့တာ စားတဲ့ထဲကနေ ပိုနေတဲ့ (ကယ်လိုရီ) တွေကို အဆီစုထားလို့ပါ။ ဝတဲ့သူ၊ အားကစားလေ့ကျင့်ခန်း၊ မလုပ်သူတွေ အပျိုဖြစ်စောတယ်။ နာတာရှည်ရောဂါရှိနေရင် နောက်ကျတယ်။
ယောက်ျားမှာ မိန်းမနဲ့ မတူတာတွေထဲမှာ အမွှေးပေါက်ပုံပါတယ်။ မျက်နှာမှာ အမွှေးပေါက်တာ ယောက်ျား။ ပေါင်ရှေ့ပိုင်း ကြွက်သား ယောက်ျားမှာ ပိုသန်မာတယ်။ ပေါင်နောက်ပိုင်းက ပိုသန်မာတာက မိန်းမ။ လည်စေ့က ယောက်ျားမှာသာ ရှိတယ်။ ရင်ပတ်ကားတာ၊ ပခုံးကျယ်တာ ချွေးပိုထွက်တာ၊ ဝက်ခြံပိုပေါက်တာ ယောက်ျား။ အရေပြားလည်း ပိုကြမ်းတယ်။ သူ့အောက်မှာ အဆီစုတာ နည်းလို့။
မိန်းကလေးတွေရဲ့ ကိုယ်ခန္ဓာပုံပန်းကလည်း ထူးခြားလာတယ်။ တင်ပိုင်းရဲ့ အောက်ပိုင်းတဝက်က ဘေးကားလာတယ်။ ရင်သား၊ တင်-တင်ပါး၊ ပေါင်၊ လက်မောင်း၊ ဆီးစပ်နေရာတွေမှာ အဆီစုဝေးလာတယ်။ ဗမာတွေက ခါးသေး-ရင်ချီလို့ ပြောကြတယ်။ ဆေးစာလို ပြောရရင် Waist-hip ratio (WHR) ခါးနဲ့ တင် အချိုးလို့ ပြောတယ်။ တိတိကျကျ ဆိုချင်တာက အကျဉ်းဆုံးခါးက ဘယ်နှစ်လက္မ၊ အကားဆုံး တင်ပိုင်းက ဘယ်နှစ်လက္မ ဆိုတာ တိုင်းထွာပြီး၊ အချိုးချ လိုက်တာပါ။
အမျိုးသမီးဆိုတာ သစ်တော့သီးပုံဖြစ်တယ်။ ပန်းသီးပုံဖြစ်သူတွေမှာ ရောဂါတွေ ပိုဖြစ်တယ်။ ပိုအရေးကြီးတာက ကျန်းမာရေးကို ဘယ်လို သက်ရောက်သလဲ။ မိန်းမတယောက်မှာ (WHR) ဝ့၇၊ ယောက်ျားမှာ ဝ့၉ ရှိနေရင် ကြည့်ရတာ အချိုးကျတဲ့အပြင် ကျန်းမာရေးလည်း ကောင်းလိမ့်မယ်။ ကျန်းမာရေးလိုဘဲ ဆွဲဆောင်မှုဆိုတာလည်း အရေးပါတယ်။ WHR ကောင်းတဲ့ အမျိုးသမီးဟာ ဆွဲဆောင်မှု ကောင်းတယ်။ ဆိုပါစို့ Marilyn Monroe (မွန်ရိုး) နဲ့ Sophia Loren (ဆိုဖီယာ-လိုရင်း) တို့ဟာ WHR ဝ့၇ တွေ ဖြစ်ကြတယ်။ တရုပ်အမျိုးသမီးတွေမှာ ဝ့၆၊ တောင်အမေရိကနဲ့ အာဖရိကမှာ ဝ့၉ လို့ သိရတယ်။ မြန်မာမတွေကို သုတေသန မလုပ်ကြသေးပါ။
စစ်တမ်းတခုက မိန်းမတယောက် ခါးသေးတာဟာ တင်ကားတာထက် ဆွဲဆောင်မှု ပိုရှိတယ်လို့ ဆိုတယ်။ ဒါ့ကြောင့် နေမှာပေါ့ အမျိုးသမီးတွေ Corset ခေါ်တဲ့ ခါသေး၊ Hip and buttock padding ခေါ်တဲ့ အခုအခံတွေ သုံးကြတာ။ အဲလို အတုအပ မဝတ်ကြသူ အမျိုးသမီးတွေမှာ ခါး-တင် အချိုးဟာ တဖက်သားကို ဆွဲဆောင်နိုင်တာ သာမကဘဲ၊ ဥာဏ်ရည်လည်းသာတယ်လို့ ဆိုသေးပါတယ်။ သူတင်မက ဒီလို မျိုးသမီးမျိုးကနေမွေးတဲ့ ကလေးတွေကပါ ကျောင်းမှာ စာပိုတော်ကြသေးသတဲ့။ လှတာကို ရွေးတာ မမှားဘူးပေါ့ဗျာ။ ခက်တာက သူများဆီမှာ သိပ်လှတဲ့ မိန်းမတွေ ကလေးမယူကြဘူး။ ဒီတော့ ဒီကောက်ချက် မှန်ရင် သူများဆီမှာထက် ကိုယ့်ဆီမှာ လူတော်တွေများမှာပေါ့။
Dr. တင့်ဆွေ
Comments
Post a Comment