Take your time ဆရာအားမှ ဖတ်ပါ
အဲ့ဒီအချိန်မှာ သမီးလေးက (၁ နှစ် ၂ လ) စားပွဲပေါ်လက်တင်ပြီး ပုတ်လို့တဲ့ စားပွဲမပုတ်စေနဲ့ အလုပ်ရှုတ်ရတဲ့အထဲ ဆိုပြီးပြောတယ်။ ကျွန်မ အံ့သြသွားတယ်။ ကလေးကို စမ်းသပ်တော့လဲ ကလေးက သူ့လက်ကို ကိုင်တာတောင် ဂရုမစိုက်ပါဘူး။ လိုအပ်တာတွေ မေးလို့ ပြောနေတုန်း သမီးလေးက ထပ်ပြီး စားပွဲကို လက်နဲ့ပုတ်ပြီးဆော့ပါတယ်။ ကျွန်မအပေါ် ထိုင်လျှက်ပါဘဲ။ ဆရာဝန်မလေးက ဂုတ်ပေါ်တင်ထားတဲ့ နားကျပ်ကို ဖြုတ်ပြီး စားပွဲပေါ်ပြစ်တင်ပြီး ကလေးလက်ကို အမေက ချုပ်ထားပေး၊ မရိုက်စေနဲ့ဆိုပြီး ပြောပါတယ်။ မျက်နှာလဲ မကောင်းပါဘူး။ ပြီးတော့ နောက်ကဆရာဝန်ကို ပြောတယ်။ စာကပ်ထားမှရတော့မယ်ထင်တယ်တဲ့။
ဘာမှကို ပြန်မပြောခဲ့ရဘူး။ စိတ်ထဲတော့ အတော်ခံပြင်းရတယ်ရှင့်။ ဘာရည်ရွယ်ချက်မှမရှိဘဲ ကလေးတယောက်က သဘာဝအတိုင်းနေတာကို ချုပ်ထားရမယ်ဆိုတာ ကလေးကုဆရာဝန် တယောက် ပြောစရာ စကားလုံးဝ မဟုတ်တာ သေချာပါတယ်။ ပြောထွက်တာ အံ့သြလွန်းတယ်။ ကလေးတွေ အဲ့လိုလုပ်တတ်တာသိရင် ကုတင်ပေါ်ခေါ် စစ်ဆေးပေါ့။ ခုတော့ ကျွန်မနဲ့ မတိမ်းမယိမ်း ဆရာမက အော်ငေါက်တာ ခံရတယ်။ စားပွဲကိုပုတ်ရင် ဈေးသည်ဆို ဈေးဝယ်သူ များများလာတယ်။ ဆေးရုံဆေးခန်းဆို လူနာများတယ်ဆိုတဲ့ အယူရှိတာ သိပေမယ့် အဲ့လောက်ကြီးကျ လွန်ပါတယ်။ သူကိုယ်တိုင်ဆေးခန်းဖွင့်ရင် အထူးကု ဆေးခန်းမှာထိုင်ရင် ကျွန်မတို့ကို လုပ်ခဲ့သလို အဲ့လို လေသံအပြုအမူတွေ လုပ်မလားဆိုတာ သိချင်စမ်းပါဘိ ဆရာရယ့့်။
ဆရာဝန်တို့၊ ဆရာမတို့ရေ့့
ဆရာတော့ ကိုယ့်ပေါင်ကိုလှန်ထောင်းခြင်းစာတွေ မကြာမကြာရေးရတယ်။ Myth ခေါ်တဲ့ အယူအဆလွဲတွေလည်း ရေးရတယ်။ ကျွန်တော်တို့ခေတ်ကို နောက်မှာသာထားရစ်ကြစေချင်တယ်။ ဆရာဝန်တို့၊ ဆရာမတို့ခေတ်က ပိုပြီး သစ်လွင်ပါတယ်။ ပိုကောင်းပါတယ်။ ပိုပြီး တော်ကြတတ်ကြပါတယ်။
လူနာတွေကမေးရင် စိတ်ကိုအပြုသဘောဆောင်ပါလို့ အားပေးရတယ်။ ရောဂါကြီးမားသူတွေကိုလည်း ကံတရားလည်း အားကိုးပါလို့ အကြံပေးတယ်။ ကံဆိုတာ စိတ်ကူးအကြံ၊ အပြောအဆိုနဲ့ လုပ်တာကိုင်တာ သုံးမျိုးလုံးမဟုတ်ပါလား။
ဒေါက်တာတင့်ဆွေ
၁၃-၉-၂ဝ၁၆
Comments
Post a Comment